#yashilmakon

IT ta’lim uyushmasi “Yashil makon” loyihasida ishtirok etdi

Toshkent viloyati Bo‘stonliq tumanida ajratilgan hududga IT ta’lim uyushmasi jamoasi Raqamli texnologiyalar vaziri o‘rinbosari Rustam Karimjonov boshchiligida ko‘chat ekdi.

“Yashil makon” loyihasi doirasida ishtirokchilari tomonidan 300 tupdan ziyod mevali daraxt ko‘chatlari ekildi.


Kanalimizga do'stlaringizni ham taklif qiling ⬇️

✝️Telegram | ☮️Facebook |💟 Instagram |
☸️ Youtube | 🎰LinkedIn

#IT_talant

"Kichik yoshdagi farzandlarim bo'lgani bois uyda startaplarim bilan shug‘ullanib, frilanser sifatida daromad topyapman"

Sevara Qosimova 26 yoshda. IT sohasidagi faoliyatini 20 yoshida 3D modellashtirishdan boshlagan.

Kollejda buxgalteriya sohasi boʻyicha tahsil olgan Sevara faoliyatini freelance platformalarida 3D modellashtirishdan boshlagan. Astir Animation Studiyasida 3D modelyer sifatida ishlagan. So'ngi 2 yil davomida esa oʻzining shaxsiy loyihalari ustida ish olib bormoqda.

Uning texnikaga oid yangiliklar taqdim etuvchi veb-sayti ham mavjud.

Hozirda Sevara turli funksional botlar yaratish bilan shug'ullanmoqda. Jumladan uning turli tabriknoma va taklifnomalarni yasab beradigan @HelloGiftbot botida 13 000 dan ortiq foydalanuvchi mavjud bo'lib, kuniga 500 tagacha tabriknomalar generatsiya boʻladi.

"Ayni vaqtda chaqalog'im bo'lgani uchun uyda o‘zimning startaplarim bilan shug‘ulanyapman. 3 nafar qizaloqning onasi (6, 4 yosh va 2 oylik) sifatida aynan IT sohasida ayollarning daromad olishi uchun keng imkoniyatlarga ega deb o'ylayman. Bugun uyda o'tirib bo’sh vaqtimda 300 dollar daromad topyapman. Daromadimning asosiy qismi reklama va ba'zi loyihalarda qatnashish orqali keladi",

- deydi Sevara.

Bugun u sun'iy intellekt yordamida bolalar uchun kitoblar tayyorlash ustida ham ish olib bormoqda.

Uning kelajakdagi rejalari ayollar, ayniqsa qishloq ayollari uchun uchun IT sohalarini o'rgatadigan maktab yaratish.


Kanalimizga do'stlaringizni ham taklif qiling ⬇️

✝️ Telegram | ☮️ Facebook |💟 Instagram |
☸️ Youtube | 🎰LinkedIn

O‘zbekistonda ilk bor nodavlat IT o‘quv markazlarini reytinglash boshlandi

Ilk reytinglash jarayonida «Najot ta'lim” nodavlat o‘quv markazi qatnashdi

IT ta’lim Uyushmasi nodavlat va notijorat tashkiloti tomonidan o‘tkazilgan dastlabki baholash jarayoni zamonaviy kasblarga o‘qitadigan “Najot ta'lim” nodavlat o‘quv markazida amalga oshirildi.

Reytinglashdan ko‘zlangan asosiy maqsad O‘zbekistondagi xususiy o‘quv markazlari uchun yagona reyting tizimini ishlab chiqish, ularda xalqaro standartlarni joriy qilish hamda tahlilily ma’lumotlar bazasini shakllantirishdan iborat. Bundan tashqari mijozlar uchun nodavlat xususiy ta’lim tashkilotlari reytingini kuzatib borish imkoni yaratiladi.

Reytinglash natijalariga ko‘ra har yili eng yaxshi o‘quv markazlarini taqdirlash ham ko’zda tutilgan.

3 ta yo‘nalishda baholangan reytinglash natijalariga ko’ra “Najot ta’lim” o’quv markazi quyidagi ko’rsatkichlarda yuqori natija qayd etdi:

✅IT kurslarining tashqi va ichki bozor talablari asosida tashkil etilganligi;

✅Bitiruvchilarning o‘qishdan keyingi karyera faoliyati tashkil etilganligi;

✅Xalqaro tajriba asosida dasrsliklardan foydalanilingan holda darslar olib borilishi.

Ayni damda «Najot ta'lim” o‘quv markazining respublika bo‘ylab mavjud 5 ta filialida 3000 dan ortiq o‘quvchi 5 xil yo‘nalishda 10 dan ortiq zamonaviy kasblarda tahsil oladi. O‘quvchilarining ishga joylashish ko‘rsatkichi o‘rtacha 90 foizni tashkil qiladi.

Xo‘sh, reytinglashda ishtirok etish markazga nima beradi? Eng avvalo barcha yo‘nalishlar bo‘yicha ayni damdagi holatini bilib olish, har bir yo‘nalish bo‘yicha aniq tavsiyalar olish imkoniga bo‘ladi.

O‘rganish natijalariga ko‘ra, IT ta’lim Uyushmasi tomonidan markazning 10 nafar ustoziga Coursera xalqaro ta’lim platformasidagi zamonaviy kurslardan foydalanish uchun vaucherlar taqdim etildi.

Mazkur vaucherlar bilan Coursera platformasida mavjud 12 mingdan ortiq kurslardan birida 6 oy davomida bepul o‘qib, xalqaro toifadagi sertifikatni qo‘lga kiritish imkoniga ega bo‘ldilar.