‏مش عارف أعبر عن مدى إنزعاجي إني طول الوقت مطحون في محاولات عشان إنقاذ ما يمكن إنقاذه، بس عمرها ما تعدت كونها محاولات، بحاول بس.

it's never too late, انت اللي اتهزّيت

طول ما انت ماشي توزع أجزاء من قصتك ومجمعتهاش هتفضل تايه ومش عارف انت فين في حكايتك، لا يُمكن تكون دي بدايتك ولا دي يُمكن تكون نهايتك.

طبعا انت مكنتش عارف وانت قلبك بيرفرف من الحب والسعادة و فرحان بالفراشات ان دي هتبقي اكبر تروما في حياتك.

لما تبقي بتشتغل عشان تجيب مصاريفك، وبتحاول تهتم بدراستك، ومتهملش علاقتك بربنا، وتحاول تراضي اهلك علي قد م تقدر، وتحافظ ع صداقاتك القديمة، وتحاول تعمل معارف جديدة، وتهتم انك تتعلم حاجة جديدة، وتحاول تواكب التكنولوجيا ال محاوطه بيك، وتحاول تتأقلم مع اوضاع المجتمع ال كل يوم بحال، وتحاول تبقي سوي نفسياً عشان مينفعش تبقي عايش كده وخلاص، لو بتعمل ده كله اعرف انك مبتعملش حاجة زيادة عن ال بيعمله اي واحد عاقل !

مش دايما لازم يكون ليك رأي في كل شيء حواليك احيانا لازم تعدي الموضوع من سُكات.

موضوع مُرهق فشخ انك تحاول تظهر معاملتك الحسنة واسلوبك المهذب دايماً وتتغاضي عن اي حاجه سيئه في سبيل ان ده واجب وفرض عليك، بس في نفس الوقت انت مبقاش عندك مقدار كبير من طاقة ضبط الذات الكافيه، وممكن ترتكب اي رد فعل يغيرلك مسار حياتك في طريق مجهول.

Love is Awful

أأنا السائِر في الدَّربِ ؟
أم الدرب يسير ؟
أم كلانَا واقف
والدهرُ يَجري ؟

لَستُ أدري.

انماط تفكيرك اللي مترسخه ف مخك وانت صغير بتربيك لما تكبر.

الدنيا صعبه ومفيش حاجه بتكون واضحه ومريحه قد كدا، ف أنت لازم تبطل تعيش كل حاجه وتختار كويس الحاجه اللي انت مستعد تتعب عشانها وترمي مجهود فيها.

لا يمكنني الوقوع في حبِّ رجلٍ
تحوم حوله الفراشات،
تُغازله تارةً،
وتُحدّق إليه تارةً أخرى

امرأةٌ مثلي تأكلها
نيران الغيرة من كل جانب،
تغار على القصائد، الأغاني، والقمر.

إن كانت أشياؤها تُرهقها،
فماذا عن حبّها؟

إن أحبَّ الجميع شيئًا تجنّبته،
أعشق الاستثناء ولذّته،
وأمقت المشاركة
في شيءٍ يخصّني.

أنا مش متأكدة إذا كان في علاقة بين الفكر والملامح،

بس متأكدة إن لما حد بتعجبني أفكاره برتاح لملامحه وبحس فيها بانعكاس بريق الذكاء والفكر الراقي..

والعكس صحيح.. مهما كانت الملامح جميلة بيبهت جمالها في عنيا لو حسيت إن بيديرها عقل أحمق أو متكبر.

صحيح للجمال سطوة.. بس سطوة الفكر والروح أرقى وأبقى.