ДУНЁ

Қуёш тўшар заррин нурларин,
Чекингандек йўқликка рўё,
Уйғонади оғир ва маскин,
Ташвишлардан чарчаган дунё.

Бошланади яна ҳаммаси,
Сарғич тусга киради осмон,
Қушлар учар ҳар томон,нотинч,
Мовийликни соғиниб,ғирён.

Бир камлиги камдек, устига,
Ҳамма унга юкин ортади,
Ҳеч ким билмас унинг дардини,
,, Бир кам'' дунё ҳомуш тортади.

Қуёш тўшар заррин нурларин,
Тараққиёт бошланар -гўё,
Уйғонади оғир ва маскин,
Тутунлардан бўғилган дунё.

ХУРШИД КАРИМ.
https://t.me/IJODGULSHANI

ТИЛАК

Битта ўтинчим бор э,бор худойим,
Майли порламасин кўкларда ойим,
Оналар бағрини тўлдириб турган,
Ширин чақалоқлар соғ бўлсин доим.

Қалбларда оқибат сўнмасин абад,
Кўзларда порласин меҳру мухаббат,
Оналар дуоси бўсин ижобат,
Оталар кўкраги тоғ бўлсин доим.

Шу эрур хаётнинг асл мақсади,
Ошуфта дилларнинг қувонч лаззати,
Кўкларга туташсин юртим сарҳади,
Ўзбекнинг ерлари боғ бўлсин доим.

Юракдан чиқмаса учмас дуо ҳам,
Мунофиқ дардига йуқдир дово ҳам,
Ватанни суюмасни суюмас худо ҳам,
Хоинлар юраги доғ бўлсин доим.

Ёшларга иззату кексага эъзоз,
Инсоний ҳислатлар ҳалқим сенга хос,
Тинч юртга дунё ҳам қилгайдир иҳлос,
Ватаним осмонинг оқ бўлсин доим.

✍Хуршид Карим
https://t.me/IJODGULSHANI

TENTAKNAMO HAYOT ZO'R

G'anim bo'lib boqmaslar,
O'lmay turib qazib go'r.
Yuragingni chaqmaslar,
Tentaknamo hayot zo'r!

Na g'iybating qilishsa,
Nima bo'pti kulishsa...
Kimligingni bilishsa,
Tentaknamo hayot zo'r!

Zo'rni senda ishi yo'q,
Makkoraning hushi yo'q.
Dilda bo'xton nishi yo'q,
Tentaknamo hayot zo'r!

Ba'zan so'kinishadi,
Ba'zan o'kinishadi.
To'g'ri tushunishadi,
Tentaknamo hayot zo'r...!

XONDAMIR
https://t.me/IJODGULSHANI

КОРИНГИЗГА ЯРАМАГАН...
МЕХРИМ БИЛАН
К,АРАМАГАН...
КУ'НГЛИНГИЗНИ САВАЛАГАН...
Мендирман Уша .....

ТАНИШ ОХАНГ ТАНИШ НИГОХ...
ГУЁ МИСЛИ ТИРИК АРВОХ...
АЙРИЛИК,НИ ЧАЛИНГ СЕГОХ...
МЕНДИРМАН У'ША .......

ЙУЛ ТОПОЛМАЙ КУ'НГЛИНГИЗГА...
ГУЛ ТУТОЛМАЙ
К,У'ЛИНГИЗГА...
ИНТИЗОРМАН ЙУЛИНГИЗГА ...
МЕНДИРМАН У'ША .....

ЧАЙЛАНГИЗНИ ВАЙРОНУ ХУШ...
ДЕНГ У'ЗИЗГА
ХАЙРОНУ ТУШ...
К,АФАСДАГИ МАНГУМАН КУШ...
мендирман уша

СУВДАМАН ТУШЛАРИЗ ЧУ'ККАН...
БОРИЙ БОР ДАРДИНИ
ТУ'ККАН ...
МЕХРИЗГА ТЕЗ ШУ'НГИБ
БУ'ККАН...
мендирман уша ....

К,ОЛАР АХДУ НОЛАЛАРИМ...
ЭКИН БОГУ
БОЛАЛАРИМ...
ТИЗ ЧУ'КТИРГАН
К,ОЯЛАРИМ...
мендирман уша ....

БИР КИТОБМАН
У'К,ИЛМАГАН ...
ЭРТАК ХАЛИ
ТУ'К,ИЛМАГАН ...
ЧУ'ЖА ХУРОЗ
ЧУ'К,ИЛМАГАН...
мендирман уша .....

Хаётман мен доим борман...
Сукунатга агёр
ёвман...
Адолат тикилган
дорман...
мендирман уша.....

✍abdulboriy
https://t.me/IJODGULSHANI

“ИБОДАТ” ШЕЪРИНИНГ МАТНИНИ СЎРАГАН ДЎСТЛАРГА
ТАҚДИМ ЭТИЛМОҚДА   
 
 ИБОДАТ

Ибодат не? Яратганга
     итоат ҳам ибодатдир,
Ҳақиқий бандалик бирлан
     садоқат ҳам ибодатдир!

Ибодатдир, тирикликни
     этолсанг маърифат боғи,
Машаққатлик илм, санъат,
     қироат ҳам ибодатдир.

Онанг бирла отанг қалби
     ўтар Каъба тавофидан,
Агар кўнглини шод этсанг,
     шу хизмат ҳам ибодатдир.

Хабар олдингми бемордан,
   қариндош, дўст, мусофирдан?
Бировни йўқласанг дилдан,
     зиёрат ҳам ибодатдир.

Умрни этмайин исроф,
     ўзинг рўза, вужудинг соф,
Агар пок ҳолда ухларсен,
     шу роҳат  ҳам ибодатдир.

Мудом Аллоҳни зикр этсанг,
     ҳалол борига шукр этсанг,2
Қиёмат кунин фикр этсанг,
     тижорат ҳам ибодатдир.

Бутун борлиқ, наботот ҳам,
     Яратганга этар тасбиҳ,
Бобо деҳқон экиб юрса
     зироат ҳам, ибодатдир.

Ибодатдир – бирор золим,
   жафокорга десанг ҳақ сўз,
Ва нодонга сукут қилсанг,
   сукунат ҳам ибодатдир.

Агар жуфти ҳалол бирлан
   кўнгилхушлик этар бўлсанг,
Фалак шоҳид, малак ҳозир,
   бу суҳбат ҳам ибодатдир.

Бу Исломдир, бутун умринг
   ибодат ҳолига келгай,
Ва огоҳлик билан ўтган
   шу фурсат ҳам ибодатдир.

Тамал –  иймону ихлосдир,
   бу қуллик бандага хосдир,
Худо деб қилганинг ҳар иш
   ва ният ҳам ибодатдир.

Севиб Мирзо, фақат дўстлик
    билан дилларни обод эт,
Агар Аллоҳ учун севсанг,
   муҳаббат ҳам ибодатдир!..  
                                    1997
 Мирзо Кенжабек

https://t.me/IJODGULSHANI

ЯХШИ ОДАМЛАР

Орзу, ҳавас, тилагимдасиз,
Сиз борсизки дилда йўқ ғамлар,
Қалбимдасиз, юрагимдасиз,
Қадри баланд яхши одамлар.

Сизда бордир инсоф, диёнат,
Юзингиздан нур ёғар қат,қат,
Изингиздан гуллайди жаннат,
Содиқ ҳамдард яхши одамлар.

Адолат-чун отилган ўқсиз,
Кўзи ҳам тўқ,кўнгли ҳам тўқ сиз
Ғийбатчилар ичида йўқсиз,
Сўзлари қанд яхши одамлар.

Тегрангизда кўклам нафаси,
Сизга кўплар келар ҳаваси,
Қалбингизда эзгулик саси,
Бахту,омад яхши одамлар.

Бирингиз дўст,бирингиз улфат,
Сирдош,саҳий,дилларга дилбанд,
Сиз борсизки олис қиёмат,
Бўлинг ҳар вақт яхши одамлар.

Сиз-ла қалблар яшнайверади,
Диллар меҳр тўшайверади,
Сиз бор дунё яшайверади,
Қадри баланд яхши одамлар.

Хуршид Карим
https://t.me/IJODGULSHANI

Dunyo
Bevafo xotinday turlanar dunyo.
Aqlingni o’g’irlab surlanar dunyo.
Baridan yuz burib sajdaga yiqil,
Kirdan forig’ bo’lib, nurlanar dunyo!
https://t.me/IJODGULSHANI

➰➰➰➰➰➰➰➰➰➰➰
🌸🌸🌸🌸🌸🌸🌸🌸🌸🌸
Ассалому алайкум ахли диндошим!
Хафтанинг биринчи куни душанба тонги муборак булсин!
Отаетган гузал тонгларимиз ва утаетган хар бир кунимиз хаммамизга файзли ва барокатли булсин!
Кун давомида яхши кайфият асло тарк этмасин.Савоб ишлар килишимизда Оллохими узи насиб килсин.
Доим эшитувчи сураганимизи берувчи Оллохим!
https://t.me/IJODGULSHANI

УМР

Кеча - ортингизда қолган яқин йўл,
Кеча - унутилган ташвиш, алам, дард,
Кеча - тарих эди сиёҳлари ҳўл,
Кеча - ҳаммасига қўл силтаган мард.

Бугун - умрингизда бошқа зарварақ,
Бугун - ҳаётингиз бошланар янги.
Бугун - қалбингизда ажиб бир фараҳ,
Бугун - дилингизда туйғулар жангги.

Эрта - уйғонолсак бошлангувчи кун,
Эрта - бу ранглари номаълум бир нур,
Эрта - дастрўмолга тугулган тугун,
Эрта - етганларнинг куни бошланур.

Индин - қўл етмаган шохдаги мева,
Индин - тақвимларда ёзилмаган кун.
Индин - таржимаси номаълум шева,
Индин -  узун дарё, кўприги бир кун.

Кеча - ҳаммасидан ризолик бахти,
Бугун - барчасидан умидвор кўнгил.
Эрта - яратганнинг туҳфаси, аҳди,
Индин - адирларга чўзилган ўнгир.

Ўлмасбек Самарқандий
https://t.me/IJODGULSHANI

БИР ҚИЗ ТАНЛА.

Шундай бир қиз танла укам,
Қад-қомати расо бўлсин,
Чиройи ош пиширмайди,
Ақли ўткир,доно бўлсин.

Қилиб оиланг ҳурматини,
Аямасдан ҳизматини,
Кўтсатиб бир ҳимматини,
Қилганлари вафо бўлсин.

Юзлари гулгун,гулойим,
Ҳушмуомала,ҳур,мулойим,
Дарду ғамларингга доим,
Ширин сўзи даво бўлсин.

Эплаб қозон,ўчоғини,
Ювиб коса,товоғини,
Солмасин қош,қовоғини,
Кўнгли очиқ,ҳаво бўлсин.

Мафтун бўлмай суратига,
Назар ташла сийратига,
Учма молу давлатига,
Кибрсиз ҳуш наво бўлсин.

Очиқ сочиқ киймас зинҳор,
Қошларида ўсмаси бор,
Опалари номусу ор,
Сингиллари ҳаё бўлсин.

Сўзлари ҳам дона,дона,
Сенга ҳамдаму ҳамҳона,
Бир кун келиб бўлса она,
Меҳри улуғ,дарё бўлсин.

Мол,давлатинг борида бор,
Қуллуқ қилувчилар бисёр,
Ғариблашсанг билинар ёр
Жони сенга фидо бўлсин.

Гулбоғингда мисоли гул,
Ҳуш атридан тўлсин кўнгил,
Тонгларингда сайраб булбул,
Бошингдаги ҳумо бўлсин.

Шундай бир қиз танла укам,
Қош кўзлари қаро бўлсин,
Сочи калта бўлса майли,
Ақли узун, доно бўлсин.

Хуршид Карим
https://t.me/IJODGULSHANI

Қадрли таниқли шоир дўстимиз Хуршид Каримга.
🍃🍃🍃🍃🍃🍃🍃🍃
Ушбу ўзан таъсисчиси сифатида ўзимнинг ва гуруҳимиз фаолларининг сиз ҳақингиздаги фикр-мулоҳазаларимизни билдирмоққа жазм этдим.
Хуршиджон! Сизни камида, бутун Ўзбекистон аҳли яхши танийди. Айниқса таълим ходимлари!..
Ижодингиз билан уларнинг ва бизнинг ҳам қалбларимизда яшаяпсиз!..
Сизни гуруҳимизга таклиф этишда иккиланганим рост. Сабаби машҳурларда ёки вақт бўлмайди, ёки
" Юлдузлик касали" тез-тез хуруж қилиб туриши сир эмас.
Сизда эса самимийлик, инсонийлик ва оддийликни кўриб, тўғриси жудаям ҳавас қилдим. Админларимиз ҳам ижодкорларимиз ҳамда муҳлисларингиз сиздан хурсандликларини рўй-рост баён қилишиб турибдилар.
Бир китобда ўқигандим:
"Оддийлик- буюкликдир!.."
Сизни тарбиялаб вояга еткизган ота онангиз, устозларингизга минг раҳмат!
Хуршиджон, ўзанимизда сиз каби юздан ортиқ камтарин аммо машҳур ижодкорлар йиғилишган. Бу сўзларимиз уларга ҳам тўлиқ тааллуқли эканлигини баралла айтгимиз келади.
Сизлардек олижаноб , ижодкор инсонлар бизнинг фаҳримиз!
Барча ижодкор дўстларимизга , бизни кузатиб бораётган азиз инсонларга соғлик, омонлик тилайман.🍃🍃🍃🍃🍃🍃
"Назмий суҳбатлар".
Таъсисчиси:
Ш. Умиров.
https://t.me/IJODGULSHANI

Abdulboriy:
KELING DUNYONI BÒLAMIZ SHARTTA,
BOR G'UBORIN PULGA SOTIB OLAMAN.
QURIB G'UBORDAN UNI QAYTA QAYTA
MEHR OSTONASIGA YOTIB OLAMAN.

MENI UKAM XURSHID DEB AYTIB OLAMAN....

Xurshid NARZULLA:
Aka, bu dunyoni uchga bòlamiz,
Ikki qismin ģamin òzim olaman.
Òlsak, shunday rishta ila òlamiz,
Ketsam ham quvonchdan shovqin solaman,

AKAJONIM ABDULBORIY DEB QOALAMAN...

Abdulboriy:
KELING DUNYONI BOLAMIZ TENG,
MEN BORKI DARDLARNI OLAMAN .
MENGA TORLIK SIZGA BÒLSIN KENG ,
SHOD YURING MEN GAMDA QOLAMAN.

Meni UKAM XURSHID DEB AYTIB QOLAMAN...

Xurshid NARZULLA:
Sinovlar sinasa metin bardoshim,
Sirimni sotganda yolģiz sirdoshim,
Faqat siz qolasiz, akam, dildoshim,
Siz yashnang!
Men esa ģamda qolaman,

AKAJONIM ABDULBORIY DEB QOLAMAN...

Abdulboriy:
ANA DUNYO CHAROGON GÒSHA,
MAYLI INIM SHU TUN SÒNAMAN.
LEKIN AKANGIZ ÒSHA ÒSHA,
MEN BARIB BIR SÒZDA QOLAMAN.

MENI UKAM XURSHID DEB AYTIB QOLAMAN...

Xurshid NARZULLA:
Shabnamlardan voz kechsin tonglar,
Zulmatidan ayro bòlsin tun.
Lek siz qalbim ichra yasharsiz,
Men baxtliman boringiz uchun...

AKAJONIM ABDULBORIY DEB QOLAMAN...

Abdulboriy:
ÒSHA TILAK ÒSHA ISTAK ZOR,
NASIB SAMARQANDGA BORAMAN.
KOHNA DIYORGA BÒLIB JÒR,
UKAMNI BAGRIMGA OLAMAN.

MENINIG UKAM SHOIR DEB AYTIB QOLAMAN...

Xurshid NARZULLA:
Keling aka, Samarqanddan ketmas bòlib,
Mehr, shodlik, baxt bahridan òtmas bòlib,
Yòl yuramiz ģam shahriga yetmas bòlib,
Aka sizni baģrimga bosib olaman,

Akam eng mehribon deb aytib qolaman.

✍ ABDULBORIY & XURSHID NARZULLA
https://t.me/IJODGULSHANI

🎙 Dilya❤️

Gohida shod bo'lib,ma'yus,kulmayman,
Gohida jilmayib turib yig'layman.
Men sizdan hech narsa talab qilmayman,
Men sizdan

Muhabbat tilayman holos...!❤️

✍Xurshid Karim
https://t.me/IJODGULSHANI

@ҚИЗ БОРГУВЧИ ЭШИКНИ ҚАТТИҚ ЁПМАНГ ҚУДАЖОН@

Тўйнинг ками тўлмаган, қабул қилинг кам демай.
Қўни-қўшни олдида бўлди бошим хам демай.
Хохласангиз қизингиз яшашини панд емай.
Қиз боргувчи эшикни қаттиқ ёпманг Қудажон.

Қариндошлар йўқ деса бир амаллаб кўндиринг.
Жахл ёққан гулханни ақл бирлан сўндиринг.
Қудачилик минг йиллик, келса бошга қўндиринг.
Қиз боргувчи эшикни қаттиқ ёпманг Қудажон.

Пайғамбарлар сийлаган азал куёв зотини.
Яёв келса қайтишга берган учқур отини.
Ширин бўлсин десангиз ёшларнинг хаётини.
Қиз боргувчи эшикни қаттиқ ёпманг Қудажон.

Қиз узатса подшолар қўшган ярим давлатин.
Ғарибсан деб эгмаган куёв бўлмиш савлатин.
Бўлсангиз хам фалончи, ўша машхур Афлотун.
Қиз боргувчи эшикни қаттиқ ёпманг Қудажон.

Хўп денг хўпми не деса куёв амма,холаси.
Ахир бир бор уйланар жигарининг боласи.
Йўқ десангиз қасдини қизингиздан оласи.
Қиз боргувчи эшикни қаттиқ ёпманг Қудажон.

Қўйинг қилманг тўполон арзимас зар мато деб.
Қизингизга зар эмас гўзал ахлоқ бўлсин сеп.
Ўзингизни зўр билиб кейин юрманг алам еб.
Қиз боргувчи эшикни қаттиқ ёпманг Қудажон.

Қайси уйда бўлмайди уруш,жанжал,гиналар.
Уруш,жанжал,гинада сабр,бардош синалар.
Хўш турмуши бузилса ким кимдан кўп қийналар.
Қиз боргувчи эшикни қаттиқ ёпманг Қудажон.

Ғулом Нормат байтини қулоққа қуйиб олинг.
Ёқса силаб суратим, сездирмай суйиб олинг.
Айтган хар бир сўзимни кўнгилга туйиб олинг.
Қиз боргувчи эшикни қаттиқ ёпман Қудажон.

Рўзғор ками тўлмаган келиб кетинг кам демай.
Хамрохларим олдида бўлди бошим хам демай.
Хохласангиз қизингиз яшашини ғам емай.
Қизлар борган эшикни қаттиқ ёпманг Қудалар.

Ғуломжон Нормат.1*07*2020-й
https://t.me/IJODGULSHANI

​HIJRON

(Niqobdagi qizga)

Oyday yuzlaringni ko‘rmoq yo‘q jonim,
To‘ymoq yo‘q xushsurat chiroyingga ham.
Yoningga bormoqqa yo‘qdir imkonim,
Kirmoq yo‘q ul husnu - saroyingga ham.

Har yonda ta’qiqlar qo‘yilgan yozib,
Oh, visol onlari bir xotir endi.
Gʻuncha lablaringga labimni bosib,
Bo‘salar olmoq ham xavotir endi.

Hijron azobiga bo‘ldim mubtalo,
Ko‘zlarim yoshlanar sog‘inchli mungdan.
Bu qanday dard bo‘ldi, bu qanday balo,
Mosuvo ayladi tabassumingdan.

Bu ne hol, ayrilmay ayro yashasak,
Haqdan oshiqlarga tushgan buyruqmi?!
Visolga yetolmay kuysak, qaqshasak,
Hatto qo‘llaringdan tutmoq ham yo‘qmi?!

Ko‘ngil ham hadikda, bir so‘z ham demas,
O‘rtanib bechora hajr obin ichar.
Ayroliq azobi bir menda emas,
Olam oshiqlarin holi shul kechar.

Mayli, bu kunlar ham o‘tkinchi, bu chin,
Kun kelib visol ham ko‘rsatur viqor.
Yana muhabbatga to‘lishmoq uchun,
Azizam,  #Uyda_qol ,niqobingda qol!

Bu qanday dard bo‘ldi, bu qanday balo,
Mosuvo ayladi tabassumingdan.

✍ O‘lmasbek Samarqandiy.
https://t.me/IJODGULSHANI

ХОРАЗМЧА

Ҳар сўзи лутф этур, дилни даволаб,
Айтилса каломи кетур наволаб,
Не деса бош ирғаб, «ҳова-ҳовалаб»,
Бугун Хоразмча сўйлагим келди.

Шеър битиб, сўз қўшиб энг тозалардан,
Олиб оҳанграбо андозалардан,
Қалъадан - «Тош», «Ота» дарвозалардан,
Бугун Хоразмча бўйлагим келди.

Асли изҳори кўп ишқда элимни,
Ширин суханларга шайлаб тилимни,
«Новви-новви» дея ошиқ дилимни,
Бугун Хоразмча қийнагим келди.

Ҳофизлари булбул, куйлагай сайраб,
Лазгиси янграса, қайроғим қайраб,
Бошимга чўгирма бостириб, яйраб,
Бугун Хоразмча ўйнагим келди.

Марямжон шеъридан тўқлаб кўнглимни,
Бағримга бир босиб Ҳабиб инимни,
Салима апка-ю, Дийдор синглимни,
Бугун Хоразмча суймагим келди.

Хивоҳ деганимда, дил кетур гуллаб,
Ташна қалб қақроғин Амудан ҳўллаб,
Олис Самарқанддан саломлар йўллаб,
Бугун Хоразмча сўйлагим келди!

Ўлмасбек Самарқандий

https://t.me/IJODGULSHANI

ИЛТИЖО

Сен буюк Раҳмонсан, сен буюк Қодир,
Ҳукмингсиз ҳеч офат бўлмайди содир,
Сендай Ғаффор йўқдир ва сендай одил,
Қаҳрингни меҳрингга тенг қилиб қўйма!

Ироданг олдида ожизмиз ҳар он,
Бир сўз тополмаган, лолдирмиз, ҳайрон,
Бир дамда дунёга ёпириб бурон,
Бир лаҳза оламни жим қилиб қўйма!

Эшит фарёдимни, тингла ноламни,
Кўриб раҳм айлагин кўзда жоламни,
Бир ҳовуч тупроқдан бино оламни,
Қаҳринг-ла бир ҳовуч қум қилиб қўйма!

Шукур деймиз, майли жабрингни жўнат,
Чидаймиз, ҳар бало-кабрингни жўнат,
Синов бериб ортдан сабрингни жўнат,
Тақдир-аъмолларни шум қилиб қўйма!


Энди банданг учун бир шафоат бер,
Фақат ўзинг учун ишқ, итоат бер,
Дарддан ҳам кучлироқ куч бер, сабот бер,
Ожизларинг бағрин хун қилиб қўйма!

Сен буюк Раҳмонсан, сен буюк Қодир!

Ўлмасбек Самарқандий.
https://t.me/IJODGULSHANI

МУАЛЛИМЧА СЕВГИ

(Ҳазил шеър)

Сенга бўлган муҳаббатим касбим каби муқаддас,
Хаёлимни ўғирлаб, ақлим олдинг ёр мени.
Истасанг, ўтиб берай севгидан бир соат дарс,
Сени бахтли қилмоқ, асли иш режамда бор мени.

Сени ўйлаб талпингайдир қирқ беш дақиқа юрак,
Ишон ахир сенга бўлган садоқатим тоабад.
Яна қандоқ севмоқ мумкин, яна қандай ишқ керак,
Наҳот сизга камлик қилса бир ставка муҳаббат?!

Исмингиз не, Сайёрами, Мавжудами, Ҳанифа,
Танишайлик, қалбингни оч суҳбатингдан дил тўлар.
Севилмоқ дарс мавзусидир, севмоқ уйга вазифа,
Бундан буён ҳар соатда янги мавзу «Ишқ» бўлар.

«Дук-дук» урар тинмайин юрагимнинг тепкиси,
Бу овознинг таърифини қилолмайсиз талаффуз.
Ҳаммасидан бошқачадир муаллимнинг севгиси,
Қирқ беш дақиқа севса, беш дақиқа танаффус.

Унга сўйлаш шарт эмас муҳаббатнинг шарҳини,
Ошиқларин оҳини кўзидан ўқиб турар.
Ҳа айтганча айтайин, бошқалардан фарқини,
Тўққиз ойда бир марта таътилга чиқиб турар.😂

Барча касблар ичида эҳтиром у, фахр у,
Ўз касбидан кўнглига ғурур туйиб боргайдир.
Севсангиз муаллимни, жондан севинг ахир у,
Ишқингизга муносиб баҳо қўйиб боргайдир.

Ўлмасбек Самарқандий
https://t.me/IJODGULSHANI