#IT_talant

17 yoshli farg‘onalik o‘quvchi biznesni raqamlashtirish loyihalari orqali jamoasi bilan 10 ming AQSh dollar daromad topdi

Asli Farg‘ona viloyatidan bo‘lgan Hikmatillo Madaliyev dasturlash texnologiyalari yo‘nalishida o‘qib, hozirda frilanser sifatida faoliyat yuritayotgan yoshlardan.

Bugungi kunda yosh bo‘lishiga qaramay 4 kishidan iborat jamoasini shakllantirgan o‘quvchi IT sohasida yuqori daromad topmoqda.

Uning IT sohasiga bo‘lgan qiziqishi 9-sinfda boshlangan. Dastavval Youtube ijtimoiy tarmog‘ida, keyinchalik bir qancha IT o‘quv markazlarda tahsil olgan Hikmatillo IT aynan uning kelajagi ekanligini 2020-yilda Farg‘onadagi Raqamli Texnologiyalar Markaziga kelib tushunib yetgan.

Hikmatillo ishchilar oilasidan. Uning otasi ustachilik qiladi, onasi esa uy bekasi. Oilada 4 o‘g‘ilning uchinchisi.

Hikmatillo asosan Mobile va Desktop ilovalar yaratish bilan shug‘ullanadi. Shuningdek u o‘zi asos solgan kichik jamoasi bilan biznesni raqamlashtirish va savdo-sotiqni avtomatlashtirish bo‘yicha dasturiy ta’minotlar yaratib kelmoqda.

Hikmatillo o‘zining faoliyati haqida shunday deydi:

«Bugungi kunga qadar jamoamiz bilan 10 ga yaqin katta va kichik hajmdagi loyihalarni amalga oshirib, 10 ming AQSH dollaridan ortiq daromad topdik. Loyihalarimiz, savdo markazlari dasturiy ta’minotidan tortib, xizmat ko‘rsatish sohalarini o‘z ichiga oladi.
Aynan shu soha mening kelajagim ekanligini Farg‘onadagi Raqamli Texnologiyalar Markazida tahsil olgan chog‘imda tushunib yetganman. U yerdagi muhit va sharoit meni AyTi olamiga yanada mehr qo‘yishimga sabab bo‘lgan”.

Hikmatillo ayni damda kollejning 2-bosqichida tahsil olmoqda. U kelajakda o‘z IT kompaniyasini yaratmoqchi.

“Kelajakdagi eng katta maqsadlarimdan biri bu ota-onamni barcha orzulariga yetkazish”,

— deya so‘zlarini yakunladi u.


Bizni ijtimoiy tarmoqlarda kuzating⬇️

✝️Telegram | ☮️Facebook |💟 Instagram |
☸️ Youtube | 🎰LinkedIn

🎉IT Ta'lim Uyushmasi sizlarni Navro'z ayyomi bilan muborakbod etadi!

Hayotingiz tinchlik, osoyishtalik, baxtli onlarga, farovonlikka va saxovatga to'la bo'lsin.

Oilangizdan tinchlik xotirjamlik, qut-baraka arimasin. Umringiz hamisha yorqin, quvonchli va nurli laxzalar bilan o’tsin.

🌷 Bayramingiz muborak bo'lsin!

📌Telegram | Facebook | Instagram | Youtube | LinkedIn

“Dasturchi bo’lmasam o’zimni judayam yomon his qilaman...”

Kichik yoshidan IT sohasiga mehr qo’ygan navbatdagi qahramonimiz 13 yoshli dasturchi Nuraziz Narzikulov.

Nuraziz bugungi kunda Sirdaryo viloyati hokimligi uchun murojaatlar portalini yaratmoqda. U dasturlar yaratish va ularni sotish bilan shug‘ullanadi.

Nuraziz qiziqishi ortidan IT sohasida faoliyat yuritayotgan juda ko‘pchilik bilan tanishgan.

📹Uning GITA dasturchilar akademiyasi asoschisi Qudrat Abduraximov bilan o‘tgan suhbatidagi mana shu 1 daqiqa e’tiborimizni tortdi.

Odatda bunday yoshda bolalarning biror sohaga mehr qo‘yishi juda qiyin. Biroq Nurazizdagi kuchli istak uni maqsadiga erishtirishi shubhasiz.

Nurazizning dasturlashga bo‘lgan qiziqishi 6-sinfda maktablarda darslar onlayn formatga o‘tgan paytda boshlangan. O’shanda Nurazizning onasi unga ilk telefonini olib bergandi. Nuraziz qo‘lidagi telefon yordamida Youtubedan dasturlashni o‘rgana boshlagan.

Onasi o‘g‘lidagi qiziqish ortidan uning dasturlashni o‘rganishi uchun Boyovutdan Shirin shahriga ko‘chishga qaror qilgan. Bu yerda Nuraziz IT markazga qatnab, darsdan bo‘sh vaqtida dastur yaratish imkoniyatiga ega bo‘lgan.

Nurazizning dasturlashga bo‘lgan qiziqishi haqida onasi shunday deydi:

“O‘g‘lim o‘sha paytdan meni dasturlashga o‘qiting deb yig‘lardi, biroq o‘g‘limni mustaqil o‘qitishga imkoniyatim bo‘lmagan. Shirindagi IT yoshlar markazida Nuraziz kompyuter savodxonligi bilan dasturlash tilini o‘rgandi, o‘ziga Portfolio yaratdi. Hozirda o‘g‘lim Sirdaryo viloyati hokimligi uchun murojaatlar portali ustida ish olib bormoqda. Sirdaryo viloyati hokimligi Nurazizning qiziqishini ko‘rib, unga kompyuter ham sovg‘a qildi. O‘g‘lim albatta harakatlari bilan oldiga qo‘ygan maqsadiga erishishiga ishonaman”.

Nuraziz kelajakda professional dasturchi bo’lish uchun hozirda matematika va ingliz tilini ham o’rganmoqda. Uning maqsadi tanlagan sohasi yordamida ulkan yutuqlarga erishish.

👩‍💻O’zbekistonda IT mutaxassislari yetishmaydi

Raqamli texnologiyalar vazirligi yoshlarni sohaga jalb qilish qamrovini kengaytiradi.

📹Batafsil MY5 telekanali muhbiri Murod Berdiyev lavhasida.

Bizni ijtimoiy tarmoqlarda kuzating⬇️

Telegram | Facebook | Instagram | Youtube | LinkedIn

#Muvaffaqiyat_siri

«KOMPYUTER TOMOGRAFIYASI OPERATORLIGIDAN TIBBIYOTNI AVTOMATLASHTIRISH BIZNESIGACHA»

Tibbiyot yo‘nalishida mahalliy va xorijiy bozorlar uchun 50 dan ortiq yirik loyihalarni amalga oshirgan IT kompaniya

🔩 Sog‘liqni saqlashda avtomatlashtirish nima? Bu xodimlarning ishini samarali tashkil etishdan tortib, davolanish jarayonini kuzatish va boshqa jarayonlarda yordam beradigan dasturiy ta’minotni joriy qiladigan raqamlashtirish tizimi. Bugungi kunda avtomatlashtirish jarayoni nafaqat xususiy, balki budjet tibbiyot muassasalarida ham amalga oshirilmoqda.

🆘 Vasiliy Kogay tibbiyot muassasalarining avtomatlashtirish jarayoni bilan 6 yildan buyon shug‘ullanib keladi. U tibbiyot muassasalari va laboratoriyalar faoliyatini to‘liq avtomatlashtirish bilan shug‘ullanadigan “SIROCA TECH” kompaniyasi rahbari.

💸O‘zbekistonda ro‘yxatdan o‘tganiga 3 yil bo‘lgan kompaniya bugungi kunga qadar nafaqat mahalliy balki xorijiy bozor uchun ham 50 dan ortiq loyihalarni amalga oshirgan. Bugungi kunga qadar kompaniyaning eksport hajmi 235 ming AQSH dollarni tashkil qilmoqda.

Vasiliy Kogay 2012-yilda Namangan muhandislik pedagogika institutini tamomlagach, 6 yil tibbiyot markazida Kompyuter tomografiyasi operatori bo‘lib ishlagan. Ushbu faoliyati unga tibbiyotdagi biznes jarayonlarni avtomatlashtirishda qo‘l keldi.

Bugun Vasiliy o‘z kasbini IT-medik deb nomlaydi, u yo‘nalishni ommalashtir tibbiyotimiz rivoji uchun juda aktual deb sanaydi.

📉O‘tgan vaqt mobaynida kompaniya tomonidan 2 mingdan ortiq tibbiyot xodimlari o‘qitilib, laboratoriya diagnostikasi bo‘yicha 10 milliondan ortiq testlar o‘tkazildi. Kompaniya yaratayotgan avtomatlashtirish tizimi klinikalar uchun kunlik 2 mingdan ortiq fuqaroni qabul qilish imkoniga ega.

🌏Kompaniya ayni damda Toshkentdan Namanganda yangi ochilgan IT Park'ka ko‘chmoqda. Bu esa mahalliy fuqarolarga yangi ish o‘rinlarni yaratish, tibbiyot va AyTi sohasida bilimga ega, xorijiy til biladigan fuqarolar uchun masofadan chetga xizmat ko‘rsatish imkoniyatlarini kengaytiradi.

👩‍💻IT sohasida faoliyat boshlamoqchi bo’lgan ayollarga yordam berayotgan IT Ladies hamjamiyati haqida eshitganmisiz?

IT Ladies hamjamiyatining faoliyati haqida boshqaruv qo'mitasi raisi Saida Halilova bilan suhbatlashdik.

🎙Suhbat davomida:

🟢Jamiyatning maqsad va vazifalari;
🟢Unga a’zo bo’lish shartlari;
🟢Imkoniyatlar haqida ma’lumot olishingiz mumkin.

Ayni damda hamjamiyat IT sohasiga qiziquvchi va faoliyat yurituvchi 320 dan ortiq tashabbuskor va AyTiga qiziquvchi ayollarni jamlagan.

♾Jamiyatda 2024-yilga mo‘ljallangan 100 dan ortiq oflayn va onlayn tadbirlar mavjud.

Jamiyatga a'zo bo'lish va barcha dasturlarda ishtirok etish barcha ayollar uchun mutlaqo BEPUL!

O'zbekistondagi IT Ladies hamjamiyatiga qo'shiling va birgalikda yuksaling!

➡️A'zolik uchun: @IT_Ladies

#ITLadies
#WomenInTech
#imkoniyatlar

Bizni ijtimoiy tarmoqlarda kuzating⬇️

✝️Telegram | ☮️Facebook |💟 Instagram |
☸️ Youtube | 🎰LinkedIn

ROSSIYADAGI MIGRANTLIKDAN VATANDAGI ERKINLIKKACHA!

2 yil oldin Rossiyada santexnik bo‘lib ishlagan yurtdoshimiz bugun O‘zbekistonda, o'z oilasi yonida IT sohasida yuqori daromad topmoqda.

Xorazm viloyati Xonqa tumanidan bo'lgan 35 yoshli Arslonbek Abdullayev 2,5 yil oldin MAAB Innovation kompanyasining o'quv kurslarini online shaklda tamomlab, hozirgi kunda masofadan Amerika kompaniyalarida faoliyat yuritmoqda.

Arslonbek bilan:

➡️Rossiyaga ketish sabablari,
➡️topayotgan daromadi;
➡️IT'ga kirib kelishi yo‘li
➡️talab yuqori bo‘lgan yo‘nalishlar xususida suhbatlashdik.

#Kelajak_ITniki

7,2 ming nafardan ortiq xorijiy til sertifikatiga ega yoshlar IT sohasida ishlash istagini bildirdi

16-mart kuni Raqamli texnologiyalar vazirligi tomonidan xorijiy til sertifiakatiga ega va IT sohasida ishlash istagida bo‘lgan yoshlar uchun so‘rovnoma e’lon qilindi.

Ushbu so‘rovnomada ishtirok etganlardan keyingi harakatda nima qilish zarurligi yuzasidan murojaatlar kelib tushyapti.

✅Bugungi kunga qadar 7,2 mingdan ortiq respondent ushbu so‘rovnomani to‘ldirgan bo‘lib, ularning 90 foizi ingliz tili, qolgan 10 foizi esa fransuz, nemis, koreys, yapon, rus, xitoy va arab tillarini bilishini ma’lum qilgan.

Shu o‘rinda 10 foiz ingliz tilidan boshqa xorijiy tillarni biladigan respondentlarga ham yuqori daromadli ishlarga talab yuqori ekanligini aytib o‘tamiz.

Ro‘yxatdan o‘tganlar soni juda ham ko‘p bo‘lgani sababli, ma’lumotlarni tahlil qilish va xorijiy AyTi kompaniyalarga tavsiya qilish uchun ma’lum vaqt talab etilishini inobatga olib, sizlardan o‘z imkoniyatingiz kelishini sabr bilan kutishingizni so‘rab qolamiz.

✍️Ro‘yxatdan o‘tish esa davom etadi: https://forms.gle/qtLZuwGfKidecRJE6

#Imkoniyat

IT'ning Business Intelligence mutaxassisligini bepul egallash uchun ajoyib imkoniyat taqdim etilmoqda

MAAB Innovation IT Akademiyasi BI mutaxassisligini 10 oy bepul o'qish imkoniyatini taqdim etyapti.

"Talant" dasturi bo'yicha mazkur o'quv kursining puli ishga kirgandan so'ng oylik maoshdan bo'lib to'lab boriladi.

⚠️Eng muhim jihati bu yo’nalishda ish beruvchilar ham tayyor.

O'QISHGA KIMLAR QABUL QILINADI?

✅Ingliz tilini bilish darajasi С1 dan yuqori;
✅IQ darajasi baland bo'lganlar.

Darvoqe, bepul o'rganish taklif etilayotgan mazkur kursda o'qish narxi 24 million so'mni tashkil qiladi!

☎️ Murojaat uchun: +998781139669

Shu o'rinda 2024-yilning 1-martdan boshlab Nodavlat ta’lim tashkilotlariga bir martalik 35 million so'mgacha subsidiya ajratish joriy etilganligini eslatib otamiz.

🤔Google siz haqingizda, siz o'ylaganingizdan ham ko'proq narsalarni bilishini bilarmidingiz?

Ko'pchilik Google xizmatlaridan foydalanib, shu orqali u bilan do'st bo'lib qolgan.

🎚️Masalan:

✅ Googe qidiruv tizimi
✅ Android tizimi
✅ Google Maps (Xarita)
✅ Youtube videoxostingi
va boshqalar.

⚡️Siz shularni ishlatayotganingizda Google siz haqingizda ko'p narsalarni bilib olgan.

Google akkauntingizga kirsangiz quyidagi havolalar orqali u siz haqingizda nimalar bilishini aniqlab olasiz:

1️⃣ https://myaccount.google.com/device-activity — qaysi qurilmalardan foydalanganingizni;
2️⃣ https://myaccount.google.com/permissions — Google akkauntingiz orqali qaysi xizmatlarga murojaat qilganingiz;
3️⃣ https://myactivity.google.com/myactivity — qidirgan barcha so'rovlaringiz;
4️⃣ https://adssettings.google.com/authenticated?hl=ru — qiziqishlaringizni aniqlab beradi;
5️⃣ https://myaccount.google.com/find-your-phone — telefoningizni topasiz:
6️⃣ https://takeout.google.com/settings/takeout — google'da saqlanayotgan barcha ma'lumotlaringizni arxivlaysiz.

😃Bonus
Youtube'da ko'rgan va qidirgan barcha videolaringizni ushbu havoladan topasiz:
https://www.youtube.com/feed/history

Shu bois Google'dan u yoki bu narsa so'rayotganingizda ehtiyot bo'ling!

👆Ushbu ma'lumotlarni Google sun'iy intellekt yordamida to'plab boradi.

Kanalimizga do'stlaringizni ham taklif qiling ⬇️

✝️Telegram | ☮️Facebook |💟 Instagram |
☸️ Youtube | 🎰LinkedIn

♾Ilm olishga qiziqishi bor, lekin moddiy imkoniyati cheklangan yoshlar diqqatiga

"Najot ta'lim" hamda "Cambridge LC" o'quv markazlari Toshkent shahri va Farg‘ona viloyati yoshlari uchun qiymati 3,5 mlrd so'mlik "Kelajak yoshlari" ta’lim grantini e’lon qildi.

⌛️Grantga arizalar 5-aprel soat 23:59 gacha qabul qilinadi.

✅ «Kelajak yoshlari» grantida respublikamizning istalgan hududida istiqomat qiluvchi 16 yoshdan 24 yoshgacha bo'lgan yoshlar ishtirok etishlari mumkin.

Ta’lim grantini qo'lga kiritgan yoshlar 1 yil davomida:

✅ dasturlash;
✅ grafik dizaynerli;
✅ ingliz tili bo'yicha bepul ta’lim olish imkoniga ega bo‘ladi.

✍️Ariza topshirish uchun: https://docs.google.com/forms/d/e/1FAIpQLSc9NDEYfAhyE_EsAXUJ4Vr_OWUIWO-w559qXy32OuCaKT2WRw/viewform?usp=sf_link

Batafsil ma’lumot videoda

♾❗️❗️❗️🏆🏆🏆

Biz IT sohasidagi yulduzlarni izlayapmiz!

IT ta'lim Uyushmasi qoshidagi IT Ladies hamjamiyati homiylari bilan birgalikda IT va unga yondosh sohalar bo‘yicha faqat qizlar uchun mo'ljallangan "IT Star" tanloviga start beradi.

🟢Tanlov g'oliblari 40 ta nominatsiya bo'yicha aniqlanadi!

🎚️Biz iqtidorli loyiha menejerlari, marketologlar, dasturchilar, grafik dizaynerlar, IT rekruterlar va IT sohasi bilan bog'liq har qanday yonalishda faoliyat yuritadigan (jurnalistlar, yurist, talaba, o'quvchi, tadqiqotchi, muhandis va boshqalar) yulduzlarini ularning yutuqlarini munosib mukofotlar bilan taqdirlash uchun izlayapmiz!

✍️Anketani to'ldiring va tadbir qatnashchisiga aylaning:

https://docs.google.com/forms/d/e/1FAIpQLSeQbTsXLPdqIP2wbwFGvM07f50rXodllA7fhGr0Y2frFoLkUA/viewform

⌛️Ariza topshirishning oxirgi muddati: 2024-yil, 1-may.

🎁G'oliblar 11-may kuni taqdirlanadi

⚠️ Tanlovda O‘zbekistonda yashovchi 12 yoshdan oshgan ayol va qizlar mutlaqo BEPUL ishtirok etishlari mumkin.

Iqtidoringizni namoyon etish imkoniyatini qo'ldan boy bermang!

Kanalimizga do'stlaringizni ham taklif qiling ⬇️

✝️Telegram | ☮️Facebook |💟 Instagram |
☸️ Youtube | 🎰LinkedIn