الليل يبدي وابدي ادور الـ شگگتهن
حتى كلماته التغثني استاحشتهن.

غربتني
وفاض وجهَك نذر غيمة
على عيوني وچملتني عتاب منك
بكل جريدة
شايله أخبار الوطن دورت عنك .

يا غريب الگال ( محراب القصايد ) ما يشور ؟
ياحريمه
وتايبين
وحاسبينك
ذني ذمه بكل مناره
ذني تاريخ بسماوات العشگ
وأنته أول عشگ تارسني حزن
ما سامحك .

احنه ربتنه المصايب
فُقرة كلّش
تشترينه بسعر كاسيت الأغاني.

وآنت لا هزك دمعنه
ولا نفع ويآك خآطر.

‏دمُرّ بيه . .
‏آعله گد الشوگ مو أكثر
‏بعدنا احنه آعله ديرتنه
آعله طيبتنه، آعله حطتنه
‏ولا عنوانه تغير .

‏“في مرحلةٍ من عمرك، سوف تدرك أن البعض سيبقون في قلبك .. لكن ليس في حياتك.“

يارخص الهلا التذبل وره البيبان وانته بعيد ..

أثاريني بواچي
شما حضيت بخد
وأثاريني حچي،
بگلب الرسالة
الـ ما قراها أحد

شثگل حزنه ؟
اليطشر واهسه آعله البوب،
ويردّ تاكل بگلبه حچاية الـ محد .

لكن منهو يبچيلك؟
منهو اليفرش گليبه لمواويلك؟
منهو يفز گمر ويداهر الظلمه ويلوليلك؟
يتعبان اشبعد وإتوب من ليلك؟

چنت أضنك
توگف بوجه الشَمس لو سومرتني.

طشت سنين المحبّة
و من بگاياهن شلمّ ؟

مرّة تغفى جروحي بيّه
و مرّة أحنّ وانلچم .

تايهين،
وسومر الشوف بدربنه
بهيّده تمشي دموعنه وتخدر ونين
تايهين،
ومدري وين ارواحنه ويا شط خذاها
لو عتگنه نظل رسايل تعدّ شما جف قراها .

‏ضمضم الموت بسترتك
لا تگل لحد متت ،

وانت ما بين
إزدحامات الشوارع
والدرابيّن القديمة
التاخذك للمدري وين
ومدري شنهي
تضيع
يومية بمكان، تضيع كلك
تنشد الناس الغريبة،
المايعرفك منهم أحد
بلكي مريت بدربهم
مرّة صدفة
بلكي، صدفة.

‏رحتوا ندى وي غبشّة الشمات،
ليش شمالكم ؟
چا ورد روحي الذابل شسوالكم ؟

وحتَى روُحِي المشت ويآهم
نِسَت ماودعتني .

‏روحي حنّت..
وآنه زعلان اعله خلها!
شراح أگلها؟!

لاچن الايام ماتت .

عشت عصه بلاية موسى وكِلشي
گدامي بحَر ! .

والوطن نوبات هم يفگد معانيه .