📌Իրանի արտգործնախարար Ամիր Աբդոլլահիանը Թեհրանում Սերգեյ Լավրովի հետ մամուլի ասուլիսի ժամանակ հայտարարել է, որ ռուսական կողմի հետ Ռաշտ-Աստարա երկաթուղու կառուցման հարցում «լավ պայմանավորվածություն» են ձեռք բերել և հույս ունեն ՝ համատեղ ներդրումներով նախագիծն ավարտին կհասցնեն: Ավելի վաղ ևս հայտարարվել էր, որ Մոսկվան պատրաստ է մասնակցել Ռաշտ-Աստարայի կառուցմանը:

📍Ռաշտ-Աստարան Հյուսիս-Հարավ միջազգային տրանսպորտային միջանցքի ադրբեջանական երթուղու պակասող հատվածն է: Նախատեսվում էր, որ այս հատվածը Իրանն ու Ադրբեջանը կառուցելու են համատեղ ֆինանսավորամբ: Համապատասխան համաձայնությունը ձեռք էին բերել 2018-ին: Բայց ադրբեջանական կողմն այդպես էլ որևէ ներդրում չարեց:

📌2021-ից արդեն նկատելի էր, որ Իրանը փորձում է Ռուսաստանից ներդրումներ գրավել: Արդեն 2022-ին այս ուղղությամբ սկսեցին ավելի ինտեսիվ աշխատել ու որոշակի պայմանավորվածություններ ձեռք բերել: Հատկանշական է, որ պատժամիջոցներից հետո ռուսական կողմն իր հերթին ավելի է շահագրգռված Հյուսիս-Հարավի լիարժեք գործարկմամբ: Մոսկվայից հայտարարում են, որ եթե նախկինում այն հեռանկար էր, հիմա՝ անհրաժեշտություն:
🤷🏻‍♀️Ամեն դեպքում խոսքը դեռ գործ չի դարձել, և Ռաշտ-Աստարան կկառուցեն, թե՝ ոչ, կիմանանք միայն հաջորդ սերիայում:


#Արցախըչիլինելուադրբեջանիկազմում
@IRI2day

❗️ԻՀՊԿ հետախուզության ծառայության պետ Հոսեյն Թայեբն ազատվել է պաշտոնից՝ նշանակվելով ԻՀՊԿ հրամանատարի խորհրդական: Թայեբն այդ պաշտոնում էր ծառայության հիմնադրումից (2009) ի վեր:

❗️Նախքան այս նշանակման մասին հայտնի դառնալը՝ լուրեր էին շրջանառվում, որ Թայեբի նկատմամբ մահափորձ է կազմակերպվել: Թեև այս առնչությամբ պաշտոնական արձագանք չի եղել, սակայն հանկարծակի փոփոխությունը մտածելու տեղիք է տալիս՝ հատկապես հաշվի առնելով վերջին շրջանում ակտիվացած իրանա-իսրայելական փոխադարձ թիրախավորումները:

#Արցախըչիլինելուադրբեջանիկազմում
@IRI2day

🟡Սայլը տեղից շարժվում է

🔸ԵՄ արտաքին գործերի և անվտանգության քաղաքականության Գերագույն ներկայացուցիչ Ջոզեպ Բորելն Իրան այցի ավարտին հայտարարել է, որ Միջուկային համաձայնագրի վերականգնմանն ուղղված բանակցությունները կվերսկսվեն «առաջիկա օրերին»։

🔸Բորելը նաև ընդգծել է, որ աշխարհաքաղաքական նոր պայմաններում նավթի ու գազի նոր աղբյուրներ են պահանջվում։


#Արցախըչիլինելուադրբեջանիկազմում
@IRI2day

💰💰Մինչ Հայաստանում դոլարի փոխարժեքի դարդով են տառապում, ասեմ, որ Իրանում այս հարցն ավելի սուր է։ Երկրում կա տեղական արժույթի՝ ռիալի երկու փոխարժեք:

💸Իրանի Կենտրոնական բանկը կայուն՝ 42 հազար ռիալ փոխարժեք է սահմանել, բայց իրական շուկայում, փոխանակման կետերում ռիալը շատ ավելի էժանով է փոխանակվում դոլարի հետ։ Օրինակ վերջին շրջանում 1 դոլարը փոխանակվում է ավելի քան 260 հազար ռիալի դիմաց։

💸Ու իրական փոխարժեքը բավական կտրուկ էլ փոփոխվում է, օրինակ ՄԱԿ-ի ոչ պաշտոնական տվյալներով մարտի կեսերին 1 դոլարի փոխարժեքը մոտ 240 հազար ռիալ էր՝ մոտ 10 տոկոսով ավելի բարձր, քան հիմա։

💸Իսկ վերջին 10 տարվա ամենամեծ այդպիսի ցնցումը եղել է, երբ 2018-ի աշնանը ԱՄՆ նախագահ Դոնալդ Թրամփը պատժամիջոցներ սահմանեց Իրանի դեմ։ Այդ ժամանակ ռիալի փոխարժեքը 44 հազարից հասավ մինչև 79 հազարի՝ 1 դոլարի դիմաց։

💸Ու դրանով չավարտվեց, ռիալը շարունակեց էժանանալ Թրամփի կառավարման ամբողջ ժամանակահատվածում՝մինչև ԱՄՆ նախագահի հերթական ընտրությունները։ 2020-ի հոկտեմբերին 1 դոլարի ոչ պաշտոնական փոխարժեքը Իրանում հասավ մինչև 284 հազար ռիալի։

🗽Հետո եղան ԱՄՆ ընտրություններ, Թրամփը պարտվեց, ռիալը համեմատաբար կայունացավ։ Ավելի պատկերավոր՝ ինֆոգրաֆիկայում ☝🏻

Էս ամենը մի կողմ․ Իրանում քեզ միլիոնատեր ես զգում😁 #Արցախըչիլինելուադրբեջանիկազմում
@IRI2day

Իսկ այս մեմը լրիվ իրանցիների համար է ստեղծված;Դ @IRI2day

📌Միջուկային համաձայնագրի վերականգնմանն ուղղված բանակցությունները Վիեննայի փոխարեն անցկացվելու են Կատարում:

#Արցախըչիլինելուադրբեջանիկազմում
@IRI2day

📌Միջուկային համաձայնագրի վերականգնմանն ուղղված բանակցությունները վերսկսվում են այսօր, Դոհայում:
#Արցախըչիլինելուադրբեջանիկազմում
@IRI2day

🇮🇷🇹🇷Իրանի արտգործնախարար Ամիր Աբդոլլահիանը Թուրքիա էր մեկնել: Այցը հակիրճ՝

📌Թուրքական կողմին են փոխանցվել երկարաժամկետ համագործակցության փաստաթղթի շուրջ աշխատելու Իրանի առաջարկները:

📌Ներկայացվել են Իսրայելի հետ կապված Իրանի մտահոգություններն ու դիտարկումները:

📌Անդրադարձել են ջրի ու փոշու խնդրին. առաջիկայում այդ խնդիրների շուրջ Թեհրանում նիստ է անցկացվելու, որին մասնակցելու են նաև Թուրքիայից:

📌Սիրիայի հարցով ընդգծվել է, որ Իրանը հասկանում է Թուրքիայի մտահոգությունները, բայց դրանք պետք է լուծվեն խաղաղ ճանապարհով:

📌Անդրադարձ է եղել նաև Կովկասին, 3+3 ձևաչափին:

#Արցախըչիլինելուադրբեջանիկազմում
@IRI2day

🇮🇷🇦🇿🇮🇱Իրանի նախագահ Էբրահիմ Ռայիսին Աշխաբադում Կասպից ծովի առափնյա երկրների գագաթնաժողովի շրջանակներում հանդիպել է Իլհամ Ալիևի հետ։

Ռայիսին ընդգծել է, որ տարածաշրջանում Իսրայելի ներկայությունը տարածաշրջանի օգտին չէ և միայն լարվածություն է ստեղծում։

#Արցախըչիլինելուադրբեջանիկազմում
@IRI2day

🔹Իրան-ԱՄՆ անուղղակի բանակցությունները համակարգող ,ԵՄ բանագնաց Էնրիկե Մորան ասում է՝ Դոհայի երկօրյա բանակցություններն ավարտվել են, բայց բանակցություններում չի գրանցվել այն առաջընթացը, որի հույսն ունեին:

🔹Մինչ այդ իրանական ԶԼՄ-ներն էլ գրել էին, որ բանակցություններն անարդյունավետ են եղել, քանի որ ԱՄՆ-ն Իրանի «տնտեսական շահը չի երաշխավորել»:
#Արցախըչիլինելուադրբեջանիկազմում
@IRI2day

📌Իրանական «Քայհան» օրաթերթը ծավալուն անդրադարձ է կատարել Ադրբեջանում շիա հավատացյալների նկատմամբ բռնաճնշումներին: Օրաթերթը մեկտեղել է վերջին ամիսներին թեմայի շուրջ իրանցի վերլուծաբանների դիտարկումները:

🟠Հիմնական շեշտադրումներն այն են, որ Ադրբեջանում շիաների նկատմամբ ճնշումները նոր թափ են հավաքել, և պատկերը խորհրդային տարիներն է հիշեցնում: Ընդգծվել է, որ Թուրքիայի հովանավորությամբ Ադրբեջանում իսլամի շիա ուղղությունից հրաժարվելու և սուննիականությանը հարելու միտում կա:

🔴Ուշադրության արժանին այստեղ այն է, որ խնդրին նման ծավալուն անդրադարձ է կատարել Իրանի հոգևոր առաջնորդի «խոսափողը» համարվող թերթը: Ի դեպ, օրեր առաջ էլ Հոգևոր առաջնորդի խորհրդականը մեկ այլ թերթին տված հարցազրույցում խոսել էր Իրանի համար Ադրբեջան-Իսրայել հարաբերություննների անընդունելի լինելու մասին:

#Արցախըչիլինելուադրբեջանիկազմում @IRI2day

Иранские грузовики после определенной паузы возобновили движение по трассе Капан-Горис.

По сообщению местных жителей, где-то два месяца назад иранские грузовики перестали ездить по дороге. Но уже несколько недель, как движение возобновилось. Причем ездят чаще прежнего. Недавно проехала, например, колонна примерно из 10 машин.

Один из иранских водителей заявил также, что они перестали платить деньги за транзит на азербайджанском КПП, так как у них "есть необходимая бумага". О каких именно бумагах идет речь, непонятно.

N.B. Ездят через Капан-Горис в основном грузовики с прицепами и неповоротливые большегрузы. По моим оценкам, в начале 2022 года по этой дороге ездило около 5% иранских фур.

Но ездят не только иранские грузовики, по этой дороге проезжают и машины с грузинскими номерами.

@Arm_Aeternum7

🇮🇷🇦🇿 Ադրբեջանի ԱԳ նախարար Ջեյհուն Բայրամովը մեկօրյա պաշտոնական այցով Թեհրանում էր, որտեղ հանդիպել է ԻԻՀ ԱԳ նախարար Հոսեյն Աբդոլլահիանի, խորհրդարանի նախագահ Մոհամմադ Բաղեր Ղալիբաֆի և նախագահ Էբրահիմ Ռայիսիի հետ:

Համատեղ մամուլի ասուլիսի ժամանակ Աբդոլլահիանը՝

🔹 Ընդգծել է երկրների, այդ թվում՝ Ադրբեջանի տարածքային ամբողջականության հարգման անհրաժեշտությունը։

🔹Աջակցություն է հայտնել «Ղարաբաղյան հակամարտության խաղաղ կարգավորման գործընթացին»՝ ընդգծելով, որ այն պետք է հիմնված լինի կողմերի տարածքային ամբողջականության ու ինքնիշխանության պահպանման վրա։

🔹Հայտարարել է, որ Իրանը հյուրընկալելու է 3+3 (2) ձևաչափով հաջորդ հանդիպումը։

🔹Հայտնել է, որ Ադրբեջանի ու Թուրքիայի հետ քննարկում են Թեհրանում ԱԳ նախարարների եռակողմ հանդիպում անցկացնելու հարցը, բացի այդ՝ հստակեցվում են Իլհամ Ալիևի՝ Իրան այցի ժամկետները։

🔹 Հայտնել է, որ Իրանի էներգետիկայի նախարարը հաջորդ շաբաթ մեկնելու է Բաքու՝ քննարկելու Խոդաֆարին և Գըզ գալասը ամբարտակների շահագործման հարցը, որը քննարկվել է նաև այսօր:

Բայրամովը հայտարարել է՝

🔹Շուտով սկսվելու է Իրանի տարածքով Ադրբեջանը Նախիջևանին կապող ճանապարհի առաջին կամուրջի կառուցումը:

🔹Ադրբեջանը պատրաստ է կատարել Ռաշտ-Աստարա երկաթուղու և Աստարայի երկաթուղային տերմինալի կառուցման հարցում ստանձնած պարտավորությունները:
📍Ղալիբաֆի և Ռայիսիի հետ հանդիպումների մասին տեղեկություններն առայժմ հակիրճ են և այլ նորություն չեն պարունակում:
#Արցախըչիլինելուադրբեջանիկազմում
@IRI2day

🔴Իրանի Ազգային անվտանգության գերագույն խորհրդի քարտուղար Ալի Շամխանին վաղը գալիս է Հայաստան:

#Արցախըչիլինելուադրբեջանիկազմում
@IRI2day

🇦🇿🇮🇷Օրեր առաջ ադրբեջանական դպրոցներից մեկում ուսուցչուհին աշակերտների հետ «Սալամ ֆարմանդե» (Բարև, հրամանատար) իրանական կրոնական երգն է կատարել, ինչը տեսագրվել է ու հայտնվել համացանցում:
⚔️Ադրբեջանական սոցցնացերում ու մամուլում ուսուցչուհու դեմ գրոհ է սկսվել: Դպրոցում նրան խիստ նկատողություն են տվել, դատապարտել արարքը՝ ասելով` «Էս ի՞նչ ես անում, Իրանը մեր թշնամին է»:

📌Այս միջադեպը հերթական անգամ փաստում է, որ ադրբեջանցիների մոտ տարածված խոսքը՝ «Rus, fars, erməni - bunlar türkün düşməni» (Ռուսը, պարսիկը, հայը՝ սրանք են թուրքի թշնամին) պարզապես լոզունգ չէ, և Ադրբեջանում հայերից հետո ամենաշատն ատում են իրանցիներին ու ռուսներին:

📌Իրանն ադրբեջանցիների մոտ ընկալվում է որպես թշնամի, հայերի դաշնակից: Իրանի դեմ քարոզչությունն այնքան ուժեղ է Ադրբեջանում, որ անգամ իրանական ծագման թաթերը հաճախ հրաժարվում են իրանական ինքնությունից ու ասում, որ Իրանի հետ իրենք ոչ մի կապ չունեն: Իսկ նրանք, ովքեր իրանամետ են, ենթարկվում են ճնշումների: Վառ օրինակ են շիա հավատացյալները, այդ թվում՝ տեսանյութի⬇️ հերոսուհին:

#Արցախըչիլինելուադրբեջանիկազմում
@IRI2day

Ուսուցչուհու մասնակցությամբ տեսանյութը: ⬆️

Շամխանին Հայաստանում. «Իրանը դեմ է ցանկացած գործողության, որը տարածաշրջանի աշխարհաքաղաքական փոփոխության կհանգեցնի»:

#Արցախըչիլինելուադրբեջանիկազմում
@IRI2day