አፍሬ ነው

አፍሬ ነው ሆዴ
አንቱ የኔ መውደድ፣
ስራዬ ከስራሁ
እርቆ ቢንጋደድ፤

አስቀረኝ መሰለኝ
የራሴው ስንክሳር፣
ላፍታ መጣ ብዬ
ወዳአንቱ እንዳልሀድር።

አፍሬ ነው
አፍሬ ነው ቀና ማልል፣
አቀርቅሬ የቀረሁት ብጎዳድል፣
ብሞላማ የአንቱን ሱና ብራመደው፣
ባልተከዘ ሰውነቴም ባላፈረው።

አንተ ሀጁ ተሳፋሪው ተመዲና፣
የሰራሁት ያረከሰኝ
ያመፅኩበት ያሳነሰኝ
ያደፍኩበት ዝቅ ያረገኝ
እስኪሸሸኝ፤
ይህ አንገቴ እስኪቃና እስኪያነሳኝ፣
ለወዳጄ ሰላምታዬን አድርስልኝ።

اَللّٰهُــمَّ صَــلِّ عَلَـــى سَيِّــدِنَا مُحَــمَّــدْ

ተፃፈ-በፈትሁዲን ዑመር
1447 ዐ.ሂ
.
#ኢንፋቅ_ሚዲያ
#ኢንፋቅ

ወዳጄዋ ምኞቴ ነው የጧት ማታ፣
መጎራበት ከአንቱ ቅጥር በዚያ ቦታ፣
የሞትኩ እለት ሲዘጋጋ ሙላው ሁላ፣
ወዳጅ ሁኑኝ አማላጄ ለእኔው መላ።

ገጣሚ▻ ፈትሁዲን_ዑመር

#የኸሚስ_ብዕሮች
#ኢንፋቅ_ሚዲያ
#ኢንፋቅ

......የሄዱ እለት

መዲናይቱ በቀን ፀሀይ ስትጨልም፣
ሀዘን ወርሷት ዞላም ከቧት ስትል እልም፣
ሶሀበቶች ክው ሲሉ ውስጥ ነዶ፣
ሰይፍ ሳቡ ያ ኡመር ማመን ገዶ።

የሄዱ እለት የመዲናው የኑር አምባ፣
ሞላት ሀዘን ሂጃዚቱን እያደባ፣
ቀምቶ አዛን ቅላፄውን ውቡን ቃና፣
አባረረው ያንን ቢላል ከመዲና።

በአንቱ መምጣት
የተዋበው ያ ጎዳና፣
የሄዱ እለት
ሀዘን ቃኘው እንደገና፣

የአንቱ መምጣት
ከፍ ያረጋት መዲናይቱ፣
የሄዱ እለት
ከብዷት ታዬ መፅናናቱ።

ወዳጄዋ ምኞቴ ነው የጧት ማታ፣
መጎራበት ከአንቱ ቅጥር በዚያ ቦታ፣
የሞትኩ እለት ሲዘጋጋ ሙላው ሁላ፣
ወዳጅ ሁኑኝ አማላጄ ለእኔው መላ።

اَللّٰهُــمَّ صَــلِّ عَلَـــى سَيِّــدِنَا مُحَــمَّــدْ

ገጣሚ ▻ ፈትሁዲን_ዑመር
1448 ዐ.ሂ

--------ውበትሁ

ከጨረቃ ጋራ
ያውም ደምቃ ሞልታ
ብቻዋንም ሆና
ከኮኮብም ሀታ
በሚያምር መካበብ
ብትታይም ጎልታ
ግን ማነሷ ታይቶል
ከጅሁ ላይ ተረታ።

ታዲያ ምን ተገኘ ሁሉ አንሶ ማነሱ፣
ዝም ይሻላል እንጂ ከልኬት ሳይደርሱ፣
እንደ አሚናቱ ልጅ ከቶ ማን ያምርና፣
ስንቱን ብዕረኛ ዘመን ደጅ አስጠና።

አምሳያሁ ታጣ
ወዳጄ የአንቱ፣
ውበት በሞላ
ተሰቶ ለአንቱ፣
ቀለም ቢቀዘፍ
ባህሩን መስሎ፣
መሬት ቢነጠፍ
ሉህን አክሎ፣
እንጃ መግለፁን ውበትሁን ኩሎ።

እንዴት ነሁ ያለሁት መዲና ቀበሌ፣
ናፍቆት አወጋለሁ ብቻ ተነጥሌ፣
ብዕር መጨበጤን አልተውም ለአፍታ፣
ሰርክ እኳትናለሁ እስከለህዴ ቦታ።

اللهم صل وسلم على سيدنا محمد

ገጣሚ- ፈትሁዲን_ዑመር
1448ዐ.ሂ
.
#ኢንፋቅ_ሚዲያ
#ኢንፋቅ