باچر نفز من أحلام كلهن سود
وتدگ بابنا الضحكات
"ها يمكم حزن ؟"
وانگلها ما موجود ♥️🇮🇶

مو جديدة نموت لأجلك،
واحنه امس چم مرة ميتين اعله مودك
انته خلصت العمر عايش خريف،
تطيح أوراقك بكيفك..
چنة نلتم اعله بابك
لمة الصبيان من چكليت ينطش
طشرتنا ولمنة حزنك،
هاك دمنة...انطينا ماي..
انته يا أول وطن يرتوي بدمة
بكل طفل مبيوگ لونه
بكل ولد ما عرستله امه وبچتله،
بكل گمر مبيوگ من ليلك بشمعة
نريد نندل الفرح ياصوب صاير،
لمنة يا أخر محطة
لمنة خاف تموت باجر
الما بچالك، ومامشى بدربك حبيبي
هذا مثل الحارگ خيام بمحرم
وذابح حسين بضحكتة بيوم عاشر".
علي ماجد،
#العراق♥️🇮🇶

يجي يوم الدرب ،
يمشي بكيفة و يردنا لوطـنّا ..

كلها مو حلوة بعيوني وطيفك الميت حِله !

أثاري الوطن ،
هاي الـ هلا الـ بعيونكم ..

والصبحَ نقراك بأخبار الجرايد ،
وطن منَفي وطن مبيوع..

شما حضيت بگاع ،
كلهه تصير ملاچة وفلح ،.

على چفنا أنطش حلم ،
فقره احنه بس عشنأ زلم..

يموَت كلشي ،
ويعيش حب الوَطن..

ألا يشعُر ،
الحزُن بالحزن ِحینَ یُبكينا ؟؟

بهيده..
مو كلمن يلوج من الوجع مصيوب جيله.

الهوه يلتم عليَّ منين ماذكروك
وادگ رجلي واضل بعازة الخنگه .

شحوالكم ؟
فر مني امس زاچل ضوة شودالكم ؟
فر مني امس داخل حسن
هنا يمن چنا وچنت غنالكم.

مخاطباً الوطن

صارولك ورد ضنوك فلاح
ماتعرف تشم ليش اكطعتهم ؟

- عبد الحسين الحلفي

‏فإمّا حياةٌ حرّةٌ مستقيمةٌ
‏تَليقُ بِشَعبٍ ذي كيان وسؤدُد

‏وإمّا مماتٌ ينتهَي الجهدُ عِندَهُ
‏فتُعذَرُ ، فأختر أيَّ ثَوْبيَك ترتدي !

غربه عشنا ،
بنص وطنّـا وما إلنا بكل ديرة إسم.

راجعين ياوطن ،
راجعين وبينه لون التعب ، وشفه تعزف حزن ..

من ضياعي
وفوضويتي
تبادر وتنقذ حياتي
جنت تكدر !
ليش وحدك تعبر لصوب النجاة
وفوكاها أتهدم المعبر.