(بحبك ليه)
سألتيني السؤال ده زمان وجه الوقت اللي اجاوبِك فيه
ده انا مش احبِك انتي وبس!
ده انا احب اللي بتحبيه ♥️

المره دي، مهزوم اوي، مهزوم كأن ضهري مكشوف وِسط حرب..!
ونصل قتلي مجاش م الناحية البعيده

"انعم واكرم لُقا، لما الفراق بيطيب
خليني ف التجربة، اب وصديق وحبيب
وقولي سبنا وبس ،مش شرط مين بيسيب ،ماتفرجيش الناس ،علي جرحنا المستور ،ولا كسرنا المجبور ،وصدقي حكمتي ،او لوعة المكسور ،اللي اتزرع فـ الضل.. بيموت ف اول نور "🖤

احنا الاتنين طيبين
احنا الاتنين مجروحين
للأسف توقيتنا نفسه
كان غلط م الناحيتين

انتي خارجة بجرح بارد
من وجع آخر علاقة
وانسحبتي بشكل هادي
واعتذرتي لي بلباقة
واقترحتي نكون ثنائي
بس ف إطار الصداقة

الغلط مش فيكي خالص
التهور عادة فيا
قُلتي: بكرة تلاقي واحدة
تيجي وتعرّفها بيا


انت طيب تستاهلها
بس انا هأذيك سامحني
ذنبك إيه يترد جرحك
غلطة من واحد جارحني؟
ثم سكتِت
ثم قال:مالِك؟ فضحكت
ثم نزلت من عيونها دمعتين
العلاقة الناقصه دايماً
تكتمل بين البينين


بما لا تشتهي السفنُ💙

حفلة عمرو ف اسكندرية يوم 1/12
والتيكتس هتنزل ان شاء الله 1/11

ساعتين على الحفله ❤️❤️❤️❤️

الغلطة على التاية جوايا عشان حبك💔

الصُّبح
طلعت الشمس م البُك البلاستيك
وضحكِتْ
هناك
لقطة واضحة في اتجاه الناس
لحظة ما بين تكشيرة زادت وضحكة قَلت
سنتين باشوفها بتبُص ع الفستان
لا هي مشيت ولا الڤاترينة ملِّت
كل اللي حاصل إنها
حين بتفتح بُكها
تلقي الفراغ والخوف
فتسقط في الرواية

بعضهم
اعتبر وجودها إشغال طريق
صاحب المحل
اعتبر وجودها دعاية
اعتبرها مانيكان بشر
باترينة تانية م الروتين
وتفتح عينيهم علي ذوق أوربي
أشهد بإن هذي الفتاة
تشبه تعامد الحلوي علي إزاز جروبي
من بلكونة عالية
بيبان الميدان مصلوب
أربع مفارق للقمر
يقلع عبايته الشتا قبل استقالته
تستسلم الشمس المريضة للندي
والبرد يرسم ضحكته علي ياقة البالطو

هنا اللا طبيعي الطبيعي
بارفان باريسي ف ياقة زرقا
وكولونيا من أرخص عطور البياعين
اللي رايح حفلة البولشوي ثمانية ونُص
واللي فضل كيس فشار وضمة بنت
هنا
نشيد العرقسوس للعطشانين
والفودكا اللي فضلت ف حضن الخواجة
لآخر سِنت
هنا الخروج م الوقت
ديسمبر بيبُص من خُرم السنة ع السنة
ماوجَدْش ضوء، فحزِنت

في الميدان
لُب التجربة
ملح اللي حبّوا الملح في الذكري

في الميدان كان الفقير
سارق جناح الوهم من ريش السما
حلمان يطير
باترينة خالطة المُشتَرِي بالمُشتَرَي
فكإن الفطاطري
بيقدم الناس للفطير
في الميدان العابرين
البياعين، الشُّنط الحريمي والأغاني العاطفية
مشهد متابعة واد من الشارع
لشعر الأجنبية
يتهز لما تمُرع الناصية
يهتز قلبه
زي اختناق سمكة شقية ف كيس
أرستُقراطي من حضن الشمال
وجنوبي بائس
اتشاركوا نفس الكرسي في الأتوبيس

هنا المكان الوحيد ع الأرض
اللي مش ممكن تميز فيه
العاصي م القديس
هنا احتفال البنت بالفستان
وقفِت تواصل نظرة الحرمان
فلا فشلِت ولانِجحِت

الصُّبح
طلعِت الشمس م البُك البلاستيك
وضحِكتْ

جروبي💙
الاعمال الكامله 💙

في قلب مصر
وف بيت بسيط يشبه غنا التجار
أشياء ف صلب الذاكرة والروح
فيه شال مفرع ع الجدار
غنوة لـ ريم بنّا
وقصيدة ف الجرنال كاملة بقلم درويش
"سجّل أنا عربي
ورقم بطاقتي خمسون ألف وأطفالي ثمانيةٌ"
ف الصالة
صورة لقبة الصخره
عامل ديليڤري من كبابجي القدس
ساكن ف شارع غزة وسط القاهرة
فوق اجزخانة حيفا بدورين او تلاته
وف آخر الشارع
راجل عجوز بيعدي بالعكاز
بيفاجئه صوت فيروز خارج من التاكسي
"الطفل في المغاره وأمُه مريم وجهان يبكيان"
بصيت على المشهد
مين اللي اقنع كل دول يفهموا !
مين اللي خلاهم بيتعلموا
معنى القضية بدون طلب أو فرض!
ناس طيبين م الأرض فهموا احترام الأرض
عرفوا العدو الحقيقي
وعرفوا معنى العرض
وضربوا روحهم جدور زي النبات ف الطين

- بقى كل شارع في مصر نهايته ف فلسطين -

عرّف بتاع الشالوم ان النهاية دنِت
روحي كنايس جوامع رنمِت وادّنِت
وايديا دم ف وريدك ياصديق الكفاح
نفس القلم والورق ونفسُه نفسُه السلاح
طول عمرنا عايشين بنحِل ذات الشرَك
طول عمرنا شركاء وعدونا مشترك
لو لحظة تنسى اني جنبك
قلبي بيفكرك
ان اللي بيننا ده وِرث وجيل يسلم جيل
هانت وفاضل شوية وباقي صبر جميل
بكره الخرايط هتصحى ومافيهاش إسرائيل
قول للي واقف قُبالك ف الجهة التانية
اعمل حسابك كويس ف الزمان الجي
فيه بوابات لو مصر تزقها تهلك
والعسكري اللي اتقتل ف الحرب ميّت حيّ
وقوله جايه النهاية والنهاية نصيب
جزمة فلسطيني بألف تل أبيب
وف مصر في أمهات ناصبين دعاهم سند
ومكلمين ربنا ومجهزين الولد
وف مصر ميت مليون ف الشده ضِعف العدد
هييجي يوم يفطروا ف القدس ويّاكم
هنجمّع الأحباب
وهنفتكر مين غاب ونقوله نام مرتاح
وان يوم جناحك تعب
هتلاقي مصر جناح
وتلاقي مصر الدار
وده مش كلام اشعار
واذا كان قصادي جدار رافض يعديني

بكره هييجي نهار
مصري فلسطيني.

#savesheikhjarrah
#ALQuds #israelattackonAlaqsa #SavePalestine
#PalestineWillBeFree
#GazaUnderAttack

لطالما كانت عائلة المرء هي جيشه الوحيد
ف كيف بمن كان جيشه ضده على طول المسيرة!

آدي نوڤمبر
إحساس بالدفا بيعاشر أيامُه الباردة
وعنيك
اللحن اللي بليغ حمدي خبّاه م الناس
واداه ل وردة ❤

عاااااا😂♥️
نوفمبر مطلعش حلو علينا احنا بس 😂♥️♥️♥️♥️♥️♥️

بس الحياة حلوة
بكل مافيها
بكل مواجعها وكل غناويها
وبكل مفاتنها وكل مآسيها
بس الحياة حلوة
حين نفتكر جرحنا ونطيبه بهدوء
ونسامح الأشياء بطبيعة الأشياء
مابين لقا وفراق
لقا وفراق
نمسك بايد من خوف علي ناس يهمونا
ونحب خطأ الغير علشان يحبونا
زي اللي بص ف طفل يشبهله
وف عينه ضحكه لأمه تفهمها
زي اللي عنده حاجات بيقسمها
مع واحد تشبهله علشان ماتشبهلوش
مع واحدة غنالها ورددوا الغنوه:

{لسه الحاجات قاسيه بس الحياة حلوه}
{لسه الحاجات قاسيه بس الحياة حلوه}
{لسه الحاجات قاسيه بس الحياة حلوه}

احنا بنناشد درويشنا يعملنا قصيدة رومانسية لنوفمبر طالما ارتبط فيه بدل م نوفمبر مرتبط بقصيدة حزينة كده 😂♥️

12/11/2023
إلى الرجل الذي تحملهُ عيوني،
إلى من تشاركت معه شعور السكنى والأمان، وعرفتهُ سبيلًا ألوذ إليه، إلى الذي أتخاصم معهُ الآن وأقوى به غداً، حبيبي الوسيم الذي أضاء أركان روحي المنطفئة وكان لي العائلة والصحبة..
عامًا بعد آخر، سأظلُّ أكتبُ عنك ولك، وستظلّ بالنسبة لي وجه طفولتي القصيرة، ووجه البلاد .. والأول والأخير في قلبي.
لمن علمني كيف أواجه الصعاب بلا خوف، وإذا اعترتني رغبة في البكاء، عليَّ ألّا أجاهد نفسي في التخلص منها، لأنّه سيكون هنا يمسح دموعي.
لرفيق عُمري وصديق أحاديثي والسبب الأول في سعادتي، عامٌ جديدٌ وأيامٌ خفيفة كلّها سعادة، نقضيها معًا.

جئتَ وجلبتَ لي الحياة في جيبك، كلّ عام وأنت معي، كلّ عام وأنا بخير لأنّني جزءٌ منك. ♥️
@Ass1211

ثم انا بتعاقب ليه علي حبك ؟!
دي حاجه الواحد مخترهاش!💔