#السنة_الثالثة
#شبكات1
#امتحان_نظري

المطلوب 10 محاضرات نظري متوفرين على التطبيق وبالمكتبة🔥
بالاضافة للدورات المؤتمتة
القسم العملي غير مطلوب.
الاسئلة بالامتحان اتمتة بالعربي والمصطلحات بالانجليزي.

اول 4 محاضرات جدا مهمين وهن الاساس بالمقرر بتعطيهن كامل تركيزك لأنو كتير مهمين لنفهم يلي بعدن.

المقرر مشروح كما يجب ولأي اسفسار بتقدرو تطرحوه ع غروب التلغرام ليجاوب عليه الصديق حسن ديب (مش موجود عالفيس🙂)

المقرر فيه تغيير كتير عن السنة الماضية.

المحاضرة المجانية على تطبيق gate (المحاضرة التمهيدية 0) هي مالها علاقة بالمقرر, حكيت فيها عن الاختصاص بشكل عام رح تصلح نظرتكن للاختصاص.

بتتلحق بيومين؟؟ لا والله ليش لنكذب ع بعض بدها اسبوع

موفقين❤️

#سنة_ثانية
#انكليزي_معلوماتية2

النوطة الشاملة للمقرر نازلة من زمان بالمكتبة وعلى تطبيق GATE 🔥
النوطة ملحقة باسئلة الدورات المحلولة.
النوطة فيها تغيير منيح عن السنة الماضية.
موفقين ❤️

#السّنة_الثّالثة
#هندسة_برمجيّات_1
مساء الخير جميعاً!
بدايةً بتمنى التّوفيق للجّميع بالامتحانات، وانشالله منطلع من هالفترة راضيين تماماً عنها.. ❤️
أمّا بعد، بالنّسبة لإمتحان هندسة برمجيّات 1، البوست طويل لكن ضروري التّفصيل لنفهم كيف ندرس سامحونا 😅❤️ :

⚠️ المطلوب بالإمتحان :
9 محاضرات نظرّية نازلين كاملين بالمكتبة وعالتّطبيق 💣💥

⚠️ كيف بدي ادرس المادّة ؟؟
نصيحتي إلك هي إنّك تدرس المادّة بالتّرتيب التّالي :
1 -> 2 -> 4 -> 6 -> 7 -> 8
3 -> 5 -> 9
متل ما منعرف المقرّر عبارة عن قسمين، قسم UML وقسم نظريّ عن هندسة البرمجيّات بشكل عامّ، بهالطّريقة إنت بتدرس المخطّطات كلها مع بعض بعدها القسم النّظري مع بعضو وما بتضيع.

⚠️❗️ شو متغيّر عن السنة الماضية؟؟ (هون بدنا نركّز، الطّلاب غير الحملة أو الي ما عم يدرس من محاضرات السّنة الماضية لا تقرأ هي الفقرة)

- بدايةً في تغيير بترتيب المحاضرات، بالإضافة إلى إنو تمّ دمج محاضرتي مخطّط State Machine بمحاضرة وحدة لتقليل العدد، هاد هو التّغيير المضاف من عنّا.

- أمّا بالنّسبة للتّغيير من الجامعة، فعنّا محاضرة كاملة محذوفة، والي هي المحاضرة الأخيرة من السّنة الماضية الي كان رقمها 11 واللي كانت بتحكي عن نمذجة النّظام، فالسّنة بدلاً من 11 محاضرة صار عنّا 9.

- بالإضافة لهالحذف، ففي حذف عدّة فقرات من محاضرة التّطوير الرّشيق (Agile Development)، الي كان رقمها 7، هالفقرات متوزّعة على مدار المحاضرة لذلك يصعب تحديدن، بالإضافة لهيك إنو هالسّنة زاد على هي المحاضرة صفحتين بنهايتها ضروري ندرسن لأنن إضافة من الجامعة هالسّنة.

- كمان إنضاف على محاضرة الـ Activity Diagram (رقمها كان السّنة الماضية 9) صفحة ونص بنهايتها، وهي فقرة مهمّة لازم تندرس كمان لأنها إضافة من الجامعة.

⚠️❗️ لك اي دخت! ما فهمت شو بعمل؟؟

- إذا بدك تدرس من محاضرات السّنة الماضية لازم تعمل التّالي:
1. تجيب المحاضرة الخامسة من محاضرات السّنة الجدد (وهي بتقابل المحاضرة 7 من محاضرات السّنة الماضية، لكن في حذف كتير وإضافة صفحتين لهيك ضروري تجيب المحاضرة الجديدة).

2. تحذف المحاضرة رقم 11 من محاضرات السّنة الماضية لأنها ما انعطت السّنة.

3. تعمل إطلاع على الفقرة المضافة بنهاية المحاضرة 8 (محاضرة Activity Diagram) من محاضرات السّنة، والي هي بعنوان Weight of an Edge.

وهاد كان كلشي، ومتل ما جرت العادة..
Good Duck Everyone 🦆❤️
And special thanks to Rahaf Taha for her contribution! ❤️🫡
- في حال ورود أي ملاحظة أو استفسار أو في حال واجهتك مشكلة بفهم شو تدرس، الرّجاء التّواصل على بريد القناة بدلاً من حسابي الخاصّ السّابق على Telegram، معرّف قناة التّواصل :
@DuckDiva

#خامسة
#برمجيات
#هندسة
#امتحان_نظري
صباح الخير جميعاً
المقرر الهندسه بشكل كامل هو عبارة عن 6 جلسات .
🔷 الفقرات يلي مانها داخلة بالامتحان النظري :
1) popupMenuButton :
موجوده بالجلسة الأولى من صفحة 7 لنهاية الجلسة .
2) dateTime:
موجوده بالجلسة الثانية صفحة 9 لصفحة 10 .
3) showDatePicker :
موجوده بالجلسة الثانية صفحة 11 لصفحة 14 .
4) Sqflit :
موجوده بالجلسة الرابعة صفحة 10 لنهاية الجلسة .
5) provider:
موجوده بالجلسة الخامسة صفحة 15 لنهاية الجلسة .
6) cubit :
موجود بالجلسة السادسة من صفحه 1 حتى صفحه 12 .
وهيك منكون خلصنا تحديد .
📢 ملاحظة : يرجى الإطلاع على جميع التمارين حتى التمارين التي تتضمن أفكار غير مطلوبه لأنها حكماً تحوي ضمنياً الأفكار المطلوبة أي تعتبر تمارين شامله 😁.
🔷 يرجى التركيز على الجلسة الخامسة و السادسة و الثانية .
🔷🔷ملاحظة : في الجلسة السادسة هناك خطأ بسيط في الصفحة 21 والخطأ هو في اسم الجدول مكتوب 21octors
بدلاً من doctorss والتصحيح موجود في الصورة 👇🏻
وبالتوفيق للجميع ❤️❤️

#سنة_ثانية
#تحليل_عددي

المقرر بالكامل جاهز بالمكتبة وعلى تطبيق GATE
7 محاضرات نظري. و 5 جلسات عملي بالاضافة للدورات.
العملي يحوي فقط تمارين عن النظري لذلك النظري مع دورات كافي.

موفقين ❤️

المربعات الصغرى (Least Squares Method)

طريقة المربعات الصغرى = أقل أخطاء، أكثر دقة!

الفكرة ببساطة: انو نحاول نقلل الأخطاء بين النقاط الحقيقية والخط/المنحنى اللي عم نرسمه، بحيث يكون مجموع الخطاء أصغر ما يمكن.

بهاد الفيديو رح نشرح فيه طريقة المربعات الصغرى من طق طق للسلام عليكم ونعلمكم شوية شغلات بالالة الحاسبة

كادر GATE معكن خطوة بخطوة ويتمنى لكم عام دراسي جديد ملؤه التفوق.
اعتباراً من اليوم... تفتح GATE من الـ 10 صباحاً حتى 6 مساءً يومياً ماعدا الجمعة.
المحاضرات بلشت تتوفر بالمكتبة وعلى تطبيق GATE.
#هاااام_تطبيق_GATE:
نقوم بتغيير العام الدراسي والسنة والاختصاص وذلك من الاعدادات كما هو موضح في الصورة.
المكتبة مسؤولة عن النسخ الإلكترونية التي تتوفر على التطبيق فقط وغير مسؤولة عن اي نسخ تُنشر باسمها على أي قناة تلغرام أو غيرها.
قناة التلغرام الوحيدة للمكتبة هي https://t.me/ITechGate
الغروب للاجابة على استفساراتكم https://t.me/GateChatInfo

#خلي_عينك_ع_GATE
موفقين شباب وصبايا ❤️

#سنة_أولى
أهلا بكم في كلية الهكرززز😎😎😎
هكرزز في كل مكان
مش ح تقدر تغمض عنيك
حمل تطبيق GATE الآن 🔥🔥🔥
تاغ للهكر الجديد لينضم النا
#خلي_عينك_ع_GATE
❤❤❤

#سنة_أولى
اهلا وسهلا فيكم بكلية الهندسة المعلوماتية
اختيار موفق والمستقبل الكن 😎

لازم تعرفوا انه اهم شي بالكلية هو البرمجة
لذلك تتطلب الحصة الأكبر من الوقت والجهد والتفكير لان كل الكلية تتمحور حولها وهذا أمر رائع لان البرمجة ممتعة جداً 😍

رح كون معكن بمقرر برمجة 1 بالنظري والعملي
وحالياً هي المحاضرة الأولى (تعريفية) ادرسوها واعطوني رأيكن بالموضوع

تابعوا الغروب وضيفوا رفقاتكن 🥰

#بالتوفيق_جميعاً
شرفتونا ❤

طلاب كلية الهندسة المعلوماتية
الدكتور ناصر ناصر بالمشفى وبحاجة متبرعين بالدم يوميا حوالي 5 متبرعين.
يرجى ممن يسطيع التبرع التواصل مع ولديه
د.محمود ناصر 0969736477
م.علي ناصر 0934912912
ولكم جزيل الشكر...
تقبل اي زمرة دم
يرجى عند التبرع اعلام بنك الدم ان التبرع لصالح الصفيحات للدكتور ناصر ناصر. وتقبل اي زمرة دم

الدعاء بالشفاء العاجل 🙏🙏

مساء الخير
#هندسة2
#امتحان_عملي
الداخل هو 7 جلسات وجلسة تمارين صغيره (جلسة 8)


شو المحذوف ؟
الصفحتين 1و2 من الجلسة6
و الصفحات من 10 حتى 16 بالجلسة 7

كيف مندرس ؟
مندرس اول شي ال dart وهنن جلسة 2و3
وبعدها فلاتر يلي هنن باقي الجلسات.

جلسة التمارين كتير مهمة وفيها تموذج امتحاني !!!

شومختلف عن السنة الماضية؟
بس تغير ترتيب الاعطاء

موفقين ❤️

#سنة_ثالثة
#خوارزميات_وبنى_معطيات

مسا الخير شباب وصبايا ♥️
المطلوب لامتحان العملي في مادة الخوارزميات

المحاضرة الأولى كاملة (ادرس خوارزمية الترتيب بالحشر دون التركيز على الخوارزمية نفسها لأنها غير مطلوبة فقط لتفهم آلية الإثبات)
المحاضرة الثانية الصفحات 1-2-3-4 و 14-15 (خوارزمية merge sort غير مطلوبة)
المحاضرة الثالثة كاملة ما عدا الصفحات من 1 لـ 12
المحاضرة الرابعة كاملة ما عدا التمرين السادس Exercise 6
المحاضرة الخامسة غير مطلوبة
المحاضرة السادسة كاملة
المحاضرة السابعة كاملة
المحاضرة الثامنة كاملة ما عدا الصفحات 22-23 و التمارين Q2 Q3 Q4
(فيه تمرين Q3 بالصفحة 30 من المحاضرة هو رقمو Q5 فيه غلط بالترقيم)
بالتوفيق ♥️

#سنة_ثالثة
#نظم_تشغيل_1
#امتحان_عملي

المطلوب في الامتحان 7 جلسات فقط
مع الشرح والتنفيذ واسئلة في نهاية كل جلسة
بتدرسن وامورك ممتازة باذن الله

موجودين بالمكتبة وعالتطبيق

اول 2 فينك تقلبهن تقليب الشغل ببلش من الثالثة

#لا_تخشى_شيء
M#

#سنة_رابعة
#شبكات_عصبونية
#امتحان_عملي
المطلوب لامتحان العملي 6 جلسات فقط، الكل متوفرين بالمكتبة وعالتطبيق.
موفقين ❤️❤️

#سنة_ثالثة
#اتصالات_رقمية
المطلوب لامتحان العملي هو مسائل.
وهذا يقابل:
المحاضرة 1 و 3 و4 و5
المحاضرة 1 و3 و4 فيهن مسائل بالاضافة لنظري لازم نطلع عليه ليسهل علينا حل المسائل يلي موجودة.
المحاضرة الخامسة كلها مسائل فقط.
#بالتوفيق ❤️

#سنة_رابعة
#برمجيات
#قواعد_معطيات_2

مسا الخير شباب وصبايا ♥️
المطلوب لامتحان العملي 8 جلسات 🔥

أول 3 جلسات هنن تنصيب بيئة العمل ومراجعة لأفكار مقرر الداتا 1 ضروري تدرسهن لا تنيمهن (فينك تمرق عليهن بشكل سريع 🏃🏻‍♂️)
باقي الجلسات فيهن أفكار عن الإجرائيات والتوابع ، المؤشرات، القوادح والفهارس
الأسئلة عنهن بتعتمد عالفهم (ما في شي حفظ بصم)

ملاحظة صغيرة : بالجلسة 8 الجداول اللي بالصورة هي للاطلاع (قراءة بس)

بالتوفيق ♥️

#سنة_رابعة
#برمجيات
#قواعد_معطيات_2

مسا الخير شباب وصبايا ♥️
فكرة المناقلات انعطت بالعملي كرمال اللي بدو يستخدم مناقلة بمشروعو يعرف كيف يتعامل معها
ما نزلناها ضمن الجلسات البقية لأن ما بتكون عادة مطلوبة للامتحان
بس مشان ما تتركو شي اطلعو على هاد الملف بيحتوي شرح للمناقلات  (بهمك تعرف كيف بتشتغل المناقلة)

بالتوفيق ♥️

#سنة_ثالثة
#نظرية_الحوسبة
#امتحان_عملي

المطلوب من النظري المحاضرات كلها ما عدا السادسة (الاوتومات)
المطلوب من العملي الجلسات كلها ما عدا السادسة (الاوتومات)

موجودين بالمكتبة ومتوفرين على تطبيق GATE 🌍

بتدرس المحاضرة وبتفهمها وبتروح عالتمارين بالعملي وامورك ممتازة 🥰

شكر خاص للبطل علاء عريس Alaa Arees

#لا_تخشى_شيء ❤
M#