🎞‼️ Իրանում պանթուրքիստ ակտիվիստները հերթական սադրանքն են իրականացրել թյուրքալեզու Արդաբիլ նահանգի Մեշգինշահր քաղաքում։

Օգտվելով երկրում հիջաբի պարտադիր կրման դեմ բողոքի հերթական ալիքից՝ անջատականները, որոնք վերահսկվում են թուրք-ադրբեջանական հատուկ ծառայությունների կողմից, Մեշգինշահր քաղաքի փողոցում տեղադրել են այսպես կոչված «Հարավային Ադրբեջանի» դրոշը։

23.09.2022
https://t.me/haykakanojakh
🇦🇲ՀԱՅ ՕՋԱԽ

⚠️ Ադրբեջանի ԱԳՆ առաջին անգամ կտրուկ պատասխանել է Իրանին՝ ակնարկելով, որ «30 տարի սահմանների ուժով փոփոխության դեմ բան չէիք ասել, հիմա անհասցե հայտարարություններ մի՛ արեք, Հայաստանի սահմանները փոխելը մեր իրավունքն է, չմիջամտեք»։ Ակնհայտ է, որ օգտվում են այդ թվում թուրքական հատուկ ծառայությունների կողմից Իրանում հրահրված ներքին անկարգություններից։ Ակնհայտ է նաև, որ ունեն Թուրքիայի ու ՆԱՏՕ-ի աջակցությունը։

Հաշվի առնելով սեղանին առկա օպերատիվ տեղեկությունները՝ Ադրբեջանի նոր պատերազմը Հայաստանի բնակչության դեմ սարերի հետևում չէ։ Խուճապի մատնվել ցանկացած դեպքում չարժե, պետք է վտանգը սթափ դիմավորել։ Քիչ ուշ կփորձեմ ձևակերպել, թե ինչ կարող ենք անել յուրաքանչյուրս։

քաղաքագետ Էդգար Էլբակյան
@elbakyan_edgar

#հավերժականՀայաստան

📌«Զանգեզուրի միջանցքն» իրանական մամուլում

🔹2020թ. Արցախյան պատերազմից հետո Հայաստանի տարածքով «միջանցքի» անցկացման հարցն իրանական տեղեկատվական-փորձագիտական դաշտի ամենաշատ քննարկվող թեմաներից է: Վերջին մեկ ամսում և հատկապես՝ Ադրբեջանի նոր հարձակումից հետո խնդիրը շատ ավելի ակտիվ է լուսաբանվում:

🔹Իրանցի փորձագետները սկսել են «Զանգեզուրի միջանցքի» փոխարեն կիրառել «ՆԱՏՕ-ի թուրանական միջանցք» ձևակերպումը՝ ընդգծելով դրա հակաիրանական բնույթը: Իրանական փորձագիտական դաշտից մի քանի շեշտադրումներ՝

🔻 «Միջանցքի» նախագծին աջակցում են ՆԱՏՕ-ն, Իսրայելը, և այն Իրանի դեմ է ուղղված:
🔻«Միջանցքի» ստեղծումը, Սյունիքի որ հատվածից էլ լինի, հայ-իրանական սահմանի վերացում է նշանակում, հետևաբար հարվածում է Իրանի ազգային շահերին և տարածաշրջանային դերակատարությանը,
🔻Հայ-իրանական սահմանի վերացումը նշանակում է դեպի Եվրոպա Թեհրանի այլընտրանքային երթուղու վերացում, էներգետիկ նախագծերից ԻԻՀ դուրսմղում, տարանցիկ դերի նվազեցում, Իրանի դեմ պանթյուրքական առանցքի ձևավորում, հակաիրանական ուժերով Իրանի շրջափակում, Իրանում անջատողականության հրահրում…

🔹Վերոնշյալի համատեքստում իրանցի փորձագետներն ընդգծում են, որ Թեհրանը պետք է դիվանագիտական ճակատում շատ ակտիվ լինի, իսկ անհրաժեշտության դեպքում՝ դիմի ռազմական քայլերի:

#Արցախըչիլինելուադրբեջանիկազմում
@IRI2day

🎥Իսկ այս հոլովակը այդ մարդկանց⤴️ մասին է: Վերնագրված է «Գնանք, նայենք»:

Թարգմանությունը՝

-Բարև, էս ի՞նչ խաբար է
-Պատերազմ է
-Օ, ո՞վ ում հետ է պատերազմում
-Սրանք՝ նրանց հետ
-Ինչի՞ համար
-Նրա
-Ուղի՞ղ եթեր է
-Հա,ուզու՞մ ես նայել, արի վերև
-Օ, երևի մոտ ենք նստել
-Հա, էսպես աչքներիս վնաս է
-Տղաներ, Մամադի տունն այրվում է
-Օ, գնանք, նայենք
-Հա, գնանք, գնանք
-Տղաներ, էնտեղ մեկին կախաղան են բարձրացնում
-Օ, գնանք, նայենք
-Հա, գնանք, գնանք
-Աքբարը չի՞ գալիս
-Աքբարը տրաքեց
-Բա՞ Ջասեմը
-Ջասեմն էլ մեռավ
-Հա, ուրեմն մի մեքենայով կգնանք
-Հա, գնանք, գնանք:

#Արցախըչիլինելուադրբեջանիկազմում
@IRI2day

📎Regional Post-ում հակիրճ ներկայացրել եմ, թե ինչու է Իրանը կարևորում հայ-իրանական սահմանի գոյությունը:

Կարող եք ընթերցել այս հղումով:

#Արցախըչիլինելուադրբեջանիկազմում
@IRI2day

❗️Բաքվում Իրանի դեսպանը հայտնել է, որ մինչև տարեվերջ Իլհամ Ալիևը կայցելի Թեհրան:

#Արցախըչիլինելուադրբեջանիկազմում
@IRI2day

🔵Իրանի հոգևոր առաջնորդ Ալի Խամենեին երկրում ցույցերի վերաբերյալ՝

🔹Իրանում անկարգությունները հրահրում են ԱՄՆ-ն, Իսրայելը,
🔹Խնդիրը ոչ թե Իսլամական համակարգն է, ոչ թե հիջաբն է, այլ Իրանի հզորությունն ու անկախությունը,
🔹ԱՄՆ-ն ցանկանում է վերադարձնել Փահլավիների ժամանակաշրջանը, երբ Իրանը հնազանդ կաթնատու կով էր նրանց համար,
🔹Եթե աղջկա մահը չլիներ, այլ պատրվակ էին փնտրելու անկարգությունների հրահրման համար,
🔹Աշխարհում՝ հենց նույն Եվրոպայում, շատ անկարգություններ են լինում, բայց ԱՄՆ-ից որևէ մեկը ցուցարարներին աջակցություն չի հայտնում,
🔹Նրանք, ովքեր դիվանագիտական հարթությունում հայտարարում են, թե Իրանի վրա հարձակվելու, համակարգ փոխելու նպատակ չունեն, նման դավադրություններ ու անկարգություններ են առաջացնում,
🔹Բելուջների ու քրդերի հարցում թշնամիների հաշվարկները սխալ են. նրանք հավատարիմ են հայրենիքին, իսլամին ու համակարգին
🔹Իրանի անվտանգությունը բնածին է՝ հիմնված սեփական ուժերի վրա,
🔹ԶՈւ թուլացումը երկրի անվտանգության թուլացում է նշանակում, և զինված ուժերի դեմ ցանկացած գործողություն, հարձակում է երկրի անվտանգության վրա:
#Արցախըչիլինելուադրբեջանիկազմում @IRI2day

Իրանական Tasnim գործակալության ծաղրանկարը երկրում ցույցերի վերաբերյալ: Դրոշակի վրա՝ «Ազատ Իրան»: #Արցախըչիլինելուադրբեջանիկազմում @IRI2day

🔷Իրանի ԶՈւ ԳՇ պետ Մոհամմադ Բաղերին և Ադրբեջանի պաշտպանության նախարար Զաքիր Հասանովը հեռախոսազրույց են ունեցել
🔸Հասանովը հայտարարել է, թե Բաքուն Հայաստանի տարածքների նկատմամբ հավակնություններ չունի և չի պատրաստվում տարածք գրավելու համար ռազմական գործողություն սկսել: 🔸Բաղերին ընդգծել է խնդիրների խաղաղ կարգավորման անհրաժեշտությունը:

#Արցախըչիլինելուադրբեջանիկազմում @IRI2day

🇮🇷🇦🇲Իրանի ԱԳՆ-ից հայտնում են, որ Կապանում ԻԻՀ գլխավոր հյուպատոսությունն արդեն պաշտոնապես սկսել է իր գործունեությունը, և հյուպատոսը շուրջ երկու շաբաթ է՝ իր տեղակայման վայրում է:

🔹Ըստ Hetq-ի՝ հյուպատոսությունը Շահումյան փողոցում է՝ Ողջի գետի հարևանությամբ։ Շենքի մոտ արդեն տեղադրվել են Հայաստանի և Իրանի դրոշները։

🔹Կապանում ԻԻՀ գլխավոր հյուպատոս Աբեդին Վարամինը իր հյուպատոսական արտոնագիրը ՀՀ արտգործնախարարին էր հանձնել սեպտեմբերի 30-ին:

#Արցախըչիլինելուադրբեջանիկազմում @IRI2day

⚡️ԻՀՊԿ ցամաքային զորքերը առաջիկա օրերին զորավարժություն կանցկացնեն երկրի հյուսիս-արևմուտքում:

#Արցախըչիլինելուադրբեջանիկազմում @IRI2day

🔴Աստանայում CICA-ի գագաթնաժողովի շրջանակներում հանդիպել են Էբրահիմ Ռայիսին և Իլհամ Ալիևը:

Ռայիսին՝

🔻Անընդունելի է համարել տարածաշրջանի աշխարհաքաղաքականության, պատմական սահմանների և Հայաստան-Իրան տարանցիկ երթուղու ցանկացած փոփոխություն՝ շեշտելով, որ դա կարժանանա Իրանի վճռական պատասխանին:

🔻Ընդգծել է, որ ցանկացած քողի ներքո տարածաշրջանում Եվրոպայի ռազմական ներկայությունը մերժելի է:

🔻Շեշտել է, որ ներքին հարցերը Իրանին իր ռազմավարական շահերից չեն շեղում:

#Արցախըչիլինելուադրբեջանիկազմում @IRI2day

⚡️Այսօր Արևելյան Ատրպատական և Արդաբիլ նահանգների սահմանային շրջաններում ԻՀՊԿ ցամաքային զորքերի զորավարժության հիմնական փուլն է անցկացվելու։ Կարգախոսը՝ «Հզոր Իրան»։
Զորավարժությանը խաղարկվելու են հետևյալ ուշագրավ գործողությունները՝

❗️Դեսանտի իջեցում,
❗️Արաքս գետի վրա կամուրջի անցկացում,
❗️Հաղորդակցական ճանապարհների գրավում և վերահսկողության հաստատում,
❗️Բարձունքների գրավում։

🔴Ըստ ԻՀՊԿ ցամաքային ուժերի հրամանատար Մոհամմադ Փաքփուրի՝ զորավարժությունը հարևան երկրների համար խաղաղության , բարեկամության, կայուն անվտանգության ամրապնդման ուղերձն ունի, իսկ թշնամիների համար ուղերձ է առ այն,որ Իրանի զինված ուժերը պատրաստ են պաշտպանել երկրի սահմաններն ու վճռական պատասխան տալ ցանկացած սպառնալիքի։

#Արցախըչիլինելուադրբեջանիկազմում
@IRI2day

📊Թեհրանի միջազգային հետազոտությունների ինստիտուտը գիտական էլիտայի (Թեհրանի համալսարան, Ալլամեհ Թաբաթայի համալսարան,Թավրիզի, Գիլանի, Շիրազի, Քերմանշահի Ռազի համալսարաններ), Կովկասի հարցերով զբաղվող վերլուծաբանների ու փորձագետների շրջանում Հարավային Կովկասում զարգացումների և Հայաստանի դեմ Ադրբեջանի վերջին հարձակման վերաբերյալ հարցում է անցկացրել: Հարցմանը մասնակցել է 384 հոգի: Հարցման արդյունքներից՝

📌Հարցմանը մասնակցածների 52 տոկոսը Հարավային Կովկասում վերջին լարվածության սրման պատճառ են համարել տարածաշրջանային ակտիվ դերակատարների սադրանքները, 31 տոկոսը՝ Ուկրաինայում ՌԴ զբաղվածությունը, մյուսները՝ կողմերից մեկի կամ երկուսի՝ ձեռք բերված պայմանավորվածություններին հավատարիմ չմնալը, ինչպես նաև գերտերությունների միջամտությունը:
📌Հարցվածների 41 տոկոսը ընթացող զարգացումները Թուրքիայի օգտին է համարում, 34 տոկոսը՝ Ադրբեջանի,
📌57 տոկոսը համարում է, որ Թուրքիան ամենաշատ ազդեցությունն ունի Ադրբեջանի արտաքին քաղաքականության վրա, ըստ 24 տոկոսի՝ Իսրայելը,
📌43 տոկոսը համարում է, որ Հարավային Կովկասն Իրանի համար կարևորվում է աշխարհաքաղաքական շահերի տեսանկյունից, 26 տոկոսը՝ մշակութային և քաղաքակրթական, 18 տոկոսը՝ տնտեսական, 13 տոկոսը՝ քաղաքական, անվտանգային տեսանկյունից: 📌39 տոկոսը համարում է, որ համեմատած մյուս դերակատարների՝ Իրանն ավելի պասիվ է, 36 տոկոսը համարում է, որ Իրանի դիվանագիտական ապարատի գործողությունները Հարավային Կովկասում զարգացումների նկատմամբ ազդեցիկ չեն եղել, 19 տոկոսը կարծում է, որ Իրանն աջակցում է լարվածության կառավարմանը,
📌Ըստ հարցվածների 43 տոկոսի՝ Հարավային Կովկասում աշխարհաքաղաքական փոփոխությանը դիմակայելու համար Իրանի համար պետք է առաջնահերթություն լինի անվտանգային և ռազմական կանխարգելիչ գործողությունների իրականացումը, ըստ 28 տոկոսի՝ Հայաստան-Իրան-ՌԴ եռակողմ համագործակցությունը, մյուսները, որպես առաջնահերթություն, մատնանշել են Հայաստանի հետ ռազմական համագործակցությունը, Ադրբեջանի հետ ակտիվ դիվանագիտությունը:

#Արցախըչիլինելուադրբեջանիկազմում
@IRI2day

📌ԻՀՊԿ հրամանատար Հոսեյն Սալամի՝

🔻«Ցավոք սրտի, սիոնիստական ռեժիմը ներթափանցել է Իրանի հարավային և հյուսիսարևմտյան հարևան երկրներ: Այդ երկրների կառավարություններին ասում ենք՝ Իսրայելին ձեր երկրում տեղ մի տվեք, քանի որ սիոնիստական ռեժիմը անկայունության աղբյուր է:

🔻Մենք ցանկացած պայմաններում վճռականորեն կպաշտպանենք մեր անվտանգությունը, բայց դուք խնդիրներ կունենաք:

🔻Հարևանների հետ մեր քաղաքականությունը հիմնված է բարեկամության,բարիդրացիության և քաղաքական փոխգործակցության վրա, բայց եթե այս հարևանների միջոցով վտանգվի Իրանի ժողովրդի անվտանգությունը և մեր երկրի համար սպառնալիք ստեղծվի, ապա մեր քաղաքականությունը նույնպես կփոխվի»:

📍Հիշեցնեմ, որ հոկտեմբերի սկզբին Ադրբեջան էր այցելել Իսրայելի պաշտպանության նախարարը, ինչը Թեհրանում ընկալվել էր որպես Իրանի դեմ ուղղված այց:

#Արցախըչիլինելուադրբեջանիկազմում
@IRI2day