تمنيتك تحبني بكد محبتي
وباجي بكثر ماباجي بغرفتي
منو مثلي وصل وياك ماخاف
التقاليد وحجي الناس وسمعتي
الماخذني كلي وكلي وياه
المخرب تفاصيلي وكشختي
تطبك عازته وساعات الفراك
مثل ماينطبك چفي على گصتي

مَهظوم أريد أشتِكي
والمِشتكى للرَب
مادري ياهو الدِخل
بَيناتنة وخَرب
مو بَس مَزاجي صِرت
بفراشي اتگلب
وأَبتعد عَن أي بَشر
مِن عِندي يِتقرب
حَتى اليِبيع الوَرد
مِن سولفتلة الحِصل
هَز أيدة وأستغرَب .

العذاب الشَفته مَنه بگبر ماموجَود ،
شَوفني الجَحيم بكل تفاصَيله ،
زعل شَايل بگلبي ومايشّيله انَسان ،
من افرشَله كوكب ما يكّفيله ،
المُطر ماطّايح بكدي انا طحَت هواي ،
بَس ما لاگي واحَد خَاطر احّجيله !!

من تَجيني لا تكمَلني بغرام ،
وعفية عوف الشَوك لا تحَجيلي ،
انا ليلي بلاية واهَس ما انام !
شلون لو صَرت انتَ واهس ليلي ،
وشلون لو حَبيت شَكلك والخصال ؟
وشلون لو باجر تَروح وتعَتذر
هم ترد لمن اكللك تَعال
وتنتظر لمَن اكلك انتظر
الدنية مو دنية عشگ يبَن الحلال .

ما مسَتوعت لهسة
چنت متخِيل يحبّني ولك كلوله
راح يـمُوت
كلهُم عادي مِهمني من الصدمه
كمت أضحك هذاك الشربِوُ
تيزاب ماحَس بالوُجع مثلي

" لاتسئل عليه شلوني بَلياك "
" بالحَظ والبخت گاضي "

رُوحي بّلايه روحَك مني گام تخَاف..
الهوَى لو مّر عليها يَهزها ويُذلها..

والله حاير
أني احِبها ضِحكتك
وانتَ ماتضحكلي صاير
يا بُرودك واني فاير
صورتك ما شگگتها
تفيدني أشربها من اضوج
تدري ماحِب الجگاير .

يتم الاستماع للعُظمه🎧

ياهو أنتَ ؟
وعَليك أبچي بتوالي الليل
وشنو تنزل دموعي
لخاطرك أنتَ؟
غيرك يحلم أحچي
وياه مو أشتاگ
يحفُظ شكو بروحي
ويفهَم البيه

هيَ الكاتلتنه عَيونها كبار
وسَواد الليل ضَايع
وَي شَعرها
خُصر نَخلة وبَياضج
چَنه جُمار ومَلامح هادئة
تبَين سَحرها
ويَمها الناس مَا مَحسوبة
عَالناس
سَفينه وتَيهتنا بَنص بَحرها
تتنَفس مَحنه وعَاطفة وشوك
ومَيلوك الذهَب بس بنَحرها
وَشلون اوَصفها بيها الوَصف
مَحتار أذا حَتى الوَرد
يَلحك عَطرها

انا متعلم عليك هوايَّ
يا سوّلة سكتّي
ويا طواريك من الظلمَه تجيني
جانّن ثيابي علي غربه
كبل جيتك
ومساتحش من عيوني
وعلى المامش حنيني
شلون اوصفك؟
"وانت دَفتر واني چلمه ..