#نصائح

⭕️ نصحنا سابقاً بأهمية دراسة كل داخلية مع قسمها من الأطفال2 و فيها اختصار للوقت ، لأنو في كتير أقسام مترابطة وحتى بترمم بعضها البعض مثلاً بالكلية بتلاحظوا هالشي.

⭕️ بعض الجراحات بتندرس بعد الداخلية فورا لترابط الأفكار أيضاً مثلاً 👇🏻
الجراحة العامة بعد الهضمية و الكبد
الجراحة البولية بعد الكلية

⭕️ نصيحة مهمة جداً ذكرناها سابقاً: خلوا مصدر دراستكم و مراجعتكم واحد ما تدرسوا من مكان و تراجعوا من مكان آخر.

⭕️ خلال دراستكم الدور الأول افهموا كلشي و ضيفوا عالهوامش ملاحظات من الفيديوهات أو مصادر تانية غير المراجع..

بالمختصر ساووا نوطة كل مادة عبارة عن ملخص شامل فيه كل شي هام من دورات و ملاحظات و ربط مع غير مواد لحتى ترجعوا تعيدوا بالدور التاني تلاقوا الأمور كلها جاهزة و ما تضطروا تبحثوا عن شي فكرة معينة وتاخد وقت.

⭕️ يلي ما بلش لحد هلق وما عندو شي تاني يبلش في وقت و بلحق إن شاء الله و لا يستنى تحديد موعد الامتحان

بالتوفيق لنا جميعاً و بأعلى العلامات إن شاء الله 🌸

#تسجيلات_المراجعة #هام_جداً

بعد النجاح الكبير بفضل الله تعالى في تسجيلات المراجعة طوال تلك السنوات😃 وردنا الكثير هل رح نزل تسجيلات للامتحان الوطني ؟!

بعد تفكير طويل ترددت بصراحة لأنو الموضوع كان مرهق و بدو تحضير ليطلع العمل إن شاء الله مُتقن 👌🏻 و الله بيعلم وحده كمية الجهد يلي كان يُبذل ليطلع قدامكم العمل بهالشكل الحمد لله 🌸

المهم بلا طول سيرة صعب جداً أنزل تسجيلات للكتلتين و بما أنو دكتور ماهر الحسين عندو فيديوهات خارقة للداخليات و عم يكمل يمكن حالياً ،
فالكتلة الأولى وضعها تمام إن شاء الله..

فقررت نزل تسجيلات مراجعة للكتلة الثانية إن شاء الله (النسائية و التوليد و الجراحات و العيادات)..

ولأنو المعظم متخوف من الجراحات مالها مصادر دراسة كافية رح حاول يكون الشرح شامل ووافي إن شاء الله 🔥
و بحيث يصير عنا مصادر كافية لمراجعة الوطني 👌🏻

⭕️ ملاحظة: غالباً سيكون مصدر شرح التسجيلات مناسب لجميييع مصادر الوطني.

بالنهاية بدي منكم تدعولي بظهر الغيب لحتى أقدر وفي بوعدي إن شاء الله و نزل كامل الكتلة الثانية إن شاء الله 😃.

‌ ‌ ‌ #ستاج_الداخلية
#أسئلة_المقابلات
بوست ثابت لتجميع أسئلة المقابلة لكل فئة 📣
يلي قدم المقابلة يكتبلنا شو سألوه ليفيد البقية ❤️
🌸 الرجاء كتابة اسم الدكتور 🌸

#بالتوفيق 🌷

💫 الطب البشري 51 || جامعة حلب
🆔 @medicine_Aleppo_51 💯

يلي قدم مقابلة داخلية فضلاً ساعدوا بقية الفئات بكتابة أسئلتكم مع اسم الدكتور 🌸

#من_استفساراتكم #مكرر

⭕️ في خطة بدي بلش بشكل جدي هلق بلحق؟ ولا أترك لتاني دورة ؟

أكيد بتحلقوا إن شاء الله 😁 صدقا الوطني همّو أكبر منو..

👈إذا بلشتوا هلق داخليات وأطفال بتخلصوا بشهر ونص بالكتير (الشهر الخامس ونصف السادس)
👈 و الكتلة التانية بدها تقريباً شهر أو أقل (لنصف السابع)
👈بزيد معكم نصف السابع لنصف التاسع تقريبا في شهرين بتراجعوا الكتلتين 😁.

ما مننصح حدا يترك التقديم للدورة التكميلية بآذار شفتوا شلون كان مستوى الأسئلة كتير صعبة.

و شغلة أخيرة الدراسة فعالة أكتر لما بتضغطوا حالكم ف اسألوا يلي بلش بكير كانوا عبيدرسوا عالخفيف لكن هلق صار الوقت المناسب حتى الكل يشد 🔥

وفقنا الله جميعاً و رزقنا الاختصاص المناسب 🌸

#فيما_يخص_مقابلة_الداخلية #حلب

الأهم بالدرجة الأولى دراسة الهضمية و القلبية والعصبية.
و بالدرجة التانية الكلية و الصدرية و الغدية (بالترتيب).

خيارات الدراسة حسب الوقت 👇🏻
⭕️ نوط النظري: حددوا الفقرات المهمة يلي عبيسألوا منها الدكاترة ودرسوها.

⭕️ أسئلة المقابلات السابقة: من تطبيق بيتا فعلوا نسخ مجانية.

⭕️ ملفات دورات السوادس

و مهم كتير تشوفوا أسئلة الفئات يلي قدمت هنا.

قناة فيها تجميعات مهمة لمقابلة الداخلية العصبية عمل زميلنا بالدفعة 52
https://t.me/+Zg2PSXT6YOo2OTg0

#إشراقة ⭐️
✨ قد يصيبك شعور الفتور و الملل لكن إياك أن يكون فتورك في وقت الغنائم و الزرع!

✨ إن كنت على الطريق فَاثبت، و إن بعُدت فعُدْ.
✨ و إن فترت عزيمتك فتذكّر ما ينتظرك بعد حين و تذكّر الأمانة التي أوكلها الله إليك.

أحسنوا ظنكم بربكم ثم بأنفسكم، لن يضعكم الله بموقف يفوق طاقتكم، استغلّوا أوقاتكم في سبيل ما تطمحون لأجله، فالعِبرةُ تكمن في النّهايات، إياكم أن تظنّوا أنه قد فات الأوان.

جمعة مباركة 🌸 و صباح دراسي موفق إن شاء الله ❤️

لا تنسوا من فضلكم تكتبوا أسئلة المقابلة
لأنو عم يتكرروا 😊

‌ ‌ ‌ #ستاج_الأطفال
#أسئلة_المقابلات
بوست ثابت لتجميع أسئلة المقابلة لكل فئة 📣
يلي قدم المقابلة يكتبلنا شو سألوه ليفيد البقية ❤️
🌸 الرجاء كتابة اسم الدكتور 🌸

#بالتوفيق 🌷

💫 الطب البشري 51 || جامعة حلب
  🆔 @medicine_Aleppo_51 💯

#هام
لمن يستفسر عن الوقت المتوقع لنزول تسجيلات المراجعة..

أولاً متل ما بتعرفوا تسجيلات المراجعة هنن للمراجعة وتثبيت الأفكار 😄 لذلك الفائدة الأكبر بتكون خلال دراستكم للمرة الثانية..

تانياً العمل بيحتاج تجهيز و تدقيق عدة مرات لحتى يكون شامل ومفيد كما تعودتوا عليه بفضل الله 🤓👌🏻

لذلك ما رح أقدر قبل هذا التاريخ 😅 👇🏻
ف ادعولي لحق و جهزوا حالكم لتراجعوا منن إن شاء الله 🔥😎

✨ الجراحات: تقريباً نهاية الشهر السادس و بداية السابع 1/7 ل10/7 .

✨ النسائية و التوليد: 10/7 ل 20/7.

✨ العيادات: أذنية و عينية و يمكن جلدية 20/7 ل30/7.

فريق عم ينزل تسجيلات صوتية لكل مقررات الوطني
https://t.me/MochaRecs
ما اطلعنا على المحتوى لكن بشكل عام التسجيلات و الشرح موسع لمن يرغب..

السلام عليكم ورحمة الله
جمعة مباركة عليكم 🌸

رح ننشر سلسلة نصايح ومناقشة أسئلة الدورة التكميلية آذار 2023 لدكتور مارك رحال، بتفيدكم كتير لتعرفوا توزيع الأسئلة و تعطوا كل مادة حقها..

#وطني
#توزيع_الأسئلة #د.مارك_رحال

الباطنة 72 سؤال (بشكل عام كيف أسئلة الداخليات بتتوزع؟!):
مواد الدرجة الأولى:
1 نفسي (3ص): 2-3س
2 كلية (40ص): 8س
3 قلبية (65ص): 12س
4 دموية (40ص): 7س

مواد الدرجة الثانية:
5 صدرية (65ص): 10س
6 رثوية (40ص): 6س
7 هضمية (100ص): 10س (من ضمنا الكبد: 40ص: 3س)

مواد الدرجة الثالثة:
8 غدية (80ص): 6س
9 عصبية (80ص): 5س
10 خمجية (90ص): 5س

طبعاً ما في شي جديد بالتوزيع.. كل الطلاب بتعرفو عموماً (بس هون بس رح ينحكا عن التوزيع ضمن كل مادة بمادتا😍)، لكن.. بظن اختلف ترتيب الاولويات شوي صغيرة.. ومتل ما قلتلكن السبب هوي مراعاة حجم المادة.. يعني مادة بيجي من صفحتين سؤال اكيد اهم من مادة كل 5 صفحات سؤال.. ولو عدد أسئلة التانية اكتر👍
أهم مثال أنو دائماً بيرتبولنا الهضمية كأهم أو تاني أهم مادة.. لأن عليها أسئلة كتير.. بس بينسو الحجم..
اكيد الهضمييية مهمة كتير.. ومواد الدرجتين 1+2 لازم ينبصمو كلن.. (التالتة فيها مناورات😂😉).. واكيد 10 أسئلة مهمين..
بس اذا ضالل معك يومين لتعيد؟ بتعيد هضمية 100 ص اللي عليها 10 اسئلة؟؟ ولا بتعيد كلية وصدرية اللي سوا بيطلعو كمان 100 ص بس عليهن 18 سؤااال👍😉 يعني ضعف عدد الأسئلة؟!!
الفكرة دائماً ب "الفعالية".. وفي أسرار كتير لسا رح نكتشفا هون😍
طبعاً الدورات معكن.. وعطول فيكن تتأكدو من حكيي👍
اهم فكرة بدي قولا انو التوزيع بشكل أساسي لآخر كم دورة (دورات المرجع) لان سابقاً كان في اختلاف.. +انو هاد توزيع وسطي.. يعني اذا اجا 11 هضمية و8 دم و8صدرية ما خربت الدنيا.. وماتغير عليك شي💪👍

#وطني #د.مارك_رحال
#توزيع_الأسئلة
#كلية
الكلية نصيبها من أسئلة الوطني حوالي: 8س وسطياً (6-9)
1 أعراض (8ص): 1-2س
2 القصور الكلوي(حاد+مزمن) (12ص): 3-4س
3 أخماج الجهاز البولي+ الحصيات (5ص): 2س
4 ما تبقى (15ص): 1-2س

*طبعاً الكلية تقريباً هي أهم مادة عالإطلاق متل ما ذكرنا سابقاً💪👌 وهالشي بسبب حجما الصغير كتير بالمرجع مقارنة بعدد الاسئلة الكبير (40 صفحة ب8 أسئلة).. ولهيك المفروض نظريا ندرسا بصم كاملة..
لكن عالأقل خلينا نفكر بهاد الترتيب للأولويات مشان آخر دور إعادة قبل الكتلة.. حوالي نصف كمية المادة (25/40) بيجاوبو ع7/9.. براتن سؤال او تنين فقط؟!.. اللي بتطلب الإجابة عنهم دراسة كمية تقريباً مماثلة (15/40)..
لهيك في نص لازم افهمو كامل.. وابصمو مع دوراتو.. وعيدو وعيدو.. وحتى قبل الكتلة إعادتو ضرورية.. بينما النص التاني بمشي فيه بسرعة.. وبدرسو منيح لما عندي وقت.. بفهمو من بعيد وما بالضرورة اتعمق فيه أو اتوسع.. وإعادتو قبل الكتلة مو ضرورية.. أو يفترض إعادتو شوامل. مع كم فكرة نحددن قبل👍

#وطني
#توزيع_الأسئلة #د.مارك_رحال
#هضمية:
الهضمية عليها: 10س (9-11س)
تقسم إلى:
الهضمية الخاص: 6-7س:
1 الأعراض: 2س
2 المري: 1 س
3 المعدة: 1 س
4 الأمعاء الدقيقة: 1س
5 الكولونات: 1-2 س
6 البنكرياس: 1س

الكبد (44ص): 3-4س:
1 الأعراض (12ص): 1-2س
2 انتانات الكبد الفيروسية (7ص): 1-2س
3 التشمع+ داء ويلسون (3ص): 1س
4 مااا تبقى (22ص): - (ولا سؤال)

*متل ما شفنا الكبد فينا نختصر نصو برياحة💪👌 بآخر كم دورة أجا سؤال عالتهاب الكبد المناعي الذاتي.. طبعاً سؤال واحد متل ما قلنا مابيخرب التوزيع.. خصوصي أنو من ضمن كمية كبيرة كل كم سنة وارد يجي أو لا.. لهيك باقي الكبد كلو بيتأجل وبيندرس بتركيز أقل من الأعراض والانتانات.. يعني أنت رايح وبتعرف سلف عليهن معظم الاسئلة.. لازم تبصمننن..

*في "تحت توزيع" خطير وفيه أسرار خارقة بالهضمية الخاص😍🔥 منحكي فيه بعدين😉.. بس رح اعطي مثال: هل تعلم انو سؤال المعدة اللي رح يجي هو حصراً (98%) سؤال عن القرحة الهضمية؟!.. يعني عسر هضم وظيفي وسرطان معدة والتهاب معدة ومابعرف شو.. هاد كلو أهميتو أقل من القليلة.. رجاع هلق عالدورات وتأكد😎👍
*بس كملاحظة.. حتى بحياتنا العملية كطبيب عام أو اخصائي هضمية أكيييد القرحة الهضمية أهم مليون مرة من باقي أمراض المعدة😎

هلق رح نحكي عن (تحت التوزيع)😍.. يعني من ضمن الأبحاث شو هي الأفكار المهمة؟..
هالقصة بالهضمية كتير مفيدة لان فعلاً المادة كبيرة عالفاضي.. والشغلات المهمة والشائعة هي ذاتا اللي بتجي كل سنة.. وهي كالتالي:
1 الأعراض: لازم نحفظا بصم كاملة
2 المري: 95% بيجي سؤال واحد وبيكون عن GERD..احتمال يجي غيرو كتير ضئيل.. وغالباً ح يكون قصة سريرية من الدورات بس المطلوب تعرف المرض من القصة هل هوي اكالازيا ولا سرطان ولا تشنج مري.. سؤال مساعدة يعني
3 المعدة: 99% بيجي سؤال وحيد عن القرحة الهضمية.. وطبعاً هالشي بيشمل أمراض الملوية البوابية.. أما أنو يجي شي اخر احتمالو يقارب الصفر (فعلياً بعمرو ما اجا😅🙄).. لهيك أمراض سرطان المعدة واللمفوما والتهابات المعدة مو مهمة..
4 الأمعاء الدقيقة: بيجي سؤال وحيد.. مو حابب قول 100% داء زلاقي🙄💔.. بس ما شفت غيرو من 2011.. لهيك شي 10 امراض بالأمعاء فينا مانركز عليهن كتير.. وهالشي بيشمل داء ويبل واللمفوما والذرب الاستوائي .. إلخ
5 الكولونات: وارد يجي سؤال او تنين.. هون في كذا عنوان غالباً الاسئلة ع واحد منهن.. سرطان الكولون.. الداء المعوي الالتهابي (كرون والقرحي).. متلازمة الأمعاء الهيوجة.. واخيرا التهاب الكولون الغشائي الكاذب بالمطثيات العسيرة.. ما تبقى مستبعد.. خصوصاً داء الملينات وتفاصيل البوليبات وبوتز جيغرز ومدري شو..
6 البنكرياس: هي كلا كلها كم صفحة لهيك تدرس كاملة.. بس السؤال بيجي التهاب حاد أو التهاب مزمن.. أما سرطانات البنكرياس والأمراض الخلقية مستبعدة شوي..

7 الكبد: بظن قلتلكن من قبل.. نص قسم الكبد بصم بصم بصم بصم (أعراض+ إنتانات فيروسية).. التشمع كمان مهم.. ارتفاع توتر الوريد الباب لازم نفهمو بس مستبعد يجي سؤال.. لهيك منقراه بس تفاصيل العلاج والجراحات والتحويلات ما منركز عليها.. داء ويلسون مهم.. الهيموكروماتوز مو كتير..
أما ما تبقى.. النص التاني كاملاً.. يعتبر مو مهم لدرجة اذا مانك مخلص كااامل البواااطن بتركيز ومرتاح كتير ومعك وقت.. فلا تدرسن.. بس قراهن دور بشي ساعتين مشان تخدر الضمير شوي😂💔 وتأكد من الدورات👍 (بركي كنت أنا نسيان شي فقرة😅)
وهالمواضيع بتشمل سرطانات الكبد.. أمراض أوعية الكبد.. كبد وحمل.. كبد وأدوية.. وكتير كتير عناوين تافهة بصراحة🙄😅😂

موفقييين❤️💙
*هالبوست ليساعدكن عتنظيم الوقت وزيادة الإنجاز👍 مو ليحرضكن عالإهمال😐😒😒
ف إذا خلصتو الشي الأهم اللي مؤكد يجي.. والشي المهم.. حاولو دائماً تقرو الشغلات اللي مومهمة ولو قراءة سريعة👍 بس المهم ما تدرسوها بشكل جدي ع حساب أبحاث أو مواد تانية.. الوقت محدود ولازم نستغلو لآخر لحظة.. شدو الهمة💪💪

#نصائح

مسا الخير جميعاً 🌸
بهالوقت ومع اقتراب موعد الامتحان المنتظر، المفروض يلي مبلش بكير يكون خلص الكتلة الأولى وبلش بالتانية
أو على وشك يعني، و يلي ما بلش ما يقلق في وقت كتير متبقي الحمد لله 😌🔥 استعينوا بالله و لا تخافوا..

المهم يلي مبلش بكير لازم بقى يحط برنامج مراجعة مثلاً يحط فترة باليوم لدراسة الشي الجديد (كتلة تانية أو ما تبقى من الكتلة الأولى) و فترة تانية يحط فيها مراجعة دورية للشي القديم يلي درسو ..

مثلاً فترة التركيز الصباحية مادة جديدة و فترة المساء مادة مراجعة..

برجع بعيد الهدف من البوست ليس التشاؤم للي مو مبلش بشكل جدي لحد هلق و إنما لشحذ همم الجميع و لفت النظر لأهمية فكرة المراجعة والإعادة 👌.

موفقين و أي شي بتحتاجو راسلونا عالبوت 😁

إن شاء الله رح نعمل على ذلك..
المهم بلشوا دراسة بشكل جدي 😄