Ақли 7 ёшидан кейин ривожланмай қолган масъулиятсиз эркакларни кўрсам ачинаман.

Буларга халқ тилида маминкин сыночек дея таъриф берилади.

Ақл, масъулият, жавобгарлик деган туйғулар нолга тенг. Лекин, эрлик даъвоси бўйича олдинги қаторларни эгаллашади.

Эрка, инжиқ, доим боғдан келсанг тоғдан келиб, жанжал чиқаришнинг пайида бўлишади. Фақат мен тўғри гапираман деб бошни урмай ёрадилар. Қисқаси, Аёз бобо эртагидаги Марфушканинг эркакча варианти. Қўлига битта катта хўрозқанд билан юзига қизилчадан румяничка кам холос. Жинниликларига чидамасдан оёқ-қўлини боғлаб, қулоғининг тагига қўееееб қўйворгинг келадию, уролмайсан, чунки у ЭР. Розилигига эришолмасанг Аллоҳга осий бўласан. Гуноҳкор бўлмаслик учун сабр қиласан, иззатини жойига қўясан. У эса бундан бошқа хулоса ясаб, зулмларимга чидайди, чунки менсиз яшолмайди деб гумон қиладида, хотиннинг бошига ит кунини солади. Шўрингга шўрва тўкилмагур қанча аёллар бор шундай эрларга тоқат қилиб, камига боқиб яшаб ўтадиган. Бироқ  шунда ҳам ёқмайди. Бунақа ҳолатлар динимизни яхши билмаслигимиз, жоҳиллигимиз касофатидандир.

Ўғил болага ота тарбияси зарур  дейишади. Лекин кўп кўраман маминкин сыночеклар ота тарбиясини кўрганларда ҳам кўп учрайди. Боиси ота урушганда она ҳар доим тарафини олиб, эрка-тантиқ қилиб тарбиялайди. Бу бола уйланиб бола-чақали бўлса ҳам феъли узгармайди. Марфушкалигича қолади бир умр. Чунки тарбиядаги асос, пойдевор бузуқ.

Ёлгиз оналар тарбия қилган шундай ўғил фарзандлар борки, оила бошқаруви, рўзғор тутишдаги тутумига одам ҳавас қилади.

Шундай экан, ўғил бола тарбиясига фақатгина ота масъул дейиш кўп ҳам тўғри эмас.

Яхши ўғил тарбия қилиш учун унга яхши она танлаш керак аввало.Ёки ўзингиз тарбия қилинг. Минг илмли бўлмасин, дунёпараст онадан дунёпараст фарзандлар етишиб чиқади.
Жоҳила аёлларнинг тарбия қўлланмаси ҳақида гапирмаса ҳам бўлади...

Чин мўмин инсон уммат ғамида кўз юмиб, уммат ғамида уйғонадиган кишилардир. Бугунги кунда фақат қорин ғамида тонг оттириб, қорин ғамида уйқуга ётадиган умматга айланганмиз.

Аёлларимиз аксарияти ҳатто битта оилани ҳам эвлай олмайдиган маминкин сыночекларни вояга етказаётган бу замонда уммат ғамини ейдиганларнинг туғилиши ҳали бери кўпаймайди.

Жа борса бошқалардан фарқли ўлароқ, 3-4 тадан уйланиб, ишни қойил қилгандек оғзи полвонлик қилиш ҳам динга хизмат қилишдек шарафни олдида ҳеч нарса эмас.

Ота-она, яқинлар ва фарзандларингиз ғамида яшашигиз ҳам уммат ғамида эканлигингизнинг бир куринишидир. Лекин уларни фақат моддияти, фоний дунёси учун эмас, охират ҳаёти ҳақида ҳам ғам чекинг, Охират гами учун Сиз эслатма бериб турмасангиз ким ғам қилади Сизнинг яқинларингиз учун. Ҳар ким ўз яқинлари учун масъул ва қиёматда бу ҳақда сўралишимиз бор.

Фақатгина моддий эҳтиёжлар ғамида яшасак ҳайвонлардан қандай фарқимиз қолади?! Қорин тўйдириш, роҳатланиш, ухлашни онгсиз ҳайвонлар ҳам эплайди.

Шижоат, ғайрат йўқ, суст эътиқод,  заиф иймон эгаларимиз.

Беҳуда ишлар, фойдасиз гапларга тилимиз саккиз қарич. Умр сувдек оқиб, вақтимиз тобора оз қолаётгани заррача қизиқтирмайди аксариятимизни. Ҳамма яхши еб, яхши кийиб, яхши яшаб қолиш дардида... Қисқаси, ҳамманинг онгу шуури алдамчи дунё дарди билан банд.

Имом Бухорийнинг оналарига ҳавасим чексиз. Аллоҳ рози бўлсин. Дин ва уммат учун шундай улуғ зотни манфаатли қилиб етиштириб, тарбия этишда сабабчи бўлганлар.

Жамиятимизда шундай аёллар кўпайишини орзу қиламан.

Ҳар бир аёл Аллоҳ умр берса кексайганида белига қувват, елкасига суянчиқ бўлиши учун ўғил фарзанд кўришни ният қилади. Ҳақиқий муслима эса, динга хизмат қиладиган забардаст, уммат ғамида яшайдиган шижоатли, Аллоҳнинг розилиги йўлида жонини қалқон қилишга иккиланмайдиган кучли ўғилларнинг волидаси бўлишни орзу қилади...

Яшаш учун мақсад бўлиши шарт ва мақсад олий бўлмоғи лозим. Мақсадда қатъийликка фикран қатъият билан эришилади. Фикрларимизни икки дунёйимиз учун манфаатли томонга йўналтиришимизда Аллоҳ ёрдамчимиз бўлсин.

📚 Ibratli Hikoyalar 📚

#акси_дунё



92-қисм
“Ўрганмай нима қиларди? Йиғлаб онасиникига кетармиди?” -деганида она-қиз иккаласи кулди. Пассив психологик босим тактикаси. Менинг онг остимга, бу уйга кўника олмай, онамникига йиғлаб кетишимни эслатишяпти. Аммо бу тузоққа тушмас эдим.

“Нодир келган, сени олиб кетгани “ ,-деганида Низом нега келмабди деб сўраб, уларни хурсанд қилгим келмади.

“Мен ҳам чиқаман деб тургандим. Адолат янгамни кўриб кетаман “ ,-деб она- қиз мендан аввал хонадан чиқишди. Телефонимни олиб мен ҳам ҳовлига чиқдим. Адолат билан Меҳрининг қуюқ суҳбатини кўриб, икки- юзламачилик дарсидан бир лавҳа томоша қилгандек бўлдим.

Анакондалар оиласини, Адолатнинг қўлларига таслим қилиб,жазоларингни бир- бирингдан топ дея, озроқ қарғаб кўчага чиқдим. Нодирни кўриб сал бўлса-да, кайфиятим кўтарилди. У билан йўл давомида гаплашиб, Низомнинг нега келмаганини сўрадим.
Ишлари кўплигини айтгач, бошқа оғиз очмадим. Ойимга келишимни айтгандим, уйда тайёргарлик қилиб қўйган экан. Унинг ҳидини, меҳр тўла бағрини жуда соғинган эканман. Кўзларимдан ёшлар сел бўлиб, оқа бошлади. Ойим қўрқиб мени ўзидан узоқлаштирди ва юзимга қаради.

“Нима бўлди қизим? Ким хафа қилди сени?”

“Нега айтмадингиз?”

“Нимани? Қўрқитма, қизим! Нимани айтмадим?”

“Иш қилмасам, қайнонам сиздек “Сени олган икки кунда қайтарди“ -демаслигини. Ишини қилмадим, лекин икки кунда онангникида нима бор деди “ -деганимда ойим елкамга уриб қўйди.

“Сени жонинг чиқмагур, юрагимни ёрдинг. Нима бўлди деб, қўрқиб кетибман”

“Ойи, сизни жуда соғиндим” ,-деб яна қучоқлаб олдим.

“Энди гапларимни тушуниб, етяпсанми? Тур бир иш қил десам, ўн оғиз гапириб, дангасалик қилардинг. Кўрдингми қайнонангни уйи онангни уйи эмас ,қизим”

Диванга ёйилиб тиззасига ётиб олдим. Кўнглим оғриган эди бугун. Ойимга айтиб, уни хафа қила олмас эдим. Аммо энг кўп тасаллига муҳтож эдим, шу пайт.

“Ойи, нега мени ҳам ўғил қилиб туғмагансиз?”

“Сен айтяпсанми,шуни? Акангни туққанимдан кейин, йўқ бундан ойимда бор мен ажралиб туришим керак деб, қайсарлик қилган бўлсанг, Аллоҳ сени қиз қилиб қўйгандир-да, қизим “

“Ростдан, шундай деган эканманми? Тилимни асал арилар чақса бўлмас, эди-ми?”

“Қизим, ҳазил- ҳазил билан-да, нима бўлди ўзи? Сени биров хафа қилдими? Эски Нафиса бўлганда, ҳозир келиб менга

“Мана сиз бўлмайди дедингиз, бўлар экан-у”,- деб мен билан тортишиб олишинг керак эди.

“Ҳеч нима бўлгани йўқ. Шунчаки сизни соғиндим, дадамни соғиндим,уйимни соғиндим“ ,-дедим яна бу соғинч баҳонасида йиғлаб олиб.

Ойим уйда ёлғиз қолишини ўйлаб,унга ҳам сиқилдим. Акам ва укам яшаганида, ҳозир бизнинг уйда ҳам келин бўларди

📚 Ibratli Hikoyalar 📚

АРАФА КУНИ РЕЖАСИ

1. Арафа кечаси (ёлғон арафа куни) барвақт ухланг!

2. Эртаси куни саҳарлик қилиш учун саҳарда туринг!

3. Ҳеч йўқ 4 ракат таҳажжуд намозини ўқинг! Бошингизни саждага қўйиб, дунё ва охират яхшилигини сўранг! Шундай кунларга етказганига ҳамдлар айтинг!

4. Бомдод вақти киргунча «Саҳарларда Аллоҳга истиғфор айтадиган кишилар» (Оли Имрон: 18-оят) дан бўлиш учун истиғфор билан машғул бўлинг!

5. Бомдод азонидан беш дақиқа олдин сиз намозга тайёр бўлинг! Тасаввур қилинг, таҳоратингизнинг охири томчиси билан таҳорат аъзоларингизнинг барчасидан гуноҳларингиз оқиб тушиб кетяпди.

6. Таҳоратдан сўнг айтиладиган дуони айтинг!

7. Бомдодни ўқинг! Саломдан кейиноқ такбири ташриқни айтинг!

8. Сўнг жойнамозда қуёш чиққунга қадар Қуръон, тонгги дуолар, зикрлар билан машғул бўлинг! Кун чиқиб 15 дақиқа ўтгандан сўнг...

9. Ҳаж ва Умра савоби ёзилиши учун Шуруқ намозини ўқинг!

10. Сизни энди танлаш ҳуқуқингиз бор. Агар ухламасдан шу кунни ўтказа олсангиз, ухламанг! Ҳар сониянгизни ғанимат билиб зикр, дуолар қилинг. Ва ижобатига ишонинг!

11. Ёки Аллоҳга ибодат қилиш учун куч тўплаш нияти ила бир соат ухлаб дам олинг!

12. Сўнг... уйғониб таҳорат олинг! Энг ози тўрт ракъат Зуҳо намозини ўқинг! Такбир, зикр, тиловатни, айниқса: «Лаа илаҳа иллаллоҳу Ваҳдаҳу лаа шарийка лаҳ, Лаҳул мулку ва лаҳул ҳамду ва Ҳува аъла кулли шайъин Қодийр» ни кўпайтиринг!

13. Пешин намозини ўқинг! Такбир айтинг! Қуръондан бироз тиловат қилинг!

14. Арафа хутбасини жон қулоғингиз билан эшитинг.

15. Асрни ўқинг. Такбир айтиб кечқурунги зикр, дуоларни қилинг.

16. Шом намозига бир соат қолганда, Қуръон ўқишни бошланг! Хушуъ ила дуолар қилинг! Дунёда заиф, ночор қолган мусулмон ака - ука, опа - сингилларингиз ҳақларига ҳам дуо қилишни унутманг!

17. «Эй, Роббим, шу куннинг қуёши ботар экан, мени жаҳаннамдан озод бўлиб, жаннатинг ёзилган бандаларинг қаторига ёзгин», деб дуо қилинг!

18. Аллоҳ сизни солиҳ амалларга муваффақ айласин! Дуоларингиз қабул бўлишини биз ҳам сўраб қоламиз!

19. Шомга азон айтилди.  Ифтор қилишни бошланг!!! Ундан олдин кўп дуо қилинг! Ёдингизда бўлсин, рўзадорнинг дуоси албатта ижобат бўлади.

20. Бу хатни аҳлу оилангиз, яқинларингиз ва жаннатда бирга бўлишни истаган инсонларингизга улашинг!!!

📚 Ibratli Hikoyalar 📚

БОЙ БЎЛИШНИ ҲОХЛАЙСИЗМИ?

Йўқсиллик кўпинча ҳар қандай йўл билан бойлик тўплашга ундайди. Яна ҳам аниқроқ қилиб айтадиган бўлсак, камбағаллик ножўя ишларга сабаб бўладиган ҳаракатлантирувчи омил ҳисобланади. Ва аксинча, бойлик, тўқчилик одатда танбалликка, дангасаликка, лоқайдликка боис бўлса-да, бу ҳолат зарарлари камбағаллик келтириб чиқарадиган ёмон оқибатларга нисбатан камроқ бўлади.

Камбағаллик борлиқда ўрнатилган илоҳий қонуниятларга шаккоклик қилиш, ризқ тақсимотига нисбатан шубҳа-гумонда бўлиш каби ҳолатларни келтириб чиқаради. Камбағаллик дунёқарашни салбий кўринишга олиб келади. Бу ҳақда Зуннун Мисрий ҳазратлари: «Сабр нималигини билмайдиган фақирлардан яхшилик чиқмайди. Сен сабр қила оладиганларга насиҳат қилгин», - деганлар.

Ислом таълимотига кўра, бойлик Аллоҳ таолонинг улуғ, шукронаси талаб этиладиган неъматларидан биридир. Камбағаллик эса муаммолардан бири бўлиб, мусулмон киши Аллоҳдан унга дучор қилмаслигини сўраши ва қўлидан келганича бунга ўзи ҳам ҳаракат қилиши керак. Аллоҳ таоло бойликнинг катта неъмат эканлигини айтиб бундай марҳамат қилади: «Ва у сени камбағал ҳолда топиб, бой қилмадими?»
(Зуҳо сураси 8-оят).

Ибн Аббос розияллоҳу анҳумодан ривоят қилинади: «Расулуллоҳ соллаллоҳу алайҳи васаллам: «Кимки истиғфорни лозим тутса, Аллоҳ таоло ҳар бир тангликдан чиқувчи йўл ва ҳар турлик ғамдан енгиллик ҳамда уни ҳеч бир ўйламаган томонидан ризқлантириб қўяди», - дедилар»
(Абу Довуд ва Ибн Можа ривояти).

Абу Ҳурайра розияллоҳу анҳудан ривоят қилинади: «Расулуллоҳ соллаллоҳу алайҳи васаллам: «Нафсим қўлида бўлган Зотга қасамки, агар сизлар гуноҳ қилмасангизлар, Аллоҳ сизларни кетказиб (ўрнингизга бошқа) гуноҳ қиладиган қавмни олиб келади. Бас, улар (гуноҳларига) истиғфор айтишади, Аллоҳ эса уларнинг гуноҳларини кечиради», - дедилар»
(Имом Муслим ривояти).

Абдуллоҳ ибн Масъуд розияллоҳу анҳудан ривоят қилинади: «Расулуллоҳ соллаллоҳу алайҳи васалламни уч марта дуо қилган ва уч марта истиғфор айтган қойил қолдирар эди»
(Абу Довуд ривояти).

Биз мўмин-мусулмонларга Расулуллоҳ соллаллоҳу алайҳи васаллам марҳамат қилганларидек, Аллоҳ таолодан куфр ва камбағалликдан, йўқсилликдан, хорликдан, зулм қилиб қўйишдан ёхуд мазлум бўлиб қолишдан сақлашини ёлвориб сўраймиз, истиғфор айтамиз ва дуо қилиб қоламиз!

📚 Ibratli Hikoyalar 📚

Рўза тутишни ният қилганлар учун... Шу тақвимдаги тонг кирган вақтда оғиз ёпилади, шом вақти кириши билан оғиз очилади.

📚 Ibratli Hikoyalar 📚

ТАКБИРИ ТАШРИҚ АЙТИШНИ УНУТМАНГ!

Аллоҳу акбар! Аллоҳу акбар! Лаа илааҳа иллаллоҳу валлоҳу акбар! Аллоҳу акбар ва лиллааҳил ҳамд.

Маъноси: Аллоҳ буюкдир, Аллоҳ буюкдир. Аллоҳ таолодан ўзга илоҳ йўқдир. Аллоҳ буюкдир, Аллоҳ буюкдир ва ҳамд Аллоҳ таоло учундир.

🕰 Такбири ташриқ 5 июнь бомдод намозидан бошлаб ҳайитнинг тўртинчи куни, яъни 9 июнь аср намозига қадар айтилади:
• 5 июнь — 5 маҳал
• 6 июнь — 5 маҳал
• 7 июнь — 5 маҳал
• 8 июнь — 5 маҳал
• 9 июнь — 3 маҳал

Жами 23 маҳал намозда такбири ташриқни бир маротаба айтиш вожиб амал саналади.

🤲Ушбу такбир хоҳ жамоат билан, хоҳ ёлғиз ўқилган ҳар бир фарз намоздан кейин айтилади.

🧕Аёллар такбири ташриқни махфий айтадилар.

🕌Намозга кечикиб қўшилган киши ҳам намозини тўлиқ ўқиб бўлганидан кейин такбири ташриқни айтади.👇

📚 Ibratli Hikoyalar 📚

#акси_дунё



93-қисм Ойим яхши тушунадиган қайнона бўларди, аниқ биламан.

“Ойи, акамга ким калитни берган, ҳеч суриштирганмисизлар “

“Бу савол қаердан чиқди?”

“Ҳеч, ўзим ўйланиб қоламан-да. Адолат ва оиласи кераксиз чўпини ҳам бировга шунчаки бермайди. Ўшандай, қиммат машинанинг калитини, ким берди дейман-да?“

“Биз ҳам ўйладик. Ўша пайтда ишлаб юрган бир ҳайдовчи бор эди. Шуни чўнтагидан олган деб тахмин қилишди.”

Акам ҳаётда бировнинг нарсасини сўрамай олмаган. Шунинг учун ҳайдовчининг чўнтагидан олган деган тахмин, мени қониқтирмади. Буни ойимга айтмадим. Чунки ойим шунга ишонган ва ҳар ишни тақдирга ёйган эди.

“У ҳайдовчи? Адолатнинг кундошини йўқ қилишда, қўли бор одамми?” -деганимда ойим буни тасдиқлади. Бу ишда кўп чигаллик ва шубҳалар бор. Бир имкон топиб, бунинг ҳақиқатига тегишим лозим.
Ойимни ва дадамни фарзанд доғида куйишга сабаб бўлган ҳолат ёки кишилар ҳақида ҳаммасини билиш, бўйнимдаги бурчим. Ойим билан маза қилиб, 4-5 соат вақт ўтказдик. Токи, Адолат қўнғироқ қилиб ўзини эслатмагунича. Низомдан ҳали ҳам дарак йўқ. Мени олиб кетгани яна Нодир келганди. Ойим билан хайрлашиб мошинага миндим.

“Низом қани?”

“Ишда “,-деди қисқа қилиб

“Нима иш экан-у?Қўнғироқ қилишга халақит қилган”

“Билмадим “ Нодирни ёшлигимдан танир эдим. У бирор саволдан қочса, қисқа жавоб берарди. Ва ҳозир Низом ҳақида сўрашим бунга ёқмаяпти ёки акси жавобини аниқ билади.
“Қаерда?”,-дедим мен ҳам жиддий туриб.

“Нафиса қўй тинчгина уйингга олиб бориб қўяй, қийнама мени “

“Қаерда дедим?”

“Мен бошида, сени шу учун огоҳлантирган эдим, Низом бошқа а..”

“Ким билан эканлигини биламан қаерда деб сўрадим ?”

“Олиб бормаганимга қўймайсан шундайми?”

“Бир- биримизни яхши танишимиз қанчалик яхши “,-деганимда у машинани орқага буриб, уй йўлига тескари томонга ҳайдади. Узун йиллар давомида қон-қонимизга сингиб кетган иборалар, одатлар бор-ки, ҳар бирини алоҳида таҳлил қилмоқчи бўлсангиз ичи пур маъно ва ўзига хос ёндашуви мавжуд.

Масалан болаликдан қулоғимга қолган гап, танбеҳ, насиҳатлардан бири бу чап қўлингда нарса ема ,чап оёқ билан уйга кирма, чап қўл билан ёзма,кийимингни чаппа кийма” ва ҳоказо.
Чап томонга бўлган рухсат, фақатгина бир ҳолатда мажбурий эди. У ҳам бўлса, ҳожатхонага, чап оёқда кир аммо чиқишда ўнг билан чиқ. Олдинлари бу майда кўринган насиҳатларни шунчаки эшитиб ўтиб кетган эканман, аммо шу кунларда одамзод учун нега тараф чизиб берилганини ҳақида фикр юрита бошладим.
Чап томонимдаги ҳис этган оғриқ учун ми?

📚 Ibratli Hikoyalar 📚

#акси_дунё



94-қисм Чап томонимдаги ҳис этган оғриқ учун ми? Ўнга зид бўлган у тараф билан кимни нима дарди бор? Чеклов қўйилган сари, чап қўлда ёзиб кўргим, чап қўлда қошиқ тутиб кўргим келарди. Ман қилинган ҳар нарса жозиб келармиди, инсонга? Ҳатто маошдан ўзга топилган ҳар тийин ҳам чап деб аталарди.


Катталар, кичикларга буни ўргатиш ўрнингга шунчаки қилма! Қўйма! Гуноҳ дейишарди холос. Эсимда, бувимни ҳоли жонига қўймай сўраганим

“Буви нега чап қўлда овқат емоқ гуноҳ?” бувим раҳматли эса эринмай жавоб берган эди.

“Чунки чап томон шайтондан, ўнг томон Раҳмондан. Икки елкамизда икки фаришта бор. Ўнг томонидаги яхши ишларингни ёзиб боради, чап томондаги эса ёмон ишларингни. Шу учун чап билан иш қилиб у томонингдаги дафтарингни тўлдирма” дегани аниқ ёдимда.

“Чап томон тўлса, нима бўлади буви?”

“Аллоҳ ўшанга қараб бандасига муомала қилади”

“Аллоҳжон билмай қилинганни кечирадими?”

“Албатта кечиради “ Бувим доно аёл эди. Қани эди унинг қилган ҳар насиҳатини эслай олсайдим. Замон ўзгариб инсонлар “томонини” йўқотиб ёки фарқлай олмайдиган бир даврда, ақидалар ҳам ўзгариб боряпти. Энди кийимларнинг чап, ўнги йўқ. Чунки шундай кийимлар чиқди-ки, икки томонини ҳам кийса бўлади. Чап деб ўйланган, номланган ҳар тушунчага, ҳуқуқ ўз ҳаққи бор дегач, чап тараф ўзига ном танлади – мухолиф.

Ўнг томонга қарши чиққан ҳар қандай мухолифга, эндиликда чеклов ёки ҳайфисан йўқ. Аксига унда ҳам ҳақ бор дея қаралади. Нодир машинани шошмасдан ҳайдар экан, ақлимдан ўтаётган тушунчалар мени тараф танлашга ундаса, ундаги ҳақиқат эса

“Сен ўнгсан, чап бўлган Меҳри. Сен никоҳли аёлисан, хуштор бўлган жиянинг “,-дея тинмай такрорлар эди. Ман этилган ҳар нарса жозиб келгани каби, Низом учун ҳам Меҳри жозиб ва унинг айтганидек у ваъда қилиб менда топмаган ҳаётнинг ортидан қувиб кетган кўринади.

Чунки эрталаб у билан учрашмайман деган одам нима сабабдан ўз фикридан қайтган бўлиши мумкин?

“Нималарни ўйлаб қолдинг?”

“Уларни кўрганимда, қандай жазо беришини “ ,-дедим ҳеч тортинмай.

“Нафиса, тинчлан! Ўз назоратингни йўқотма. Низом билан ёлғиз қолиб, буни гаплашиб ол. Эркаклар..”

“Эркаклар ташқарида шарманда бўлишдан қўрқишса, бир ерини қисиб уйда ўтиради!”-деганимда Нодир менга қаради. Қанчалик жиддий ва қатъий бўлиб турганимни кўриб, ичида 3 кунлик келин куёвни ўйнаши билан тутиб олгани кетаётганини ўйлаган бўлса, ажаб эмас.

📚 Ibratli Hikoyalar 📚

#акси_дунё



95-қисм
“Истасанг, мени шунчаки у ерга олиб бор. Ҳатто унга ҳозир смс ташлаб қўй. Мени уйда топа олмаганини айт. Бу ерга келганимни сендан билмасин” ,-деган таклифни бердим. Низом унинг бошлиғи эди. Мени деб ишдан қувилишини истамаган бўлардим.

“Мени ўйлама. Сен ўзингни хафа қилдириб қўйма, бўлгани“ ,-деганида унга миннатдорлик билан қарадим. Етиб келган манзилимиз, шаҳардаги энг қиммат ресторанлардан бири эди. Машинадан тушиб, Нодирни кутмай олдинга қараб юрдим. Эшик олдида кутиб олувчи қиз кулиб кутиб олди ва неча киши эканимизни сўраб шунга қараб жой кўрсатмоқчи бўлди.

“Яқинларим, икки киши ўтиришибди уларга сюрприз қилмоқчиман. Ҳозир аэропортдан келяпман, мендан хабарлари йўқ” -,-деганимда юзимга қараб тушунгандек бўлиб, уч қаватли рестораннинг учинчи қаватига йўналтирди. Шошиб юрмаслигини ўзимга такрорласам-да, худди зиналарни икки -уч босиб чиқаётганга ўхшардим. Юрагим шунақа тез ура бошлади-ки, ичимда қўрқув, алам ва кўнгил қолишидек ҳислар энг баланд нуқтага эришгандек туюларди. Бир неча стол ва кабинкалар айланиб ўтиб ниҳоят орқаси менга ўгирилган, Низомнинг кийган кийими ва албатта унга қарама-қарши ўтирган Меҳрини кўриб бир неча сонияга тўхтадим. Низом мени кўрмади аммо Меҳри мени пайқаб худди менга қара, мен
Низом билан қандай муносабатдаман деб кўрсатмоқчи бўларди. Низомга кулар, нозланиб қарар ва бошини силкиб уни тасдиқлагандек бўларди. Томирларимда қон қайнаб, тутуни миямдан чиқса-да, ўзимни босиб олишим ва шу билан бирга Меҳрининг адабини беришим керак эди. Чуқур -чуқур нафас олиб, уларга яқинлашдим.

Низом ҳали ҳам мени кўргани йўқ. Меҳри эса худди, мен бу ерда йўқдек, эримнинг юзига қўлини узатиб, у ерда бир нарса қолгандек, уни арта бошлаган эди. Низом ўзи ҳам қўли билан юзига тегилганда унга яқинлашдим.

“Кечикдим, узр жоним “,- деб эгилиб юзидан ўпиб қўйдим. Низомнинг титраган тиззасига кўзим тушди. Бир онда менга қараб, нима бўлаётганини англашга ҳаракат қилди.
Низомнинг олдидан ўтиб Меҳрига бориб худди шундай, у билан ҳам ўпишиб кўришдим. Ҳар қанча оғир ва жирканиш ҳисси бўлса-да, Меҳрининг ўйинини бузишим керак эди. Меҳрига қараб

“Ойимларникида, кўп қолиб кетдим узр” ,-дедим.

Низом нима қилмоқчи эканлигимни англади шекилли, менга қараб

“Хуш келибсан биз ҳам боягина келдик”,-деди. Ўрнидан туриб, менга ёнидан жой берди. Меҳрига қарама- қарши унинг кўзларига қараб, эримнинг ёнига ўтирдим. Юзида пайдо бўлган ифода- менинг луғатимда унга таъриф топилмасди.

“Низом акам, Меҳри бизнинг турмушимизга шубҳаси бор экан шунга бугун учрашиб олайлик деганлари-да, олдиндан ойимга келишимни айтганим учун, сиз бораверинг, мен тўғри бораман деб келишгандик”,-деганимда Низомнинг нигоҳларида ҳайратни,

Меҳриникида эса, ҳали шунақами деган ифодасини ўқидим

📚 Ibratli Hikoyalar 📚

#акси_дунё



96-қисм Улар жим турар экан. Бир қўлим билан Низомнинг қўлидан ушлаб бошимни елкасига қўйдим. Кўзларим билан аввал унга кейин рўпарамда ўтирган илонга қарадим. Улар худди мум ютгандек жим эди. Яна ўзим давом этдим.

“Опам мендан хавотир олганидан, шунақа ўйлаган жоним. Сизнинг ўтмишингиз, ҳаммамизга маълум. Сизни бошқача деб тасаввур қилади. Доим қизлар билан кўнгил хушлик қилиб, ташлаб кетганингизни билганидан, бизнинг орамиздаги муносабатга ишонгиси келмаган.

Фақат буни сўроқлаш-да, сал кечикибди. Чунки биз турмуш қуриб бўлдик. Мендан эмас, аксинча эримга осилмоқчи бўлганларни, ўйласа бўларди. Хотини бор одамга ишониб қолиш қанчалик тўғрилигини ўйлашсин деб, шундай эмасми?” Меҳри унга кесатиб гапирганимни тушунди. Низом эса унинг елкасига турган бошимга бир бўса қўндириб, мени ўзига қаратди.

“Қисқа муддатда турмуш қурганимизга, ичида шубҳа қолган бўлиши мумкин. Аммо, сени ёшлигимдан ёқтирганимни билмайди-да. Орага масофалар кириб, бу туйғу йўқ бўлди деб ўйлагандим. Бошқа томонга йўналганимни ва фақат сени ҳар кўрганимда, юрагим ўрнидан отилишга тайёр бўлиб боргани ҳеч кимга сездирмадим. Ахири чидай олмай, сенга очилганимни ва сен ҳам мени қабул қилинганингни тушунишса қани?“ -деганида Низомнинг гаплари, оҳанги шунчалар ҳақиқатга ўхшаб чиқди-ки, бунга ҳатто ўзим ҳам ишониб қолишим мумкин.

“Мен буларни билмас эдим. Нафисанинг йигити бор эди, исми нима эди? Ҳа, Сардор! Ҳатто уни гапириб берганида, кўзлари чақнарди. У билан бўлган учрашувларини,яқинлигини айтиб берганди ҳаяжон билан “ ,-деганда Меҳрининг қанчалик онасининг қизи эканлигини яна бир бор исботини топди.

Бу гапларни эшитиб, менинг кафтларим терлашни бошлаган бўлса, Низом уни қаттиқ ушлаб турган эди. Орага кириб, гапига жавоб бермоқчи бўлганимда, Низом мендан аввал гап бошлади.

“Ҳамманинг бир ўтмиши бор. Мен ҳам Нафисагача, мингта қиз билан гаплашиб, учрашиб кўрдим. Улар билан фақат вақтимни ўтказдим. Нафиса билан эса умримни ўтказишга қарор қилдим. Сардор деган боладан хабарим бор. Ҳатто учрашиб гаплашиб ҳам олдим. У менга Нафисанинг, тоза қиз эканлигини, уни асраб авайлашим кераклигини ва улар орасидаги муносабатни дўстдан ортиқ бўлишини истаганини аммо, Нафиса бунга кўнмаганини айтди. Мен аввал Нафисага ишонаман. Ва бир эркак ёқтирган қизининг, бўлажак турмуш ўртоғига бир қизни покиза ва уйланишга арзийдиган қиз деса, менимча бундан бошқаси ортиқча ғийбатга киради. Чунки ҳар қандай йигит ҳам ўз ўтмишидаги қизга гарантия беравермайди. Мен масалан, бировга мендан қолган қизга ууйланишни,маслаҳатбермаган бўлардим” ,-деганида Меҳрининг юзи шолғомдек қизарди.

📚 Ibratli Hikoyalar 📚