مافيش Limit لأي حد بيسعى وهو متوكل على الله!

كل الأسباب بتتسخر .. كل الأبواب بتتفتح

شعبان بمثابة شهر رمضان مصغَّر!
‏وموسم تأهيل تعبدي مكثف لاستقبال سيد شهور العام.
‏احرص فيه على:

١-التوبة:
حيث أنه شهر رفع أعمال العام إلىٰ الله وعرضها عليه.

‏٢- الصيام:
‏لقول عائشة:"وما رأيته أكثر صيامًا منه في شعبان".

‏٣- القرآن:
‏ختمة قرآنية شعبانية مباركة تجدِّد صلتك بالقرآن.
‏كان يُقال: شعبان شهر القُرّاء.

‏٤- قيام الليل:
ولو بعشر آيات كل ليلة.
وقليلٌ من يفعله.
كن من هذا القليل.

أحب الأعمال إلىٰ الله أدومه وإن قلّ.

خلّونا نستغلّ آخر إثنين في شهر رجب الحرام ونصومه سُنَّة عن النبي ﷺ.

شعبان
هو شهر القرآن بإمتياز
(إعادة الصلح مع القرآن)

شعبان شهر التَجهز
رمضان شهر التلذذ
ورد اليوم
الوجه ١٠٣،١٠٢ من سوره النساء

١٠ نصايح لـ شهر شعبان عشان تجهز قلبك لاستقبال رمضان 🤩

١- الصيام :
النبي ﷺ كان يُكثِر من الصيام في شعبان.. مش تقيله خالص إنك تصوم اتنين وخميس، احنا في الشتا يعني فعليًا الصيام ١٢ ساعة بس وبيروح منهم كام ساعة الصبح بنكون نايمين والجو حلو مفيش عطش.

٢- القيام :
حتي لو هتصلي ركعتين بعد العشا وتوتِر بركعه برده هتاخد الثواب، ولو مش قادر النبي ﷺ قال "مَن قرأ آخر آيتين من سورة البقرة كفتاه" العلماء قالوا تكفي المسلم قيام تلك الليلة أو تكفيه السوء في تلك الليلة.

٣- قراءة القران :
حاول تقرأ ماتيسر من القران حتى لو آيتين، المهم المصحف يتفتح كل يوم، حط نيه لله عشان تاخد أجر، وعشان يبقى سهل عليك تختمه في رمضان بإذن الله.

٤- الصدقة :
حتى لو المبلغ قليل خير الأعمال أدومها وإن قل، وفيه كمان صدقات ممكن تعملها أكتر من مرة في اليوم مش هتكلفك حاجه خالص، تساعد حد محتاج مساعدة، تضحك في وش حد، أو تقول كلمة طيبة.

٥- متبطلش تدعي :
اوعى تيأس، ادعي بكل حاجه بتتمناها مفيش حاجه مستحيله على ربنا، متدعيش بالقليل كرم ربنا مالوش حدود، ادعي بكل يقين ومتنساش حبايبك وأموات المُسلمين وجهز دعواتك لرمضان زي ما السلف الصالح كانوا بيعملوا.

٧- اذكر ربنا وخلي سبحتك في إيدك طول الوقت :
حتى لو ماشي في الطريق خلي الذكر دايمًا علي لسانك ونوّع مابين الاستغفار والصلاة ع النبي ﷺ والتكبير والحمد والتسبيح.

٩- بقدر المستطاع استفيد بكل السُنن :
- اشرب وانتَ قاعد وعلى ٣ مرات.
- أذكار الصباح والمساء
- النوم على وضوء وأذكار النوم.
- قراءة سورة المُلك قبل النوم.
- ١٢ سُنه "ركعتين قبل الفجر ، ٤ قبل الضهر و٢ بعده ، و٢ بعد المغرب و ٢ بعد العشا".
- لو بتحب حد قوله إنك بتحبه في الله.
- الدعاء بظهر الغيب لغيرك.
- كظم الغيظ.

١٠- مش هيبقي نفاق منك أبدًا إنك تصلح نفسك الشهر ده عشان تجهز قلبك وروحك لرمضان، ملكش دعوه بكلام الناس وحاول بكل ما أوتيت من جُهد.

تقبّل الله منّا ومنكم صالح الأعمال.

‏«دخَل شهر شعبان، وهو بوَّابة رمضان، واللبيب يزيد من إيمانه ليتهيَّأ لرمضان، ويستعد استعدادًا حسنًا يليق بخير الشهور، فيزيد في ركعات وِتره، ويزيد في أيام صومه، ويزيد من وِرده، وهكذا حتى يدخل رمضان بقلبٍ مُقبِل، ونفسٍ مُسارِعة للخيرات».

صلاة الفجر.. مش مجرد ركعتين، دي أمان ليومك كله!

أصعب لحظة لما تسمع "الصلاة خيرٌ من النوم" وتختار راحة بدنك وتنسى راحة روحك. صلاة الفجر هي الاختبار الحقيقي لمحبتك لربنا، وشوف الجوائز اللي بتضيع منك لو نمت:

✅ سنة الفجر: (ركعتا الفجر خيرٌ من الدنيا وما فيها).. يعني ركعتين قبل الفريضة أغلى من كل كنوز الأرض.

✅ الحماية: (من صلى الفجر فهو في ذمة الله).. تخيل إنك ماشي في حماية ملك الملوك طول اليوم.

✅ النور: (بشر المشائين في الظلم إلى المساجد بالنور التام يوم القيامة).

✅  ﴿إِنَّ قُرْءَانَ الْفَجْرِ كَانَ مَشْهُودًا﴾.. الملائكة بتحضر صلاتك وتكتب اسمك في سجلات الفائزين.

✅ الجنة: (من صلى البردين دخل الجنة).. الفجر والعصر هما طريقك لرؤية وجه الله الكريم.

وعلى العكس تماماً..
الخسارة كبيرة؛ ضيق في الرزق، وتكاسل عن الطاعة، والنبي ﷺ وصف اللي بينام عنها أنه "رجلٌ بال الشيطان في أذنه"، وحذرنا إنها أثقل صلاة على المنافقين.

جاهد نفسك، اضبط منبهك، واستعن بالله.. 🕰️

#صلاة_الفجر_
#أذكار_الصباح

قبل ما أذكرك بصيام الخميس بكرة ..
تعالى نشوف مراتب الصيام في شعبان ..واختار مكانك 👇

1️⃣ - المرتبة الأولى:

صيام شعبان كله إلا قليلًا، يعني حوالي 28 يوم

– لا لا .. ده تقيل قوي!

2️⃣ - المرتبة الثانية

صيام أغلب الشهر من 15 لـ 20 يوم

– برضه صعب!

3️⃣ - المرتبة الثالثة :

صيام الاتنين والخميس 8 أيام بس

– مش قادر ألتزم!

4️⃣ - المرتبة الرابعة

صيام الأيام البيض 3 أيام

– مكسل!

5️⃣ - المرتبة الخامسة

فطّر الصائمين
– مُكلِـف!

6️⃣ - ذكر غيرك بالصيام

كلمة، بوست، رسالة، تذكرة حلوة
– حتى دي تقيلة؟!

🔔 هنا بقى وقفة مع النفس !
لو مش قادر تعمل ولا مستوى من دول ..
راجع إيمانك بهدوء،
مش عشان تحبط نفسك .. لكن عشان تفوق 🌱

شعبان شهر بترفع فيه الأعمال والمهمة كبيرة،

مش لازم تبقى في أعلى درجة،
بس ماينفعش تبقى واقف تتفرج.

✨ اختار لنفسك طريق ولو صغير بس يكون صادق ويليق بالمهمة اللي جاية:

إن عملك يطلع لربنا وهو راضي عنك
ربنا يبلّغنا رمضان وقلوبنا أحسن ❤️

#شعبانفرصتك
#رفعالأعمال

بركة الوقت التي تشكو قلَّتها، تلتمسُها منذ ساعات الصباح الأولى :

‏- بشهود صلاة الفجر
‏- بالحفاظ على وردك اليومي م القرآن
‏- بقراءة أذكار الصباح مع حضور قلب
‏- باستحضار النيَّة الصالحة

‏من وُهب هذا التوفيق فقد أدرك نعيماً مُعجَّلاً.
#صلاة_الفجر_
#أذكار_الصباح

بدأ شهر شعبان؛
شهرٌ تُرفع فيه الأعمال، وكان السلف الصالح يُسمُّونه شهر القُرّاء فأكثروا فيه من قراءة القرآن 🤍

ورد اليوم؛
الوجه ١٠٥،١٠٤ من سوره النساء

-
شعبان بدأ وده ثالث أيامه لو إنت مش متابع..
الشهر لسا فاضل فيه معظمه؛ وهو شعر الزرع..
ابدأ من دلوقتي، جهز ورد قرآنك، ردد ذكرك، مرن لسانك على أن ينتقي الكلام، تصدق ما استطعت، اصلح بين الناس وقل معروفا ما استطعت، غض بصرك..
نضف نفسك أولا بأول من واغش الدنيا وزينتها وتهافتها عليك.

من استكثر من الصّلاة على النبيّ ﷺ
فهُو يستفتح لنفسه أبواب الكرم الإلهي
ويُضيء قلبه ورُوحه وتُقضى حوائجُه
في حديث أُبي بن كعب: اجعل لك صلاتي كلها؟
قالﷺ: "إذن تكفى همك ويغفر لك ذنبك"
اللهم صل وسلم على نبينا محمد ﷺ. 🌱

#ليلة_الجمعة
#الصلاة_على_النبيﷺ

صباحكم خير..

منبه الفجر، أهم من منبه الشغل والدراسة وأي مشوار مهم.

لو أول منبه بتصحى عليه مش الفجر؛ فمتستغربش إنك طول الوقت بتعاني في الدنيا، والتوفيق غائب عنك، والدنيا نفسها واخداك.

ده النداء الوحيد اللي بيقول "الصلاة خير من النوم"
يعني في اللحظة دي مفيش حاجة أعظم عند الله من شخص توضأ وصلى، ببساطة ده إعلاء لقيمة الدين في قلبك، والاستجابة لنداء الله على الراحة.

سواء نايم، منمتش، هتصحى بعدها بساعة، هتصحى بعدها بكذا ساعة، لازم منبه الفجر يكون هو رقم 1 في يومك وأولويتك، لو عايز تنعم فعلا في الدنيا والآخرة.🤎
#صلاة_الفجر_
#أذكار_الصباح

"والله لن يتركك الله بلا عوض ولا فتح ولا تمكين، وأنت الذي ما سئمت مناجاته ولو لمرة، ولم يتسلل اليأس إلى قلبك ولو لمرة، والله لن يخذل الله قلبك الذي يفيضُ ثقةً ويقينا به، ولن ينس قسمته من
الفرح والجبر.. واصبر لحكم ربك فإنك بأعيننا."