🍀 فيديوهات Osmosis ❤️
قصيرة بس فخمة جداً، بتساعد على دراسة القسم الخاص من الأورام

🔹 سرطان المريء 🔹

🔹 سرطان الثدي 🔹

🔹 سرطان الرئة 🔹

🔹 سرطان الجلد 🔹

🔹 السرطانة الكولونية المستقيمة 🔹

🔹 سرطان عنق الرحم 🔹

🔹 سرطانة الدرق 🔹

🔹 سرطان المعدة 🔹

🔹 سرطان البنكرياس 🔹

🔹 سرطانات الفم 🔹

🔹 سرطان الكلية 🔹

🔹 سرطان البروستات 🔹

🔹 سرطان العظم 🔹

🔹 سرطانة الأرومة العصبية 🔹

🔹 سرطانة البروستات السليمة 🔹

#أورام_نظري

❇️ تسجيلات القسم العام ❇️

❇️ تسجيلات القسم الخاص ❇️

البوست صار بالرسالة المثبتة 🤍

وتركنا لكم هذا الاقتباس لترجعوا للمصادر بسرعة 🤍

💡 بوست متأخر بس حبيت أنشروا هلق لأهميته 💡

ألم الدراسة لحظة وينتهي 📚 أما ألم تركها يستمر طول العمر 👌

كلنا قدمنا أورام من الدفعة 53 وما قبل وكلنا عانينا نفس اللي عم تعانوه هلق تماماً ومنعرف شو وضع آخر مادة بالفصل بس رجاء لا حدا يترك المادة بحجة أنو "مل" من الدراسة أو "ما عاد يلحق"
🔹 دورات الفصل الجاي؟ اذا بشوف أنور شموط انو نص الدفعة منسحبة او مالا جاي يمكن يحبكن كتير ويخليكن تدرسوا المادة عالسوا، وانتو فهمتو قصدي منيح 👍
🔹 علمياً؟ المادة ما كتير رح تستفيدوا منها بالوطني وكلشي أورام بتشوفوهن بأماكنهن بكل اختصاص ف اخلصوا منها ولا تعطوها وقت أكتر

عم ننسأل عالبوت/عالخاص/عكروب الدفعة أنو أحمل المادة ولا أأقدمها وأخلص؟
في فكرة مهمة وهي ان نص الدفعة اذا مو اكتر حملت مادة واحدة من هذا الفصل - على الأقل - هاد غير اذا معه مواد من السنوات اللي قبل ولما رح يجي يقدم بالفصل الجاي رح تصدف مواد الحملة بوقت غير مناسب أو بوقت مادة صعبة وهيك رح تجيب المادة الأساسية بالعلامة الأدنى والمادة اللي أنت حاملها بالحد الأدنى وهيك بتكون روحت على حالك أكتر من فرصة لتجيب علامة عالية (رح يتأثر معدلك)
صحيح الفصل الجاي أسهل من الفصل الأول لكن هو فقط "أسهل من الفصل الأول" وليس فصل سهل وخاصة بعد التعديلات اللي صارت مع الدفعة 53 المحترمة 😅

على كلٍ أنا رح أعطيك خطة إسعافية اشتغل عليها لبكرة (بتلحق معك هالخطة) وروح قدم المادة وإذا ما بتجيب فوق ال٨٠ يبقى لك الخيار انو تنسحب

💡 تسجيلات المادة انوجدت لهيك ظرف ولهيك حالة فبتروح بتسمع التسجيل وأنت عم تدرس وبايدك قلم عم تحدد ما تسمعه على النوطة وبس يخلص التسجيل رح تلاقي حالك لخصت أغلب المادة وحتى بتكون حفظتن كمان
بتروح عالدورات بتحفظن وبتبصمن مع خياراتن ومع شرح الi وبس فقط لا غير 💡

طبعا هاد الكلام هو نصيحة من أخوة أكبر منكم 🤍

الحمد لله الذي هدانا لهذا وما كنا لنهتدي لولا أن هدانا الله 🤍

الأمل المتجدد رأس كل نجاح 🔥
وهي قصة من مئات القصص اللي لمسنا أثرها في دفعتنا 53 والدفعة 54 ولله الحمد

رغم زنقتي بدراستي وشغلي ما كان يهنالي بال إلا لأنزل #البوست_الامتحاني_الخاص_بمادة.. 😅 والحمد لله إنما هو مقام نتشرف فيه بخدمة أطباء سيحملون الراية لمن بعدنا 🤍

منتمنالكم كامل التوفيق بامتحاناتكم ولا تنسوا أنو لسا مشوارنا ما انتهى انما هو مستمر حتى تنتهوا من الامتحان الوطني بإذن الله تعالى 🤍

هلق انجوي بهالعطلة الظريفة القصيرة 🥲 وانتظرونا بعد كم يوم بموضوع مهم رح نطلعكن عليه قريبا إن شاء الله 🔥🔥

تم التحويل للضرورة 🤍

جاهزين لبوست القلبية مساءً؟ 🫀
بعتولنا عالبوت شوفي تساؤلات والأسئلة الأشيع رح ننشر ملاحظات حولها
@importantfiles_53_bot

❇️ البوست الامتحاني الخاص بمادة الداخلية القلبية 🫀 ❇️

💠 تذكير بالبوست التعريفي للمادة
⏱ الوقت المتوقع لدراسة المادة: 8 أيام

💠 ماذا عن المادة؟

🔹 المادة ضخمة لكن معلوماتها محدودة ويجب دراسة المواضيع بالترتيب يلي رح نبعتلكم ياه لأن فهمك للموضوع الفلاني يستدعي دراسة الموضوع الآخر
🔹 الأدوية القلبية هي هي لكل الأمراض بس المهم أنك تعرف كل دوا أش مبدأ عمله ببين معك كل مرض شلون بتعالج
🔹 نفس المبدأ للتشخيص
🔹 ورقة التخطيط بالامتحان بتلزمك بحالة وحدة وهي تشخيص أحد الأمراض التي لها تغيرات على الECG وهي محدودة
🔹 حاول تقرأ المقدمة الفيزيولوجية للمادة ما لا يقل عن مرتين لانو فهمك للمقدمة هو مفتاح سهولة الدراسة وفهم المادة
🔹 وأخيرا!! الدورات: الدكتور طبعا بجيب أسئلة تجميعية (كل الأمراض يلي بتعمل كذا) أو أسئلة عن مرض معين (افكار حوله)
أو أسئلة شي مميز (الوسيلة التشخيصية الذهبية او العلاج الأمثل)
أو مسائل سريرية ونكرر أهمية ترجيح المنطق على البصم

💠 وهلق شو هنن المواضيع المترابطة يلي لازم ندرسها؟

🔸 رح حط كل مواضيع مترابطة بتعداد لحال:
🔹 (الحمى الرثوية) ثم (الصمامات) ثم (التهاب الشغاف)
🔹 (التهاب العضلة القلبية/اعتلالات العضلة القلبية)
🔹 (التخطيط) ثم (اضطرابات النظم)
🔹 (الداء القلبي الاقفاري) ثم (التهاب التامور)
🔹 قصور القلب
🔹 (آفات القلب الولادية المزرقة وغير المزرقة)
🔹 ارتفاع التوتر الشرياني
🔹 الصمة الرئوي وDVT

💠 شو هي المصادر المساعدة للمادة؟

🔸 لااااااا تكتروا مصادر واكتفوا باللي رح ننشره الكم..:
🔹 فيديوهات ماهر الحسين
🔹 تسجيلات المراجعة للمادة
🔹 والمفاجأة يلي مخبينها الكم 🤩:
رح ننزل بوستات توضيحية وفويسات وصور بتلزمكن لتأسسوا حالكم بالفيزيولوجيا منيح (يعني بوستات كعكة 🍩 بخمسة 💵) بحسب المستطاع بإذن الله


أي سؤال أو استفسار راسلونا على البوت 🤍
بالتوفيق ولا تنسونا من صالح دعواتكم 🤍

❇️ تسجيلات المراجعة للمادة ❇️