اللهُمَّ لا تجعل رمضان يمضي
إلا وأعطيت كلاً منا سؤله

ورويت قلبه بفيضِ كرمك
وحققت به ما كان يظُنه مُستحيلاً
يارب العالمين

اللهمَّ أختم لنا رمضان برضاك
عنَّا ومغفرتك ياغفور يارحيم

يا مَن قصَّر في أوَّلِ الشَّهرِ ..
البابُ لم يُغلَقْ، والفُرصةُ لم تَضِعْ ..
والرَّحمةُ لم تنقطعْ ..
ربُّ رمضانَ في أوَّلِه
هو ربُّه في آخِرِه،
والعِبرةُ بالخواتيم ..
وقد قال ﷺ:
«إنَّما الأعمالُ بالخواتيم»
فرُبَّ قائمٍ في أوَّلِ الشَّهرِ فَتَرَ،
ورُبَّ غافلٍ في أوَّلِه استيقظَ في آخِرِه،
ففازَ برحمةٍ واسعة ..🤍


^^

على فكرة لو ضيعت الثلثين الأوائل  من رمضان وقصرت وفرطت
فعادي جدا تبدأ حالا صفحة جديدة وتجتهد وتسبق الكل وتدرك ليلة القدر 💘

أحسن فيما بقي 🟰 يغفر ما قد مضى

لله في كل ليلة عتقاء 💛

ياريت الدنيا كلها أيام زي أيام رمضان، وياريت الأوقات كلها زي وقت الفجر.🤍

يُداوينا وقت الفجر من كل يوم وخاصة فجر رمضان الحمد لله الجميل المُنِعم.🤍
#صـــــــــــلاة_الفجر_اثــــــــــــــابڪم_الله.
#أذكار_الصباح

- بسمِ اللّٰه الذي لا يضرُ مع اسمهِ شيءٌ في الأرضِ ولا في السّماءِ وهو السميعُ العَليم (ثلاث مرَّات)

- رضيتُ باللهِ ربًّا، وبالإِسلامِ دِينًا، وبمُحمَّدٍ ﷺ نبيًّا (ثلاث مرَّات)

- سُبحان اللهِ وبحمده عدد خَلقه ورضا نفسه وزِنة عرشه ومداد كلماته (ثَلاثَ مرَّات)

بِسْمِ اللهِ الرَّحْمٰنِ الرَّحِيمِ
وِرْدُ هَذَا اليَوْمِ مِنَ الخَتْمَةِ المُبَارَكَةِ:
"قِرَاءَةُ مِنْ سُورَةِ الأَحْزَابِ وَحَتَّى سُورَةِ فَاطِرٍ"
جملةٌ تشجيعيّة: اجْعَلْ قِرَاءَتَكَ دُعَاءً صَامِتًا؛ فَكُلُّ آيَةٍ تَتْلُوهَا تَحْمِلُ فِيهَا رَجَاءً وَيَقِينًا.
الوردُ حتّى نهايةِ هذا اليوم ⏳
#ختمة_رمضان

طيب ايه المطلوب منك في العشر ايام وليالي دول واللي اكيد باذن الله ليلة القدر هتكون واحدة فيهم عشان يحسب لك انك قمت ليلة القدر ؟

رقم واحد :

وقد يبدو شئ بديهي الا وهو الصيام، مش بس انك تصوم عن الاكل والشرب لكن كمان انك تصوم عن الذنوب وعن الكبائر وعن أي فعل ممكن يغضب ربنا

رقم اتنين :

الرسول عليه الصلاة والسلام قال لنا ان صلاة العشاء جماعة تعادل قيام نصف الليل، وصلاة الفجر جماعة تعادل قيام الليل نص الليل، يعني العشاء والفجر جماعة يعادلوا قيام الليل كله

بالتالي مطلوب منك طول العشر أيام الحفاظ علي كل الصلوات جماعة ودي من غيرها اعتبر نفسك فاتك فضل ليلة القدر.

رقم تلاتة :

بالنسبة للتراويح في حديث عن الرسول عليه الصلاة والسلام "من صلى مع الإمام حتى ينصرف كتب له قيام ليلة" فحاول طول العشر ايام تلتزم بصلاة التراويح ورا الامام في المسجد

رقم أربعة :

طيب هنفترض ان ظروف شغلك متسمحش ليك انك تصلي التراويح ساعتها تقدر تقيم الليل في بيتك ومستحب ان صلاتك تكون في الثلث الأخير من الليل، يعني من بعد الساعة ١ بليل

وصلاة قيام الليل الرسول كان في اغلب الوقت بيصليها ١١ ركعة، ركعتين ويسلم ويبدأ ركعتين جداد خمس مرات = ١٠ ركعات وفي النهاية بيصلي ركعة واحد ( الوتر ) عشان يبقوا ١١ ركعة كاملين بنية قيام الليل

ممكن حد يسأل هل ممكن حد يصلي التراويح ويصلي قيام الليل في الثلث الاخير من الليل في بيته؟ لو حد عنده المقدرة انه يعمل ده فأكيد أفضل واحسن ليه واجر أكبر وأهم حاجة الصلاة تكون بخشوع وهدوء ومفهاش سربعة ولا استعجال

رقم خمسة :

من احب الاعمال عند ربنا بعد الصلاة المفروضة بر الوالدين، لو والدك او والدتك او حد منهم عايش حاول تستغل الفترة دي بانك تبره وتراضيه وتعمل الحاجات اللي يحبها منك ولو متوفين او حد منهم متوفي تصدق عنه وادعيله في كل صلاة

رقم ستة :

كتر من الدعاء في العشر ايام دول على قد ما تقدر خصوصا في السجود، وأكتر دعاء حاول انك تردده دايما الدعاء اللي الرسول عليه الصلاة والسلام قال اننا ندعي بيه في ليلة القدر وهو "اللّهم إنك عفو تحب العفو فاعف عني"

وادعى بكل حاجة قلبك يتمناها ومتنساش اخواتنا من دعاءك

رقم سبعة :

حاول تكتر خلال الايام دي من قراية وتدبر القران والاستماع ليه بصوت المشايخ اللي بترتاح لسماع القران بصوتهم

رقم تمانية :

حاول طول الوقت ذكر ربنا يبقى على لسانك

رقم تسعة :

الرسول عليه الصلاة والسلام كان بيضاعف الصدقات في رمضان فحاول على قد ما تقدر تزود الصدقات خلال العشر ايام دول

..

أكيد ابواب الخير وابواب الطاعات مش مقتصرة على الحاجات دي بس وأي حاجة هتزودها أجرك هيزيد عند ربنا بس أهم حاجة تحاول على قد ما تقدر تلتزم بالحاجات دي على الاقل وباذن الله رمضان ميخلصش غير واحنا من اللي ربنا يعتقهم من النار ويعفو عنهم ليلة القدر

وربنا يهدينا ويثبتنا جميعََا.

بسم الله هات ايدك نبدأ مع بعض ختمه جديده
كل يوم من أيام العشر الأواخر بإذن الله هنزل رساله تذكير بالورد
ها مين هيختم معانا💪
استعينوا بالله وجددوا النيه❤️

يا صحبه الختمه دي بإذن الله هتبقا بخلاف الختمه اللي احنا ماشيين عليها من اول شهر رمضان وقربنا نخلصها ان شاء الله

هذه أيام القرب..
أتدري مالقرب من رب العالمين؟!

بِسْمِ اللهِ الرَّحْمٰنِ الرَّحِيمِ
وِرْدُ هَذَا اليَوْمِ مِنَ الخَتْمَةِ المُبَارَكَةِ:
"قِرَاءَةُ مِنْ سُورَةِ يس وَحَتَّى سُورَةِ الزُّمَرِ"
جملةٌ تشجيعيّة: القُرآنُ يَرْفَعُكَ وَأَنْتَ لا تَشْعُر؛ يَصْنَعُ فِيكَ إِنْسَانًا أَقْرَبَ لِلْحَقِّ وَأَثْبَتَ عَلَى الخَيْرِ.
الوردُ حتّى نهايةِ هذا اليوم ⏳
#ختمة_رمضان

الشيخ أيمن عبد الجليل قال حاجة حلوة أوي عن ليلة القدر والعشر الأواخر

قال: لو جيت جيبتك كده قصادي وقولتلك دول 10 شنط وقولتلك واحدة منهم فيها 100 مليون دولار هل هتختار واحدة بس وتفتحها وتطلع هي أو لا مش مهم ولا هتفتحهم كلهم؟
طبعًا هتقولي هفتحهم كلهم هي دي فيها هزار!

طب إيه رأيك بقى إن فاضل عشر ليالي كل ليلة فيهم والله أغلى وأفضل من الدنيا وما عليها مش بس الشنط

وفيهم ليلة لو فوزت بيها كأنك في عبادة أكتر من 84 سنة،
هل هتختار ليلة واحدة وتقول أنا بخمن إن دي ليلة القدر وتصلي فيها وتقرأ قرآن ولا هتجتهد في كل الليالي علشان تكون ضمنت إنك فوزت بيها إن شاء الله؟

شمروا واجتهدوا وارفضوا الراحة وودعوا الكسل وأروا الله تعالى منكم خيرًا.

اللهم وفقنا لليلة القدر واجعلنا ممن عفوت وعنهم وغفرت لهم فيها.'))

مهم.

‏أمثالنا مِن المُقصرين لن ينظر هل هي الليلة هي ليلة القدر أو غيرها .. إنما يظل مُرابطاً على باب ربه طوال أيام العشر .. يرجو أن يقبله في زمرة الصالحين، ولعل بالافتقار نبلغ ما لا نبلغه بعلمنا القليل.

‏ليلة وترية .. ليلة زوجيه.

‏المُحب يبقى مُقيماً على الباب .. لا يَبرَح.