العمل قائم بإذن الله وقريباً هالكم يوم سوف يبصر النور عملنا 😃
الجراحات تُطبخ على نار هادئة 🔥
متل ما تعودتوا علينا مارح نستعجل لحتى يكون العمل متقن إن شاء الله 🤓👌

بدنا دعمكم و دعواتكم إن شاء الله ما رح نتأخر..

#نصائح

⭕️ نصحنا سابقاً بأهمية دراسة كل داخلية مع قسمها من الأطفال2 فيها اختصار للوقت ، لأنو في كتير أقسام مترابطة وحتى بترمم بعضها البعض مثلاً بالكلية والدموية بتلاحظوا هالشي.

⭕️ بعض الجراحات بتندرس بعد الداخلية فورا لترابط الأفكار أيضاً مثلاً 👇🏻
الجراحة العامة بعد الهضمية و الكبد
الجراحة القلبية بعد الداخلية القلبية

⭕️ نصيحة مهمة جداً ذكرناها سابقاً: خلوا مصدر دراستكم و مراجعتكم واحد ما تدرسوا من مكان و تراجعوا من مكان آخر.

⭕️ خلال دراستكم الدور الأول افهموا كلشي و ضيفوا عالهوامش ملاحظات من الفيديوهات أو مصادر تانية غير المراجع..

بالمختصر ساووا نوطة كل مادة عبارة عن ملخص شامل فيه كل شي هام من دورات و ملاحظات و ربط مع غير مواد لحتى ترجعوا تعيدوا بالدور التاني تلاقوا الأمور كلها جاهزة و ما تضطروا تبحثوا عن شي فكرة معينة وتاخد وقت.


بالتوفيق لنا جميعاً و بأعلى العلامات إن شاء الله 🌸

طالب العلم يحرص على الأوقات المباركه للحفظ والمذاكرة
قال الإمام الغزالي: "ويجب على المتعلم مواظبة الدرسِ، والتكرار في أول الليل وآخره، فإنَّ ما بين العشاءين، ووقت السحر، وقت مبارك.

قال: وأقوى أسباب الحفظ: الجدّ، والمواظبة، وتقليل الغذاء، وصلاة الليل، وقراءة القران نظراً".

قال الخطيب البغدادي في"الفقيه والمتفقه": "اعلم أن للحفظ ساعات ينبغي لمن أراد التحفظ أن يراعيها، وللحفظِ أماكن ينبغي للمتحفظ أن يلزمها، فأجود الأوقات الأسحار، ثم بعدها وقت انتصاف النهار، وبعدها الغدوات دون العشيات، وحفظ الليل أصلح من حفظ النهار، قيل لبعضهم: بمَ أدركت العلم؟ قال: بالمصباح، والجلوس إلى الصباح. وقيل لآخر فقال: بالسفر، والسهر، والبكور في السحر".

#توجيهات

🔴 خطة سريعة لحدا ديبلش مراجعة خلص هلق أو بقي عندو شوي.


⭕️ لنفرض رح تبدؤوا هلق مراجعة خلصتوا أول دور دراسة أو بقي عندكم شوي لسه

✨في طريقتين للإعادة مقترحات:

⭐️ الأولى: بتساووا فترة الصبح لدراسة الشي الجديد و فترة مراجعة بالليل شغلة ساعتين تلاتة للشي القديم
وبس تخلصوا الجديد بتساوي كمان فترتين مراجعة صباحاً مثلاً كتلة أولى و مساء كتلة تانية هيك لتوصلوا ل10/9 مثلاً بصير ساعتها تركيزكم بس عالأولى بتعطوها وقت تقريباً 25 يوم


⭐️ طريقة تانية للناس اللي بتتشوش ممكن تبلشوا مراجعة كتلة أولى بنصف السابع ل10/8 و بعدين مراجعة كتلة تانية فرضاً ل10/9

بترجعوا بتعيدوا الكتلة الأولى من هالتاريخ لوقت الفحص.

الأمر نسبي بس عم نعطيكم اقتراحات أنتو اختاروا الأنسب الكم ، بالتوفيق إن شاء الله للجميع 🌸

طيب يلي حط 😭 هي خطة إذا ما بلشتوا دراسة شوفوا شلون بتلحقوا إن شاء الله 🤓👇

👈إذا بلشتوا من 11/7 لل20/8 كتلة أولى

👈و من 20/8 لل15/9 كتلة تانية مع مراجعة كل يوم ساعتين مثلا للكتلة الأولى بحيث ما تنسوها.

👈 من 15/9 لل5/10 بتركزوا بس كتلة أولى.

👈 الدور التاني للكتلة التانية بين الكتلتين.

⭕️ ملاحظات عامة:

👈ركزوا حالياً بس على فقرات الدورات
والباقي قراءة عالسريع.

👈خلوا حدا من رفقاتكم يساعدكم تتشجعوا تمشوا مع بعض بالدراسة.

👈حاولوا تحلوا بعد كل مادة دورات أقل شي الحديثات و بس بلشتوا بالدور التاني بتكملوا حل.
ضروري الدورات لحتى تتأكدوا من فعالية دراستكم.

👈 اختاروا مصادر صغيرة خصوصي للمواد الأقل أهمية و لاااااا تغيروا مصدر دراستكم مشان ما تتشوشوا.

👈شوفوا فيديوهات د ماهر كتير مفيدات و إن شاء الله عم جهزلكم تسجيلات شاملة للكتلة التانية.

بالتوفيق إن شاء الله.

ساهموا معنا في نشر قناة التوجيه والنصائح لطلاب الوطني
الملفات الهامة || وطني2023

القناة الأولى الموجّهة لطلاب السنة السادسة 2023❤ تعنى بنشر كل مفيد من ملفات ومشاركات الطلاب وشروحات للمواد ، تدار من قبل طلاب جامعة حلب.

لمشاركة الملفات أو الاستفسار تواصلوا معنا👇🏻
@ImportantFiles_Sos_bot

#من_استفساراتكم #توجيهات

🔴 كم يوم نحط بالأخير للدورات فقط ؟

⭕️ الأفضل تكونوا عم تحلوا دورات أول بأول مشان ما تتضطروا تتركوا وقت خاص الهم بالأخير
هنن طوال فاذا مالكم مبلشين حل من أول دور بلشوا حل بتاني دور دراسة
و بالأخير بالإعادة قبل الكتلة إذا كنتوا مارين على كل الأسئلة رح يمشوا معكم بسرعة مجرد تقليب سريع فقط.

لأنو غلط مثلاً أترك أيام للدورات بجوز ما يجي كتير دورات وأروح وقت المراجعة
فالأفضل قبل الكتلة بكم يوم تمروا مرور عالدورات مع مراجعة أهم أفكار النوط و صباح الكتلة بتمروا كمان ع الأسئلة المعلمة بنجمة.

و منأكد على نصيحة تراجعوا من نفس مصدر دراستكم الأول يلي حاطين فيو الدورات و ملاحظاتها و كل النكشات.

موفقين إن شاء الله 🌸

#توجيهات
يقولون : آفةُ العلم، النسيان

كطلاب طب، ما هي أفضل الطرق التي يجب أن نستعين بها لنبقى متذكرين لهذا الكم الهائل من المعلومات خصوصاً في سنة التخرج؟

لقد وجدَ الباحثونَ في الذاكرةِ أنَّ التكرارَ المتباعدَ أكثرُ كفاءةً من التعلُّمِ التراكميِّ أو الحشو، فالتكرارَ على فتراتٍ زمنيةٍ متباعدةٍ يؤدي إلى تذكرٍ أفضلَ من حشوِ المعلوماتِ في وقتٍ واحد.

الذاكرة السمعية من أقوى أنواع الذاكرة، فسماع تسجيلات صوتية مفيد جداً لمراجعة الكميات الكبيرة خصوصاً.

لا تبدل مصدر دراستك الأول وراجع من نفسو لحتى تشكل ذاكرة بصرية.

تدوين الفقرات الصعبة عل شكل خارطة مفاهيم له نتائج إيجابية جداً.

ادرس بطريقة الشرح لنفسك أو لغيرك وهذا أفضل مُثبّت للمعلومات في رأيي.

ممكن تتفق أنت و رفقاتك واحد أو تنين تلاتة بالكتير و تراجعوا سوا و تشاركوا أفكاركم وتفيدوا بعض.

أهم شي وأنتو عم تدرسوا اربطوا المعلومات ببعضها، يعني عم تدرس جراحة و عديت عليك معلومة متشابهة من الداخلية روح راجعها واربطها مع معلومة الجراحة.

من أفضل طرق تثبيت المعلومات في الطب حل مسائل سريرية متل نمط اليوورد، يعني بدل ما تحفظ تعدادات عن المرض احفظ المرض بشكل قصة نموذجية تخيل نفسك دكتور أجا لعندك عالعيادة أو عالمشفى، ف شو هو العرض الأساسي يلي رح يراجعك فيو و شو التصرف الصحيح و ...
اسألوا الطلاب يلي عم تدرس ستيبات في نسبة كبيرة بس بدرسوا مسائل يوورد

طبعاً أنا ما عم قلكم هلق تحلوا ما بقي وقت بس عم أنصح تدرسوا على هالنمط لأنو أسئلة الامتحان الوطني غالباً عم تركز عالشي العام والواضح فحاولوا تركزوا بكل مرض على:
العرض الأشيع، التشخيص الأفضل، طرق الاستقصاءات (تعداد)، أول اجراء، استطبابات إعطاء علاج ما، مضادات استطبابات..

ونحن طبعاً أسئلتنا أتمتة لازم تحلوها لتثبتوا معلوماتكم وحكينا سابقاً كل ما حليت أكتر بصير عندك مهارة أكتر.

“ولقد ينالُك في الطريق مشقّة
                     لكن أسقام الجهالة أوجع !

🌿✨

السلام عليكم
🔴 رح نرجع نفعل القناة للوطني ونبعت عليها قصص وطرق حفظ (طبعا الرجعة متأخرة بس لعل تفيد وتسهل الدراسة عالبعض بهالفترة).

🔴 طبعا كالعادة اي حدا عندو شي قصة او طريقة حفظ ولو بسيطة يبعتلنا هي ننشرها عالبوت
@ImportantFiles_Sos_bot

🔴الهاشتاغات لسهولة البحث :
#صدرية
#هضمية
#قلبية
#غدية
#رثوية
#دموية
#كلية
#عصبية
#نفسي
#أطفال1
#أطفال2
#نسائية
#توليد
#عينية
#أذنية
#جلدية
#جراحة_عامة
#جراحة_أطفال
#جراحة_بولية
#جراحة_قلبية
#جراحة_صدرية
#جراحة_عظمية
#جراحة_تجميلية

#تسجيلات_المراجعة #هام

زملاءنا الأعزاء 🌸 بخصوص تسجيلات المراجعة للكتلة التانية أعتذر عن التأخير بس والله مو بإيدي

سبب التأخير باختصار المقررات ضخمة وعم اطلع على مقررات الجامعات لرمم النقص لأنو متل ما بتعرفوا الكتلة التانية فيها نكشات كتير ، وعم حط دورات بعض المحافظات فالموضوع صعب جداً و عم ياخد وقت وجهد كتير كبير ، إن شاء الله أسبوع الجاي لما ينزلوا رح تلتمسوا هالشي بإذن الله 🤩

أكرر اعتذاري لكل حدا عم ينتظر وما قدرت وفي بوعدي وينزلوا عالوقت 😅

بس إن شاء الله بعد هالتأخير رح يطلع شي خارق جدا جدا إن شاء الله 👌

المهم لآخر أسبوع الجاي رح تكون الجراحات والنسائية والتوليد نازلين إن شاء الله.

دعواتكم 🌸

ثمّة مسرّات قادمة لأجلك. قد يتطلب الأمر صبرًا يستثقله عَزمك، أو وجعًا تحسبه سيستمر. وربما فوضى عارمة لم تتوقعها، وتقلّبًا بين الصعود والانحدار. لكنّ سبلاً ما زلتَ تشكو مشاقّها ستأخذ بيدك يومًا إلى أقدارك الرضيّة.

عش لذلك واصطبر ❤️🌿

غصن الشوك و الصعوبات في طريق التعلم 🎋

تقول الحكمة: اغرس اليوم شجرة؛ تنم في ظلّها غدًا 🌳


جِدُّك واجتهادك في هذه الأيّام، هو الغِراس الذي ستنام في ظلّه في سنواتك المقبلة، فلا تتراخى 📚📍
مميّزاتك الشخصية لن تُقابَل كما يجب، إن لم تُتَوِّجها بتفوُّقك الدّراسي 🏅
دعِ الاعتداد جانبًا، وابذل غاية جهدك في الحصول على الدرجات العالية في دراستك، 🌟
لا تُنزِل سقف توقّعاتك، لا ترضى بالقليل،
فهناك مراتبُ أخرى رفيعة تنتظر رُوّادَها، وأنتَ أهلٌ لها ✨❤️

#قاموس_عينية 👀❤
#عينية
#تجميعات
#مصطلحات

إجباري وأنت عم تقرأ عينية لازم تعرف هالمصطلحات المهمة مشان ما تضل تفوت بالحيط
خليهن جنبك هدول متل القاموس... بس ما تعرف شوي يعني شوف هالقاموس الجميل ده 👍😉❤

⭕️ شي مهم: شاركوه لأوسع نطاق، لأن هالمصطلحات كانت بالنسبة ألي عقدة العينية بالسنة الخامسة، بس هلا صار عندي وقت ابحث عن كل وحدة.. فصارت العينية أسهل وأريح🔥


--- --- --- --- --- --- --- --- --- --- --- --- --- --- ---


🛑 طرط أو مرط (Madarosis): تساقط شعر الأهداب والحاجبين

🛑 شمط: شيب أهداب مبكر، نتيجة فقد الميلانين فيها

🛑 الغمش:
▪︎هي العين الكسولة، أي تناقص قدرة الإبصار في عين أو في كلتا العينين.
▪︎بسبب عدم استخدام العين خلال فترة التعلُّم البصري (الطفولة)، أو نتيجة خليط من الحَوَل ومشاكل الانكسار.

🛑 شعرة: تندب جفني أدى إلى احتكاك الأهداب مع الملتحمة 》 تسحجات قرنية

🛑 شعيرة: ممكن داخلية (التهاب غدد ميبوميان بالمذهبة) أو خارجية ( التهاب غدد زايس بالمذهبة)

🛑 اللم: منطقة اتصال القرنية بالصلبة

🛑 شتر: هو انقلاب الجفن للداخل / للخارج

🛑 رأب: إزالة الجلد الزائد والدهون والعضلات

🛑 رفو الأجفان: هو إجراء جراحي يُخيط فيه الجفنان معًا بشكلٍ جزئي؛ وذلك بهدف تضييق فتحة الجفن

🛑 اطراق الجفن: تدلي الجفن العلوي للعين لأسباب عصبية - عضلية - ميكانيكية - تقدم بالسن (سفاقي)

🛑 خوص العين: غؤور العين

🛑 الثلامة Coloboma: هو عيب / نقص في أحد أجزاء العين (جفن- قزحية...)

🛑 قضأ الملتحمة: وذمة ملتحمة، ناجمة عن تحسس حادة بالملتحمة نتيجة تعرضها لمؤرج أو التهابها بالفيروسات الغدية

🛑 المآق: زاوية العين

🛑 السبل القرني Pannus:
▪︎ارتشاح لمفاوي في القرنية مع أوعية دقيقة سطحية متجهة نحو مركز القرنية مشكلة شبكة وعائية.
▪︎يميز في مكان وجود السبل تشكلات عقدية رمادية تشبه الأجربة.

🛑 التهاب قرنية نقطي سطحي: اضطراب عيني ناجم عن تموت مجموعات صغيرة من الخلايا على سطح القرنية

🛑 حوف القرنية: هو الحد بين القرنية والصلبة.

🛑 ظفرة العين: هي حافة العين، تشير غالبا إلى النمو المعتدل للملتحمة، ويوجد ظفر علوي وظفر سفلي.

🛑 رمص العين Rheum:
▪︎مُخاط رقيق يُفرز من العين خلال النوم مع غبار (وأيضا من الفم والأنف)، يجُف ويجمُد الرَمَص كقشرة في زوايا العين
▪︎لا يتشكل خلال اليوم بسبب رمش العين 》 ازاحة الرمص عبر القناة الدمعية الأنفية

🛑 التهاب ملتحمي حليمي (عملاق) GPC:
▪︎هو رد فعل تحسسي للعين يحدث عندما تتطور نتوءات واحدة أو عدة نتوءات دائرية صغيرة (الحليمات) على الجانب السفلي من الملتحمة الجفنية (رسغ العين)


🛑 اللاَبُؤْرِيّة (Astigmatism)‏ أو حرج البصر:
▪︎ تنجم عن تفاوت مستوى التحدب في مختلف أجزاء القرنية أو عدسة العين.
▪︎في هذه الحالة، تتجمع أشعة الضوء في نقطتين تقعان في أماكن مختلفة من العين، الأمر الذي من شأنه أن يشوه أشعة الضوء التي تصل إلى العين، ويؤدي لضبابية الرؤية البعيدة والقريبة. 

🛑 تَلَكُّؤ الجَفْن أو تخَلُّف هبوط الجفنين العُلويَّين ( Lid lag)‏:
▪︎ حالة سُكونية، بحيث يكون الجفن العلوي أعلى من المُعتاد مع مقلة العين أثناء النظر لأسفل.

🛑 النقطة الدمعية (Lacrimal Puncta):
▪︎ فتحة صغيرة فى داخل الجفون على بعد 2 مليمتر من الزاوية الداخلية لكل جفن
▪︎ تقوم بتصريف الدمع إلى القني المعية ومنه الى كيس الدمع ومنه إلى القناة الدمعية الأنفية

🛑 نجيج: مفرزات عينية بشكل عام

🛑 غطش، انشِمَارُ البَصَر (Anopsia)‏:
▪︎ خلل جزئي أو كلي في المجال البصري.
▪︎ عيب في الرؤية المركزية، بينما تبقى الرؤية المحيطية طبيعية في جميع الحالات تقريباً. 
▪︎ هو نقص وحيد أو ثنائي الجانب في أفضل قدرة بصرية مصححة، والتي لا يمكن أن تعزى لتأثير أي تشوه بنيوي في العين أو السبيل الإبصاري الخلفي.
▪︎ينجم الغطش عن شذوذ في تطور الخبرات البصرية في الحياة الباكرة


--- --- --- --- --- --- --- --- --- --- --- --- --- --- ---

⭕️ منقول من قناة🔥 :
https://t.me/medALIempire

مساء الخير💜

#التسجيلات_الصوتية💜
#تطبيق_MRI_الخاص_بالنسخ_الإلكترونية

يسر فريق MRI الإعلان عن كورسات الامتحان الطبي الموحد على شكل فويسات على تطبيق MRI ✌️

🔹الفويسات من إعداد الدكتور عبدالقادر حجار الغني عن التعريف بالنسبة لطلاب جامعة حلب وهي معتمدة على أعمال فريق MRI💜

🔹التسجيلات موضوعة بطريقة احترافية، بتركز بشكل أساسي على المعلومات الهامة امتحانياً بقالب علمي✌️

🔹رح تكون الكتلة الثانية كلها جاهزة لطلاب الدفعة 2023 إن شاء الله🔥

🔹حالياً كامل الجراحة العامة موجودة بشكل #مجاني على التطبيق🔥

🔹وبالطبع رح يكون متوفر أكواد لمادة واحدة بحيث بتقدرو تطلبو مادة أو أكثر حسب رغبتكم وكود لكامل الكتلة بحيث تحصلو على حسم كبير💜

🔹 الأسعار رح تكون رمزية جداً جداً جداً🔥

🔹 انتظرونا قريباً مع المزيد من التفاصيل🤗

كل التوفيق💜

📌القناة الخاصة بتحديثات التطبيق:
https://t.me/mripdf
📌 قناة فريق MRI
https://t.me/MRIMedSY
📌دار سورية الفتاة
https://t.me/young_syria

السلام عليكم ورحمة الله 😃

سابقا تم وضع تسجيلات المراجعة بتطبيق الMRI وحاليا وضعتهم في تطبيق خاص فيني MeducAI


يا جماعة العروض مميزة و الأسعار رمزية جدًا جدًا 🤩

هالخطوة رح تساعدني كمل و انتشر ووصل لكل طلاب الوطني بسوريا تسمع التسجيلات و للسنوات القادمة و صدقا صدقا قلبي عندكم ❤️ بس بنفس الوقت للسنوات القادمة هالخطوة كانت ضرورية الي لمشاريع مستقبلية أكبر و أكبر.


بدون ما أحكي بإذن الله التسجيلات بتحكي لحالها ، متعوب عليها شهور لطلعت بهالشكل..

موضوعة بطريقة احترافية إن شاء الله ، بتركز بشكل أساسي على المعلومات الهامة امتحانياً بقالب علمي✌️

الجراحات شهر طولت رممت النقص من مقررات حلب و دمشق بشكل خاص.

أضفت بعض دورات المحافظات الحديثة بالجراحات الهامة.

النسائية والتوليد إن شاء الله أقوى شي سجلتو بحياتي رح أترك الحكم الكم ووضعت كااااااامل الدورات و ناقشت الأسئلة الخلافية.

العيادات لسه رح سجلها هاليومين تلاتة و نرفعا عالتطبيق.

هاليومين رح نبعت طريقة الاشتراك وحالياً حطينا الجراحة العامة لتدرسوها لبين ما تجهز كل الأمور.

أرجو من الله أن يوفقنا و إياكم و أن يفتح علينا ❤️

غدًا إن شاء الله رح ينزل بوست مفصل فيه تفاصيل كل مادة و كم ساعة و شو فيها و شو الفصول الهامة و عدة أمور تانية إن شاء الله وكل الأسئلة يلي عم تدور ببالكم ❤️

التفاصيل باختصار:

بعتذر جدا عن التأخير بس والله ظروف صعبة و العمل مو سهل أبدا أبدا ، أرجو لما رح تسمعوهم تسامحونا عالتأخير وتدعولنا.

🔴 سعر الكود رمزي جدا جدا متضمنة أجرة التطبيق و رفعها عليه، أول فترة حيكون بعد الحسم 30 ألف ليرة.
الاشتراك عبر سيرياتل كاش رح نبعتو بكرا إن شاء الله بالتنسيق مع الفريق، عم يتم وضع اللمسات الأخيرة عالتطبيق..

🔴 تم رفع الجراحات والنسائية
بقي التوليد يتم رفعها حالياً و العيادات لآخر الأسبوع بالكتير إن شاء الله..

🔴 تم التوسع ببعض الجراحات وربط الجراحات مع الداخليات بكثير من المواضع لضمان حل أي سؤال إن شاء الله وفي عناية خاصة بمادة النسائية والتوليد لأهميتها 👌

🔴 عدد الساعات التقريبي لكل مادة:

⭕️ الجراحة العامة: مدة التسجيلات 7 ساعات ونصف تقريبا.

⭕️ الجراحة البولية: قرابة الأربع ساعات.

⭕️ الجراحة العظمية: تلت ساعات ونصف للأربعة.

⭕️ الجراحة الصدرية: ساعتين وتلت.

⭕️ الجراحة العصبية تلت ساعات وتلت.

⭕️ جراحة الأطفال أقل من ساعتين.

⭕️ الجراحة القلبية و الوعائية ساعتين ونص.

⭕️ جراحة الأورام و التجميل ساعة تقريباً

⭕️ النسائية: 7 ساعات وشوي بس خارقة جدا إن شاء الله.

⭕️ التوليد: 10 ساعات وشوي.

ف إن شاء الله إذا ما صار أمر طارئ التلاتا بتكونوا عم تسمعوا الجراحات كلها والنسائية ، آسفين مرة أخرى عالتأخر.

💠 شوية معلومات هامة عن التسجيلات:

🔴 التسجيلات مبنية على فهم المواد والترابط بين بعضها مع التركيز على طريقة طرح السؤال بالامتحان وحل جميع أسئلة الدورات.

🔴 رح تستفيدوا منها جدا شو ما كان مصدر دراستكم لأنها وضعت على أساس علمي وامتحاني ضمن أسلوب لافت إن شاء الله و ربما تشوفوا توسع ببعض المواضيع لأهميتها فضيفوا إذا حبيتوا على مصدر دراستكم.

🔴 تم التوسع ببعض الجراحات وربطها مع الداخليات بكثير من المواضع لضمان حل أي سؤال إن شاء الله بالإضافة لوضع بعض أسئلة المحافظات.

🔴 تمت العناية بشكل خاص بمادة النسائية والتوليد والتوسع من مقررات الجامعات لأهميتها و مناقشة الأسئلة الخلافية فيها، سندع الحكم لكم.

شوية ملاحظات بهالمادة 👇
⭕️ بنوطة توليد2: في تسجيلين طوال تأسيسيات الأول للفصلين 2_3 فيه تأسيس للنسائية والتوليد و التاني للفصلين7_8 هاد يعتبر أقل أهمية بالتوليد2 بس بيختصر وقت كبير عليكم.

⭕️ بحث الثدي بالنسائية يدرس من الجراحة العامة لأنو ما عم يجي شي عليه هون ، وأيضا الفصل 26 يدرس من الجراحات لنفس السبب.

⭕️ آخر فصل تشريح الجهاز التناسلي ما عم يجي عليه عادة بس اقرؤوه أضمن.

🔴 أخيراً عدد الساعات التقريبي لكل مادة 👇

⭕️ الجراحة العامة: سبع ساعات ونصف تقريباً.
⭕️ الجراحة البولية: أربع ساعات تقريباً.
⭕️ الجراحة العظمية: ثلاث ساعات ونصف للأربع.
⭕️ الجراحة الصدرية: ساعتين وثلث.
⭕️ الجراحة العصبية: ثلاث ساعات وتلت.
⭕️ جراحة الأطفال: أقل من ساعتين.
⭕️ الجراحة القلبية و الوعائية: ساعتين ونصف.
⭕️ جراحة الأورام و التجميل: ساعة تقريباً.

⭕️ النسائية: سبع ساعات و شوي.
⭕️ التوليد: عشرة ساعات وشوي.