عُدنا.. 🤍

❇️ البوست الامتحاني الخاص بمادة الداخلية العصبية ❇️

💠 تذكير بالبوست التعريفي
⏱ المدة المتوقعة لدراسة المادة: 9 أيام كافية ووافية

💠 القسم الأول (استقصاءات - الصرع - اضطرابات الحس والحركة - أمراض الأعصاب المحيطية):

🔹 هاد القسم كان للدكتور طالب أشقر في السنوات الماضية واستلمه الدكتور طاهر عن جديد لذلك أسئلته بتجي جديدة 👌
🔹 قسم ليس بالسهل وبالتالي يحتاج ما لا يقل عن ثلاثة أيام للدراسة
🔹 أحياناً رح تلاقوا بالدورات أسئلة غير موجودة بالمقرر هي كانت من حكي الدكتور خلال محاضراته ف مهم تحفظوها لانو غالباً نفسها عم تتكرر

💠 القسم الثاني: باقي محاضرات ألفابيت:

🔹 ولأنو هاد القسم كان قسم الدكتور طاهر من زمان ف جرت العادة أنو يكون فقرات دورات أو دورات 👌
🔹 طبعاً على أيام الدفعة 53 كانت الأسئلة أصعب من كل الدورات ولأول مرة صار الدكتور يسأل عن المورثات وشغلات دقيقة (غالباً الدكتور كان غضبان على الدفعة) بس هلق بوقتكن ما منعرف اش ممكن يصير لذا يفضل دراسة القسم كاملاً ومواضيعه أسهل القسم الأول 🔥

🍀 نصائحنا لمادة الداخلية العصبية:

💠 أول شي أمنوا على القسم الأول
💠 ومن ثم درسوا القسم الثاني وراعوا موضوع في نوط أهم من غيرها 👇
(الصداع - الانتانات - اضطرابات الذاكرة - أمراض العضلات - أمراض النخاعين - السكتة)
💠 أما العته والزهايمر والنشبة عدد الأسئلة قليل فيهن
💠 عاملين تسجيلات مراجعة للقسم الأول وعملنا تسجيلات لأهم المحاضرات من القسم الثاني..
💠 الدورات مهمة جداً بتكرر أسئلة و أفكار منها
💠 شو هنن الأقسام الأقل أهمية حسب الدورات؟
(الحالة الهذيانية - البريون - الأمراض التنكسية - السبات - الشيخوخة)
*تنويه: أقل أهمية مو يعني ما تدرسوهم 😅
مثلا الأمراض التنكسية آخر دورة ما أجا كتير بس الدورات القبل جاي عدد منيح أسئلة فممكن هدول تعيفوهم للأخير وتضمنوا الأهم أول
💠 فقرات دورات الألفابيت كافيين؟ 🧠
مهمين جداً وتقريباً بأقسام معينة ما بيطلع الدكتور عنن، لكن مافي شي مضمون، مننصح تركزوا عليهم أكتر من غيرن وإذا قسم مالحقتوا بتدرسوا فقرات
💡فقرات الألفا بتفيد بكل الدورات بينما القسم الأول بتفيدكن دورات ال 50 وبعد

💠 مصادر مساعدة للدراسة:

🔹 فيديوهات ماهر الحسين
🔹 تسجيلات المراجعة للقسم الأول
🔹 تسجيلات المراجعة للقسم الثاني
🔹 أسئلة الدفعة 53
🔹 أسئلة الدفعة 54


أي سؤال أو استفسار راسلونا على البوت الخاص بالقناة
@importantfiles_53_bot



بالتوفيق ولا تنسونا من صالح دعواتكم 🤍

🧠 تسجيلات المراجعة للقسم الأول 🧠

#داخلية_عصبية
🔹مراجعة هامة لأهم أفكار استقصاءات الجهاز العصبي + الصرع.


بآخر دقيقة من هاد التسجيل:
الكاربامازبين لايعطى للحامل

#داخلية_عصبية
💠 مراجعة هامة لأهم أفكار:
🔹 اضطرابات الحركة
🔹 اضطرابات المخيخ

#داخلية_عصبية
💠 مراجعة هامة لأهم أفكار:
🔹اضطرابات اللغة والكلام.
🔹اضطرابات بصرية.
🔹آفات جذع الدماغ.

#داخلية_عصبية
💠 مراجعة هامة لأهم أفكار:
🔹أذيات الأعصاب القحفية.
🔹أذيات الأعصاب المحيطية والضفائر.
🔹آفات UMN و LMN وتجميعات.

🧠 تسجيلات المراجعة للقسم الثاني 🧠

#داخلية_عصبية
💠 مراجعة هامة لأهم أفكار إنتانات الجهاز العصبي.
🔹 تم الشرح من نوطة الألفا والتركيز على فقرات الدورات.

تصحيح 23:36
العامل الناقل لداء لايم هو القراد
أما الجوثومة المسببة هي البوريليا

#داخلية_عصبية
💠 مراجعة هامة لأهم أفكار أدواء البريون.

#داخلية_عصبية
💠 مراجعة هامة لأهم أفكار أمراض العضلات.
🔹 تم التركيز على فقرات الدورات.

#داخلية_عصبية
💠 مراجعة هامة لأهم أفكار أمراض النخاعين.
🔹 مصدر الشرح من الألفابيت.
🔹 تم التركيز على فقرات الدورات.

💡بتسجيل التصلب المتعدد بفقرة الإنذار 9:17 قلت بالغلط أنو الإصابة عند الإناث عامل إنذار سيئ أكتر من الذكر وهو لازم بالعكس
يعني الإصابة عند الإناث #أشيع لكن #أسلم

البوست صار بالرسالة المثبتة 🤍

ان شاء الله يجيك سؤال العنقودي بكرا..... كتير من معلوماتي بسلسلة العصبية كانت بفضل الرائع سراة غباري.... رابط الفيديوات بالتعليقات.. موفقين ❤️
#داخلية #عصبية

https://youtu.be/YpYj7F5C9wI?si=DD3A9-g3CB8XMpZs

الفيديو الكامل ❤️

❇️ البوست الامتحاني الخاص بمادة الجراحة العصبية والبولية ❇️

💠 تذكير بالبوست التعريفي

⏱ المدة المتوقعة لدراسة المادة: 9 أيام لدراسة المادة كاملة 🥲

💠 شوية ملاحظات:

🔹 لا تنسَ أن عدد أسئلة الجراحة البولية يساوي تماماً عدد أسئلة الجراحة العصبية ومنه المدة الزمنية للدراسة يجب أن تكون متساوية

🔹 أيضاً توزيع الأسئلة بين الدكاترة متساوي حيث لكل دكتور 20 سؤال ب 20 علامة

🔹هالسنة استلم الدكتور جهاد الأحمد بعض العناوين بالجراحة البولية وأضاف بعض العناوين الجديدة

💠 جراحة بولية قسم د. عزيز صباغ:

الدكتور عزيز بحب الأسئلة الوسطية المعتمدة على مزيح من الحفظ والفهم
🍀 ترتيب المحاضرات حسب الأهمية:
🔹 الجزر المثاني الحالبي (تحتاج لتعمق)
🔹 فرط تنسج البروستات الحميد وسرطان البروستات
🔹 رضوض الجهاز البولي التناسلي
🔹 أورام الظهارة البولية
🔹 التشريح
🔹 تقييم الشكاية (رغم بساطة آخر محاضرتين لكن يفضل البدء بهما للتأسيس)
القسم بشكل عام مهم جداً كونه تقلص عن السنة الماضية فصار القسم مضغوط مقارنة بعدد الأسئلة اللي رح تجي منه

💠 جراحة بولية قسم د. جهاد الأحمد:

الدكتور جديد علينا تماماً لذلك رح نحاول نعتني شوي بقسمه:
🍀 منقدر نقول أنه أهم المحاضرات بشكل عام هي:
🔹 القثطرة البولية
🔹 تشوهات الجهاز البولي
🔹 داء الحصيات البولية
🔹 أورام الكلية
🔹 التهاب المجاري البولية
🔹 العقم
من طريقة الدكتور بالستاح منقدر نقول أنه بحب الفهم والمصطلحات لذلك الربط بقسمه ضروري
وممكن الاطلاع على أسئلة جامعة حلب اللي كان يعطي فيها الدكتور

🧠 جراحة عصبية قسم د. توفيق:

🔹 ويعتبر هاد القسم الأسهل من ناحية صعوبة المحتوى لكن ما يهمنا هو أن الدكتور بجيب من كلشي حرفياً (يعني حتى جداول التصنيفات بجيب منها فلازم تحفظوها بتذكر أجى سؤالين أو تلاتة منهن لل 53)
🔹 نمط اسئلة الدكتور ليست تعجيزية وليست السهل الممتنع إنما عادية الصعوبة
🍀 ترتيب المحاضرات حسب الأهمية (تحتاج دراسة كاملة):
🔹 الفحص العصبي
🔹 الرضوض الشوكية
🔹 النزوف الدماغية
🔹 الأمراض التنكسية للعمود الرقبي
🔹 ألم أسفل الظهر
أما
🔹 أذيات الأعصاب المحيطية
🔹 الأورام السحائية
🔹 أورام القناة الشوكية
🔹 التشريح (يفضل البدء بها لوضع أساس)
بتقدروا إما تقرأهن دور واحد وتدرسوا الدورات بتمعن أو دورات لحال بكفي

🧠 جراحة عصبية قسم د. القاضي:

🔹 يعتبر أسهل من البولية وأصعب من قسم الدكتور توفيق من حيث الأسئلة
🔹 عادة نمط الدكتور أختر الاجابة المناسبة
🍀 المواضيع المهمة:
🔹 رضوض الرأس مهمة جداً
🔹 أورام الدماغ
🔹 الآفات الشاغلة للحيز
هدول ال 3 الهن أكتر من نص أسئلة الدكتور بالفحص أما محاضرات (سوء الرفو الشوكي والتحام الدروز الباكر واستسقاء الدماغ) فهنن سهلات وأسئلتهن ما بتتغير لأنه أفكار هالمحاضرات محدودة
🔹 الأهم هنا هي الرضوض والافات الشاغلة للحيز أما الباقي دوراااات
🔹 نوطة أورام الدماغ صعبة علمياً لكن عادة ما تجي دورات ف إذا عندكم وقت ادرسوها (في تسجيل الها بغنيكم عن دراستها)

💠 يعني باختصار:

🔹 بلشوا جراحة بولية يومين لكل دكتور
🔹 بعدا الجراحة العصبية يومين لكل دكتور
🔹 الأولوية للأقسام المهمة اللي ذكرناها
🔹 آخر يوم ضروري للمراجعة والدورااات

💠 مصادر مساعدة للدراسة

🔹 تسجيلات للجراحة البولية قسم د. عزيز
🔹 تسجيل أورام الدماغ للجراحة العصبية
🔹 تتمة تسجيلات الجراحة العصبية قسم د. محمد قاضي
🔹 تسجيلات الجراحة العصبية قسم د. توفيق غزال أسود
أي سؤال أو استفسار راسلونا على البوت الخاص بالقناة
@importantfiles_53_bot


بالتوفيق ولا تنسونا من صالح دعواتكم 🤍

🍀 تسجيلات قسم د. عزيز صباغ 🍀

#جراحة_بولية
💠 شرح بسيط لأفكار محاضرة تقيم مريض الشكاية البولية
🔹 تعتبر من أسهل النوط.