Psychology
Sigmund Freud : Oedipus Complex.

https://t.me/IknowledgeField/171

#Kira

Sonic 3
2024မှာထွက်တဲ့ကားတွေထဲ plotတွေက simple ဖြစ်ပေမယ့် ပြောရမယ်
Ending ကလည်းမိုက်တယ်
Eggman နဲ့ shadowလည်းတကယ်ကို unique ဖြစ်သွားတယ်
Overall7/10လောက်ပေးရမယ်
ကျန်တာကတော့ spoilရာရောက်မှဆိုးလို့မပြောတော့ဘူး😁
#baixiaochun

ဆရာသမား အိပ်ချင်မူးတူးနဲ့ Reviewရေးသွားတာလန်းချက်
#Kira

Join our yap discussion to yap:3

https://t.me/avadakadablah

What is Conceptual Manipulation?
ɪɴᴛʀᴏᴅᴜᴄᴛɪᴏɴ
Conceptual Manipulationအကြောင်းမပြောခင်
Conceptဆိုတာဘာလဲအရင်ပြောကြရအောင်
concept ကိုဘာသာပြန်ရရင် အယူအဆပေါ့။
Concept ကတော့အရာအားလုံးမှာရှိတယ်။
မြင်သမျှ အရာအားလုံးပေါ့။
ပြောရရင် ဆောင်းရာသီမှာ အေးတယ်လို့ခံစားလာရရင် ဒါက concept of coldnessပေါ့ အဲ့လိုမျိုးပဲ
Concept of manipulation,concept of walking, concept of killing... စတဲ့စတဲ့အရာအားလုံးမှာ concept တွေကရှိတယ် ။ love တို့လို အရာတွေကျတော့ concept itself တွေပြောရမယ်။
ဆိုတော့ conceptual manipulation ကဘာလဲ
Fiction မှာဘယ်လောက်ထိအသုံးဝင်လဲအသုံးများကြလဲ?
လုပ်နိုင်တာတွေကတော့ နာမည်အတိုင်း concept တွေကိုချယ်လှယ်နိုင်တာပေါ့ ဒါပေမယ့်လွှမ်းမိုးမှုက fundamental principles တွေအထိပါသက်ရောက်တယ်။ဒီလိုပြောင်းလဲလိုက်ရင်ကမ္ဘာကြီးကပါ အသစ်သောနည်းယာမကိုကိုက်ညီအောင်ပြောင်းလဲသွားတာမလို့ သာမန်လူတွေရဲ့ စိတ်နဲ့ဆို နားမလည်အောင်နက်နဲတာမလို့ ဘယ်လိုလဲတော့မသိပါ။ ဒါပေါ့ အသစ်တွေဖန်တီးတာတင်မကပဲ ဖျက်စီးနိုင်တာတွေလည်းလုပ်နိုင်ပါသေးတယ် spaceတွေ၊လူတစ်ယောက်ကိုလုံးဝဖျက်ပစ်တာအထိပါရပါတယ်။ဒီလိုဖျက်ခံရတဲ့သူက ဆင်တူတဲ့ conceptual creation နဲ့ပြန်မလုပ်ရင် နဂိုအတိုင်းပြန်မရပါဘူး။ conventional regeneration တွေလည်းအသုံးမဝင်ပါဘူး ဘာလို့ဆိုဒီတိုင်းရိုးရိုးသတ်လိုက်တာမျိုးမဟုတ်ဘဲ တစ်ခါမှမတည်ရှိခဲ့အောင်လုပ်လိုက်တာမလို့ existence ကနေပျောက်သွားတဲ့အတွက် creation နဲ့ပြန်ခေါ်မှပဲရပါမယ်။
ဒီနေ့ကတော့ introduction ပဲတင်တာမလို့ဒီလောက်ပါပဲ ကျန်တဲ့ partတွေနောက်နေ့မှတင်ပေးပါ့မယ်။
React?

#allheavens

Existentialism

ငါဘာလို့ အသက်ရှင်နေရတာလဲ ။ ဘဝရဲ့အဓိပ္ပါယ်ကဘာလဲ ။ ရှင်သန်မှုက တစ်ကယ်ရော အဓိပ္ပါယ်ရှိလို့လား ။

ဒီမေးခွန်းတွေက ကျွန်တော်တို့ ခေါင်းထဲကို တစ်မျိုးမျိုးနဲ့
တိုးဝှေ့ဝင်ရောက် လာတဲ့အခါ
"Existential Crisis" ဖြစ်တယ် လို့ခေါ်ဆိုနိုင်ပါတယ်။

Existentialism ဟာ ၁၉ နဲ့ ၂၀ ရာစု အတွင်း Søren Kierkegaard နဲ့ Friedrich Nietzsche လိုမျိုး ဒဿနပညာရှင် တွေရဲ့ လွှမ်းမိုးမှုအောက်က Philosophy Framework တစ်ခုဖြစ်တယ်။ Philosophy ကို ပိုမိုနားလည်ချင်ရင်

https://t.me/IknowledgeField/157 ။

Existentialism က နောက်ပိုင်းမှသာ Jean-Paul Sartre,Camus နဲ့ အခြားသော ဒဿန အတွေးအခေါ်ပညာရှင် တွေရဲ့ စာပေလက်ရာတွေ ကနေတင်ဆင့် WW2 အပြီး ပိုပြီးလူသိများလာ တယ်။

Existentialism ဆိုတာကို မြန်မာလို ဘာသာပြန်ရရင် " အတ္တဘဝမှန်ဝါဒ (သို့) ဖြစ်တည်မှုပဓာနဝါဒ " လို့ ဘာသာပြန် ရမှာဖြစ််တယ်။

ပိုမိုနားလည်လွယ်အောင် ပြောရရင် မိမိဘဝရဲ့ အဓိပ္ပါယ် ၊ တန်ဖိုး၊ အနာဂတ် တွေ ကို ကိုယ်တိုင်ဖန်တီးပြီး အနက်ပြန်ဖွင့်ဆိုရမယ် ။

အတ္တ(self) ကို ကိုယ်တိုင် သတိမူ ပြီး ထိုသတိကိုအခြေ ပြု တွေးခေါ်ပြီး ဘဝခံယူချက်တွေ လှုပ်ရှား ချမှတ်တဲ့ framework တစ်ခုပါ။

(အတ္တဟု ဆိုသည့် နေရာတွင် Egoကိုဆိုလိုခြင်းမဟုတ် အလျင်း Self ကိုသာဆိုလိုခြင်း ဖြစ်ပါ၏)

Existentialism အမျိုးမျိုးရှိကြတယ်။

Christian Existentialism,
Atheist Existentialism နဲ့ Absurd Existentialism (သို့မဟုတ်) Absurdism

Existentialism ရဲ့ Background Notion ကို ကျွန်တော်အပေါ်က ခြုံငုံ ပြောဆိုတဲ့နေရာမှာတင်နားလည်သဘောပေါက်ထားရင် ထိုသုံးခုကို ကျွန်တော်ရေးသား ရာမှာ ဆက် ဖတ်ရတာအဆင်ပြေမှာပါ။

ဒီနေ့တော့ဒီလောက်ပါပဲ။

#Kira

What is Existentialism?
https://t.me/IknowledgeField/179

#Kira

Literature ဖက်နည်းနည်းလှည့်ပြီး ဒီည George Orwell ရဲ့ "Animal Farm" ကို review ရေးပေးမယ် ။ မြန်မာဘာသာပြန် သခင် ဘသောင်းရဲ့ " ခြေလေးချောင်းတော်လှန်ရေး " ပေါ့။ PDF fileလိုချင်ရင် @MertvetsKira ကိုလာတောင်းလို့ရတယ်။

#Kira

Book Review : Animal Farm
By George Orwell

Animal Farm (သို့မဟုတ်)
ခြေလေးချောင်းတော်လှန်ရေး

အာဏာရှင်ဟာ ဘာကိုကြိုက်နှစ်သက်ပါသလဲ။ အာဏာရှင်ဟာ ငြိမ်းချမ်းရေး ကိုဘာကြောင့် စကားလုံးအလန်းလေးတစ်ခုအဖြစ် အသုံးပြုကြသလဲ။ အရည်အချင်းရှိတဲ့လူတွေ ဘာကြောင့် ကျရှုံးရသလဲ ဆိုတဲ့မေးခွန်းမျိုးတွေ ထွက်လာစေမဲ့ Concept အပေါ်အခြေ ခံထားတဲ့ George Orwell ရဲ့ စာအုပ်တစ်အုပ်။

George Orwell ကမြည်မာပြည်မှာလည်းကာလတစ်ခုကြာနေထိုင်သွားခဲ့ပါတယ်။ သူ့ရဲ့ ဒီ Animal Farm ဆိုတဲ့စာအုပ်ဟာ အာဏာရဲ့ ဆွဲဆောင်နိုင်မှု နဲ့ လူတွေတင်မက သက်ရှိဆိုတဲ့လက္ခဏာကို ပြရုံနဲ့တင် အာဏာရဲ့ငွေ့သက် ကို မက်မော မှု ထဲ စီးမြောနိုင်ကြောင်းကို ပြပါတယ်။

စာအုပ်အကြောင်း။
The Biography of the book

ဇာတ်လမ်းဟာ လူသားတွေရဲ့အဖိနှိပ်ခံ ဖြစ်နေရတဲ့ ခြံထဲက တိရစ္ဆာန်အုပ်စုဟာ လူသားတွေကို တော်လှန်ခြင်း ဖြစ်ပါတယ်။ သို့ပေမဲ့ လူသားတွေဟာ အဓိက ကြိုးကိုင်သူတွေ အဖြစ်ရေးသား ထားခြင်း လောက်ထိ ရိုးရှင်းတဲ့စာအုပ်မျိုးမဟုတ်။ ထို တော်လှန်ခြင်းရဲ့ အကျိုးဆက်တွေ နဲ့ အုပ်စုစနစ်တစ်ခု အပေါ်ကို ထင်ယောင်ထင်မှား လွတ်လပ်မှုတွေ ပေါ်လွင်အောင်ပြသပြီး ဉာဏ်ပညာနည်းသူတွေအပေါ်ကို ဉာဏ်နီဉာဏ်နက် များသူတွေက အမြတ်ကြီးစား ကြိုးကိုင် မှုတွေကို ဖြေးဖြေးခြင်း သရုပ်ဖော်သွား ပါတယ်။

အရေးအသား။
The Writing

ဒီစာအုပ်မှာ တစ်မူထူးခြားနေတဲ့အချက်က အစောပိုင်း အခန်းတွေမှာ Chapter(အခန်း) တစ်ခုနဲ့တစ်ခု ပြီးသွားတာနဲ့ "ဘာလား" ဆိုတဲ့ မေးခွန်းမျိုး ပေးနိုင်ပြီး နောက်ပိုင်းမှာတော့ ဖြည်းဖြည်းခြင်း စာအုပ်ရဲ့ အသိပေးချင်တဲ့ အစိတ်အပိုင်းတွေ၊ ဇာတ်ကောင်တွေရဲ့ သရုပ်သကန် မျက်နှာဖုံးတွေ ကွာကျလာတာကို မြင်ရမှာဖြစ်ပါတယ်။

စာအုပ် အပေါ်ကျွန်ုပ်၏ အမြင်။
My Review on this book

ဒီစာအုပ်က လှတယ်။ မြန်မာနိုင်ငံ လက်ရှိဖြစ်နေတဲ့ နိုင်ငံရေးအခြေအနေနဲ့ အပ်လျင်း တဲ့အထဲမှာပါပြီးတော့ ဒီတော်လှန်ရေးကြီးပြီးရင်တောင် ဘာဆက်ဖြစ်ကြဦးမလဲဆိုတာကို အနည်းဆုံးတော့ စိတ်ကူးယဥ်နိုင်မှုကို ပေးစွမ်းနိုင်မဲ့ စာအုပ်မျိုးပဲ။ အသက်ဝင်တယ်။ အာဏာရှင်စနစ်ရဲ့ သရုပ်သကန် ။ အမြတ်ကြီးစားခြင်း၊ လူထုကို ကြိုးကိုင်ချယ်လှယ်ခြင်း တွေကို အထင်းသားကြီး ထင်ဟပ် ပေါ်လွင်စေမဲ့ စာအုပ်တစ်အုပ်။

ကျွန်တော် ဒီစာအုပ်ကို စစဖတ်တုန်းက တိရစ္ဆာန်တွေ လူလိုစကားပြောပြီး လုပ်ချင်ရာလုပ်နေတာကို မြင်ပြီး သဘောကျမိပါတယ်။ ဒါပေမဲ့ နောက်ပိုင်း ဒီစာအုပ်ဟာ genere fiction တွေလိုမျိုး ဒီတိုင်းစကားပြောနေတဲ့ တိရစ္ဆာန်တွေအကြောင်းရေးထားတာမဟုတ်ပါဘူး။ ဒီစာအုပ်အဓိက ထင်ဟပ် စေတာက အဖိနှိပ်ခံဘဝကနေ လွတ်မြောက်သွားပြီလို့ ယုံမိရုံ နဲ့ ထာဝရလွတ်မြောက်မှုမဟုတ်သေး ဘူး ဆိုတာပဲ။

လွတ်လပ်ရေးရအောင် ကြိုးပမ်းနေတဲ့ သူတစ်ဦးချင်းစီး ရဲ့ ခံယူချက်၊ ရိုးသားမှု၊ အရည် အချင်း အပေါ်လိုက်ပြီး ထိုလွတ်လပ်မှု ဘယ်လောက်ကြာရှည်ခံသလဲ ၊ ဘယ်သူက လျှို့ဝှက်​ပြီး ပုန်းကွယ်လျက် အုပ်ချုပ်နေပါသလဲ ဆိုတာကို ဖော်ပြနေတဲ့ စာအုပ်မျိုးဖြစ်ပါတယ်။

ပြီးတော့ အဲ့ထဲမှ တိရစ္ဆာန်တစ်ကောင်ချင်းစီက အပျင်းပြေထည့်ထားတာမဟုတ်၊ အပြင်လောက နိုင်ငံရေး သရိုက်သကန်ရဲ့ ဇာတ်ကောင်တွေ ၊ နိုင်ငံတစ်နိုင်ငံရဲ့ လူတန်းစားတွေကို ဖော်ပြထားခြင်းပဲ ဖြစ်ပါတယ်။

မြန်မာဘာသာပြန် ။

ဘာသာပြန် "ခြေလေးချောင်း တော်လှန်ရေး" အဖြစ် ကလောင် ; သခင်ဘသောင်းရဲ့ အရေးအသားက မြန်မာ့အရသာ အပြည့် နဲ့ အလင်္ကာ အသုံးအစွဲတွေကလဲ သဘောကျဖို့ကောင်းပါတယ်။ ဒါပေမဲ့ နည်းနည်းမှင်မှင်လေး ကျန်ခဲ့ချင်ရင်တော့ Orwellရဲ့ Englishအရေးအသားက ပိုအဆင်ပြေမယ်ထင်မိပါတယ်။ 10ခန်းပါတယ်။ တစ်ခန်းချင်းစီ မှာအဆုံးသတ်ကို ဖြေးဖြေးခြင်းခေါ်သွားပြီး ဖြေးဖြေးခြင်းပဲ အာဏာရှင်စနစ် သရုပ်ကွာကျလာတာ မြင်ရမယ်။

မသေခင်ဖတ်ကြည့်သင့်တဲ့ စာအုပ်တစ်အုပ် ဆို ဒါကိုထည့်ပါတယ်။

မြန်မာဘာသာပြန် လိုချင်ရင် PDF File လာတောင်းလို့ရပါတယ်။ @MertvetsKira

“The creatures outside looked from pig to man, and from man to pig, and from pig to man again; but already it was impossible to say which was which”

- George Orwell, Animal Farm

#Kira

ဒီနေ့post မတင်ဖြစ်ပါဘူး ဗျာ။
Postတင်တဲ့ adminက ၄ယောက်ရှိတာ တစ်ယောက်က ခဏနားပြီး နောက်နှစ်ယောက်က နေမကောင်းဖြစ်နေလို့ ကျွန်တော်ပဲရှိတာ။ မနက်ဖြန်မှတင်ဖြစ်ပါမယ်။

ပြီးတော့ Channelထဲ အမျိုးသမီးရှိလားတော့မသိပေမဲ့ Admin Teamထဲမှာ Girl admတစ်ယောက်ပဲရှိ တာရယ်၊ အချိန်တစ်ခုထိ ကျွန်တော်တစ်ယောက်တည်း runရမှာဖြစ် တဲ့အတွက်ကြောင့် အဆင်မပြေလို့ admin လုပ်ချင်ရင် ခေါ်ပါတယ်ဗျ ။

အောက်ကတော့ sub တွေကို ချော့တဲ့အနေနဲ့ စာအုပ်လက်ဆောင်...။

#Kira

Fileပိုင်ရှင် အား မိမိတို့channelမှ Creditပေးပါကြောင်း။

မူပိုင်ခွင့်ကတော့ သူငယ်ချင်းဆီကပဲရှိတာမလို့ ဖတ်ပဲဖတ်ကြပါ ပြန်မတင်ပါနဲ့
#allheavens

နောက်ပိုင်းတွေ မှာ ညဖက်ဆိုကျွန်တော်တို့gpမှာ discussion လုပ်​ပေးပါမယ်ဗျ Joinထားပေးကြပါ။ https://t.me/Literature_Discussion_Club

#Kira

Voting result အတိုင်း ဒီည Philosophy ကိုဘယ်ကဘယ်လို စ လေ့လာရမှန်းမသိတဲ့လူတွေအတွက် 8:00 မှာတင်ပေးပါ့မယ်။

#Kira

Philosophy  ကို လေ့လာခြင်း။

Philosophy ဆိုတာဘာလဲသိချင်ရင်
https://t.me/IknowledgeField/150 ဒီမှာဖတ်ပါ။

ဒဿနဗေဒ ဆိုတာမေးခွန်း တွေကို အခြေပြုပြီး ကျိုးကြောင်းဆက်စပ် ရှာဖွေရခြင်းရဲ့ ဘာသာရပ်။ ဘာသာရပ်တစ်ခုလုံးရဲ့နယ်ပယ်ခွဲတွေလဲ ပြောပြပြီးပြီ။

အခုစာဖတ်သူတွေအနေနဲ့ Philosophy ကိုတစ်ခါမှမဖတ်ဖူး၊ ဘာမှလဲမသိသေးဘူး ဆိုရင် Sophie's World ကိုညွှန်းရမှာပါ။  Author Jostein Gaarder  က သူ့သမီးလေး ဆယ့်နှစ်နှစ်ပြည့်မွေးနေ့အတွက် လက်ဆောင်ပေးထားတာဖြစ်ပါတယ်။ English စာ အနည်းအငယ်ဖတ်တတ်ရင်အဆင်ပြေပါတယ်။

ပြီးရင်တော့ Socrates,Plato, Aristotle တို့ လို Western Philosopher တွေရဲ့ ဒဿန တွေကို ကြေညက်အောင်လေ့လာရပါမယ်။ ဒီလို Western Philosophy ကို နားလည်ထားမှသာ Kant,Hagel,René Descartes,David Hume တို့လို Foundationalism Philosopher  တွေရဲ့ ဒဿနကို ဆက်စပ်ပြီး တွေးခေါ် နားလည်မှာဖြစ်ပါတယ်။

( Socratesအကြောင်းကို Psychologyဖက် ကျွန်တော် လှည့်ပြီးရင် တင်ပေးပါ့မယ် ) Platoကိုလေ့လာရမှာ စာတမ်းဘာညာဖတ်ရမှာ အချိန်မပေးနိုင်ပဲ dialogue တွေဖတ်ချင်ရင် Plato-Complete Works ကိုဖတ်ပါ။

ဟုတ်ပြီ ကိုယ်က Sophie's Worldဖတ်ပြီးပြီ။ Western ဘဲ ကြီးသုံးပွေကိုလဲ နည်းနည်း နားလည်လာပြီဆိုရင် အဲ့မတိုင်ခင်ထဲက ကိုယ့်ရဲ့ Philosophy စဖတ်မယ်ဆိုကတည်းက ရွေးစရာနှစ်ခုရှိတယ်။ Secondary Book တွေဖတ်မလား။ Main Bookတွေဖတ်မလားဆိုတာပါ။

• Secondary Books  ဆိုတာက ဘာလဲဆိုတော့ မိမိလေ့လာချင်တဲ့ Philosopher ကိုယ်တိုင် ရေးသား ပြုစု ထားတဲ့ စာအုပ် (Main Books) မဟုတ်တဲ့စာအုပ်။
ထိုစာအုပ်တွေအပေါ်ဝေဖန်ချက် (သို့) ထို Philosopher ရဲ့ ဒဿန ကိုပြုစု ဖော်ပြထားတဲ့ စာအုပ် တွေကို ဆိုလိုပါတယ်။

Secondary booksတွေက မြန်မာမှာလဲ ရှိပါတယ်။ Mainတွေကိုတော့ ဘာသာပြန်ကရှားပါတယ်။

Englishလို Secondary Bookတွေ စဖတ်ချင်ရင် history of philosophy စာအုပ်တွေဖတ် ပါ။ ညွှန်းချင်တာက The Story of Philosophy by Will Durant  (မဖတ်ဖူးဘူး အကိုတစ်ယောက် fbမှာညွှန်းထားတယ်၊ ဖတ်ကြည့်ပါ) The Path of Philosophy: Truth, Wonder, and Distress Book by John Marmysz  (Philosophyနဲ့ပိုမိုရင်းနှီးစွာ နားလည်ချင်ရင် ဒါကိုပဲဖတ်ပါ ဒါကလုံးဝ recommendပေးပါတယ်)

မြန်မာလိုမျိုး Philosopher တွေရဲ့ အကြောင်းကို စာတမ်းပြုစုထားတာ ဖတ်ချင်ရင်တော့ ခေတ်သစ်ဒဿနဗေဒနိဒါန်း (လင်းလက်ဆွေ) ကိုဖတ်ပါ။  ရီနေဆန်းခေတ်ကနေစပြီးတော့ Philosopherတော်တော် တော့စုံပါတယ်။ ဒါတွေမဖတ်ချင်ရင်လဲ ဖြစ်တယ်။ မဖြစ်မနေလိုအပ်တာတော့မဟုတ် ဘူး။

ကိုယ်ဖတ်ချင်တဲ့ Philosopherအကြောင်းကို စာအုပ်ရှာပြီး websiteတွေမှာရှာဖတ်ပါ။ ပြီးတော့ ကိုယ်ကmajorသမားမဟုတ်ပဲအပျော်တမ်းဆို webတွေကနေပဲဖတ်ပါ။ အချိန်ကုန်၊ငွေကုန်သက်သာပါတယ်။

Ideaတွေကိုအဓိကနားလည်ချင်တာ ၊ Interpretation ( အဓိပ္ပါယ်သဘောမှတ်ယူပုံ ) တွေကိုနားလည်ချင်တာဆိုရင် lecture video တွေ ကို Youtube မှာနားထောင်လို့ရပါသေးတယ်။

ဒါက philosophy စဖတ်ဖို့ လမ်းညွှန်တာပါ။ philosophy က အရမ်းကျယ်ပြန့် တော့ အကုန်တော့ နားလည်ဖို့မကြိုးစားပါနဲ့။ 

တစ်ခုပြောချင်တာက ဘယ်ပညာရှင်ရဲ့ ideaကိုမှ Idolize လုပ်ပြီး ဘဝတစ်ခုလုံး ဒါပဲယုံမယ်ကွာ ဆိုပြီးမချပါနဲ့။ ရေနဲ့အညီစီးမြောပါ။ စိတ်ကျေနပ်ရင်နောက်တစ်ခုပြောင်းဖတ်ပါ။ ဒါပါပဲ။

More Contents?
React for More Guys

#Kira

Philosophy ကိုစတင် လေ့လာခြင်း။

ဖတ်ရန် -
https://t.me/IknowledgeField/199

#Kira

Hello ခု Admin က တော့ အသစ်ရောက်တဲ့ female admin huzailx ပါ။

Movie Recommendation လေးတွေ နဲ့ Poetry လေးတွေ တင်မှာပါနော်။

#huzailx

Memories erased လုပ်တယ်ဆိုတာကို ဘယ်လိုမြင်ကြလဲ။ accident တစ်ခုခုကြောင့် ဘာမှမမှတ်မိတော့ပဲ အကုန်လုံးကို မေ့သွားတာဖြစ်နိုင်ပေမယ့် ကိုယ်ဖျက်ပစ်ချင်တဲ့ မှတ်ဉာဏ်အပိုင်းအစ ကိုသာ ဖျက်ပစ်ခွင့်ရမယ်ဆိုရင်ရော။
ဒီနေ့ recommend ပေးချင်တဲ့ movie လေးက memories erased တာနဲ့ပတ်သတ်တဲ့ကားလေးဖြစ်တဲ့ Eternal Sunshine Of The Spotless Mind (2004) ကားလေးပဲဖြစ်ပါတယ်ရှင်။

ဇာတ်လမ်းအရတော့ အချစ်ရေးမှာ အဆင်မပြေတဲ့ Joel (Jim Carrey) နဲ့ clementine (Kate Winslet) တို့က တစ်ဦးကို တစ်ဦး မေ့နိုင်ဖို့ memories erased တဲ့ technology ကိုအသုံးပြုခဲ့ကြပါတယ်။ကျွမ်းကျင်တဲ့ စက်မှုနည်းပညာကို အသုံးပြုပြီး မှတ်ဉာဏ်ကို ဖျက်ပစ်ပြီးနောက်မှာတောင်, သူတို့ရဲ့စိတ်ခံစားချက်နဲ့ အချစ်က အတိတ်မှတ်ဉာဏ်တွေထက်ပိုကြီးမားနေတယ်ဆိုတာကို ပြသပေးထားတာပဲဖြစ်ပါတယ်။

ရုပ်ရှင်ကို စတင်ရိုက်ကူးတဲ့အချိန်တွေတုန်းကတော့ memories erased တဲ့အဖြစ်အပျက်မျိုးတွေက စိတ်ကူးယဉ်ဆန်တယ်ထင်ရပေမယ့် အခုချိန်မှာတော့ နီးစပ်လာပြီလို့တော့ထင်ပါတယ်။မလိုလားအပ်တဲ့မှတ်ဉာဏ်တွေကို ဖယ်ရှားပစ်မယ်ဆိုပေမယ့် ကျန်တဲ့မှတ်ဉာဏ်တွေကတော့ အကောင်းအတိုင်းကျန်ရှိနေခဲ့မှာ ဖြစ်တယ်လို့ ရုပ်ရှင်ထဲမှာဖော်ပြထားပါတယ်။ဒါပေမယ့် တစ်ကယ် real life စမ်းသပ်တဲ့အခါ ကျရင်ရော ကျွန်မတို့ မျှော်လင့်သလိုဖြစ်နိုင်ပါ့မလား။သို့သော်လည်း လူသားတွေပေါ်စမ်းသပ်အောင်မြင်နိုင်ဖို့က အချိန်တစ်ခုကြာဦးမယ်လို့တော့ထင်ပါတယ်ရှင်။

ပြီးတော့ ဒီmovie လေးက IMDb မှာ 8.3/10 အဆင့်ရရှိထားပြီး၊ Rotten Tomatoes မှာလည်း 93% အထိ ရရှိထားတာကြောင့်၊ ကြည့်သင့်တဲ့ ဇာတ်ကားတစ်ကားဖြစ်ပါတယ်။

ရုပ်ရှင်ကြည့်ပြီးတော့ လူမှုဆက်ဆံရေးနဲ့ ကိုယ့်အတွေးတွေကို ပြန်လည်စဉ်းစားဖို့ လိုအပ်စေမယ့် ဒီဇာတ်ကားကို မလွှတ်တမ်းကြည့်ဖို့ ညွှန်းပါရစေရှင့်။

#huzailx