كل يوم بيصحى من نومه بدري يقولك النهارده بدايه جديده وبتاع ف يفوق ويصلي وينزل يجيب فطار ويقف يعمل فنجان القهوه بمزاج وتلاقيه طلع ع السرير ويقولك الإنسان ضعيف.
من المفارقات الغريبه جداً ان الحياه بتمشي بحيث لا يوافق الحدث التوقع ولا يستطيع ان يوافقه، ولن يوافقه.
الحب مش السبب الوحيد علشان نكمل
ممكن تحبني لكن ما تفهمنيش، أو تحبني ومش تعرف تسعدني، أو تفضل بتحبني وبينا مشاكل مش لاقية حل ليها.
الحب وحده مش كفاية، لأن التفاهم، الأمان، الثقة، والمودة أهم مليون مرة، الإحساس إنك مطمّن ومش هيتخلى عنك وقت الشدة أهم من الحب، وإنك تلاقي حضن يريحك في عز تعبك أهم من الحب، وإنك تعيش على طبيعتك من غير تصنّع أو ضغط أهم من الحب.
وإنك تبص في المراية وتلاقي نفسك راضي عنها لأن في حد وراك دايمًا بيدعمك دا أجمل وأقوى من الحب نفسه
ممكن تحبني لكن ما تفهمنيش، أو تحبني ومش تعرف تسعدني، أو تفضل بتحبني وبينا مشاكل مش لاقية حل ليها.
الحب وحده مش كفاية، لأن التفاهم، الأمان، الثقة، والمودة أهم مليون مرة، الإحساس إنك مطمّن ومش هيتخلى عنك وقت الشدة أهم من الحب، وإنك تلاقي حضن يريحك في عز تعبك أهم من الحب، وإنك تعيش على طبيعتك من غير تصنّع أو ضغط أهم من الحب.
وإنك تبص في المراية وتلاقي نفسك راضي عنها لأن في حد وراك دايمًا بيدعمك دا أجمل وأقوى من الحب نفسه
في حاجات كتير موجوده في حياتي وحياتك وخسارتها افضل بكتير من أنها تكون مُستمره تستنزف في روحك بشكل سخيف.
مهم إن الإنسان يعرف إن الأمور بتتحسن مع الوقت، وده مش علشان الوقت بيداوي ولا حاجه، ده علشان بيكبر وبيكتشف انه قادر، بالظبط زي ما انت مدرك ان انتهاء العلاقة الرابعة او الخامسة في تجربة حُب مش مؤلم زي اول علاقة، وده برضه مش علشان الحياه بقت أسهل، ده علشان التكرار بيعلم الحمار.
طبيعي مش كل اللي بنحتاجه بيتوجد، الي قادر اقولهولك في النهايه انك لازم تبعد وتسيب مساحه بينك وبين الناس.
الحياة مرسومه ومكتوبه بكل تفاصيلها من أتفه حاجه فيها لآخر الطريق الي منعرفهوش، مطلوب تكمل سعي من غير ليه و إزاي.
احنا تقريبا كلنا من برا شبه بعض، كلام بيطير وحدوتة بتتقال، وناس بتكدب على ناس والدنيا دايرة، بس من جوا لأ، من جوا كل واحد فينا حكاية مختلفة خالص، في اللي جواه ملك، وفي اللي جواه شيطان وفي اللي جواه حرب ما حدش يعرف عنها حاجه كلنا ربنا خلقنا بنفس الشكل من برا، بس اللي جوانا هو اللي بيكشف حقيقتنا، وعشان كدا ربنا سترنا من برا عشان يداري البلاوي اللي جوه، ويمكن ده أحسن، لإن لو كل واحد شاف اللي جوا التاني، مكناش هنعرف نكمل مع بعض لحظة، فالستر رحمة والرحمة أصلها إنك تفهم إن كل واحد ليه ظروف، ليه وجع وليه صراع مش باين في قبل ما تحكم قبل ما تقول كلمة تجرح، افتكر إن اللي قدامك يمكن جواه حرب هو نفسه مش قادر عليها، عامل الناس بقلبك مش بعينك، لإن عينك بتشوف الشكل، لكن قلبك هو الوحيد اللي يقدر يشوف الحقيقة.
كل لحظة حلوة بتعيشها بتفضل خايف إنها تتحول ذكريات بعدين عشان بتبقى مش عارف هتضحك على جمال الذكريات دي ولا هتحزن على إنها ممكن ما تتكررش تاني.
مع الوقت هتتأكد ان الحياه مسارين ولازم تمشي فيهم، واحد هيفضل يديك كل اللي انت محتاجه، والتاني بيسحب منك الحجات دي تاني.
حالك مش هيتصلح غير لم تفهم إن عمرك ما كنت مُتحكم في حاجة مهما هيأت نفسك ليك إنك مُسيطر، أول ما الإدراك ده يستقر جواك و الدرس يتفهم، كل حاجه هتتحل وهتكون أبسط من كدا بكتير.
موضوع صعب إنك مش بتسيب حاجه تفوت، انك بترمي أسئله في كل الإتجاهات لمجرد إنك رافض تكون مش فاهم الوضع، ومع ذالك بتكون كل محاولاتك فاشله وفي الآخر مش بتنول الفهم، وبتستمر الدايره من غير ما تتكسر، وانت مستمر تجري فيها وإنت مش قادر تفهم ليه كل دا.