‏"كان ليكفيني أن لا أهون، ألّا يصبح كسر خاطري أمرًا قابلاً للتجاوز"

كُنت اهيـم في نجمة
لا تستحـق سمائي..

وإنتَ غصـة بصدري ظلت
لا گدرت أبچيها واخلص
ولا گدرت وياها اعيـش..

شنو يموتني واحد ردت أعيش وياه؟!
شنو يبهذلني واحد رتبت يومه!

تخيـل..
توگف على طرف الهدب
وماتلمـحك عينـي!

عز عليّ انني كُـنت
دائماً أعكـف الطريق إليك
عنوةً ولم انتبه بأنك
الطرف الذي يغيّر اتجـاهه ..

انه شسويتلك وتريد مِني أنذل؟
ولك حتى الله ما يقبل

وبعد هاي الدموع المُطر خلـ يطيح
المن خآيف انه مبلل مبلل

انه شمعة ورضيت احترك لحد ماموت
هي النار بيه منين أريد اختل؟

ولا تحلف مبين بل برود البيك
أنت اليبجي عالمكتول من تكتل

لا تحلف وتعتذر حلفانك يشلك
وينك ووين الصدك تندله يندلك!

أول غلطة جانت آمنت بيك
حبيتك محبة ناس غشمة

حسبالي الگلوب بلون الوجوه
كلت يرجعلي ضعف الراح اقدمه

جنت ماجابرك بس أنت آصريت
تاخذ مني كلمة وتنطي كلمة

وبدت قصتنا من جان الوكت ليل
وما حسينه بيها الدنيا ظلمة

سولفنه وبدت تحلى المواضيع
واحد يم الآخر يحجي حِلمه

وبديت أتمنى واعرف معنى الالوان
شويه شويه بيدك گلبي أسلمه

من گد ما شاركنه التفاصيل
فكرت حتى النفس وياك اقسمه

وبديت أضعف وحيل تعلقت بيك
بس الشفته يمك جان صدمه

مارايدني جنك رايد تروح
وأكول الروحي يمكن جاي أظلمه

جنت اتمنى ابطل وما أحس بيك
والمفتهمه منك ما أفهمه

عفتني ونوع الأحساس العشت بي
يمه يبين الخذلان نعمة

أول مره أحس بروحي مكسور
ودخان الحرگ البصدري أشمه

حسيت بوجع بالعين ينشاف
وجع ما اعرف ارسم حتى أرسمه

ومن عدها وترست الليل دخان
وعيونك ولا خليت نسمة.

لو ندري الدمع بي يرجع الي راح
امدلك نهر منانه لمچانك

يالماسمعت الحچي..
چا ماسمعـت البچي!!
شتـريد؟ اموت!! اي متت تدلل وتامر
خيل الحزن عالجفـن خلت اثر حآفر
وياك احس بالنصـر حتى من ارد خآسـر..

المثلك ما يجي بـ بالي وتمنيتك
وتسوى عيونك دموعي وترجيتك
گتلك لا تبچيني الدمع يمحيك ،
بس ما چني وصيتك !!
رخيص ومن بچيت عليك غليتك !!
مو بس ع المواعيد الصدك ندمان
حتى على الأحلام البيها تانيتك !!

والناس الردتهم؟
نسوا من سنين أسمك والمحطة
وخلوا دموعك نهر!
لابد يردون باجر
سوي نفسك ما شفتهم
بالك يحسون انت اذكرتهم
أثگل شويه يگلبي
مره خليهم محطة وانت سافر
انت والدخان وصبرك والمطر
.
.
.
ادري بيك تريد تبجي
أبجي وحدك انه ساكت

‏لا أحاولُ التخطي، أُعطي الأشياءَ حقها كاملاً، أمُر عَليها مِراراً وتكراراً، حتى تُصبح بِلا معنى ..

امنيتي على گد ما ارمش انسآك..
اقل شي على بُعدك گلبي اعلمـه.

منك للاسف
من بعد هذا الصـار
اسـمع كلمات منـك مامتوقع اسمعها..
آني الـ مالي داعي! شلون صارت هاي!!
دحجيها ويه روحك شوف تقنعها؟؟
آني الـ ما اهمك!! هيج صرت اليوم!!
وآني بكل امورك چنت مَرجعـها..

لا أُريد ان انـدفع مرة اخرى..
آخر مرة اندفعت ناحية احـدهم
مشيت في الشآرع لا أعرف كيف اتنفس من شُعـوري بالنـدم..