زي ما ذكرنا للأسف 👌
عموما لسا ما انتهت المعركة وهلق جهزلونا حالكن على بوست الأورام وأتمنى أنو يقرأ بعناية..
لانو بكل كلمة عم نبعتها هي خبرة ما لا يقل عن 3 سنوات ولله الحمد 🤍

❇️ البوست الامتحاني الخاص بمادة الأورام ❇️

💠 تذكير بالبوست التعريفي للمادة
⏱ الوقت المتوقع لدراسة المادة: 5 أيام

💠 أولاً: القسم العام:

🔹 وهو محور القصيد
🔹 يتحدث هذا القسم عن أصول نشأة الأورام وتوزعها والوسائل الاستقصائية لتشخيصها وأخيرا المعالجة (الجراحية والشعاعية والكيميائية والهدفية) بشكل عام وموجز
🔹 صعوبة هذا القسم بكثرة أدويته إضافة إلى الأفكار الأقرب إلى الفيزياء
🔹 هذا القسم غير مهم في الامتحان الوطني
🔹 عادة هالقسم فقرات دورات
🔹 لذاااااا ف طريقة دراسة هذا القسم هي: 1⃣ القراءة السريييعة للقسم (مشان تتعرف عالقسم)
2⃣ سماع تسجيلات المراجعة (شاملة لكامل القسم وتغطي كل فقرات الدورات بإذن الله)
🔹 يعني لاااا تضيع وقتك فيه أكتر من يوم واحد بس

💠 ثانياً: القسم الخاص:

🔹 وهو القسم المهم علميا وامتحانيا
🔹 بتتذكروا ستاج الاورام؟ اي هاد هو نفسو لا راح ولا اجا 😂 نفس المعلومات وكتير سهل ان شاء الله لكن صعوبته تأتي من ضرورة حفظ تصنيفات الاورام TNM والشيوع وما إلى ذلك
🔹 الأهمية الكبرى لقسمي أورام الثدي والرئة لأنو أحياااناً بيجي عليهن مسائل سريرية لذلك بدن دراسة بشكل كامل
🔹 باقي الأقسام الوضع غير محسوم فأحياناً بتجي فقرات أو دورات أو جديد لذا يفضل دراستها

⚠️ ملاحظة مهمة للعام والخاص:
الدورات بتفيد كلها لكن تغير نمط وضع الاسئلة على وقت الدفعة 53 فلهيك كلشي سابق بفيد علميا وهو نفس المقرر لكن نمط الاسئلة مختلف

💠 مصادر مساعدة للدراسة:

🔹 فيديوهات ماهر الحسين (المعالجة الهدفية / سرطان الثدي)
🔹 فيديوهات Osmosis
🔹 تسجيلات المراجعة للقسم العام
🔹 تسجيلات المراجعة للقسم الخاص

💠 وكنصيحة قدمناها للدفعة 54 مشان دراسة هالمادة رح اترككم مع رابط الرسالة تطلعوا عليها وهي بمثابة تحفيز إلكم إن شاء الله 🤍
💠 شوفوا الرسالة يلي بعدا اش النتيجة كانت 😉

بالتوفيق ولا تنسونا من صالح دعواتكم 🤍

🍀 فيديوهات Osmosis ❤️
قصيرة بس فخمة جداً، بتساعد على دراسة القسم الخاص من الأورام

🔹 سرطان المريء 🔹

🔹 سرطان الثدي 🔹

🔹 سرطان الرئة 🔹

🔹 سرطان الجلد 🔹

🔹 السرطانة الكولونية المستقيمة 🔹

🔹 سرطان عنق الرحم 🔹

🔹 سرطانة الدرق 🔹

🔹 سرطان المعدة 🔹

🔹 سرطان البنكرياس 🔹

🔹 سرطانات الفم 🔹

🔹 سرطان الكلية 🔹

🔹 سرطان البروستات 🔹

🔹 سرطان العظم 🔹

🔹 سرطانة الأرومة العصبية 🔹

🔹 سرطانة البروستات السليمة 🔹

#أورام_نظري

❇️ تسجيلات القسم العام ❇️

❇️ تسجيلات القسم الخاص ❇️

البوست صار بالرسالة المثبتة 🤍

وتركنا لكم هذا الاقتباس لترجعوا للمصادر بسرعة 🤍

💡 بوست متأخر بس حبيت أنشروا هلق لأهميته 💡

ألم الدراسة لحظة وينتهي 📚 أما ألم تركها يستمر طول العمر 👌

كلنا قدمنا أورام من الدفعة 53 وما قبل وكلنا عانينا نفس اللي عم تعانوه هلق تماماً ومنعرف شو وضع آخر مادة بالفصل بس رجاء لا حدا يترك المادة بحجة أنو "مل" من الدراسة أو "ما عاد يلحق"
🔹 دورات الفصل الجاي؟ اذا بشوف أنور شموط انو نص الدفعة منسحبة او مالا جاي يمكن يحبكن كتير ويخليكن تدرسوا المادة عالسوا، وانتو فهمتو قصدي منيح 👍
🔹 علمياً؟ المادة ما كتير رح تستفيدوا منها بالوطني وكلشي أورام بتشوفوهن بأماكنهن بكل اختصاص ف اخلصوا منها ولا تعطوها وقت أكتر

عم ننسأل عالبوت/عالخاص/عكروب الدفعة أنو أحمل المادة ولا أأقدمها وأخلص؟
في فكرة مهمة وهي ان نص الدفعة اذا مو اكتر حملت مادة واحدة من هذا الفصل - على الأقل - هاد غير اذا معه مواد من السنوات اللي قبل ولما رح يجي يقدم بالفصل الجاي رح تصدف مواد الحملة بوقت غير مناسب أو بوقت مادة صعبة وهيك رح تجيب المادة الأساسية بالعلامة الأدنى والمادة اللي أنت حاملها بالحد الأدنى وهيك بتكون روحت على حالك أكتر من فرصة لتجيب علامة عالية (رح يتأثر معدلك)
صحيح الفصل الجاي أسهل من الفصل الأول لكن هو فقط "أسهل من الفصل الأول" وليس فصل سهل وخاصة بعد التعديلات اللي صارت مع الدفعة 53 المحترمة 😅

على كلٍ أنا رح أعطيك خطة إسعافية اشتغل عليها لبكرة (بتلحق معك هالخطة) وروح قدم المادة وإذا ما بتجيب فوق ال٨٠ يبقى لك الخيار انو تنسحب

💡 تسجيلات المادة انوجدت لهيك ظرف ولهيك حالة فبتروح بتسمع التسجيل وأنت عم تدرس وبايدك قلم عم تحدد ما تسمعه على النوطة وبس يخلص التسجيل رح تلاقي حالك لخصت أغلب المادة وحتى بتكون حفظتن كمان
بتروح عالدورات بتحفظن وبتبصمن مع خياراتن ومع شرح الi وبس فقط لا غير 💡

طبعا هاد الكلام هو نصيحة من أخوة أكبر منكم 🤍

الحمد لله الذي هدانا لهذا وما كنا لنهتدي لولا أن هدانا الله 🤍

الأمل المتجدد رأس كل نجاح 🔥
وهي قصة من مئات القصص اللي لمسنا أثرها في دفعتنا 53 والدفعة 54 ولله الحمد

رغم زنقتي بدراستي وشغلي ما كان يهنالي بال إلا لأنزل #البوست_الامتحاني_الخاص_بمادة.. 😅 والحمد لله إنما هو مقام نتشرف فيه بخدمة أطباء سيحملون الراية لمن بعدنا 🤍

منتمنالكم كامل التوفيق بامتحاناتكم ولا تنسوا أنو لسا مشوارنا ما انتهى انما هو مستمر حتى تنتهوا من الامتحان الوطني بإذن الله تعالى 🤍

هلق انجوي بهالعطلة الظريفة القصيرة 🥲 وانتظرونا بعد كم يوم بموضوع مهم رح نطلعكن عليه قريبا إن شاء الله 🔥🔥

تم التحويل للضرورة 🤍