إنت سايب ريموت كنترول مزاجك في إيد غيرك ليه؟

كلمة ترفعك سابع سماً وكلمة تنزلك سابع أرض

حد يمدحك فتحس إنك عظيم وحد ينتقدك بعدها بخمس دقايق فتبدأ تشك في نفسك

طب مين فيهم عنده الحقيقة؟

الحقيقة إن آراء الناس فينا متغيرة زي قلوبهم ومشاعرهم
لأن كل واحد بيشوفك من زاويته هو
من تجاربه ومن مشاعره ومن توقعاته وخبرته

شوف مثلًا أي بوست على السوشيال ميديا

نفس الكلام بالظبط واحد يكتبلك ده أجمل كلام قريته
واللي تحته يكتبلك كلام فاضي

البوست متغيرش اللي اتغير هو الشخص اللي بيقرأه

وعشان كده مش مطلوب منك تبهر كل الناس طول الوقت لأنك أصلًا مش هتعرف

المطلوب إنك تبقى راضي عن اللي بتعمله وتسمع الكلام اللي يفيدك
وتراجع نفسك لما تحتاج من غير ما تخلي كل رأي جديد يعيد تعريفك لنفسك

لأن لو سعادتك متعلقة برأي الناس يبقى إنت فعلًا سلمتهم الريموت

والمشكلة مش إنهم هيضغطوا زرار غلط

المشكلة إن في يوم الريموت ممكن يقع في إيد حد يتسلى بيك

مرة يرفعك فووووق

وبضغطة واحدة يجيبك الأرض

اسمع الناس
لكن خليك إنت اللي ماسك الريموت

بص لنفسك بصدق
مين أكتر شخص لسه معاه ريموت كنترول مزاجك؟