❇️ البوست المثبت للسنة الرابعة الفصل الأول ❇️

💠 الجراحة العامة: 💉
🔹 البوست التعريفي
🔹 البوست الامتحاني
🔹 البوست الخاص للحملة

💠 الداخلية القلبية: 🫀
🔹 البوست التعريفي
🔹 البوست الامتحاني
🔹 البوست الخاص للحملة

💠 الداخلية الهضمية: 🥐
🔹 البوست التعريفي
🔹 البوست الامتحاني
🔹 البوست الخاص للحملة

💠 الداخلية الغدية: 💊
🔹 البوست التعريفي
🔹 البوست الامتحاني
🔹 البوست الخاص للحملة

💠 أمراض الأنف والأذن والحنجرة: 👂
🔹 البوست التعريفي
🔹 البوست الامتحاني
🔹 البوست الخاص للحملة

💠 علم الأورام: ❄️
🔹 البوست التعريفي
🔹 البوست الامتحاني
🔹 البوست الخاص للحملة

💠 التشريح المرضي الخاص: 🔬
🔹 البوست التعريفي
🔹 البوست الامتحاني
🔹 البوست الخاص للحملة

أصدقائي انشروا الرابط بين رفقاتكم حتى نبلش بالبوستات التعريفية ونحط برنامج دراسي يناسب الجميع 📚🤩

https://t.me/Importantfiles55

❇️ التشريح المرضي الخاص ❇️

💠 البوست التعريفي 💠

❇️ من أصعب المواد هالفصل ولكن مادة معدل اذا درستوها صح 👌😃

❇️ امتحان المادة باللغة الانكليزية وطريقة دراستها المنصوح بها 👇🏻
أول مرة ادرسوا المادة عربي (والانكليزي بتلخصوا المصطلحات الهامة) وتاني مرة خلال فترة الفحص بتركزوا عالمصطلحات مع قراءة للانكليزي مشان تاخد عينكن عاللغة.

❇️ المقرر:

🔹 د.سراب: أهم قسم تضمنوه والأسئلة حفظية متل نمط بقية المواد يلي مستلمتها 😁
🔸 مواضيع المقرر :
- آفات الجهاز العصبي
- آفات وأمراض الجهاز الصماوي (غدة المبيض والدرق والنخامى و.....)
- وبعض السرطانات (مثل سرطانة الحنجرة وسرطانة البلعوم الأنفي و ....)

🔹 د.هيثم : انتو وحظكم (ال53 وال54 اجا دورات لكن هذا لا يعني انو يجي جديد هالفصل لكن في ظل الظروف الراهنة يتوقع انو يجي دورات)
🔸 مواضيع المقرر :
- آفات الجلد
- آفات العظام
- آفات الجهاز الهضمي والكبد

🔹 د.لينا : نوطة الألفا حقيقة هنن مقررات ضخمة وصعب تلحق وخااااصة بعد ما حطيتوا المادة وسط الامتحان (كانت بالسنوات ال5 السابقة على أقل تقدير أول مادة) لذلك برأينا تعتمدوا على فقرات الدورات لأنو الدكتورة يا بتجيب فقرات دورات يا بتجيب دورات وبتغير شوي 😌 واذا طلعت الدكتورة عنن ممكن تحفظوا من الدورات الخيارات مع الi فهيك بتضمنوا القسم تقريبا.
🔸 مواضيع المقرر :
- آفات الثدي والمبيض والرحم
- آفات العقد اللمفاوية
- سرطانات الرئة
- آفات الكلية والمثانة


❇️ الامتحان النظري والمصادر المساعدة للدراسة (كافية بإذن الله):
🔹بيلزم للمادة أسبوعين دراسة تقريباً، حاولوا تفهموها منيح ولا تقلقوا صح الأسئلة انغلش بس سهلة وسطحية 😃
🔹فيديوهات مفيدة للدكتور ماهر الحسين
🔹وفي تسجيلات مراجعة خارقة للنظري 😍👌
🔹ملخص للدكتورة لينا
🔹 فقرات دورات د. لينا


بالتوفيق ولا تنسونا من صالح دعواتكم 🤍

خليكم معنا رح تنزل الرسائل تباعا لاخر هاليوم 😄

❇️ علم الأورام ❇️

💠 البوست التعريفي 💠

💠 بالرغم من أنها أصغر المواد بهالفصل من حيث عدد الصفحات إلا أنها بنطبق عليها المثل (الحجرة يلي ما بتعجبك بتفجك 🙂) والمادة بتنفهم بمساعدة فيديوهات د.ماهر الحسين 😁 ، بس نحن متأكدين أنكم حبيتوا المادة كتير بالستاج لأنو بيعطيكم عدة دكاترة مقيمين كل يوم سرطان من قسم الأورام الخاص (رئة، ثدي، كولون، مبيض...)

❇️ القسم العام :
هالقسم دسم وأصعب من الخاص بمراحل لذلك مننصح تبلشوا فيه وهو بيحكي عن أساسيات الدراسات الورمية والأدوية الكيميائية والبيولوجية المعالجة للأورام

❇️ القسم الخاص :
القسم الجميل أصغر من العام بيحكي عن عدة أورام بالجسم وهو ما أصبح معروفاً لديكم من خلال دراسة عدة مواد تتحدث عن ذات الأورام.

💠 أهم قسمين: سرطان الثدي والرئة بيجي منن مسائل نمط الدورات تماما لذلك ضروري وقت تدرسوا المادة تحلوا دورات لتشوفوا نمط الدكتور (بقية السرطانات بيجي منها أسئلة عادية).


❇️ وهلق رح نبلش بمعلومات متفرقة عن المادة مهم تشوفوها :👇🏻
🔹 عدد الأسئلة :
30 للعام و 30 للخاص ، ممكن يجي 80 سؤال
🔹 نمط الأسئلة عم يجي اختر المناسبة ما بيحدد الصح او الخطأ (آخر دورتين صار طلاب الدراسات يكتبوها وصارت تجي اختر الاجابة الصحيحة غالبا)
🔹 في نسبة حفظ خاصة لتصنيف الأورام Stage و العلاجات كاملة مهمة وبركز عليها الدكتور.

❇️ مصادر مساعدة للمادة:
🔹 ماهر الحسين القائمة الأولى (المعالجة الهدفية) القائمة الثانية (سرطان الثدي)
🔹 تسجيلات المراجعة للمادة (عام - خاص)


بالتوفيق ولا تنسونا من صالح دعواتكم 🤍

❇️ مادة الأذنية ❇️

💠 البوست التعريفي 💠

❇️ أولاً: قسم الدكتور مجد شيخ الغنامة:
🔹 بالنسبة لقسم د.مجد بيحكي عن أمراض الأنف والفم والبلعوم وأورامهم وصح 60 ص بس عليه شي 40 سؤال 😳 وكل جملة بالنوطة هي مشروع سؤال 🥹 فلا تعتمدوا أي ملخص وادرسو المقرر كاملاً 😪
🔹 مثلا الستيروئيدات الموضعية بالفحص بقلك جهازية أو موضعية، مثلا ثنائي الجانب بقلك أحادي الجانب وهكذا ..
🔹 الدورات مهمة لتعرفوا طريقة طرح السؤال وفي تكرار بخيارات الدورات نوعا ما 😁
🔹 المصدر المساعد وصديق الزنقات: تسجيلات المراجعة (شاملة لقسم د. مجد)

❇️ ثانياً: قسم الدكتور قيصر منصور:
🔹وهو القسم المنقذ للطلاب بيحكي عن أمراض الحنجرة وأمراض الأذن ضخم نوعا ما لكن سهل
💠 قسم الأذن:
🔹يُقال نوطة الأذن فقرات دورات، لكن صراحة بأحد السنوات ما كفوا 😪 ف حاولوا تقرؤوا النوطة كلها وتحلوا الدورات وعملنا تسجيل لفقرات الدورات فقط 🧐
💠 قسم الحنجرة:
🔹 الأفضل تندرس كمان بس يلي ما بلحق يعتمد على فقرات الدورات + الدورات + في بنك للحنجرة على تطبيق بيتا

❇️ مصادر مساعدة للمادة:
💠 المادة لا تحتاج لتأسيس ولا تحتاج لمصادر مساعدة لسهولتها وهذه المصادر تفيد للامتحان بشكل أساسي:
🔹 فقرات دورات الحنجرة على نوط ال53
🔹 فقرات دورات الأذن على نوط ال53
🔹وأخيراً تسجيلات المراجعة للمادة


بالتوفيق ولا تنسونا من صالح دعواتكم 🤍

❇️ مادة الداخلية الغدية ❇️

💠 البوست التعريفي 💠

❇️ أولاً قسم د. هاشم:
🔹 بيعطي قسم الغدية من المادة وعدد صفحات المقرر 250 صفحة تقريبا
🔹بالعادة الدكتور بجيب #فقرات دورات لكن هالشي ماعم بكون ثابت للأسف 😅 فالأفضل فهم المادة ودراستها بشكل جيد 😁 وحل كل الدورات حتى القديمة (بيجي بالعادة 60 سؤال)
🔹أهم الاقسام: السكري + الدرق + النخامى
🔹هام ‼️ اللي صار مع دفعتكم هو أن الدفعة 53 اشتغلت مشروع تخرج عند الدكتور هاشم والمرجع يلي ترجموه هو اللي تقرر عليكم وبصراحة بسبب ركاكة الترجمة صار المقرر صعب لهيك برأيي الشخصي والمتواضع أنكم تدرسوا مقرر ال54 (بسبب ظروف البلاد يتوقع الدكتور يجيب دورات فلهيك لا تدرسوا المقرر الجديد)

❇️ ثانياً قسم د. فاطمة:
🔹 كانت مستلمته د. ريم بتعطي قسم التغذية من المقرر وهي عبارة عن 70 لل80 صفحة سهلة جداً مع أسئلة سهلة بتحكي عن السكريات والفيتامينات و البدانة و... (بيجي حوالي 20 سؤال من هالنوطة و مضمونين + الدورات مهمة جدا بهالقسم كمان)
🔹 حتى لو استلمته دكتورة جديدة ف غالبا رح يضل هالقسم دورات

💫 المادة مالها صعبة بس ضخمة

❇️ السؤال الأخير الأهم المكرر، هل بتحتاج تأسيس قبل ما نبلش دراسة؟
مننصح بوقت الستاج أو هلق ما بتفرق تبلشوا تشوفوا فيديوهات، مصادر مقترحة 👇🏻
🔹 فيديوهات آراميد ARMED (أفضل مصدر برأينا)
🔹 فيديوهات د.طارق عبد الحميد
🔹 تسجيلات المراجعة للمادة

❇️ نصيحــة أخيرة:
المادة إجمالاً سهلة والفقرات مهمة كتير ف لا تقلقوا بس الأهم تطلعوا عالسنة السادسة فهمانين المادة فلازم تأسسوا حالكم فيها خصوصي أنو الأغلب ما كان بيحضر نظري 😅


بالتوفيق ولا تنسونا من صالح دعواتكم 🤍

❇️ مادة الداخلية الهضمية ❇️

💠 البوست التعريفي 💠

💠 للأسف الشديد فاتت الأمور ببعضها بعد ما أعادوا الدكاترة تقسيم المادة بينهم 😕🤝
💠 شو لازم نعمل بالزبط؟

❇️ أولاً: قسم د. بشير بدوي مبيض:
💠 سابقاً: مريء وبنكرياس
💠 حالياً مريء وأمعاء وبريتوان
🔹 الدكتور بشير بحب الأسئلة البصمية وكتير كان يكرر دورات وفقرات دورات لكن اذا استلم د. بشير أي قسم جديد ف هاد القسم انحكم عليه بوجود الأسئلة الجديدة لهيك يفضل دراسة الأمعاء والبريتوان والمريء دورات بإذن الله تعالى

❇️ ثانياً: قسم د. معن موسى:
💠 سابقاً: الأمعاء والمرارة والطرق الصفراوية
💠 حالياً: المعدة
🔹 الدكتور معن بحب الأسئلة البصمية أيضا لكن اسئلته علمية أكتر من الدكتور بشير (الدكتور بشير بحب البصم بكلشي نسب شيوع اثار جانبية الخ)
🔹 وبالتالي لا دورات هذا الفصل اذا ليكتب أسئلة جديدة

❇️ ثالثاً: قسم د. بسام كعدة:
💠 سابقاً: المعدة
💠 حالياً: البنكرياس والمرارة والطرق الصفراوية
🔹 الدكتور لما كان مستلم المعدة بس كانت أسئلته تجي صعبة وهالشي لمسوه طلاب ال53 وال54 ف ما منعرف صراحة شو ترتيبة قسمو هالفصل

❇️ رابعاً: قسم د. مرجانة:
💠 سابقاً وحالياً: الكبد
🔹 هاد الشي مبشر لأن قسم الكبد علمياً صعب ويحتاج وقت وتركيز لفهم المقرر وأسئلة الدكتور مالا كتير صعبة وان شاء الله بكون قسمه دورات

❇️ أفضل مصادر الدراسة المساعدة:
💠يفضل تأسسوا شوي قبل ما تبلشوا بالمقرر:
🔹 فريق أراميد بالدرجة الأولى
🔹 فيديوهات د. طارق عبد الحميد
🔹 فيديوهات د. ماهر الحسين (هضمية - كبد)
🔹 تسجيلات المراجعة للمادة

⭐️ نصيحة زملائنا بالسنوات الأعلى: يفضل دراسة هذه المادة مترافقة مع الجراحة وذلك لتمكين المعلومات فمثلا مندرس داخلية المريء ثم ندرس جراحته 👌
⭐️ نصيحة أخرى: احتمال بسبب ظروف البلاد تكون الأمور متل الدفعة 54 فيفضل تدرسوا المادة بشكل كامل مع دراسة كااااافة الدورات لكل الأقسام


بالتوفيق ولا تنسونا من صالح دعواتكم 🤍

بالنسبة لهاد الكلام ف انا حكيته من رأي شخصي ولم أتواصل مع الدكتور وذكرت سبب اقتراح هذا الأمر 👌

ولكم حرية اختيار مصدر الدراسة 🤝

اليوم المساء منكمل بالمواد يلي بقيت بإذن الله تعالى.. 🤍

❇️ الداخلية القلبية ❇️

💠 البوست التعريفي 💠

💠 المادة الجميلة والممتعة ومحبوبة الجميع 🤍
🔹 سابقاً كان بيعطيها دكتورين د. محمود ملحيس ود. محمود ماردنلي (رحمه الله)


💠 مواضيع قسم د. ملحيس:
(قصور القلب - الداء القلبي الاقفاري - اعتلالات العضلة القلبية - التهاب التامور - التهاب الوريد الخثري والصمة الرئوية)
💠 مواضيع قسم د. ماردنلي:
(الحمى الرثوية - امراض الصمامات - امراض القلب الولادية - التخطيط واضطرابات النظم - ارتفاع التوتر الشرياني)

💡 طب أنا ليش ذكرت أقسام د. ماردنلي؟
لأنو هدول هنن الأقسان الجديدة يلي استلمها الدكتور وغالبا رح يكتب أسئلة جديدة من هالأقسام واقسامه القديمة ممكن يجيب فيها دورات

❇️ أفضل مصدر للدراسة:
نوطة الألفا 55 طريقة عرضهن للمقرر كتير ظريفة وضايفين صور وتخاطيط كانت ممتعة لما درستا

❇️ أفضل الطرق لدراستها: (من أين تؤكل الكتف):
🔹 ضعيف بالتخطيط وحابب تتأسس بسرعة: أنس جانو
🔹 حابب تتأسس بالتخطيط ومعك وقت: طارق عبد الحميد
🔹 مشان تمشي بالمقرر بسرعة وتفهم (هو للسادسة لكن مفيد جدا للرابعة) : ماهر الحسين
🔹 بعض الفيديوهات التأسيسية (أصوات وصمامات): ماهر الحسين
🔹 لفهم الأدوية: عبد المتعال فودة

❇️ الامتحان:
🔹 في الدفعة 53 طبعت ورقة التخطيط في الامتحان فوارد جدا يجي تخطيط بس ما تخافوا التخطيط اللي بيجي سهل 👌
🔹 أما بالنسبة للأسئلة فهي عبارة عن محاكاة سريرية لما يحدث في مشفى الجامعة (لهيك ضروري بالستاج تفهموا آلية العمل ضمن القسم) + أسئلة نظرية بحتة (مشاركات ادوية + تعداد + المعيار التشخيصي + العلاج الخ) 🤝
🔹 الدورات نسبتها قليلة بهالمادة وحرام تندرس بس دورات ف اعتمدوا فيها دراسة جدية


هي المادة من أجمل المواد اللي رح تدرسوها هالفصل 🤩🤍


بالتوفيق ولا تنسونا من صالح دعواتكم 🤍

❇️ الجراحة العامة ❇️

💠 البوست التعريفي 💠

🔷 المادة الأحلى والأمتع بين المواد جميعها إن عرفت تدرسها صح 👌
800 صفحة بس فعليا عالم آخر من الطب ✨

💠 أولاً قسم د. قصي أيوب:
🔹 وأقسامه هي (ثدي - درق - كبد - مرارة - طرق صفراوية - طحال - بدانة)
🔹 الدكتور بحب نمط المسائل السريرية وهلق رح نحكي شوي عنها
🔹 يعتبر القسم مضمونا إن درس بالطريقة الصحيحة

💠 ثانياً: قسم د. عمار نيازي:
🔹 وأقسامه هي (مريء - معدة - أمعاء دقيقة - غدد لعابية)
🔹 القسم صعب علميا سهل امتحانيا

💠 ثالثاً: قسم د. أحمد غزال:
🔹 وأقسامه هي: (ألم بطني حاد - فتوق - إقفار مساريقي - نزف الهضمي - زائدة - بريتوان وحبن)
🔹 بلغني أنو عطى بعض المواضيع وحذف الباقي من المحاضرات وعليه المواضيع يلي تم اعطائها يجب دراستها والمواضيع الاخرى دورات
🔹 اسئلة منطقية وسهلة

💠 قسم د. أحمد الحاج:
🔹 وهو القسم الأهم
🔹 أقسامه هي (البنكرياس - كولونات - شرج)
🔹 كل كلمة بالمقرر مشروع سؤال (سواء الشيوع او التعدد والافراد "آفة مفردة او متعددة" او او ..الخ)
🔹 اسئلته بصمية وتحتاج للفهم والبصم لذا هو الفاصل بين المعدل العالي والمنخفض للمادة لكن اسئلته ممتعة جدا لمن تمكن من المادة

❇️ المصادر المساعدة وأفضل الطرق للدراسة:
💠 أفضل مصدر مساعدة لدراسة المادة هو الحضور عند دكاترة النظري بس اذا ما كنت حضران ف معلش لا تزعل في طريقة لأنك تحصل المادة بمعدل أعلى
💠 أفضل الطرق للدراسة رح تشوفوها برسالة تانية رح نبعتها هلق بعد هي 👇


بالتوفيق ولا تنسونا من صالح دعواتكم 🤍

⭐️ ملاحظات بسيطة حول الجراحات والجراحة العامة خاصة (1) ⭐️

❇️ أنا شو بهمني أدرس من الجراحة؟ وكيف فيني احفظ معلومات من مقرر 800 صفحة؟
🔹 حسب خبرتي المتواضعة في جراحتين (وهلق التالتة) لاحظت عدة أمور سواء عمليا أو من أجل الامتحان وفينا نعتبره سستم نمشي فيه على كل مواضيع الجراحة (وخلينا ناخد مثال على محاضرة الثدي اليوم):
1- منحفظ فقط المعيار التشخيصي لآفات الثدي : Core Biopsy أما باقي الاستقصاءات منحاول "نفهم" شو استطباباتهن (يعني عملنا ايكو لامراة تحت 30 لانو كثافة الثدي عالية وبالتالي المامو ما بشوفها وبالتالي المامو للنساء فوق 40 سنة لانو كثافة الثدي اقل ..)
2- العلاج المتبع بالخط العريض بالأول قدامك بعدا شوي شوي فصل فيه (الافات الحميدة اما مراقبة او استئصال محافظ او جراحي اما الافات الخبيثة حصرا رح يترافق مع العمل الجراحي كيميائي او شعاعي او هرموني او هدفي)
3- دوما دوما بدك تحفظ الأشيع بكلشي يعني أي شغلة فيها تعدادات المهم تحفظ الأشيع فالأقل شيوعاً (مثلا أشيع سرطان حميد هو papilloma يمكن واشيع سرطان خبيث هو DCIS) او شيوع التوضع (امامي خلفي ..الخ)
4- مع مراعاة الفكرة رقم 1 لازم نحفظ شو هو الاستقصاء البدئي دوما (مو معقول اول ما تجي المريضة عالاسعاف اعملها خزعة انما بعمل ايكو اول او مامو حسب عمرها)
🔹حاليا تذكرت هال4 نقاط كتير مهمين خلال دراستكن وعأساسهن بتحلوا كل المسائل السريرية 🤍

⭐️ ملاحظات بسيطة حول الجراحات والجراحة العامة خاصة (2) ⭐️

❇️ شو هو سؤال المفتاح وكيف طريقة التعامل معه ضمن ورقة الامتحان؟
🔹أولا أهمية الموضوع تكمن في كمية الوقت اللازم لحل هذا السؤال (وهلق رح تعرفوا ليش بدو وقت)
🔹ثانيا: هاد الموضوع لازم ينحط بالحسبان لانو بالدفعة 52 اجا بمادة جراحة 2 دورة نظامية وبالدفعة 53 اجا بدورة حملة جراحة 1 (الظاهر عم يمهدوله 😅)
🔹تالتا: رح أعرض طريقتين لطرح سؤال المفتاح:
🔸 أجب عن الأسئلة التالية وفق المفتاح الآتي: (دورة ال53)
A: 5
B: 1+3
C: 2+4
D: كل ما سبق صحيح
E: كل ما سبق خاطئ

السؤال رقم 12 : من الاستقصاءات المطلوبة لتحري آفات الثدي ما يلي عدا:
1- الطبقي المحوري
2- الماموغرافي
3- الايكو دوبلر
4- الرنين المغناطيسي
5- الcore biopsy

من السؤال منلاحظ انو بدنا الخيار الخاطئ لكن عندنا خيارين خاطئين + الخيارات ليست ABC انما 1-2-3 اذن نطابق الارقام وفق المفتاح فوق ومنلاحظ انو الخيار رقم 1 و3 هنن الخاطئين وهنن يوافقوا الخيار B في المفتاح إذن منحبر الخيار B (وهاد بدو وقت لتطابق الخيارات الرقمية مع خيارات الاحرف 😁)
وطبعا بكون في شي عدد معين من هالاسئلة الن نفس المفتاح (طبعا انتبهوا انو الخيارات ارقام لانو بدورة ال53 جاب 12 سؤال مفتاح وحط بنصهن سؤال بخيارات ABC يعني مش سؤال مفتاح 👀)

🔸طريقة أخرى:
السؤال 12: اختر الاجابة الصحيحة وفق المفتاح الآتي: (دورة 52)
1- يستخدم الرنين في كشف النكس في آفات الثدي
2- يمكن أخذ الخزعة بتوجيه الطبقي المحوري
3- الاستقصاء الافضل لثدي امراة عمرها 55 سنة هو الايكوغرافي
4- المعيار التشخيصي لكشف سرطان الثدي هو Core biopsy
5- لا يستعمل الماموغرافي للشابات

A: 1
B: 1+4
C: 2+3
D: 1+4+5
E: 1+2+3

شو لاحظت؟ الأرقام ضمن السؤال والمفتاح هو الخيارات والمطابقة نفسها لكن هي الطريقة تتيح الفرصة بأنو لكل سؤال يكون اله مفتاح خاص فيه (أما الطريقة الاولى بكون المفتاح موحد للأسئلة)
طبعا الجواب هو D لانو الخيارين 2 و3 خاطئين والباقي صح


أي سؤال آخر راسلونا عالبوت 😶
موفقين 🤍

⭕️⭕️ هااااااام جدا يقرأ بعناية ابتداء من هالرسالة وانتوا نازلين ⭕️⭕️

السلام عليكم ورحمة الله وبركاته 🤍
بلشتوا دراسة ولا لسا؟ 😃
يلي بلش جراحة ومو عرفان شلون يدرس هاد البوست لالك .. 🤝

سيفتتح قريبا جدا كورس إسعافي 🚑 مجاني بشكل كامل في مادتنا الجميلة مادة الجراحة العامة
عدد الجلسات تقريبا 10 جلسات

على من يرغب بالحضور وتثبيت الاسم التواصل عبر البوت التالي:
@importantfiles_53_bot

والأعداد ستكون محدودة لضمان الاستفادة المثلى من الكورس 👌

15 يوم للفحص وما حدا عرفان شو يدرس كروب الدفعة هيج صار يسوي 🫴🫳😂

أظن صار وقته 😄

❇️ البوست الامتحاني الخاص بمادة الجراحة العامة ❇️

💠 تذكير بالبوست التعريفي
⏱ المدة المتوقعة لدراسة المادة: 10 أيام كافية ووافية

💠 أولاً قسم د. قصي:

🔹 قسمه الأضخم لكن سهل في حال عرفت المقاربة الصحيحة للمسألة السريرية وغالب الطلاب يلي بتفرش بهالقسم بكون في كذا سؤال حلهن صح على أساس تشخيص غلط
🔹 الأولوية بالأقسام هي:
(ثدي-كبد-درق-كظر-طحال-مرارة-بدانة)
💡 عدد الأسئلة: 30 سؤال تقريبا
⏱ مدة الدراسة لهذا القسم: 3 أيام

💠 ثانياً: قسم د. عمار:

🔹 ويعتبر من الأقسام السهلة والمنطقية وعلامته بتنضمن ان شاء الله وممكن وارد جدا يكرر دورات
🔹 الأولوية بالأقسام هي:
(أمعاء دقيقة-معدة-مريء)
💡 عدد الأسئلة: 12-15 سؤال
⏱ مدة الدراسة لهذا القسم: 1.5 يوم

💠 ثالثاً: قسم د. الحاج:

🔹 الأصعب تحصيلاً للعلامة
🔹 بينضمن في حالة وحدة للأسف:
تكون دارس المقرر منيح وحالل دورات كتييييير لتعرف نمط الدكتور وشلون بيغير من نمط الأسئلة وعلى شو بركز يعني بتحلوا دوراته ودورات د. بساطة كماااااان (بال54 قلتلن حلوهن وما حلوهن وجاب منهن شي ٦ اسئلة ولما قلتلن الحاج جاب دورات ما صدقوني قام جبتلن الدليل 😁
🔹 الأولوية بالأقسام: مافي أولوية عم تجي الأسئلة بالتساوي بس أحيانا بفضل قسم وبجيب أغلب الأسئلة منه (هالمرة ركزوا على الكولونات)
💡 عدد الأسئلة: 20-25 سؤال
⏱ مدة الدراسة لهذا القسم: 3 أيام

💠 رابعاً: قسم د. غزال:

🔹 وهو القسم الأسهل (أسهل حتى من قسم عمار)
🔹 بهمه رؤوس الأقلام والشغلات الواضحة يعني لا تفوتوا بالتفاصيل
🔹 الأولوية بالأقسام هي:
(ألم بطني حاد-فتوق-نزف هضمي-اقفار مساريقي- بريتوان)
💡 عدد الأسئلة: 10
⏱ مدة الدراسة لهذا القسم: يوم واحد يكفي

💡 هلق كم ملاحظة عن الامتحان بشكل عام:

🔹 عادة الدكتور قصي بجيب مسائل سريرية لكن هذا لا يعني انو اي دكتور تاني يجيب قسمه مسائل سريرية (في دورات الحاج بجيب مسائل وفي دورات عمار جايب مسائل)
🔹 الدكتور أحمد قد يجيب سؤال مفتاح مشان ما تنصدموا ومشان يلي ما بيعرف سؤال المفتاح هي مثال عنه
🔹المادة سابقا كانت ال٨٠ فيها حلم لكن هلق صارت ال٩٠ بتنجاب بس بدك تعطيها وقتك وجهدك وهي مادة مالا بصمية يعني البصم مش هيفيدك
🔹 دوما حاول تربط الأقسام بين بعضها لانو وارد يجيك سؤال من قسم د. غزال مثلا عم يحكيلك عن شغلة انت دارسها بقسم عمار وهكذا
🔹 قد ما قلتلك حل دورات ما بكفي ف لهيك التقسيمة تركتلك فيها اخر يوم لحل الدورات فقط (الدورات بدهن يوم لحالهن)


أي سؤال أو استفسار راسلونا على البوت الخاص بالقناة
@importantfiles_53_bot



بالتوفيق ولا تنسونا من صالح دعواتكم 🤍