❇️ البوست الامتحاني الخاص بمادة #التشريح_المرضي_الخاص 🤍

❗️❗️ يقرأ بعناية...❗️❗️

💠 تذكير بالبوست التعريفي
⏱ المدة: 10 دراسة + يومين مراجعة
💠 عدد الأسئلة: 25 سراب و15 هيثم و30 لينا)
💠 الدورات هلق رح نحكي عنهن ببوست خاص

❇️ أولاً: قسم الدكتورة سراب:

🔹 متل التمع الدكتورة أسئلتها مميزة عن بقية الأقسام والدورات بتحلوها لتعرفوا نمط التفكير 😁
🔹 أفكار المقرر:
📝 أورام الجهاز العصبي (أصعب قسم)
📝 الغدة النخامية والدرقية يلي دارس غدية رح تمشي بسهولة معو 🤩
📝 الكظر كمان سهلة من الغدية
📝 الجهاز التكاثري الذكري (تاني أصعب نوطة)
📝 أمراض الغدد اللعابية بخرزة الكظر بس اسئلتن قليلة

⏱ الوقت المتوقع لدراسة القسم كاملاً: 3 أيام

❇️ ثانياً قسم الدكتورة لينا:

🔹 ورح نحكي عن ترتيبة الاقسام حسب نوطة الالفا:
📝 الثدي والرحم والمبيض: بنفس المستوى ويلي دارس أورام بستفيد
📝 الصعوبة بالكلية وأمراض الطرق البولية
📝 الأورام اللمفاوية (مهمة بالدفعة 53)
📝 الرئة (قليلة الأهمية)

💠 قليل من الطلاب رح يدرس المقرر كاملاً وبعتمد على الحل الأسهل :
🔹 فقرات الدورات على نوط ال53
🔹 ملخصات قسم الدكتورة لينا للفئة السادسة من الدفعة 53

⏱ الوقت المتوقع للدراسة كاملاً: 5 أيام
⏱ الوقت المتوقع لدراسة فقرات الدورات: يومين

❇️ ثالثاً: قسم الدكتور هيثم:

🔹 مو متل ما تعودنا للأسف!! مو مضمونة الدورات وبدو دراسة (عيفوه للأخير وامشوا بالترتيب)
🔹 بالدورة 51 اجت الاسئلة بتشق وبالدفعة 53 اجت دورات فالامر غير محسوم
🔹 سهل الأفكار بيندرس ومواضيعه هي:
📝 الجلد والعظام
📝 آفات الجهاز الهضمي يلي شفناها بأكتر من مادة وصارت سهلة علينا 😃

⏱ الوقت المتوقع للدراسة كاملاً: يومين

💠 وهلق منجي للسؤال كيف ندرس التمخ؟ مادة بالانكليزي 🥲

🔹أول مرة ادرسوا المادة عربي انكليزي ولخصوا المصطلحات الهامة وأثناء سماع تسجيلات المراجعة بتحفظ المصطلحات
🔹المادة اعتبروها متل التمع تماماً ادرسوها بالعربي، افهموها بالعربي، واحفظ يلي بدك تحفظه بالعربي 🙄
🔹لكن ! بتمسك معك قلم #هايلايتر🖍 وبتحط هاي لايت عكلشي مصطلحات ما بتعرفها بالطرف الأجنباوي (بشكل خاص المفردات العلمية "يلي مفروض تدرسها حتى وإن بالعربي" و لون آخر أو قلم أزرق للمفردات اللغوية يلي ما بتعرفا)
🔹 اذا لغتك كويسة ادرسها بالانكليزي واقرأ العربي لتتأكد من فهمك للفقرة بالعربي 🤷🏻‍♂️
🔸 عموما الأمر أبسط مما متصورين، الأسئلة بالامتحان بتجي نوعاً ما أبسط و أقصر من التمع (مافي سؤال تلت اربع أسطر ❌)
🔸ولا تنظر إلى صعوبة المادة حتى وإن مالك دارسها من قبل، لا تنس عندك جزء كبير منها مكرر سابقا من مادة الأورام والجراحة والداخليات 🤓👌

❇️ شوفي مصادر مساعدة لدراسة هالمادة؟

🔹 فيديوهات ماهر الحسين مفيدة جداً
🔹 تسجيلات المراجعة لقسم د.سراب
🔹 تسجيلات المراجعة لقسم د. لينا
🔹 تسجيلات المراجعة لقسم د. هيثم
🔹 فقرات د. لينا & ملخصات د. لينا
🔹 قناة الفئة السادسة


بالنهاية هي مادة ال90 لا تروحوها من إيدكم 🤍
موفقين جميعاً ولا تنسونا من صالح دعواتكم 🤍

❇️ تسجيلات المراجعة د.سراب ❇️

❇️ تسجيلات المراجعة د. لينا ❇️

❇️ تسجيلات المراجعة د. هيثم ❇️

#تمخ_نظري #مراجعة_سريعة

🔰مراجعة سريعة وهامة جدا للعظام 😍
يلي مو دارسها يسمعو مهم جدا 👌😁

📌وبالأخير حكيت عن طريقة مراجعة المادة.

لا تنسونا من دعائكم 🌷

البوست صار بالرسالة المثبتة 🤍
وتركنا لكم ما يلزم بالاقتباس 😊

🍀 تنويه هام جدا بخصوص الدورات في أقسام متغيرة المقررات والدكاترة ف لازم ننتبه ونعرف يلي لازم نحلو 🔥🔥:

❇️ قسم د.سراب:
اش ما حليتو ممتاز ومافي تغيير الا الشي النادر

❇️ قسم د.لينا:
🔹 الثدي والرحم : فعليا كلشي بينحل
🔹 المبيض: لعند الدورة 2015_2016 بتبلش الأسئلة الغريبة ف غير مهمة
🔹 الكلية مهمة كل الدورات وحتى يلي مو دارسها يحل بنك بيتا للكلية كمان.
🔹 الرئة بس دورات آخر سنتين (يعني دورة 2019_2020 و دورة 2018_2019) وبتطبيق بيتا مبين أنو قبل هالدورتين كان القسم ل د.هيثم فمافي داعي لحلن
🔹 الأورام اللمفاوية: لعند 2015_2016 مو مطلوبة
🔸 في حال الاعتماد الكامل على الدورات ممكن تحفظوا من الدورات الخيارات مع الi فهيك بتضمنوا القسم تقريبا.

❇️ قسم د.هيثم:
🔹الهضم (مري و معدة وأمعاء) + الكبد: بس آخر دورتين كمان
(يعني دورة 2019_2020 و دورة 2018_2019)
🔸أما بنك القلمون فمشكلتو في كتير أفكار بهالقسم مو من مقررنا ف بدكم تميزوا شو هنن 💔 عكلن مو كتار هنن..
"الأفضل يندرس هالقسم لقلة عدد الدورات الموجودة"
🔹العظم والجلد: كل الدورات مفيدة وحتى أسئلة القلمون مشتركة تقريبا

❇️ يلي مارح يقدر يلحق قسم د.هيثم اش يساوي؟
🔹 حل الدورات يلي قلنا عليها فوق

موفقين جميعا ولا تنسونا من صالح دعواتكم🤍

💠 مخططات لقسم د.هيثم 💠

زي ما ذكرنا للأسف 👌
عموما لسا ما انتهت المعركة وهلق جهزلونا حالكن على بوست الأورام وأتمنى أنو يقرأ بعناية..
لانو بكل كلمة عم نبعتها هي خبرة ما لا يقل عن 3 سنوات ولله الحمد 🤍

❇️ البوست الامتحاني الخاص بمادة الأورام ❇️

💠 تذكير بالبوست التعريفي للمادة
⏱ الوقت المتوقع لدراسة المادة: 5 أيام

💠 أولاً: القسم العام:

🔹 وهو محور القصيد
🔹 يتحدث هذا القسم عن أصول نشأة الأورام وتوزعها والوسائل الاستقصائية لتشخيصها وأخيرا المعالجة (الجراحية والشعاعية والكيميائية والهدفية) بشكل عام وموجز
🔹 صعوبة هذا القسم بكثرة أدويته إضافة إلى الأفكار الأقرب إلى الفيزياء
🔹 هذا القسم غير مهم في الامتحان الوطني
🔹 عادة هالقسم فقرات دورات
🔹 لذاااااا ف طريقة دراسة هذا القسم هي: 1⃣ القراءة السريييعة للقسم (مشان تتعرف عالقسم)
2⃣ سماع تسجيلات المراجعة (شاملة لكامل القسم وتغطي كل فقرات الدورات بإذن الله)
🔹 يعني لاااا تضيع وقتك فيه أكتر من يوم واحد بس

💠 ثانياً: القسم الخاص:

🔹 وهو القسم المهم علميا وامتحانيا
🔹 بتتذكروا ستاج الاورام؟ اي هاد هو نفسو لا راح ولا اجا 😂 نفس المعلومات وكتير سهل ان شاء الله لكن صعوبته تأتي من ضرورة حفظ تصنيفات الاورام TNM والشيوع وما إلى ذلك
🔹 الأهمية الكبرى لقسمي أورام الثدي والرئة لأنو أحياااناً بيجي عليهن مسائل سريرية لذلك بدن دراسة بشكل كامل
🔹 باقي الأقسام الوضع غير محسوم فأحياناً بتجي فقرات أو دورات أو جديد لذا يفضل دراستها

⚠️ ملاحظة مهمة للعام والخاص:
الدورات بتفيد كلها لكن تغير نمط وضع الاسئلة على وقت الدفعة 53 فلهيك كلشي سابق بفيد علميا وهو نفس المقرر لكن نمط الاسئلة مختلف

💠 مصادر مساعدة للدراسة:

🔹 فيديوهات ماهر الحسين (المعالجة الهدفية / سرطان الثدي)
🔹 فيديوهات Osmosis
🔹 تسجيلات المراجعة للقسم العام
🔹 تسجيلات المراجعة للقسم الخاص

💠 وكنصيحة قدمناها للدفعة 54 مشان دراسة هالمادة رح اترككم مع رابط الرسالة تطلعوا عليها وهي بمثابة تحفيز إلكم إن شاء الله 🤍
💠 شوفوا الرسالة يلي بعدا اش النتيجة كانت 😉

بالتوفيق ولا تنسونا من صالح دعواتكم 🤍

🍀 فيديوهات Osmosis ❤️
قصيرة بس فخمة جداً، بتساعد على دراسة القسم الخاص من الأورام

🔹 سرطان المريء 🔹

🔹 سرطان الثدي 🔹

🔹 سرطان الرئة 🔹

🔹 سرطان الجلد 🔹

🔹 السرطانة الكولونية المستقيمة 🔹

🔹 سرطان عنق الرحم 🔹

🔹 سرطانة الدرق 🔹

🔹 سرطان المعدة 🔹

🔹 سرطان البنكرياس 🔹

🔹 سرطانات الفم 🔹

🔹 سرطان الكلية 🔹

🔹 سرطان البروستات 🔹

🔹 سرطان العظم 🔹

🔹 سرطانة الأرومة العصبية 🔹

🔹 سرطانة البروستات السليمة 🔹

#أورام_نظري

❇️ تسجيلات القسم العام ❇️