🚨 რუსეთი კადრების ნაკლებობას ჩრდილოეთ კორეელი "სტუდენტებით" ანაზღაურებს

რუსეთმა 2025 წელს ჩრდილოეთ კორეის მოქალაქეებზე 36 413 ვიზა გასცა — ეს თითქმის ოთხჯერ მეტია, ვიდრე 2024 წელს, როცა ასეთი ვიზების რაოდენობა 9 239 იყო.

ოფიციალური მონაცემებით, 35 849 ვიზა „სასწავლო მიზნით“ გაიცა, თუმცა, როგორც გამოძიებები მიუთითებს, ამ სქემით რუსეთში რეალურად ჩრდილოეთკორეელი მუშახელი შეჰყავთ — ფორმალურად როგორც „სტუდენტები“, პრაქტიკაში კი როგორც იაფი სამუშაო ძალა. ეს კრემლს საშუალებას აძლევს, გვერდი აუაროს გაეროს სანქციებს, რომლებიც ჩრდილოეთ კორეელი მუშების დასაქმებას კრძალავს.

სამხრეთ კორეული დაზვერვის ცნობით, 2025 წლის მაისისთვის რუსეთში უკვე დაახლოებით 15 000 ჩრდილოეთკორეელი შრომითი მიგრანტი იმყოფებოდა. მათი მნიშვნელოვანი ნაწილი შორეულ აღმოსავლეთში მუშაობდა. დამატებით, სერგეი შოიგუს თქმით, ფხენიანი რუსეთში კიდევ დაახლოებით 6 000 ადამიანს გაგზავნის კურსკის ოლქის აღსადგენად — მათ შორის 5 000 სამხედრო მშენებელს და 1 000 გამნაღმველს.

ეს ყველაფერი იმაზე მიუთითებს, რომ რუსეთს არა მხოლოდ ტექნიკური და ეკონომიკური, არამედ ადამიანური რესურსის სერიოზული დეფიციტიც აქვს. როცა კრემლი სამუშაო ძალისა და აღდგენითი პერსონალის შესავსებად უკვე ჩრდილოეთ კორეას ეყრდნობა, ეს პირდაპირ აჩვენებს, რამდენად ძლიერად აწვება ომი რუსეთის შიდა რესურსებს - ფრონტზეც და ზურგშიც.

🚨 რუსულ „ჩრდილოვან ფლოტს“ შესაძლოა ნავთობის გადაზიდვასთან ერთად რუსული დაზვერვის ოფიცრებიც გადაჰყავდა.

ფრანგული RFI-ის ინფორმაციით, 2025 წლის დეკემბერში რუსეთის „ჩრდილოვანი ფლოტის“ ტანკერ Qendil-ზე განხორციელებული დარტყმის შედეგად შესაძლოა დაღუპულიყო GRU-ს გენერალი ანდრეი ავერიანოვი — ფიგურა, რომელსაც უცხოეთში დივერსიებსა და მკვლელობებს უკავშირებენ.

RFI წერს, რომ ტანკერზე ეკიპაჟთან ერთად იმყოფებოდა დაახლოებით ათამდე მაღალჩინოსანი რუსი მზვერავი, რომლებიც მეზღვაურებად იყვნენ გადაცმული. გამოცემის წყაროების თანახმად, დარტყმის შედეგად 2 ადამიანი დაიღუპა და 7 დაიჭრა, დაღუპულებს შორის კი ცნობებით ავერიანოვიც იმყოფებოდა.

ამავე ინფორმაციით, ოპერაციის უკან უკრაინული მხარე იდგა, რომელიც ლიბიის ტერიტორიიდან და ოფიციალურ ტრიპოლისთან კოორდინაციით მოქმედებდა. თუმცა მოსკოვს ამ თემაზე საჯარო კომენტარი არ გაუკეთებია.

RFI-ის წყაროების თქმით, ინციდენტს სავარაუდო გაგრძელებაც მოჰყვა: 23 დეკემბერს თურქეთში ჩამოვარდა ლიბიის გენშტაბის უფროსის, გენერალ მუჰამედ ალ-ჰადადის, თვითმფრინავი, ხოლო 19 მარტს ელ-შარარას ნავთობსაბადოზე ხანძრის ადგილზე რუსული საბრძოლო მასალა აღმოაჩინეს. თუმცა ამ შემთხვევებზეც ოფიციალური მტკიცებულებები ჯერ არ არსებობს.

თუ RFI-ის ეს ინფორმაცია საბოლოოდ დადასტურდა, საქმე გვექნება არა მხოლოდ სანქციების შემოვლის სქემასთან, არამედ რუსული დაზვერვის მცურავ ლოგისტიკურ ქსელთანაც.

🚨 მარტში უკრაინამ პირველად გადაასწრო რუსეთს დრონებით შეტევების რაოდენობით
ABC-ის ანალიზის მიხედვით, 2022 წლის სრულმასშტაბიანი შეჭრის შემდეგ პირველად მოხდა, რომ უკრაინამ რუსეთის ტერიტორიაზე უფრო მეტი დამრტყმელი უპილოტო გაუშვა, ვიდრე რუსეთმა — უკრაინის წინააღმდეგ.
რა აჩვენებს მარტის სტატისტიკა?
📍 რუსული თავდაცვის სამინისტროს მონაცემებით, მარტში რუსეთის საჰაერო თავდაცვამ 7,347 უკრაინული დრონი ჩამოაგდო — საშუალოდ 237 დრონი დღეში. ეს მოსკოვის მიერ დაფიქსირებული ყველაზე მაღალი თვიური მაჩვენებელია.
📍 იმავე პერიოდში უკრაინის საჰაერო ძალების ინფორმაციით, რუსეთმა უკრაინის წინააღმდეგ 6,462 დრონი გამოიყენა — საშუალოდ დღეში 208-ზე ცოტა მეტი.
📍 გარდა ამისა, რუსეთმა მარტში გამოიყენა 138 სხვადასხვა ტიპის რაკეტაც.
📍 უკრაინული მონაცემებით, საჰაერო თავდაცვამ და სხვა საშუალებებმა გაანეიტრალა ან ჩამოაგდო რუსული დრონების დაახლოებით 90% — 5,833 ერთეული, ხოლო რაკეტების თითქმის 74% — 102 ერთეული.
ეს ნიშნავს, რომ დრონების ომი უკვე აშკარად შედის ახალ ფაზაში: უკრაინა არა მხოლოდ იცავს საკუთარ ცას, არამედ სულ უფრო მასშტაბურად ახერხებს ზეწოლის გადატანას უშუალოდ რუსეთის ტერიტორიაზეც.

Ep 51: მექსიკა, კუბა, პანამა - რა ხდება ამერიკის სამეზობლოში
სტუმარი საქართველოს ყოფილი ელჩი მექსიკის შეერთებულ შტატებში და ციფრული დიპლომატიის ინსტიტუტის დამფუძნებელი - მალხაზ მიქელაძე
✅ ეპიზოდში ვსაუბრობთ რატომ გახდა მექსიკა, კუბა და პანამა დღეს გლობალური პოლიტიკის, ვაჭრობის და უსაფრთხოების მნიშვნელოვანი წერტილები? განვიხილავთ ამერიკის სამეზობლოს, დიდი ძალების კონკურენციას, პანამის არხს, კუბის კრიზის და მექსიკა-აშშ-ის რთულ ურთიერთობას.
❗️ ახალი ეპიზოდები აიტვირთება ყოველ სამშაბათს, 20:00 საათზე, ჩვენს YouTube და Spotify გვერდებზე.
🎧 გამოიწერეთ არხი და გაგვიზიარეთ თქვენი მოსაზრებები კომენტარებში!
https://youtu.be/-A25ABZMUU4

1989 წლის 9 აპრილს რუსულმა ჯარმა თბილისის ცენტრში, პარლამენტის შენობასთან, მშვიდობიანი საპროტესტო აქცია სასტიკად დაარბია, რასაც ადამიანთა მსხვერპლი მოჰყვა. დაიღუპა 21 და დაშავდა ასობით მშვიდობიანი მომიტინგე.
1991 წლის 9 აპრილს საქართველოს უზენაესმა საბჭომ სახელმწიფოებრივი დამოუკიდებლობის აღდგენა გამოაცხადა. ქართველებისთვის 9 აპრილი ერთდროულად ტრაგიკული და საამაყო დღეა.
ნათელში იყვნენ ყველა, ვინც საქართველოს დამოუკიდებლობისა და ტერიტორიული მთლიანობისთვის დაეცა. და მუდამ გვახსოვდეს თავისუფლების ფასი და ოკუპაციის მძიმე შედეგები.

🚨 რუსეთის ბიუჯეტში სამ თვეში უკვე 4.576 ტრილიონი რუბლის დეფიციტია.

რუსეთის ფინანსთა სამინისტროს წინასწარი შეფასებით, 2026 წლის იანვარ–მარტში ფედერალური ბიუჯეტის შემოსავლებმა 8.309 ტრილიონი რუბლი შეადგინა, ხოლო ხარჯებმა - 12.885 ტრილიონი. შედეგად, დეფიციტმა 4.576 ტრილიონ რუბლს მიაღწია, რაც დაახლოებით 133%-ით მეტია გასული წლის ანალოგიურ პერიოდთან შედარებით და უკვე აღემატება იმ გეგმას, რაც ხელისუფლებას თითქმის მთელი წლისთვის ჰქონდა გათვლილი.

ყველაზე მტკივნეული დარტყმა ისევ ენერგეტიკული შემოსავლების ხაზზე ჩანს. ნავთობისა და გაზის შემოსავლები პირველ კვარტალში დაახლოებით 45–50%-ით დაეცა და მხოლოდ 1.445 ტრილიონი რუბლი შეადგინა, რაც პანდემიის დროის შემდეგ ერთ-ერთ ყველაზე სუსტ მაჩვენებლად გამოიყურება. ეს კიდევ ერთხელ ხაზს უსვამს, რომ რუსეთის გაზზე და ნავთობზე ყველაზე ეფექტური სანქციები უკრაინული დრონები და მათ მიერ განადგურებული წარმოების შესაძლებლობებია.
მნიშვნელოვანი დეტალია ისიც, რომ რუსული საგადასახადო სისტემა ნავთობის ფასების ცვლილებას დაგვიანებით ასახავს. სწორედ ამიტომ, მარტში მაღალი ნავთობის ფასების ეფექტი ბიუჯეტმა სრულად ჯერ ვერ იგრძნო, და დამატებითი ფული უფრო აპრილში უნდა გამოჩნდეს. Reuters-იც წერდა, რომ აპრილში ნავთობ-გაზის შემოსავლები შეიძლება მკვეთრად გაიზარდოს და დროებით შეამსუბუქოს ფისკალური წნეხი.

მაგრამ მთავარი სურათი უცვლელია: ომის ფონზე რუსეთის ბიუჯეტი სულ უფრო მეტად არის დამოკიდებული ენერგომატარებლების ფასზე, მაშინ როცა ხარჯები უკვე ძალიან სწრაფად გარბის ზემოთ. ანუ, თუნდაც აპრილში კრემლმა ცოტა ამოისუნთქოს, პირველი კვარტლის შედეგი აჩვენებს, რომ ფინანსური მდგრადობა აშკარად დასუსტებულია და ომის გაგრძელება ბიუჯეტზე მძიმე წნეხს ინარჩუნებს. ეს კი გრძელვადიან პერსპექტივაში შემდეგ თაობებს ძალიან ძვირი დაუჯდებათ.

როგორ და რატომ Ep 52 - ინდოეთი - მომავალი გლობალური ძალა?
სტუმარი - ჯიპას ასოცირებული პროფესორი, ინდოეთის ისტორიის სპეციალისტი მაია ბარქაია.
✅ ეპიზოდში განვიხილავთ აქვს თუ არა ინდოეთს იმის რესურსი, რომ ახალი მრავალპოლარული მსოფლიოს ერთ-ერთ რეალურ პოლუსად იქცეს. ვაანალიზებთ ინდოეთის კოლონიურ წარსულს, ეკონომიკურ პოტენციალს, შიდა გამოწვევებს და მის ურთიერთობებს ჩინეთთან, პაკისტანთან, დასავლეთთან და რუსეთთან.
❗️ ახალი ეპიზოდები აიტვირთება ყოველ სამშაბათს, 20:00 საათზე, ჩვენს YouTube და Spotify გვერდებზე.
🎧 გამოიწერეთ არხი და გაგვიზიარეთ თქვენი მოსაზრებები კომენტარებში!
https://youtu.be/9nxBcmLTVdM?si=3OuJQvXGGsqGlMzw

🚨 კრემლის ეკონომიკური პროგნოზები ისევ აცდა რეალობას - და პუტინი უკვე საკუთარ ეკონომიკურ გუნდს საჯაროდ საყვედურობს.
რუსეთის პრეზიდენტმა მთავრობისა და ცენტრალური ბანკისგან ახსნა მოითხოვა, რატომ მიდის 2026 წლის ეკონომიკა იმაზე სუსტად, ვიდრე ამას არა მხოლოდ ექსპერტები, არამედ თავად ხელისუფლების პროგნოზებიც ელოდა. Reuters-ის ცნობით, წლის პირველ ორ თვეში რუსეთის ეკონომიკა წინა წლის ანალოგიურ პერიოდთან შედარებით 1.8%-ით შემცირდა, მაშინ როცა ადრე ზრდას ელოდნენ.
ბუნებრივია, ჩინოვნიკებმა პუტინს ვერ უთხრეს, რომ მთავარი მიზეზი მისი უსასრულო და წარუმატებელი ომია. ამიტომ ოფიციალური ახსნა ბანალურია - იანვარსა და თებერვალში ნაკლები სამუშაო დღე იყო. თუმცა პუტინმაც კი აღნიშნა, რომ პრობლემას მხოლოდ კალენდრით ვერ ახსნი. განსაკუთრებით მძიმე სურათია მშენებლობაში: იანვარში სექტორი წლიურად 16%-ით შემცირდა, თებერვალში კი 14%-ით.
ეს უკვე მეორე შემთხვევაა ერთ თვეში, როცა პუტინი სუსტი ეკონომიკური შედეგების გამო ღიად გამოხატავს უკმაყოფილებას. ფონიც მძიმეა: 2025 წელს რუსეთის ეკონომიკური ზრდა დაახლოებით 1%-მდე შენელდა, მაშინ როცა 2024-ში 4.9% იყო. ეკონომიკაზე ზეწოლას აგრძელებს მაღალი საპროცენტო განაკვეთი, სანქციები და ომის ხარჯები.
მოკლედ, კრემლში უკვე ხედავენ, რომ ეკონომიკის გაუარესებას ვეღარ მალავს ვერც სტატისტიკა, ვერც კალენდარი და ვერც ბანალური გამართლებები. შესაბამისად, პუტინის უძლეველობის იმიჯის გასამყარებლად საჭიროა თეატრალური დადგმები, სადაც თითქოს თვითონ პუტინი ეძებს პრობლემის მიზეზებს. არადა რეალური მიზეზი ყველასთვის ნათელია. მაგრამ, ამის პირდაპირ თქმა რუსეთში სისხლის სამართლის დანაშაულია.

🚨 დაკრძალვის ბიზნესი რუსეთში ერთ-ერთ ყველაზე მზარდ სექტორად იქცა.
„Коммерсант“-ის ინფორმაციით, 2026 წლის პირველ კვარტალში რუსეთში რიტუალური მომსახურებისა და დაკრძალვის სფეროში 524 ახალი კომპანია დარეგისტრირდა, რაც წინა წლის ანალოგიურ პერიოდთან შედარებით 37.5%-ით მეტია. „Контур.Фокус“-იც მსგავს ტენდენციას აჩვენებს - 500 ახალი კომპანია და წლიურად 20.8%-იანი ზრდა. მთლიანობაში, ამ სექტორში მოქმედი ორგანიზაციების რაოდენობა 11.3 ათასამდე გაიზარდა.
CSIS-ის 2026 წლის იანვრის შეფასებით, 2022 წლის შემდეგ რუსულმა ძალებმა დაახლოებით 1.2 მილიონი დანაკარგი განიცადეს, მათ შორის 275-325 ათასი დაღუპული; მხოლოდ 2025 წელს კი დანაკარგები დაახლოებით 415 ათასი იყო, ანუ საშუალოდ თითქმის 35 ათასი თვეში. ცენტრი წერს, რომ ასეთი მასშტაბის დანაკარგები მეორე მსოფლიო ომის შემდეგ არც ერთ დიდ ძალას არ ჰქონია.
რუსეთში იზრდება არა მხოლოდ ომის ფასი, არამედ მის გარშემო აშენებული ეკონომიკაც. როცა ეკონომიკის ერთ-ერთი ყველაზე სწრაფად მზარდი მიმართულება დაკრძალვის სფეროა, ეს უკვე მხოლოდ ბიზნეს-სტატისტიკა აღარ არის, ეს ომის სოციალური და დემოგრაფიული შედეგებია.

როგორ და რატომ Ep 53 - ორბანი დამარცხდა! რას ნიშნავს ეს მსოფლიოსთვის. სტუმარი - ინიციატივა ჯერ საქართველოს წევრი, ჯეოქეისის ანალიტიკოსი და ყოფილი დიპლომატი ნიკოლოზ ხატიაშვილი.
✅ ეპიზოდში განვიხილავთ უნგრეთის საპარლამენტო არჩევნებს და იმას, თუ რატომ აღმოჩნდა უნგრეთის არჩევნები ბევრად მეტი, ვიდრე მხოლოდ ერთი ქვეყნის შიდა პოლიტიკური ამბავი. რას ნიშნავს ორბანის მარცხი საქართველოსთვის, ევროკავშირისთვის, უკრაინისთვის და მთლიანად ევროპაში ძალთა ბალანსისთვის? და თუ ორბანი მართლაც იყო მაგალითი ბევრი არალიბერალური ლიდერისთვის, მაშინ რას ეუბნება მისი დამარცხება მსოფლიოს სხვა პოპულისტ ლიდერებს?
❗️ ახალი ეპიზოდები აიტვირთება ყოველ სამშაბათს, 20:00 საათზე, ჩვენს YouTube და Spotify გვერდებზე.
🎧 გამოიწერეთ არხი და გაგვიზიარეთ თქვენი მოსაზრებები კომენტარებში!
https://youtu.be/kCMW3ZtvsTI?si=7U3Av39XGR8-Kv58

როგორ და რატომ Ep 54 - უკრაინიდან ირანამდე: საქართველო დრონების ეპოქაში. სტუმარი ინიციატივა ჯერ საქართველოს წევრი, შეიარაღებული ძალების გენერალური შტაბის ყოფილი უფროსი, გენერალ-მაიორი ვახტანგ კაპანაძე.
✅ ეპიზოდში განვიხილავთ თუ როგორ შეცვალა დრონებმა თანამედროვე ომის ლოგიკა და რას ნიშნავს ეს საქართველოს მსგავსი პატარა სახელმწიფოსთვის. უკრაინისა და ირანის გამოცდილებაზე დაყრდნობით ვაანალიზებთ, არის თუ არა დრონი შანსი შედარებით სუსტი მოთამაშისთვის და როგორ უნდა იფიქროს საქართველომ საკუთარ უსაფრთხოებაზე დრონების ეპოქაში.
❗️ ახალი ეპიზოდები აიტვირთება ყოველ სამშაბათს, 20:00 საათზე, ჩვენს YouTube და Spotify გვერდებზე.
🎧 გამოიწერეთ არხი და გაგვიზიარეთ თქვენი მოსაზრებები კომენტარებში!
https://youtu.be/bcPAcUxYe5k

Ep 55 - სუსტდება თუ არა ამერიკის გავლენები მსოფლიოში? სტუმარი თბილისის სახელმწიფო უნივერსიტეტის ახალი და უახლესი ისტორიის კათედრის ხელმძღვანელი, პროფესორი თეიმურაზ პაპასქირი.
✅ ეპიზოდში განვიხილავთ, რაზე დგას აშშ-ის გლობალური გავლენა და სუსტდება თუ არა იგი.
ასევე, ვისაუბრებთ ირანის ომზე, ევროპელი მოკავშირეების სკეპტიციზმზე, უკრაინის მხარდაჭერის გარშემო გაჩენილ კითხვებზე და ამერიკული დემოკრატიის შიდა დაძაბულობაზე.
❗️ ახალი ეპიზოდები აიტვირთება ყოველ სამშაბათს, 20:00 საათზე, ჩვენს YouTube და Spotify გვერდებზე.
🎧 გამოიწერეთ არხი და გაგვიზიარეთ თქვენი მოსაზრებები კომენტარებში!
https://youtu.be/lT8ht_e6Blk

Ep 56 - პოპულისტები ევროპის წინააღმდეგ.
სტუმარი უსაფრთხოების, პოლიტიკის და ნაციონალიზმის კვლევითი ცენტრის მკვლევარი - ხატია დავლიანიძე.
✅ ეპიზოდში განვიხილავთ ევროპაში გაძლიერებულ პოპულისტ და სუვერენისტ ლიდერებს - ორბანს, ფიცოს, რადევს, ბაბიშსა და ვუჩიჩს.
ვისაუბრებთ, არიან თუ არა ისინი უბრალოდ „პრორუსები“, როგორ იყენებენ სუვერენიტეტის, მშვიდობისა და ეროვნული ინტერესის ენას, და რა გზებით შეუძლიათ ევროკავშირის გადაწყვეტილებების შეფერხება, უკრაინის მხარდაჭერის დასუსტება და ევროპის შიგნიდან დაყოფა.
https://youtu.be/Q5A28knKLFw

Ep 57 - ცხინვალის ანექსია და პუტინის დაღლილი იმპერია
სტუმარი უსაფრთხოების, პოლიტიკის და ნაციონალიზმის კვლევითი ცენტრის უფროსი მკვლევარი - გიორგი ბილანიშვილი
✅ ეპიზოდში განვიხილავთ 9 მაისს რუსეთში განვითარებულ მოვლენებს. ვაფასებთ მოსკოვსა და ცხინვალის დე ფაქტო ხელისუფლებას შორის გაფორმებულ ახალ შეთანხმებას და მის მნიშვნელობას საქართველოსთვის. ასევე ვაანალიზებთ 9 მაისს რუსეთში გამართულ აღლუმს, მის დამსწრეებს და იმას თუ როგორ გამოიყურება რუსეთი 3 დღიანი ომის მეხუთე წელს.
https://youtu.be/CZdfVK8YT6w

Ep 58 - გერმანია: დემილიტარიზაციიდან ხელახალ შეიარაღებამდე
სტუმარი - საქართველოს ყოფილი საგანგებო და სრულუფლებიანი დესპანი გერმანიაში და საქართველოს საგარეო საქმეთა მინისტრის ყოფილი მოადგილე, გიგი გიგიაძე.

✅ ეპიზოდში განვიხილავთ გერმანიის დემილიტარიზაციას და სამხედრო თავშეკავების კულტურას მეორე მსოფლიო ომის შემდეგ. ვსაუბრობთ გერმანიის გაერთიანებაზე, რუსეთთან ურთიერთობაზე და იმ პოლიტიკურ ილუზიებზე, რომლებმაც ბერლინი მოსკოვზე ენერგეტიკულად და სტრატეგიულად დამოკიდებული გახადა. ასევე ვაანალიზებთ, როგორ შეცვალა რუსეთის სრულმასშტაბიანმა შეჭრამ უკრაინაში გერმანიის პოლიტიკური აზროვნება და რატომ დადგა დღეს ხელახალი შეიარაღების საკითხი ევროპის ყველაზე ძლიერი ეკონომიკისთვის.
https://youtu.be/CUl0Ux164cM