تكونون صادقين لو لمرة وحدة بحياتكم ومتخلونا نشك بأي شي يجي گدامنا لأن الثقة من تضيع صعب ترجع؟
نرجع نحاول مرة ثانية وثالثة ورابعة لأن الدنيا ماوگفت ع خسارتنا بالمرة الاولىٰ ولأن رب العالمين ضام النا الاحسن؟
متصير ملح ع الجرح وتأذي گلبي اكثر ما هوَ متأذي وتكون وياي مو علية لأن انتَ اكثر شخص وجوده وعدمه يأثر بية؟
برشلونة تبطل تبچيني والرياليين يبطلون يصيرون غثيثين لأن هي بالأخير لعبة مو نهاية العالم؟
اتذكر الله موجود وراح يعوضنا عن كُل خساراتنا وانُ ياخذ منا شي علمود يعوضنا بشي احسن من اللي متوقعينه؟
الاگي ناس حنينة بدربي تنسيني مرارة هاي الأيام الصعبة لأن مابية حيل اتحمل الدرب والناس سوة؟
أكون گد كلمتي تجاه نفسي واوفي بكل الوعود اللي وعدتها لنفسي علمود اصير بمكان استاهله؟
أعوف التسخيت بآخر 50 يوم بالسادس وما اضيع تعب السنة كلها لأن هاي اهم ايام بحياتي؟
الناس تبطل تطلع عقدها النفسية بينا وتتعالج منها بسرعة لأن احنا مناقصين ولا مجبورين نتحمل احد؟