🔴 لمحة تعريفية عن مشروع تسجيلات المراجعة منذ نشأته للآن 🤩:

أنا زميلكم عبد القادر حجار مقيم قلبية بمشفى حلب الجامعي درّست مواد الطب البشري من السنة التالتة للسادسة من خلال فويسات و كورسات 👌🤩

⭕️ النشأة: بلشت القصة بالسنة التانية لما قررت نزل تسجيلات لأول مادة كانت تشريح عملي و من قبل كنت بدرس بكالوريا و كان عندي تسجيلات بمواد بالتحضيري بس ما نشرتا وقتا كانت عنطاق ضيق..

المهم بعدين نزلت فويسات لمواد الفصل الأول سنة تالتة و بلشت الناس تسمع وآخد آراء و يستفيدوا و من ثم طلبوا أني أكمل بالفصل التاني فبفضل الله لاقوا صدى كبير لذلك صرت حضرلها وضيف مصادر خارجية إضافة لمقرر حلب فكانت تطلع خارقة، بالفعل بلشت ب أدوية1 كانت من أروع التسجيلات 😍 و بلشت الناس تطلب و ما عاد ترضى وقف وصارت بفضل الله المصدر المختصر للدراسة الأولية و للمراجعة لمقررات السنوات التالتة للخامسة بحلب 😃

طيب يا جماعة والله مو ملحق دراستي ، خلص بطلنا إلا نسمع صوتك 😅 ، الحمد لله صرت شوف ثمرة العمل و بركة وتوفيق كبير 🥺 فقلت خلص تكرموا رح كمل إن شاء الله، فأكملت بفضل الله تسجيلات لمواد جامعة حلب من السنة التالتة لآخر الخامسة جمعناهم بقناة

و من وقتا من السنة التانية استمرت القناة بتوجيه الطلاب و إرشادهم لطريقة الدراسة الصحيحة و عملنا سلسلة قنوات للدفعات الأصغر و كملنا بقناتنا الأساسية التوجيه ووصع الخطط و التحفيز لطلاب الوطني 😃

⭕️ تسجيلات السادسة: لذلك كله و بناء على طلب زملائي بالدفعة نويت نزل تسجيلات للسنة السادسة بعد تردد كبير لصعوبة التحضيرات للفويسات لتطلع بالمستوى المطلوب لامتحان التخرج 👌 فاستعنت بالله و سجلت السنة الماضية الكتلة الثانية و هالسنة الكتلة الأولى و الحمدلله تم الأمر بعد عناء طويل 🤩

⭕️ وين موجودة تسجيلات السنة السادسة نجرب؟
نزلت الفويسات على تطبيق MeducAI كامل المواد الكتلة الأولى و التانية 🤩✌️

فيكم تجربو عينات من التطبيق بتحميلخ والضغط على تخطي هنا

⭕️ ميزات التسجيلات: شاملة و الكل رح يستفيد منها شو ما كان مصدر دراستكم لأنها وضعت إن شاء الله على أساس علمي وامتحاني ، توسعت فيها من مقررات المحافظات و ناقشت فيها الأسئلة الخلافية.

⭕️ طريقة الاشتراك: ببساطة الدفع عبر سيرياتل كاش او حوالات الهرم او في طرق تانية ، راسلو حساب الدعم الفني و اختاروا أنسب طريقة @meducai_support

و المبلغ رمزي الكتلتين ب 150 ألف لحتى نتيح الفرصة للكل يستفيد ويدعيلنا 😃

نسأل الله أن تكون هذه التسجيلات عونًا لكم جميعًا وأن يضع كل واحد منكم في الاختصاص المناسب يلي رح يفيد و يترك بصمة مؤثرة فيه.

#الخطة_الأخيرة✌️🤩

بقي عنا 35 يوم

في أسبوع بتقدروا تكملوا ما تبقى عليكم من الكتلة التانية وتبلشوا ب 8/9.

ببقا عنا 27 يوم فعلياً

20 يوم مراجعة أولى و 7 أيام مراجعة تانية.

هون بنصح تبدؤوا بالمواد الصعبة للأشخاص يلي ممكن تتوتر مع اقتراب وقت الامتحان أو بالمواد السهلة للأشخاص يلي دراستن قصيرة الأمد وممكن ينسوا.

ولو ما كنتوا عم تدرسوا دمج بنصح تدرسوا بعد كل داخلية قسم الأطفال المتعلق

يومين صدرية
يومين قلبية
يومين كلية
يومين هضمية
يوم كبد ونفسي
يومين دم
يوم رثوية
يوم ونص إنتانية
يوم ونص غدية
يوم عصبية
يومين أطفال1
يومين جلدية
تقريبا صار حوالي 20 يوم

ماتبقى ب7 أيام منرجع منعيد بتركيز الفقرات الهامة والمكررة جدًا من كل مادة مع إعادة الفقرات الصعبة والجداول و الدورات (خصوصا يلي حاطينن بالمفضلة كنا عم نخربط فيهم).

آخر يوم عيفوه للشغلات البصمية الصعبة متل بعض فقرات الجلدية و التطور الروحي الحركي وأمراض القلب الصمامية والنفسي و عدة شغلات تانية ممكن تكون صعبة بتختلف من شخص لآخر.


مشان الدورات مهمة جدًا جدًا لا تفرطوا بأي سؤال ، وأعيد و أكرر دورات الوطني لا تتشوسوا بدورات الجامعات (إلا مثلاً جلدية معروف مثلاً بيجي)

أي مادة ما لحقتوها (شو ما كانت) ما بقي وقت أفكر شو أدرس صرنا بال بعدين نحن 😂 خلص أي مصدر مختصر فيو فقرات الدورات.

البطولة هي بالإعادة و القدرة على تذكر كل هالتفاصيل من المواد ، ربما تكون درست طول السنة بس اذا ما عدت منيح بهالشهر للأسف بتكون ضيعت تعبك..
هاد الشهر هو شهر الزرع و بإذن الله رح نحصد الثمار 🤩

#من_استفساراتكم #هاااام

🔴 مرحباا يعطيكن العافية..
هلأ أنا درست وعبراجع وان شالله رح أمشي عالبرنامج الي نزلتوه عالقناة..يعني الأمور جيدة ان شاء الله..
بس سؤال.. أنو هل يُنصح بأنو نخلي وقت خاص للدورات؟!
صراحة كل ما أحكي مع حدا من هديك السنة بقلي تركي أسبوع قبل الكتلة دورات🤓 بقا هل هاد شي صح ولا لا برأيكن؟
وشكراً كتير 🔥

⭕️ أنجح شي تندرس الدورات مع المراجعة مو لحالها..
هاد خطأ كبير من زمان الطلاب بتوقع فيو، بعد مراجعة كل نوطة ما بتطول دوراتها ساعتين بالكتير إذا دارسين النوطة صح.

يعني بعد إعادة كل مرة منحسن نمر عالدورات بسرعة شغلة ساعة كتير سهلة القصة بتصير الأسئلة مطبوعة بأذهاننا.

ومنحط نجمة عالأسئلة الصعبة
قبل بيوم منركز الأسئلة الصعبة

بصراحة هي أنجح خطة ، لأنو هل من المنطقي أسبوع كامل نروحو كلو عالدورات ؟!!
واذا ما أجا دورات معقول ننتذكر كل شي دارسينه إذا ما كنا مراجعين النوط قبل بكم يوم!!

لذلك الأنسب بعد كل إعادة قراءة الدورات بسرعة 😃

#من_استفساراتكم

🔴 بالنسبة للنسائية والتوليد1و2
كيف الترتيب الأفضل لدراستهم
نسائية قبل ولا توليد؟
بحيث امشي بالتسلسل نفسو يلي أنت مشيت فيه بالتسجيلات ومشان ربط الأفكار يعني؟

⭕️ أولاً الفصلين 2_3 هنن تأسيس للمادة
ثم عندكم خيارين
👈 إما تكملوا نسائية (وهو الأفضل) تخلصوها بعدين ترجعوا للتوليد.
👈 أو تكملوا نوطة توليد1 كلها بتندرس معكم ماعدا المجيئات المعيبة
بس توصلوا عالمجيئات المعيبة (بتوليد1) لازم تدرسوا قبلها فصلي الولادة الطبيعية 7_8 لتنفهم صح

فالتوليد1 أهم بكتير من توليد2

بالتوفيق والسداد يارب ❤️

بعتذر جدا من كل حدا طلب نكمل تسجيلات مراجعة للكتلة الأولى 💔
الوقت ضيق و العمل مو سهل أبدا
كنت بتمنى أقدر كمل بس الله بيعلم التعب المبذول لتطلع الفويسات بهالشكل.

للكتلة الأولى مجربين كذا مادة مفيدات فيكم تراجعوا من تسجيلات نيرد أو في قناة للدفعة 48 فيها لأهم الداخليات تسجيلات مراجعة.

بالتوفيق للجميع 🌸

تذكير غدًا آخر يوم على عرض فويسات المراجعة 🔥

⭕️ تنويه لكثرة الاستفسارات:
شو ما كان مصدر دراستكم بتقدروا تستفيدوا من التسجيلات إن شاء الله 🤩
المواضيع الهامة نفسها بكل ملخص وبكل وقت فحالياً كلنا لازم نركز على فقرات الدورات وخصوصي يلي مو ملحق وهي ميزة التسجيلات تم التركيز فيها على أهم الأفكار 👌
قوي قلبك على قولة الدكتور ماهر الحسين ❤️ وطف الفقرات الأقل أهمية 😄

بالتوفيق والسداد إن شاء الله.

🔴 نصيحة هامة مكررة جدًا:
لاااااااا تغيروا مصدر دراستكم الأول
إلا إذا مادة ما ما لحقتوها جيبوا مصدر مختصر شو ما كانت المادة
بس مثلاً ملخصين و حاطين ملاحظات عالنوطة وهلق خطرلكن أو شفتوا حدا من رفقاتكم عم يراجع من مصدر تاني و أنتو ملخصين ووضعكم تمام رجاااااء لا تغيروا وتشوشوا حالكم.

طيب عندي نوطة شاملة لمادة ما و ما بقا ألحق أدرسها كاملة متل الغدية مثلاً شو أتصرف ؟
👈 إما بتحدد فقرات الدورات عالنوطة وبتدرسن و الباقي قراءة فقط.
👈 أو إذا بدك تتكلف 😅 بتشتري نوطة تانية مختصرة.

اقرؤوا كل شي ولكن أهم شي أهم شي تركزوا على فقرات الدورات لأنو الفقرات الهامة نفسها بكل دورة و بكل وقت 😅

🔴 نصيحة تانية: قرب الوقت للبرنامج يلي نزلناه فاسمعوا هالنصيحة 🤩

الإنسان بطبيعتو بينسى كتير ولازم يراجع دائما لذلك للأشخاص القادرين على ذلك وما بتشوشوا بنصحكم👇😅
ممكن أثناء مراجعتكم هلق للكتلة الأولى تراجعوا معها الجراحات المتعلقة وخصوصا العامة متعلقة بالهضمية والكبد
بالطريقة هي بتضمنوا إن شاء الله ما تنسوا الكتلة التانية لوقتها.

و يلي عندو تقصير بمادة النسائية والتوليد مثلاً يمشي كل يوم ساعتين تلاتة بالليل خلال هالأسبوع الجاي أو ممكن يراجع فيها اذا مخلص.

بس قربت الكتلة الأولى 15_20 يوم اكيد ما منفتح شي أبدا مع الكتلة الأولى

وبرجع بعيد هي نصيحة لمن يرغب ليست نصيحة عامة فالأمر نسبي، البعض مقصر بالنسائية و التوليد وخايف ما يلحقا بين الكتلتين فبيستفيد من هالنصيحة
البعض لأ بتشوش وملحق كل شي خلص يبلش مراجعة كتلة أولى ويطمن 🤓

بالتوفيق والسداد للجميع 🌸

🔴 لمن يسأل عن فقرات الدورات من وين منحصل عليهم؟
👈 إما من قناة MRI
https://t.me/fakarataldawrat
موجود فيهم عدد الأسئلة التقريبي لكل مادة

👈 أو فقرات مجمعن د.مارك رحال
شوفوهم بقناتنا حطيناهم هاشتاغ
#توزيع_الأسئلة

🔴 عدد الأسئلة التقريبي لكل مادة بملف مستقل هنا

أنت كطالب علم محتاج حالياً شيئين مهمين لزيادة إنتاجك الدراسي (البركة والتوفيق) و هذان من أعظم جنود ربنا الخفيين.

بركة يعني ممكن تخلص بنصف ساعة اللي بيخلص في أسبوع، وتوفيق يعني اللي درسته تروح تلاقيه بالامتحان، وأنت بحاجة ماسة لهالشي..!

و مارح تحصل عليهم إلا لو استعنت بالله، وتجردت من الاعتماد على نفسك ودراستك للاعتماد على الله، واللجوء إليه..

يعني اتعب واجتهد بس حط في بالك إنك بدون معية ربنا لك لا شيء سيتحقق، فالموضوع مو مادي بحت.

ألحَ على الله في طلب البركة والتوفيق والسداد، وحس بضعفك وحاجتك له سبحانه، واعمل اللي عليك وربك لا يُضِيع عمل عامل.

صُبِّحتم بالخير 🤍.

مهما أثقلَتْك مهامُّك تذكَّر:
اللّٰهُ مَن كلَّفك! إذًا هذا بوسعِكَ، فلا تخدعنَّك نفسُك بأنَّك لا تستطيع؛ فَاللّٰهُ إذا كلَّف أعان.

لا تفقد صبرَك مهمَا شقّ عليك الأمر ؛ فما بين حُلمِك وتحقيقِهِ إلا صبرٌ جميل، ولعلَّ الظروفَ التي تمرُّ بها الآن تقودُك إلىٰ قدرٍ جميلٍ لم تكُن تحلمُ به!

"يا ربِّ، وكُلُّ نَفَسٍ يُقرِّبُنا إليك، وكلُّ صباحٍ نستفتِحُ فيه بذكرك؛ امنحنا القُوَّةَ أن لا تتعثَّرَ خُطانا في السير إلى غاياتنا".

#من_استفساراتكم

🔴 لو سمحتوا أنا مالي دارس نسائية وتوليد بتلحق بوقتها؟

⭕️ معك أسبوع إذا ماشي كويس بالكتلة الأولى ادرس معها نسائية وتوليد كل يوم ساعتين تلاتة و بنصحك تمشيها مع تسجيلات المراجعة 🤩 مفيدات جدا جدا إن شاء الله بختصروا عليك وقت كتييير و الأشخاص يلي درسوا منن طولت المادة قرابة الأسبوع الحمد لله 😃✨

ممكن تمشي نسائية وتوليد1 أما توليد2 أقل أهمية ممكن تعيفا للفترة بين الكتلتين.
عينات فويسات النسائية والتوليد

بالتوفيق والسداد إن شاء الله 🌸

لا تنسوا أن تستفتحوا دراستكم كل يوم بالدعاء 👇

اللهم زدنا علمًا وفهمًا يا كاشف الأسرار ، يا عالم السر و الخفيات اكشف لنا الحجب عن وجوه العلوم والأسئلة حتى نطلع إلى حقيقتها و احفظنا عن الخطأ و الضلالة و أنت الموفّق لكلّ أمر و أنت علاّم الغيوب.
اللهم ارزقنا فهم النبيين و حفظ المرسلين و إلهام الملائكة المقرّبين بجاه سيدنا محمد صلى الله عليه وسلم.

🔴 نصائح هامة حول التصرف الصحيح فيما تبقى من الوقت 🤩

أهم ما ذكر في الفويس👇

الإعادة ثم الإعادة ثم الإعادة بتركيز وهدوووء، بدون توتر، متكلين على الله 😍 نحن تعبنا وأكيد ربنا رح يوفقنا إن شاء الله.

نبلش بالمواد الصعبة بالبداية لأنو محافظين هلق عتركيزنا ، وممكن نترك المواد اللي بتنتسى ك الجلدية و أطفال1 لآخر مادتين.

لازم نعيد مرتين خلال هالفترة أقل شي مشان الذاكرة قصيرة الأمد، يعني هلق مرة و آخر تلت أيام مرة و آخر يوم مرة أخيرة (آخر يوم منتصفح الفقرات الصعبة اللي بتلبكنا عادة و الأفضل طبعاً نراجع حتى الفقرات الهامة).

الربط والدمج بين الداخلية والأطفال ضروري جداً و الربط بين المواد أيضاً ضروري.

الأفضل نمر على الدورات بعد كل إعادة أو أقل شي أول وجه و آخر يوم بتقرؤوا اللي معلمين بنجمة (في طريقة سريعة اذا بدكم بس مرروا على نظركم الأسئلة وهي محلولة حتى ما تنسوها صح هيك ما عم تختبروا حالكم بس اكيد خلال السنة كنتو عم تحلوها ببطء).

أكيد إذا انزنقتوا دورات المرجع أهم بكتير من دورات قبل المرجع (بالفويس عالسرعة عكستن).

بالتوفيق والسداد للجميع ولا تنسونا من دعوة بهالوقت المبارك 🌸

و في ختام كل يوم استودعوا عند اللّه كل ما قرأتم و درستم فعند الله لا تضيع الودائع ✨

بالتوفيق و الفتوح إن شاء الله للجميع 🌸

#نصائح

⭐️ استعينوا بالله و اعلموا أنّ كلّ إنسان ميسرٌ لما خلق له و علامتكم شو ما كنت هي توفيق من الله لحتى تدخلوا الاختصاص المناسب والخير بحقكم.

⭐️ حاولوا تساعدوا بعضكم البعض فالله في عون العبد ما كان العبد في عون أخيه وادعوا لبعضكم في ظهر الغيب حتى تدعوا لكم الملائكة ولكم بالمثل.
إذا حدا بيعرف رفيق الو مو ملحق وشاف مثلاً ملخص بسيط أو فيديو أو تسجيل مراجعة ظريف يبعتلو هو
أو إذا بيقدر يدرس معو مثلا ليشجعو أو ينزلو معو عالمطالعة..
المهم لا تنسوا بعض بهي الفترة ❤️

⭐️ لا داعي للقلق في وقت كافي إن شاء الله للمراجعة بس حافظوا على تركيزكم و بنصحكم تقللوا فتح نت و مواقع التواصل هالفترة لعدة أسباب أولها للمحافظة على الوقت و استغلالها بالشكل الأمثل و ثانياً ربما قراءة كل رسائل غروبات الوطني بهالفترة توتركم بعض الشيء لذلك فقط إن احتجتوا سؤال أو ملف أو مشان تسجلوا للامتحان فممكن تفتحوا نت أما هيك كل شوي صراحة قد تشوش البعض برأيي.

فتح الله عليكم و سدد خطاكم 🌸

تذكير بقسم أدوية الطب النفسي عم يجي كل دورة عليه 4 أسئلة

4 أسئلة ب5 صفحات !
دراستها هامة ومضمونة 😃
هنن أول 5 صفحات بالملف هاد 👌

طاب صباح أصحاب الهمم العالية 🍃

لا تُخبر نفسك أن وقتك ضيق ولكن ادع اللهَ بالبركة.
لاتُخبر نفسك بأنك لا تستطيع وأن الأمر أكبر من قدرتك ولكن ادعُ الله أن يمدك بعونِه وقوته.

لن تصلوا لمبتغاكم إلا بمعاوِل الصبر 🌤🌿