نكدر نكول راح ترجع المواد كاملة للعلمي وبطبعة مجددة وماراح يكون عدكم اقتصاد وحيكون فقط للفرع للأدبي ننتظر المنهج الجديد الي حينطبع قريباً 🤍

📝#محمد

🔴بس على الاغلب حتكون دفعة هالسنة احيائي وتطبيقي وادبي والتغيير حيكون للخامس الاعدادي
والسادس يرجع علمي السنة المقبلة 2023
ننتظر الامر الوزاري الي يحتوي كافة التفاصيل وبدورنا راح ننشر منشور توضيحي 🤍

#عاجل ...
بعد عرضه على مجلس الوزراء ...
وزارة التربية تعلن تأجيل امتحانات الدور الثاني لطلبة الثالث المتوسط الى ١٤ تشرين الاول

اعلنت وزارة التربية استحصال موافقة مجلس الوزراء على تأجيل امتحانات الدور الثاني لطلبة الثالث المتوسط الى يوم الخميس الموافق ١٤ تشرين الاول بدلاً من الثاني من ذات الشهر .

وبينت الوزارة في بيان لها ان القرار جاء من أجل فسح المجال امام الملاكات التربوية المشاركة في مراقبة الانتخابات لإكمال الدورات والتحضيرات الفنية لهذا الاستحقاق الوطني المهم .

وتمنت الوزارة لطلبتها الأعزاء دوام الموفقية والنجاح، داعية إياهم لاستثمار الوقت الممنوح من اجل تحقيق التميز والنجاح.

#أخبار_طلبة_الموصل


https://t.me/Ibn_Nineveh

#عاجل

تقديراً لظروفهم الاستثائية
التربية تُقرر السماح لطلبة المراحل غير المنتهية من المتغيبين في اليوم الاول بإداء الامتحان في نهايتها

اعلنت وزارة التربية، السماح للطلبة المتغيبين للصفوف غير المنتهية ، بإداء الامتحانات في اليوم الأخير من امتحانات الدور الثاني .

وبين المكتب الإعلامي، ان معالي وزير التربية الاستاذ علي حميد الدليمي ، وجه المديرية العامة للتقويم والامتحانات بالسماح للطلبة المتغيبين في اليوم الاول لامتحانات الدور الثاني (الكورس الاول) للصفوف غير المنتهية بإداء امتحاناتهم في نهايتها.

واكد البيان أن القرار جاء تقديراً للظروف الاستثنائية التي يمر بها بلدنا العزيز، متمنياً لابنائنا الطلبة المزيد من التفوق والنجاح.

#أخبار_طلبة_الموصل

https://t.me/Ibn_Nineveh

طلبة الثالث الحلوين ما نسيناكم 😍اليوم كتبنالكم منشور يفيدكم كلش وادري راح تستفادون ❤️

اريد منكم تكملوه للأخير ادري كاتب جريدة😂 بس تستفادون اني اعرف 😁

هواية رسايل تجينا وهواية شغلات تضر مستقبل الطالب مستقبلاً يدخل قسم او فرع مو بيدا ومرات الأهل يريدون من طالب يدخل بفرع او قسم وبالأخير ينضر الطالب 🙄

هواية طلبة الي ناجحين من ثالث متوسط يسألونا 👇شتنصحونا نروح علمي لو ادبي ؟🥴
اني سمعت علمي صعب يحتاج معدل ما اريد اروح 🥴
اني سمعت ادبي صعب حفظيات وما عندي قابلية 🥴
اني اهلي يريدون علمي بس ما يعجبني🥴
اني اهلي يريدون ادبي بس ما اريده مو طموحي 🥴

راح نقسم الطلبة الى كم قسم 👇 :

🔴الطلبة الي يمشون ورا حلمهم ويريدون يحققوه 😎 : كل واحد بينا يفكر بأحلامه وطموحه ويريد يحقق الي يفكر بي دائماً ويفوت بالمجال الي يحبه راح يضحي بكلشي في سبيل يوصل لحلمه 🙏🏻 .

هسه تكولولي اني حجيت هاي بس ما افتهمتنا قصدك🥴
هسه راح افهمك .. على سبيل المثال انت حلمك طبية فا مجبور تفوت علمي وسواء جان صعب او سهل او يحتاج معدل او ما يحتاج انتة تريد تحقق حلمك وراح تضحي بكلشي في سبيل تحقق حلمك وتصير طبيب 🥼💉🩹

🔴الطلبة الي يمشون ورا اصدقائهم😅👬: قسم طلبة يمشون ورا اصدقائهم وبدون ما يفكرون بالمستقبل شيصير ووراها يندم.

انتة كـطالب المفروض من تنجح تبدي تسأل شنو هذا فرع شنو بي شنو ما بي بلكي ما يفيدك ليش حرامات تفوت بي ويضيع مستقبلك وحلمك وتضيع كم سنة جذب بجذب وبالاخير تصير بيك حالة نفسية لان فتت قسم ما تحبه
، نصيحتي الك قبل لا تفوت بالفرع الي دخله صديقك سوي بحث كامل على الفرع وشوف وضعك اذا الك قابلية لهل مواد فوت اذا ما عندك قابلية لا تفوت
وسوي بحث ايضاً للكليات بهذا الفرع شوف تفيدك مستقبلاً لو لا 😊

🔴طلبة الي يمشون ورا الأهل 👨‍👩‍👧: جميع الأهل على راسنا وانخليهم بعيونا بس يا اهلنا الأعزاء نعرف بيكم كل اب وام تفتخر بأبنها وبنتها وتريدها مستقبل حلو بس مع ذالك فكرو بأبنكم هم كعدو احجو وياه شوفو شيحب شيسوي وين يفوت شلون يدرس شنو حلمه ؟ فرضاً فات علمي وهوا ما يحب العلميات ؟ مو هينا مستقبله راح يضيع هم حرامات صح لو لا ؟

🔴الطالب الي فايت للونسة وما يحب الدرس 😂 : حبيبي انت نجحت وانكولك الف مبروك بس مع ذالك فكر بمستقبلك هم ما تدري الله شضاملك انت بلكي بهل مجال راح تدرس وتتعب وتفوت كلية وتتخرج وتتعين شمدريك ؟
ادري ما مهتم لشي بس سوي بحث وشوف وضعك وفوت الفرع الي تحبة . ترا من ساعة لساعة تفكير الأنسان يتبدل مو بعدين اخاف توصل مرحلة متقدمة من الدراسة وتمل من مدرسة بسبب الفرع الي فتت بي وتكره روحك مثل ما انكول ، من بداية سوي بحث وكمل وفوت فرع الي تحبه انتة لان احتمال بالسنوات القادمة تبدي تحب المدرسة🙏🏻❤️

واخيراًاًاًاً... هسه يجي طالب يكلي انت حجيت كل هاي زين اني شنو استفاديت هسه ؟😂

عيوني انت مادام وصلت لي هينا وقريت هذا حجي كله فأنت وصلت للحجي المفيد والدسم الي راح تمشي ويا مستقبلك 😉

🔵ما هوا الفرق بين العلمي والادبي :

🔷العلمي : من اسمة علمي يعني تدرس المواد العلمية (فيزياء وكيمياء واحياء ورياضيات وانكليزي وعربي واسلامية )

شنو من انجح من سادس واني علمي شنو كليات تشملني ؟

راح انطيكم اهم الكليات 👇

1-المجموعة الطبية بكل فروعها (اكثر من 8 اقسام بيها)
2-كلية الهندسة بكل فروعها (اكثر من 6 اقسام بيها)
3-كلية العلوم (اكثر من 5 اقسام بيها )
4-كلية التربية للعلوم الصرفة ( 5 اقسام بيها)
5-كلية التربية للعلوم الانسانية
6-كلية الأدارة والأقتصاد (اكثر من 5 اقسام بيها)
7-كلية التربية اساسية (اكثر من 5 اقسام بيها )
8-كلية التربية بنات (قبول بهاي كلية خاص للبنات)
9-كلية القانون
10-كلية الزراعة
11-كلية الآداب
... الخ

______________________________________

🔷الأدبي : راح تدرس المواد الادبية (جغرافية وتاريخ واقتصاد وانكليزي وعربي واسلامية +رياضيات)

🔺🔺اصبر عليا ولا تستعجل من قريت مادة رياضيات بالادبي ادري شنو الي بالك 🤣

شنو من انجح من سادس واني ادبي شنو الكليات الي تشملني ؟

راح انطيكم اهم الكليات 👇

1-كلية القانون
2-كلية الاداب قسم اللغة التركية
3-كلية التربية للعلوم الانسانية (اقسام ادبية فقط مو علمية)
4-كلية تربية بنات (اقسام ادبي فقط مو علمية)
5-كلية الآداب
6-كليةالتربية الاساسية (اقسام الادبي فقط )
7-كلية الأدارة والأقتصاد
...الخ

______________________________________

هسه يجيني طالب يكولي شو بالعلمي رياضيات والادبي رياضيات شنو هاي 😐

🔵العلمي : يكون بي مواضيع العلمية الهندسة والي وياها ومواضيع صعبة

🔵الادبي : مواضيع سهلة خاصة بالمحاسبة والجمع وهذولة ما بي مواضيع علمية صعبة

______________________________________

🔶هسه يجيني طالب يكول شنو مشترك بين العلمي والادبي من حيث المواد ؟

1-الانكليزي + الاسلامية

2- العربي :

🔘القواعد : مشترك بين الادبي والعلمي

🔘الأدب : 🔺الادبي يكون اكثر مواضيع من الأدبي + كتاب النقد هذا خاص للادبي هم

_________________________________

الى هنا احنا كملنا وياكم نتمنى الكم الموفقية والنجاح الدائم وربي يحقق مافي بالكم وتفرحون وتفرحونا وياكم 😍

أيضاً الخاص مالتنا موجود وأي استفسار احنا كــكادر أخبار طلبة الموصل موجودين وبخدمة الطلبة❤️

#أخبار_طلبة_الموصل

https://t.me/Ibn_Nineveh

🔴#خـــبــــر

نقابة المعلمين : قدمنا جملة من المطالب إلى مجلس الوزراء تتضمن:

▪️زيادة مخصصات الملاكات التربوية بين 250 - 300 ألف دينار

▪️تفعيل فقرة شمولهم بقطع الأراضي

▪️إطلاق العلاوات والترفيعات

▪️حل ملف تأخر رواتب الهيئات التربوية بسبب نقل الصلاحيات.

▪️تثبيت المشرفين ممن اجتازوا الدورات الخاصة.

#هام | وزير التعليم العالي يقرر ان يكون دوام طلبة الجامعات كافة للعام الدراسي الجديد وللدراسات الاولية يوم الاثنين المصادف ٢٠٢١/١٠/١١ وحسب الالية والضوابط المعلنة سابقاً مع التأكيد على عدم السماح للطلبة والموظفين بالدوام من دون كارت لقاح او عمل مسحة سالبة

#أخبار_طلبة_الموصل

https://t.me/Ibn_Nineveh

🔴#وردنــــا_الان

#تربية_نينوى تعلن نتائج امتحانات الدور الثاني للدراسة الابتدائية المنتهية ( خارجيون ) للعام الدراسي ٢٠٢٠ _ ٢٠٢١
#رابط_النتائج :

https://drive.google.com/folderview?id=1XlTAdriQ7NiNP7Eipk2ORExZHkaHAEKO

#هذا ودعت المديرية المعترضين على نتائجهم تقديم اعتراضاتهم إلى قسم الامتحانات وابتداء من اليوم الاحد الموافق ١٩ / ٩ / ٢٠٢١ حتى نهاية الدوام الرسمي ليوم الخميس الموافق ٢٣ / ٩ / ٢٠٢١.
#أخبار_طلبة_الموصل
https://t.me/Ibn_Nineveh

🔴#عاجـــل_وحصـريآ || #مصـدر_خـاص لشبكة أخبار طلبة الموصل : نتائج السادس الاعدادي الدور الاول /2021 ، ستعلن خلال هذا الاسبوع الحالي ، ونحنُ في انتظار الموعد الرسمي لإعلانهـا ، متمنين لكافة الطلبة الموفقية والنجاح "

#شـارك_المنـشور_ليصـل_للجمـيع 🌹
#اشتـرك_بقـناة_إعـلان_النتـائج ⤵️
https://t.me/Ibn_Nineveh
#أخبار_طلبة_الوصل

الأمانة العامة لمجلس الوزراء: يبدأ العمل بتطبيق النظام العلمي والأدبي في العام الدراسي ( 2022 – 2023 ) بدلاً عن ( 2021 – 2022 ) مع تعديل المناهج الدراسية وتوفير التخصيصات المالية لطباعة الكتب

#أخبار_طلبة_الموصل

https://t.me/Ibn_Nineveh