طبعا تمثال السيد المسيح هون كتير كتير كتير كبير ( ما عاطيتو الصور حقو)
موجود على قمة جبل الشيروبيم ( أو ما يعرف بجبل الملائكة) بدير الشيروبيم بمدينة صيدنايا..

"هو أكبر تمثال للسيد المسيح بالشرق الأوسط.
و تاني أكبر تمثال بالعالم"

بناء عالحديث اللي سمعناه انو في شخص تكفل و تطوع لبناؤه..

الهندسة روسية ( يعني النحات روسي ) و حسب ما بحثت اسمو ألكسندر فيشنيكوف
و لكن التصنيع صار بأرمينيا..

و طبعا هو مو بس تمثال واحد
هو عبارة عن تمثال السيد المسيح ( الأكبر)
و حواليه من الجهتين تمثالين ( أصغر شوي ) هنن ل آدم و حواء بحالة سجود...
و بس 🤍

عن التحرش...ثقافة الصمت وحماية الجاني!

قصة مستفزة ومؤلمة صارت مع سائحة صينية كانت عم تزور آثار بابل بالعراق. البنت ما بس تعرضت لتحرش لفظي من كم مراهق، بس الأسوأ انو صار معها تحرش جسدي من الشخص يلي المفروض يكون "الدليل" تبعها والمسؤول عن أمان المكان!
البنت بكل شجاعة ما سكتت.. طلعت ونشرت صورة هالشخص، وسألت سؤال مؤلم: "معقول البنات هون دائماً بيتعرضوا للتحرش؟ ووين بيقدروا يشتكوا وهنن حاسين بالأمان؟"
أهم جملة قالتها البنت، ويلي فعلياً بتلخص المشكلة دائماً:
"أنا مو طالعة احكي لحتى هاجم البلد يلي كنت فيه.. أشارك لأن الصمت يحمي الشخص الخطأ، وما بدي أي بنت بعدي، سواء كانت أجنبية أو بنت البلد، تمرق بهي التجربة".

السكوت بحياتو ما كان حل للمشكلة، بالعكس تماماً، عم يجعل الشخص نفسه يتمادى بالإضافة انو ما في رادع للآخرين يلي رح يقوموا بنفس تصرفه، الصمت بزيد المشكلة وفعلياً بيحمي الشخص الخطأ.
لهيك صار الوقت لحتى يرتفع صوت الضحية لا الجاني.

وكل السلام وكل الدعم لكل النساء على وجه هالكوكب المؤسف.

شرف الإنسان الحقيقي، رجلاً أو امرأة هو الصدق. صدق التفكير وصدق الإحساس وصدق الأفعال.

~ نوال السعداوي