#جراحة_صدرية #عينة

🔴 سرطان الرئة ، ربط بين الداخلية الصدرية و الجراحة الصدرية 🔥

#نسائية #عينة
🔴 إنتانات السبيل التناسلي

#توليد #عينة
🔴 الحمل الهاجر.

#عينية #عينة
🔴 شرح هام لموضوع القرنية🔥
2:33 التهاب القرنية الجرثومي
8:50 التهاب القرنية الفطري
10:43 التهاب القرنية الفيروسي
14:35 بقية التهابات القرنية
22:20 القرنية المخروطية
29:05 تنكس القرنية والشذوذات الخلقية
32:50 العدسات اللاصقة
37:18 القسم المميز بكل فويس حل أسئلة دورات القسم

#جراحة_عصبية #عينة
🔴 شرح شامل لرضوض الرأس.

تذكير لمن يسأل عن طريقة الاشتراك
مراسلة الحساب الإلكتروني ولا تنسوا مدة العرض للخميس ينتهي 😃
@MRIpdf1

تمديد فترة العرض على تسجيلات المراجعة ليوم الخميس المقبل 🤩🔥
بناء على طلبكم ❤️

فويسات الأذنية يتم رفعها إن شاء الله
بكرا منخبركم بس تكتمل 🤩🔥
تأخرنا شوي بس لحتى تكون السلسلة كلها خارقة وبذات الجودة إن شاء الله 🔥🔥

#من_استفساراتكم
من وين مصدر التوسع بفويسات الجراحة العصبية؟
من كتاب حلب ، الكتاب غني جداً إذا بدكم تتوسعوا بشي فكرة 👇

كتاب الجراحة العصبية لجامعة حلب

#تسجيلات_المراجعة

تأخرنا بمادة الأذنية بس والله لظروف مو بإيدي لبين ما يرتفعوا عالتطبيق المسا إن شاء الله بتكون ارتفعت.

شوية معلومات بخصوص تسجيلات المراجعة 👇

✅ التسجيلات تصلح للدراسة الأولية و للمراجعة.

✅ شاملة جدًا توسعت فيها مع التركيز على أهم الأفكار علميا و علاماتيا 👌.

✅ من وين ما كان مصدر دراستكم تعتبر وسيلة مفيدة و سريعة للمراجعة وأهم ميزة الربط بين المواضيع المتشابهة في الداخليات و الجراحات 🤩

✅ التسجيلات مناسبة لجميع المصادر و بكل مادة توسعت من مقررات الجامعات👇
⭕️ الجراحة العامة: سبع ساعات ونصف تقريباً ( التوسع من CMD).
⭕️ الجراحة البولية: أربع ساعات تقريباً.
⭕️ الجراحة العظمية: ثلاث ساعات ونصف للأربع (التوسع جامعة حلب و ملاحظات من جامعة البعث).
⭕️ الجراحة الصدرية: ساعتين وثلث ( التوسع من مقرر دمشق).
⭕️ الجراحة العصبية: ثلاث ساعات وتلت (التوسع من كتاب حلب).
⭕️ جراحة الأطفال: أقل من ساعتين (التوسع من مقرر حلب).
⭕️ الجراحة القلبية و الوعائية: ساعتين ونصف(التوسع من مقرر دمشق)
⭕️ جراحة الأورام و التجميل: ساعة تقريباً.
⭕️ النسائية: سبع ساعات و شوي (حلب ودمشق وتشرين).
⭕️ التوليد: عشرة ساعات وشوي (حلب ودمشق وتشرين).
⭕️ العينية: سبع ساعات وشوي( التوسع من كتاب دمشق)
⭕️ الأذنية: أقل من سبع ساعات ( التوسع من مقرر CMD).

بعون الله تعالى تم رفع تسجيلات المراجعة للمادة الأخيرة #الأذنية 🤩

وبهذا الحمد لله بفضل الله تم الانتهاء من كامل الكتلة التانية 😍
نرجو من الله أن تكون عوناً لكم ولنا على اجتياز هذا الامتحان و نأسف إن تأخرنا أو قصرنا ، إن استفدتم فادعوا لنا ❤️

مصدر التوسع من نوطة CMD + مقرر الشام Rbcs
إن أردتم التوسع و خصوصاً بمواضيع التشريح ممكن يجيبوا متل ما صار بآخر دورة (حكيت أهم النقاط بالتشريح).

#من_استفساراتكم
🔴 لو سمحتوا تسجيلات المراجعة فيها دورات؟ يعني محلول فيها كل شي؟

أي إن شاء الله 🤩 تم التنويه لمعظم الدورات ومناقشتها و إن شاء الله التسجيلات طريقة سريعة ومفيدة لتراجعوا المقررات والدورات بآن معًا

مصدر المراجعة الشامل للمقررات والدورات و كل النكشات إن شاء الله ✌️

قناة جمعنا فيها دورة حلب الجراحة العامة والجلدية هامات جدا وفي ملف حالات بيجي منه عادة بدورات حلب
https://t.me/+VnK4P59yXEzJ1Nd7

وقناة مجمعة لبقية المحافظات 👇
https://t.me/medical_Al

بس منوه أولاً أنو ما تتشوشوا أهم شي حالياً برأينا مراجعتكم من نفس مصدر دراستكم وحل دورات الوطني ومن ثم بالمرتبة التانية بيجوا دورات المحافظات

عندكم موازنة دقيقة بين أمرين أنو هل من المنطقي أروح أحل دورات جامعات ولسه فرضا ما لي مراجع شي ودراستي يا دوب بالزور لأخلص النوط و أحل دورات الوطني !!
ف انتبهوا يا جماعة لا تشوشوا حالكم ، نحن نشرنا بس بناء على طلبكم 😅

#من_استفساراتكم

🔴 بشكل عام من وين مصدر التوسع بالفويسات اكتر شي؟
من مقرر دمشق بالدرجة الأولى ثم حلب و طبعًا لا يخلو الأمر من كم ملاحظة متنوعة من مقررات تانية (العظمية من مقرر البعث مثلاً).

🔴 شو الجراحات يلي دامج فيها الفقرات المتشابهة بين الداخليات و الجراحات ؟
الجراحة العامة مع الهضمية (بشكل واسع)
الجراحة الصدرية مع الداخلية(بشكل واسع)
الجراحة القلبية مع الداخلية
الجراحة البولية مع الكلية
الدمج أحياناً بهالفقرات شامل بيغني عن دراسة الفقرات من الداخلية لوحدها وأحياناً مختصرات، بشكل عام طريقة الدمج رح تساعدكم إن شاء الله على الربط و تختصر وقت كبيييير.

لذلك نصيحتي الكم راجعوا الجراحات مع الداخليات بتمشي بسرعة 🤩🔥

لمن يسأل عن فكرة الربط بين الداخلية والجراحة 😁 هي مثال متل هيك

🔴 لمحة تعريفية عن مشروع تسجيلات المراجعة منذ نشأته للآن 🤩:

أنا زميلكم عبد القادر حجار مقيم قلبية بمشفى حلب الجامعي درّست مواد الطب البشري من السنة التالتة للسادسة من خلال فويسات و كورسات 👌🤩

⭕️ النشأة: بلشت القصة بالسنة التانية لما قررت نزل تسجيلات لأول مادة كانت تشريح عملي و من قبل كنت بدرس بكالوريا و كان عندي تسجيلات بمواد بالتحضيري بس ما نشرتا وقتا كانت عنطاق ضيق..

المهم بعدين نزلت فويسات لمواد الفصل الأول سنة تالتة و بلشت الناس تسمع وآخد آراء و يستفيدوا و من ثم طلبوا أني أكمل بالفصل التاني فبفضل الله لاقوا صدى كبير لذلك صرت حضرلها وضيف مصادر خارجية إضافة لمقرر حلب فكانت تطلع خارقة، بالفعل بلشت ب أدوية1 كانت من أروع التسجيلات 😍 و بلشت الناس تطلب و ما عاد ترضى وقف وصارت بفضل الله المصدر المختصر للدراسة الأولية و للمراجعة لمقررات السنوات التالتة للخامسة بحلب 😃

طيب يا جماعة والله مو ملحق دراستي ، خلص بطلنا إلا نسمع صوتك 😅 ، الحمد لله صرت شوف ثمرة العمل و بركة وتوفيق كبير 🥺 فقلت خلص تكرموا رح كمل إن شاء الله، فأكملت بفضل الله تسجيلات لمواد جامعة حلب من السنة التالتة لآخر الخامسة جمعناهم بقناة

و من وقتا من السنة التانية استمرت القناة بتوجيه الطلاب و إرشادهم لطريقة الدراسة الصحيحة و عملنا سلسلة قنوات للدفعات الأصغر و كملنا بقناتنا الأساسية التوجيه ووصع الخطط و التحفيز لطلاب الوطني 😃

⭕️ تسجيلات السادسة: لذلك كله و بناء على طلب زملائي بالدفعة نويت نزل تسجيلات للسنة السادسة بعد تردد كبير لصعوبة التحضيرات للفويسات لتطلع بالمستوى المطلوب لامتحان التخرج 👌 فاستعنت بالله و سجلت السنة الماضية الكتلة الثانية و هالسنة الكتلة الأولى و الحمدلله تم الأمر بعد عناء طويل 🤩

⭕️ وين موجودة تسجيلات السنة السادسة نجرب؟
نزلت الفويسات على تطبيق MeducAI كامل المواد الكتلة الأولى و التانية 🤩✌️

فيكم تجربو عينات من التطبيق بتحميلخ والضغط على تخطي هنا

⭕️ ميزات التسجيلات: شاملة و الكل رح يستفيد منها شو ما كان مصدر دراستكم لأنها وضعت إن شاء الله على أساس علمي وامتحاني ، توسعت فيها من مقررات المحافظات و ناقشت فيها الأسئلة الخلافية.

⭕️ طريقة الاشتراك: ببساطة الدفع عبر سيرياتل كاش او حوالات الهرم او في طرق تانية ، راسلو حساب الدعم الفني و اختاروا أنسب طريقة @meducai_support

و المبلغ رمزي الكتلتين ب 150 ألف لحتى نتيح الفرصة للكل يستفيد ويدعيلنا 😃

نسأل الله أن تكون هذه التسجيلات عونًا لكم جميعًا وأن يضع كل واحد منكم في الاختصاص المناسب يلي رح يفيد و يترك بصمة مؤثرة فيه.

#الخطة_الأخيرة✌️🤩

بقي عنا 35 يوم

في أسبوع بتقدروا تكملوا ما تبقى عليكم من الكتلة التانية وتبلشوا ب 8/9.

ببقا عنا 27 يوم فعلياً

20 يوم مراجعة أولى و 7 أيام مراجعة تانية.

هون بنصح تبدؤوا بالمواد الصعبة للأشخاص يلي ممكن تتوتر مع اقتراب وقت الامتحان أو بالمواد السهلة للأشخاص يلي دراستن قصيرة الأمد وممكن ينسوا.

ولو ما كنتوا عم تدرسوا دمج بنصح تدرسوا بعد كل داخلية قسم الأطفال المتعلق

يومين صدرية
يومين قلبية
يومين كلية
يومين هضمية
يوم كبد ونفسي
يومين دم
يوم رثوية
يوم ونص إنتانية
يوم ونص غدية
يوم عصبية
يومين أطفال1
يومين جلدية
تقريبا صار حوالي 20 يوم

ماتبقى ب7 أيام منرجع منعيد بتركيز الفقرات الهامة والمكررة جدًا من كل مادة مع إعادة الفقرات الصعبة والجداول و الدورات (خصوصا يلي حاطينن بالمفضلة كنا عم نخربط فيهم).

آخر يوم عيفوه للشغلات البصمية الصعبة متل بعض فقرات الجلدية و التطور الروحي الحركي وأمراض القلب الصمامية والنفسي و عدة شغلات تانية ممكن تكون صعبة بتختلف من شخص لآخر.


مشان الدورات مهمة جدًا جدًا لا تفرطوا بأي سؤال ، وأعيد و أكرر دورات الوطني لا تتشوسوا بدورات الجامعات (إلا مثلاً جلدية معروف مثلاً بيجي)

أي مادة ما لحقتوها (شو ما كانت) ما بقي وقت أفكر شو أدرس صرنا بال بعدين نحن 😂 خلص أي مصدر مختصر فيو فقرات الدورات.

البطولة هي بالإعادة و القدرة على تذكر كل هالتفاصيل من المواد ، ربما تكون درست طول السنة بس اذا ما عدت منيح بهالشهر للأسف بتكون ضيعت تعبك..
هاد الشهر هو شهر الزرع و بإذن الله رح نحصد الثمار 🤩

#من_استفساراتكم #هاااام

🔴 مرحباا يعطيكن العافية..
هلأ أنا درست وعبراجع وان شالله رح أمشي عالبرنامج الي نزلتوه عالقناة..يعني الأمور جيدة ان شاء الله..
بس سؤال.. أنو هل يُنصح بأنو نخلي وقت خاص للدورات؟!
صراحة كل ما أحكي مع حدا من هديك السنة بقلي تركي أسبوع قبل الكتلة دورات🤓 بقا هل هاد شي صح ولا لا برأيكن؟
وشكراً كتير 🔥

⭕️ أنجح شي تندرس الدورات مع المراجعة مو لحالها..
هاد خطأ كبير من زمان الطلاب بتوقع فيو، بعد مراجعة كل نوطة ما بتطول دوراتها ساعتين بالكتير إذا دارسين النوطة صح.

يعني بعد إعادة كل مرة منحسن نمر عالدورات بسرعة شغلة ساعة كتير سهلة القصة بتصير الأسئلة مطبوعة بأذهاننا.

ومنحط نجمة عالأسئلة الصعبة
قبل بيوم منركز الأسئلة الصعبة

بصراحة هي أنجح خطة ، لأنو هل من المنطقي أسبوع كامل نروحو كلو عالدورات ؟!!
واذا ما أجا دورات معقول ننتذكر كل شي دارسينه إذا ما كنا مراجعين النوط قبل بكم يوم!!

لذلك الأنسب بعد كل إعادة قراءة الدورات بسرعة 😃