باجر تلمنة المكابر ..
ونحجي يم الله الصدك..

دبريلي ملگة بروحي وحشة حضن
شگد ناس صغرت من فراغچ كبر
شجريتي مني وما انجر النفس
ظل الحلم بعيوني يطبع اثر
رحتي وخيالچ لا غفة ولا مشة
لا عاف روحي ولا بعيني استقر
اربع مواسم ظل خريفچ يجي
طاحت ملامح وجهي مثل الشجر
- علي رشم .

الله أنطَاك عمر وعشت وياي
شتضن وي غيري هم الله ينطيك؟
جنطة سفر دمعي وماخذة وياي
خلص بأول محطة گبال طاريك..

يا بذات يا گطعي يا ما تهتم
كتبانلك قصايد نبجي بيهَن دم

أخر عمري اجَي أبچيلك
صدك تحَجي !
ما باجي بفواتحَنا عليك أبچَي !
طلقه براسي احَطها ولا عشت مذلول
توصل لـ لكرامه ، هنَـا اهد كلشَي ..

ما اسد باب بگفاك
ومن حياتي ، اطلع وراك ..

چيله بصف الاطرش ماهتملك دوم

گتَلك گضانّي المَرض
حَط أيـدَك على الوچْع
مِن عنَده طيبنَي !
تسَحك برجلك كمَت وين اليتعبَني
وياك طاير چَنت ومأمن تحبَني
شمَدريني سابع سما من نوصل تذبَـني ؟

معقوله تنام وبيه ما حسيت
واني كل جره نفس بعدك تئذيت
تدري ل خاطرك ليهسه ماحبيت
ول غيرك ابد ما باوعت عيني

شمالها عيونك نستني
ويا مرايه الغرتك هيج وعفتني
كمت اشوفك تهوى غيري
بيش غثنك عيوني وغربتني

ناري ماتطفى ولا نارك طفت
وعيني قبلك تبچي اذا عينك بچت .

حسيتك تغيرت مو ذاك النعرفه
وصفوك واحنه الحلو ما نعرف نوصفه
مو صوره الك بالگلب لا تارس الغرفه
تزعلنه والمشكله تزعل تدير الوجه وتعوفنه وتغفه
-ل مؤمل قيس

خاف ما أَشوفَك
تَعال الليلة يَمي
خَلي نِجمعهِن سوة
هَمك و هَمي
الليلة آنة وياك
نِگضيها سوية
آنة أَبچي عَليك
و انتَ إِبچي عَلية

وعگب ذاك الزعل رديت
وانه مشتاگلك شحجي؟
انتَ ونعش اخوي اثنينكم عالباب
وحرت ٲشبگمن وٲبچي ،
يحلو الزعل والمعشر
انه ادريتك ترد بس گلبك تٲخر
عشت مثل الجريدة عليك
كل يومية اموت اكثر

الحجـي المحتـاجه من عندك
سمعته بصوت مو صوتك

" تزاعلنا "
وتعدىٰ عَ الزعَل مدة !
نَدم وَديتلة بَس كُلشي ما وَدة .

يا حَــبيبي الليل هَـم سَـاكت يشبهك

ليش تخسر مثلي واحد
هامل الدنيا ويجيك
انسان من توگع بشده
يعينك أكثر من أديك
انسان جان يبيعَ روحه
ويشتري الترهم عليك.