دورات دفعتنا للنسائية والتوليد بالرابعة والخامسة:👇

‌ #ستاج_توليد
#أسئلة_المقابلات
بوست ثابت لتجميع أسئلة المقابلة كامل الفصل 📣
يلي قدم المقابلة يكتبلنا شو سألوه ليفيد البقية ❤️
🌸 الرجاء كتابة اسم الدكتور 🌸

#بالتوفيق 🌷

💫 الطب البشري 51 || جامعة حلب
🆔 @medicine_Aleppo_51 💯

#ستاج_نسائية #دورات

دورات دفعتنا هل سنة بالسادسة:👇

‌ ‌ ‌ #ستاج_النسائية
#أسئلة_المقابلات
بوست ثابت لتجميع أسئلة المقابلة لكل فئة 📣
يلي قدم المقابلة يكتبلنا شو سألوه ليفيد البقية ❤️
🌸 الرجاء كتابة اسم الدكتور 🌸

#بالتوفيق 🌷

💫 الطب البشري 51 || جامعة حلب
  🆔 @medicine_Aleppo_51 💯

تذكير بملفات الدراسة لمقابلة الجلدية

اقرؤوا البوست لتعرفوا نمط المقابلة

تذكير
و أسئلة المقابلات السابقة كتير مهمة

انتبهوا نموذج أسئلة الجلدية
كل سؤال تشخيص و بعده سؤال عن العلاج
ف إذا ما عرفتوا التشخيص بروح السؤال يلي بعدو 😅

مساء الخير زملاءنا ، طولنا الغيبة عليكم 😁

للتذكير نحن مستعدون لتلقي استفساراتكم عالبوت حول مواد الحمل السابقة من السنوات الماضية.
ورح نزل بوستات مختصرة إن شاء الله لتتوجهوا باختيار المصدر الأفضل لكل مادة.

الأهم فيما يخص السنة السادسة رح نستأنف نشر كل ما هو مفيد و معين لكم إن شاء الله 🌸

بروتكولات مختصرة لدراسة مواد الحمل من السنة الخامسة فصل ثاني 👇

#طب_شرعي #حملة #حلب

💭 مصادر المادة :
الكتاب أو في عدة ملخصات ملخص أنس غاوي أو ملخص نيرد أو الفنغر (أسامة المنصور بس ناقص السموم).

💭 خطتنا المقترحة:

👈🏻 يلي بدو يرفع فقط ترفيع :
الأبواب الهامة من شي ملخص والباقي يلي ما بلحق معكم دورات ، و ممكن خيارات الدورات تكفي للترفيع.

👈🏻 يلي بدو معدل لازم يدرس كل الفصول لأنو للأسف ممكن يجي من كل شي ، عادة كل دورة الدكتور بركز على باب معين وبيجي منو كمية كبيرة قد تصل للنصف متل ماصار بالدورة الأخيرة جاب من الباب الرابع الحروق (مع أنو ما جاي منو أسئلة دورات).

💭ملاحظات هامة:

⭕ الباب الرابع مهم جداً حسب آخر دورة بس هالدورة وارد يركز ع غير باب ، و الباب السادس و السابع أقل أهمية كان.

⭕ الباب السابع : الطب الشرعي الإجرامي المطلوب منو بآخر محاضرة قال نفرق بين الجمجمة والحوض بين الذكر والأنثى + البقع المنوية والبقع الدموية + ذكر انواع الزمر.

⭕ السموم : فقط جاب من جداول الترياقات بآخر دورة وكان عدد الأسئلة كتير.

💭 الدورات :
في تكرار دورات مهمة جدا وإن ما تكررت لكن بتساعد كتير لنتوجه بدراستنا  ولحتى نعرف نمط طرح الدكتور للأسئلة.
وحتى قيل دراسة خيارات الدورات بتنجح لحالها.


💭 تسجيلات المراجعة:
نزلنا وقتها تسجيلات لكل الأبواب عدا الباب الرابع والخامس ما أسعفنا الوقت ننزل.

💭 روابط الملفات والتسجيلات :
⭕️ ملخص أنس غاوي
⭕️ ملخص الفنغربرينت
⭕️ تسجيلات المراجعة
في تحت الرابط تسجيلات أيضاً.
⭕️ حل آخر دورة

#جراحة4 #حملة #حلب

💭 جراحة الأطفال: 15 سؤال ل د.محمد مرجان ، القسم جديد 76 ص ولكن الدورات القديمة ممكن تفيد ، والنوطة مفيدة حتى للوطني شاملة لأفكار جراحة الأطفال ، و نمط أسئلة الدكتور سلس جدا 😃 وهالقسم الوحيد يلي الو تسجيلات مراجعة.

والوقت المقدر لدراسة النوطة يوم ل يومين.

💭 الجراحة التجميلية: 10 أسئلة ، النوطة 50 ص بس عادة دورات إلا سؤالين 😁

💭 الجراحة العظمية: 65 سؤال 🔥 هنا بيت القصيد 🙃 المطلوب كتابين 800 ص وأكيد مستحيل حدا يدرسن 😅

شو الحل؟؟

تدرسوها بالمرة للوطني من مصدر كافي...

بس ما عنا علم عن مدى التطابق بين ملخصات الوطني و الأسئلة يلي رح تجي بمادة الجراحة4 و لكن كقاعدة عامة مصادر دراسة مواد السنوات الماضية أشمل من ملخصات الوطني.

⭕️ خيارات دراسة للعظمية مقترحة من طلاب قدموا 👇

🔺دورات وخيارات وبنوك فقط : قالوا بتضمن تقريبا نصف الأسئلة.
🔺بعض المواضيع الهامة من الكتاب مع الدورات والخيارات.
🔺 ملخص فيه فقرات دورات متل نيرد أو الفنغربرينت مع الدورات.

مننصح تطلعوا على ملحق الRbcs بفيدكم تقرؤوا منو خاصة أول محاضرة علم الكسور.. هنا

💢 الخلاصة : مننصح تدرسوا جراحة الأطفال و العظمية بالمرة للوطني إذا عندكم وقت هلق طبعاً.

أما يلي بس بدو يرفع مواد هلق فالأضمن تدرسوا نوطة جراحة الأطفال + دورات التجميل + العظمية ( جربوا درسوا ملخص بسيط مع دورات).

وأخييييرا الأهم هو حل آخر دورة ، في كم سؤال مشكوك سنعمل إن شاء الله على تصحيحه.

💭 روابط الملفات والتسجيلات:
نوطة جراحة الأطفال ألفابيت
اكسترا الفنغر
تسجيلات جراحة الأطفال
حل آخر دورة

#موفقين 🌸

#مداوة_سريرية. #حملة #حلب

💭 المقرر المطلوب: نوطة الدكتور لعند الصفحة 323 يعني محذوف اضطرابات النظم و الصادات.

💊 الأدوية العصبية والنفسية
💊 أدوية الغدد الصم
💊 الأدوية القلبية والكلوية
✖ اضطرابات النظم
✖ الصادات

💭 طريقة دراسة المادة: الطلاب عادة بدرسوها فقرات دورات بس أكيد كل سنة بطلع عنن الدكتور شوي 😁 لذلك الأضمن تنقرأ كلها.
الفقرات مهمة وشبه كافية لأنو فعليا النوطة فيها سرد كتير ومراجعة للأساسيات لذلك بيجي من الفقرات يلي فيها حكي عن الأدوية.

🔹طيب وين المشكلة لكن؟
الفقرات مشتتة وفي عدة ملفات وتحديدهم عالنوطة متعب شوي لذلك برأينا الطريقة الأنسب هي دراسة كل قسم وأول بأول بتروحوا بتحلوا دورات لتعرفوا وين بركز الدكتور بتعيدوا الفقرات بمراجعتكم للمادة.

💭 ملاحظات :
🔹 المادة سهلة إن شاء الله باعتبار درسنا بالداخليات أدوية قسم كبير منها (عصبية وغدية وقلبية وكلية).

🔹 في فيديوهات للدكتور ماهر الحسين لمعظم المواضيع كتير مفيدات وفيهم ربطات.

🔹 في اكسترا للفنغر من السنة الماضية شي 78ص شغل زميلنا أسامة المنصور.
وفي ملخص لفريق نيرد لفقرات الدورات قالوا.

💭 الخلاصة:
نوطة الدكتور مفيدة علمياً ،لذلك يلي عندو وقت يدرسها من النوطة أما يلي مضغوط ممكن يدرس اكسترا ، نسبة الدورات كتير كبيرة 😁 و نزلنا وقتها لكل المادة تسجيلات بفضل الله.

💭 روابط ملفات وتسجيلات :
المقرر PDF
اكسترا الفنغربرينت
تسجيلات المراجعة
فيديوهات دماهر الحسين
حل آخر دورة

#موفقين 🌸

#رثوية #حملة #حلب

💭 المقرر: 250ص مقرر د.زينة بس عطاه د.صالح باكير ومشرف المادة د.بشير ، المهم كتب الأسئلة د.صالح فكان الأسئلة ممتعة جداً عنمط مسائل اليورلد.

المقرر فيو حكي كتير بس الدكتور صالح ركز عالسريريات بالإعطاء و بهمو العرض المميز العلامة المميزة الفحص المميز ، الواسمات بكل مرض..
لذلك ممكن تدرسوا تفريغ كلام الدكتور بس النوطة سهلة ومفيدة جدا للوطني اقرؤوها.


💭 نمط الأسئلة: عدد الأسئلة 70_80 سؤال، في شي 30 مسألة على نمط مسائل uworld بس كلو من النوطة مافي اي شي خارجي و ممكن يكون لكل مسألة عليها أكتر من سؤال يعني متل نمط الجراحات ، وفي ملف حالات يورلد كتيير مهم قرؤوه (رابطه تحت)

الأسئلة سهلة بتنحل للي دارس لا تقلقوا 🤓 ولا يخلو طبعا من كم سؤال نكشات لكن كلوو بنحل والعلامات فوق ال90.

💠 للي ما بلحق ممكن يستعين بملحق الفنغر فيو أهم الأفكار 👌🏻

💭 في تسجيلات مراجعة ؟
في تسجيلات لكل المادة 😁 و إن شاء الله شاملات لكلشي ركز عليه الدكتور رح تستفيدوا منن جدا إن شاء الله ❤️
و في قنوات عملوها زملاءنا بالدفعة الله يجزيهم الخير مفرغين كلام الدكتور صالح ❤️ القناة هون و هون

💭 روابط الملفات والتسجيلات:
النوطة pdf محدد عليها حكي الدكتور
اكسترا الفنغربرينت
تسجيلات المراجعة
ملف حالات يورلد
حل آخر دورة

#أطفال2 #حملة #حلب

الأقسام الهامة 👇

♦️ قسم الهضمية والتغذية : أكبر قسم و كانت الأسئلة فيو جديدة على غير المعتاد ف ينصح تندرس وانتبهوا في نقص أفكار بالنوطة.

♦️ قسم الصدرية : أفكارها شوية صعبة و أجا آخر دورة من دورات قديمة.

♦️ قسم الغدية : دكتورة جديدة عطت المقرر فكانت الأسئلة أصعب قسم و في خيارات خارجية.

♦️ الرثوية و الأورام: بالعادة دورات ولكن أجا أسئلة جديدة ، بتنحل من دراستنا الرثوية.

🔺 باقي الأقسام إذا مو تكرار حرفي دورات في تكرار بالأفكار وأصلا أفكارها سهلة بتندرس بسهولة

الخلاصة:
🔴 كمية الدورات كبيرة ولكن الأضمن دراسة كل المادة و في أقسام أهم من غيرها متل ماذكرنا فوق👆
رح نرتب الأقسام حسب الأهمية وأنتو درسوا المناسب👇
الهضمية و التغذية _ الغدية_الصدرية _الرثوية و الأورام _العصبية_الكلية

♦️ روابط الملفات والتسجيلات :
المقرر pdf
اكسترا الفنغربرينت
تسجيل الصدرية
تسجيلات العصبية
تسجيلات الغدية
تسجيلات الهضمية والتغذية
حل آخر دورة

#أشعة2 #حملة #حلب

💠 المطلوب أقسام الجهاز العصبي والحركي والبولي والنسائية ولكن يلي لاحظناه عم يجي عليه أسئلة بشكل شبه كامل بآخر دورتين هو العصبية و شوية حركي و نسائية.

ما حدا بيعرف شو ممكن يصير بدورة هالفصل.

💠 أهم قسم يندرس قسم العصبية لأنو عم يجي عليه أسئلة جديدة.

💠 أهم شي تحلوا آخر تلت دورات (دورات الدفعة 50و51) من بيتا وتنتبهوا للأخطاء صصحناها وقتها عالقناة هون في بوست اضغط هنا.

💠 روابط الملفات والتسجيلات:
نوطة نيرد للأشعة2
تسجيل لقسم العصبية
تسجيل حل آخر دورتين انتبهوا للأخطاء
آخر دورة بدون حل

#موفقين

السلام عليكم ورحمة الله وبركاته 🙋🏻‍♂

مساء الخير زملاءنا 🌸

مين متحمس ليبلش دراسة للوطني ابتداء من 1/1 ؟! 🥳
أكيد نسبة كبيرة ما بلشوا لسه و متخبطين بشو يبلشوا 😕

لذلك قررنا نقدم شي مفيد إن شاء الله و رح يساعد الجميع بهالسنة 🤩👇

برنامج مقترح للدراسة و المراجعة بناسب الأغلبية يلي بلشوا و يلي عندن مواد حمل.

و رح نكشف عن مفاجآت تانية خاصة بالملفات الهامة للوطني 🔥🤩

طيب ما بصير تخبرونا هلق 🥺 ؟؟
طيب بس تلميح 🤓

رح يكون في برنامج نشر يومي النا عالقناة هون بما يناسب البرنامج الشامل يلي رح نحطو 😌 بحيث تكون الملفات المصدر المميز للدراسة و المتابعة.

البرنامج رح ينزل بكرا أو يلي بعدو إن شاء الله مع تفاصيل أكتر

و البداية رح تكون إن شاء الله بداية قوية ب 1/1 🤓🤩🥳

من لم تكن له بداية محرقة لم تكن له نهاية مشرقة..

الليلة سيتم نشر البرنامج إن شاء الله 🤓👌

🔴 نقاط هامة حول البرنامج:

📌 البرنامج سلس و يناسب معظم الطلاب إن شاء الله بأي جامعة ممكن يمشوا معنا 😌👌 وبلشنا بالهضمية مادة سهلة لحتى يتدرج الكل بالدراسة و تكون بداية موفقة للجميع 🤩

📌 مدة البرنامج خمس أشهر ونصف فبزيد معنا وقت شهر ونص للشهرين تقريبا لوقت الامتحان لحتى نعيد الكتلتين مرة تانية إن شاء الله 🤓

📌 تم مراعاة فترة امتحانات الفصل الأول مشان الطلاب حملة المواد فوضعنا فترة استراحة 10 أيام 😁
وحتى يلي بقصر بالبرنامج فهي فترة استدراك ليلحق يمشي معنا.

📌 لاحظنا أفضل وأسرع طريقة نمشي كل داخلية مع الأطفال فما رح يفرق مصدر الدراسة من وين 😁
بتريدوا تدرسوا بشكل مفصول أو مدموج نفس الشي.

📌 يلي بدو يتابع معنا بالبرنامج خطوة بخطوة بيقدر ينضم لمبادرة فسيلة (اقرؤوا عنها اضغط هنا في استمارة للانضمام).

📌 النقطة الأهم :
احكولنا شو رح تقدم الملفات الهامة 😃 ؟

إن شاء الله بالفترة المخصصة لكل قسم رح ننزل كل شي بعينكم على دراسته من فيديوهات و مصادر مساعدة.


نرجوا من الله التوفيق والقبول لكم و لنا 🌸
لأي استفسار راسلونا عالبوت
@ImportantFiles_Sos_bot