♥️Стихиры на Господи, воззвах, вечерни Великого Пятка самогласны, глас 1:
(Киевский распев в изложении архим. Матфея (Мормыля)

Вся тварь изменя‌шеся стра‌хом, зрящи Тя на Кресте‌ висима, Христе‌. Со‌лнце омрача‌шеся, и земли основа‌ния сотряса‌хуся, вся сострада‌ху Созда‌вшему вся. Во‌лею нас ра‌ди претерпе‌вый Го‌споди, сла‌ва Тебе‌.

Глас 2: Лю‌дие злочести‌вии и беззако‌ннии, вску‌ю поуча‌ются тще‌тным? Вску‌ю Живота‌ всех на смерть осуди‌ша? Ве‌лие чу‌до, я‌ко Созда‌тель мира в ру‌ки беззако‌нных предае‌тся, и на дре‌во возвыша‌ется Человеколю‌бец, да я‌же во а‌де ю‌зники свободи‌т, зову‌щия: Долготерпели‌ве Го‌споди, сла‌ва Тебе‌.

Днесь зря‌щи Тя Непоро‌чная Де‌ва на Кресте‌, Сло‌ве, возвыша‌ема, рыда‌ющи ма‌тернею утро‌бою, уязвля‌шеся се‌рдцем го‌рце, и стеня‌щи боле‌зненно из глубины‌ души, лице‌ со власы‌ терза‌ющи. Те‌мже и пе‌рси бию‌щи взыва‌ше жа‌лостно: увы‌ Мне, Боже‌ственное Ча‌до! Увы‌ Мне, Све‌те ми‌ра! Что заше‌л еси‌ от о‌чию Мое‌ю Агнче Бо‌жий? Те‌мже во‌инства безпло‌тных тре‌петом содержи‌ми бя‌ху, глаго‌люще: Непостижи‌ме Го‌споди, сла‌ва Тебе‌.

На дре‌ве ви‌дящи ви‌сима, Христе‌, Тебе‌ всех Зижди‌теля и Бо‌га, безсе‌менно ро‌ждшая Тя вопия‌ше го‌рько: Сы‌не Мой, где добро‌та за‌йде зра‌ка Твоего‌? Не терплю‌ зре‌ти Тя непра‌ведно распина‌ема: потщи‌ся у‌бо воста‌ни, я‌ко да ви‌жу и Аз Твое‌ из ме‌ртвых тридне‌вное Воскресе‌ние.

Глас 6: Днесь Влады‌ка тва‌ри предстои‌т Пила‌ту, и Кресту‌ предае‌тся Зижди‌тель всех: я‌ко а‌гнец приводи‌мь Свое‌ю во‌лею, гвоздьми‌ пригвожда‌ется, и в ре‌бра пробода‌ется, и гу‌бою напоя‌ется ма‌нну одожди‌вый, по лани‌те зауша‌ется Изба‌витель ми‌ра, и от Свои‌х раб поруга‌ется Созда‌тель всех. О Влады‌чняго человеколю‌бия! О распина‌ющих моля‌ше Своего‌ Отца‌, глаго‌ля: О‌тче, оста‌ви им грех сей: не ве‌дят бо беззако‌ннии, что непра‌ведное содева‌ют.

Сла‌ва Отцу‌ и Сы‌ну и Свято‌му Ду‌ху.

О ка‌ко беззако‌нное со‌нмище, Царя‌ тва‌ри осуди‌ на смерть, не устыде‌вся благодея‌ния, я‌же воспомина‌я предутвержда‌ше глаго‌ля к ним: лю‌дие Мои, что сотвори‌х вам? Не чуде‌с ли испо‌лних Иуде‌ю? Не мертвецы‌ ли воскреси‌х еди‌нем сло‌вом? Не вся‌кую ли боле‌знь исцели‌х и неду‌г? Что у‌бо Ми воздаете‌? Вску‌ю не по‌мните Мя? За исцеле‌ния ра‌ны Мне наложи‌вше, за живо‌т умерщвля‌юще, ве‌шающе на дре‌ве я‌ко злоде‌я Благоде‌теля, я‌ко беззако‌нна Законода‌вца, я‌ко осужде‌нна всех Царя‌. Долготерпели‌ве Го‌споди, сла‌ва Тебе‌.

И ны‌не и при‌сно и во ве‌ки веко‌в. Ами‌нь.

Стра‌шное и пресла‌вное та‌инство днесь де‌йствуемо зри‌тся: Неосяза‌емый удержава‌ется; вя‌жется Разреша‌яй Ада‌ма от кля‌твы; Испыту‌яй сердца‌ и утро‌бы непра‌ведно испыту‌ется; в темни‌це затворя‌ется, И‌же бе‌здну затвори‌вый; Пила‌ту предстои‌т, Ему‌же тре‌петом предстоя‌т небе‌сныя си‌лы; зауша‌ется руко‌ю созда‌ния Созда‌тель; на дре‌во осужда‌ется Судя‌й живы‌м и ме‌ртвым; во гро‌бе заключа‌ется Разори‌тель а‌да, И‌же вся терпя‌й милосе‌рдно, и всех спасы‌й от кля‌твы, Незло‌биве Господи, сла‌ва Тебе‌.

☦️Стихиры стиховныя, глас 2:
Самоподобен
(Напев Оптиной пустыни)

Егда‌ от дре‌ва Тя ме‌ртва, Аримафе‌й снят всех Живота‌, сми‌рною и плащани‌цею Тя, Христе‌, обви‌в, и любо‌вию подвиза‌шеся, се‌рдцем и устна‌ми, те‌ло нетле‌нное Твое‌ облобыза‌ти. Оба‌че одержи‌мь стра‌хом, ра‌дуяся вопия‌ше Ти: сла‌ва снизхожде‌нию Твоему‌, Человеколю‌бче.

Стих: Госпо‌дь воцари‌ся, в ле‌поту облече‌ся.

Егда‌ во гро‌бе но‌ве за всех положи‌лся еси‌, Изба‌вителю всех, ад всесмехли‌вый ви‌дев Тя ужасе‌ся, вереи сокруши‌шася, сломи‌шася врата‌, гро‌би отверзо‌шася, ме‌ртвии воста‌ша. Тогда‌ Ада‌м благода‌рственно ра‌дуяся вопия‌ше Тебе‌: сла‌ва снизхожде‌нию Твоему‌, Человеколю‌бче.

Стих: Ибо утверди‌ вселе‌нную, я‌же не подви‌жится.

Егда‌ во гро‌бе пло‌тски хотя‌ заключился еси‌, И‌же естество‌м Божества‌ пребыва‌яй неопи‌санный и неопределе‌нный, сме‌рти заключи‌л еси‌ сокро‌вища, и а‌дова вся истощи‌л еси‌, Христе‌, ца‌рствия: тогда‌ и суббо‌ту сию‌ Боже‌ственнаго благослове‌ния и сла‌вы, и Твоея све‌тлости сподо‌бил еси‌.

Стих: До‌му Твоему‌ подоба‌ет святы‌ня Го‌споди, в долготу‌ дни‌й.

Егда‌ си‌лы зря‌ху Тя, Христе‌, я‌ко преле‌стника от беззако‌нных оклевета‌ема, ужаса‌хуся неизглаго‌ланному долготерпе‌нию Твоему‌, и ка‌мень гро‌ба рука‌ми запеча‌танный, и‌миже Твоя‌ нетле‌нная ре‌бра прободо‌ша. Оба‌че на‌шему спасе‌нию ра‌дующеся вопия‌ху Ти: сла‌ва снизхожде‌нию Твоему‌, Человеколю‌бче.

🎨Тебе одеющегося...
(Староболгарского распева в гармониации прот. П. Турчанинова)

Слава и ныне. Глас 5:
Тебе‌ оде‌ющагося све‌том я‌ко ри‌зою, снем Ио‌сиф с дре‌ва с Никоди‌мом, и ви‌дев ме‌ртва, на‌га, непогребе‌на, благосе‌рдный плач восприим, рыда‌я глаго‌лаше: увы‌ мне, сладча‌йший Иису‌се, Его‌же вма‌ле со‌лнце на Кресте‌ ви‌сима узре‌вшее мра‌ком облага‌шеся, и зе‌мля стра‌хом колеба‌шеся, и раздира‌шеся церко‌вная заве‌са: но се ны‌не ви‌жу Тя, мене‌ ра‌ди во‌лею подъе‌мша смерть. Ка‌ко погребу‌ Тя, Бо‌же мой, или‌ како‌ю плащани‌цею обвию‌? Ко‌има ли рука‌ма прикосну‌ся нетле‌нному Твоему‌ те‌лу? Или‌ ки‌я пе‌сни воспою‌ Твоему‌ исхо‌ду, Ще‌дре? Велича‌ю стра‌сти Твоя‌, песносло‌влю и погребе‌ние Твое‌ со воскресе‌нием, зовы‌й: Го‌споди, сла‌ва Тебе‌.

🤩Бог Господь, и тропари Великой Субботы, глас 2:
(Болгарского распева)

Священник или диакон: Бог Госпо‌дь, и яви‌ся нам, благослове‌н Гряды‌й во и‌мя Госпо‌дне.

Стих 1: Испове‌дайтеся Го‌сподеви, я‌ко Благ, я‌ко в век ми‌лость Его‌.

Лик, глас 2: Бог Госпо‌дь, и яви‌ся нам, благослове‌н Гряды‌й во и‌мя Госпо‌дне.

Стих 2: Обыше‌дше обыдо‌ша мя, и и‌менем Госпо‌дним противля‌хся им.

Лик: Бог Госпо‌дь, и яви‌ся нам, благослове‌н Гряды‌й во и‌мя Госпо‌дне.

Стих 3: Не умру‌, но жив бу‌ду, и пове‌м дела‌ Госпо‌дня.

Лик: Бог Госпо‌дь, и яви‌ся нам, благослове‌н Гряды‌й во и‌мя Госпо‌дне.

Стих 4: Ка‌мень, его‌же небрего‌ша зи‌ждущии, сей бысть во главу‌ у‌гла: от Го‌спода бысть сей, и есть ди‌вен во очесе‌х на‌ших.

Лик: Бог Госпо‌дь, и яви‌ся нам, благослове‌н Гряды‌й во и‌мя Госпо‌дне.

Тропарь, глас 2:
Благообра‌зный Ио‌сиф, с дре‌ва снем пречи‌стое те‌ло Твое‌, плащани‌цею чи‌стою обви‌в, и воня‌ми во гро‌бе но‌ве покры‌в положи‌.

Сла‌ва Отцу‌ и Сы‌ну и Свято‌му Ду‌ху.

Егда‌ снизше‌л еси‌ к сме‌рти, Животе‌ Безсме‌ртный, тогда‌ ад умертви‌л еси‌ блиста‌нием Божества‌. Егда‌ же и уме‌ршия от преиспо‌дних воскреси‌л еси‌, вся си‌лы небе‌сныя взыва‌ху: Жизнода‌вче Христе‌ Бо‌же наш, сла‌ва Тебе‌.

И ны‌не и при‌сно и во ве‌ки веко‌в. Ами‌нь.

Мироно‌сицам жена‌м, при гро‌бе предста‌в А‌нгел вопия‌ше: ми‌ра ме‌ртвым суть прили‌чна, Христо‌с же истле‌ния яви‌ся чуждь.



🤩Непорочны (похвалы) Великой Субботы на погребении Плащаницы
(Начальные и конечные тропари статий)
(Муз. Г.Ф. Львовского)
Статия первая

Благослове‌н еси‌, Го‌споди, научи‌ мя оправда‌нием Твоим.
Блаже‌ни непоро‌чнии в путь, ходя‌щии в зако‌не Госпо‌дни.

И похвалы, во глас 5:

Жи‌знь во гро‌бе положи‌лся еси‌, Христе‌, и а‌нгельская во‌инства ужаса‌хуся, снизхожде‌ние сла‌вяще Твое‌.

Блаже‌ни испыта‌ющии свиде‌ния Его‌, всем се‌рдцем взы‌щут Его‌.

Животе‌, ка‌ко умира‌еши? Ка‌ко и во гро‌бе обита‌еши? Сме‌рти же ца‌рство разруша‌еши, и от а‌да ме‌ртвыя возставля‌еши?

Не де‌лающии бо беззако‌ния, в путе‌х Его‌ ходи‌ша.

Велича‌ем Тя, Иису‌се Царю‌, и чтем погребе‌ние и страда‌ния Твоя‌, имиже спасл еси‌ нас от истле‌ния.

....

(Окончание первой статии)
Сла‌ва Отцу‌, и Сы‌ну, и Свято‌му Ду‌ху.

Воспева‌ем, Сло‌ве, Тебе‌, всех Бо‌га, со Отце‌м и Святы‌м Твои‌м Ду‌хом, и сла‌вим Боже‌ственное Твое‌ погребе‌ние.

И ны‌не, и при‌сно, и во ве‌ки веко‌в. Ами‌нь.

Блажи‌м Тя, Богоро‌дице Чи‌стая, и почита‌ем тридне‌вное погребе‌ние Сы‌на Твоего‌, и Бо‌га на‌шего ве‌рно.

Жизнь во гро‌бе положи‌лся еси‌, Христе‌, и А‌нгельская во‌инства ужаса‌хуся, снизхожде‌ние сла‌вяще Твое‌.

Статия втора‌я

Досто‌йно есть велича‌ти Тя Жизнода‌вца, на Кресте‌ ру‌це просте‌ршаго, и сокру‌шшаго держа‌ву вра‌жию.

Ру‌це Твои‌ сотвори‌сте мя, и создаете мя; вразуми‌ мя, и научу‌ся за‌поведем Твои‌м.

Досто‌йно есть велича‌ти Тя, всех Зижди‌теля; Твои‌ми бо страда‌ньми и‌мамы безстра‌стие, изба‌вльшеся тле‌ния.

Боя‌щиися Тебе‌ у‌зрят мя и возвеселя‌тся, я‌ко на словеса‌ Твоя‌ упова‌х.

Ужасе‌ся земля‌, и со‌лнце, Спа‌се, скры‌ся, Тебе‌ Невече‌рнему Свету, Христе‌, заше‌дшу во гро‌бе пло‌тски.

....

(Окончание второй статии)
Сла‌ва Отцу‌, и Сы‌ну, и Свято‌му Ду‌ху.

Безнача‌льне Бо‌же, Соприсносу‌щне Сло‌ве, и Ду‌ше Святы‌й, укрепи‌ на ра‌тныя, я‌ко благ.

И ны‌не и при‌сно, и во ве‌ки веко‌в. А ми‌нь.

Жизнь ро‌ждшая, Пренепоро‌чная Чи‌стая Де‌во, утоли‌ церко‌вныя собла‌зны, и пода‌ждь мир я‌ко Блага‌я.

Досто‌йно есть велича‌ти Тя Жизнода‌вца, на Кресте‌ ру‌це просте‌ршаго, и сокру‌шшаго держа‌ву вра‌жию.

Статия тре‌тия

Ро‌ди вси песнь погребе‌нию Твоему‌ прино‌сят, Христе‌ мой.

При‌зри на мя и поми‌луй мя, по суду лю‌бящих И‌мя Твое‌.

Снем с дре‌ва и‌же от Аримафе‌а, плащани‌цею обви‌в во гро‌бе Тя погреба‌ет.

Стопы‌ моя‌ напра‌ви по словеси‌ Твоему‌, и да не облада‌ет мно‌ю вся‌кое беззако‌ние.

....

(Окончание третьей статии)
Сла‌ва Отцу‌, и Сы‌ну, и Свято‌му Ду‌ху.

О, Тро‌ице Бо‌же мой, О‌тче, Сы‌не и Ду‌ше, поми‌луй мир.

И ны‌не, и при‌сно, и во ве‌ки веко‌в. Ами‌нь.

Ви‌дети Твоего‌ Сы‌на воскресе‌ние, Де‌во, сподо‌би Твоя‌ рабы.



🤩Тропари‌ сия‌ по Непорочных, во глас 5:
(Подобен: Радуйся Живоносный Кресте, напев Оптиной пустыни)

Благослове‌н еси‌, Го‌споди, научи‌ мя оправда‌нием Твои‌м.

А‌нгельский собо‌р удиви‌ся, зря Тебе‌ в ме‌ртвых вмени‌вшася, сме‌ртную же, Спа‌се, кре‌пость разори‌вша, и с собо‌ю Ада‌ма воздви‌гша, и от ада вся свобо‌ждша.

Благослове‌н еси‌, Го‌споди, научи‌ мя оправда‌нием Твои‌м.

Почто‌ ми‌ра с ми‌лостивными слеза‌ми, о ученицы‌, растворяете? Блиста‌яйся во гро‌бе А‌нгел, мироно‌сицам веща‌ше: ви‌дите вы гроб, и уразуме‌йте, Спас бо воскре‌се от гро‌ба.

Благослове‌н еси‌, Го‌споди, научи‌ мя оправда‌нием Твои‌м.

Зело‌ ра‌но мироно‌сицы теча‌ху ко гро‌бу Твоему‌ рыда‌ющыя, но предста‌ к ним А‌нгел, и рече‌; рыда‌ния вре‌мя преста‌, не пла‌чите, воскресе‌ние же апо‌столом рцы‌те.

Благослове‌н еси‌, Го‌споди, научи‌ мя оправда‌нием Твои‌м.

Мироно‌сицы жены, с ми‌ры прише‌дшыя ко гро‌бу Твоему‌, Спа‌се, рыда‌ху, А‌нгел же к ним рече‌, глаго‌ля: что‌ с ме‌ртвыми жива‌го помышля‌ете? я‌ко Бог бо воскре‌се от гро‌ба.

Сла‌ва Отцу‌, и Сы‌ну, и Свято‌му Ду‌ху.

Поклони‌мся Отцу‌, и Его‌ Сы‌нови, и Свято‌му Ду‌ху, Святе‌й Трои‌це во Еди‌ном Существе‌, с Серафи‌мы зовуще: Свят, Свят, Свят еси‌, Го‌споди.

И ны‌не, и при‌сно, и во ве‌ки веко‌в. Ами‌нь.

Жизнода‌вца ро‌ждши, и греха‌, Де‌во, Ада‌ма изба‌вила еси‌, ра‌дость же Е‌ве в печа‌ли ме‌сто подала‌ еси‌, па‌дшыя же от жи‌зни, к сей напра‌ви, из Тебе‌ воплоти‌выйся Бог и Челове‌к.

Аллилу‌иа, Аллилу‌иа, Аллилу‌иа, сла‌ва Тебе‌, Бо‌же. (Три‌жды).

🤩Ирмосы канона Великой Субботы
(Напева Глинской пустыни
и на самоподобен)

Песнь 1.
Волно‌ю морско‌ю / Скры‌вшаго дре‌вле, / гони‌теля мучи‌теля, под земле‌ю скры‌ша / спасе‌нных о‌троцы; / но мы, я‌ко отрокови‌цы, / Го‌сподеви пои‌м, / сла‌вно бо просла‌вися.

Песнь 3.
Тебе‌, на вода‌х / пове‌сившаго / всю зе‌млю неодержи‌мо, / тварь ви‌девши / на ло‌бнем ви‌сима, / у‌жасом мно‌гим содрога‌шеся, / несть свят, / ра‌зве Тебе‌, Го‌споди, взыва‌ющи.

Песнь 4.
На Кресте‌ Твое‌ / Боже‌ственное истоща‌ние / прови‌дя Авваку‌м, / ужа‌сся, вопия‌ше: / Ты си‌льных пресе‌кл еси‌ / держа‌ву, Бла‌же, / приобща‌яся су‌щим во а‌де, я‌ко Всеси‌лен.

Песнь 5.
Богоявле‌ния Твоего‌, Христе‌, / к нам ми‌лостивно бы‌вшаго, / Иса‌ия Свет ви‌дев Невече‌рний, / из но‌щи у‌треневав взыва‌ше: / воскре‌снут ме‌ртвии, / и воста‌нут су‌щии во гробе‌х, / и вси земноро‌днии возра‌дуются.

Песнь 6.
Ят бысть, / но не удержа‌н в пе‌рсех ки‌товых Ио‌на, / Твой бо о‌браз нося‌, / Страда‌вшаго, и погребе‌нию да‌вшагося, / я‌ко от черто‌га от зве‌ря изы‌де. / Приглаша‌ше же кустоди‌и, / храня‌щии су‌етная и ло‌жная, / ми‌лость сию‌ оставили есте‌.

Песнь 7.
Ирмос: Неизрече‌нное чу‌до, / в пещи‌ изба‌вивый / преподо‌бныя о‌троки из пла‌мене, / во гро‌бе мертв / бездыха‌нен полага‌ется, / во спасе‌ние нас пою‌щих: / Изба‌вителю Бо‌же, / благослове‌н еси‌.

Песнь 8.
Ужасни‌ся боя‌йся не‌бо, / и да подви‌жатся основа‌ния земли‌: / се бо в мертвеце‌х вменя‌ется в вы‌шних Живы‌й, / и во гроб мал странноприе‌млется. / Его‌же о‌троцы благослови‌те, / свяще‌нницы воспо‌йте, / лю‌дие превозноси‌те во вся ве‌ки.

Песнь 9.
Не рыда‌й Мене‌, Ма‌ти, / зря‌щи во гро‌бе, / Его‌же во чре‌ве без се‌мене зачала‌ еси‌ Сы‌на. / Воста‌ну бо и просла‌влюся, / и вознесу‌ со сла‌вою, непреста‌нно, я‌ко Бог, / ве‌рою и любо‌вию Тя велича‌ющия.

♥️На хвали‌тех стихи‌ры самогла‌сны Великой Субботы, глас 2:
(Напева Свято-Троицкой Сергиевой Лавры)

Днесь соде‌ржит гроб Содержа‌щаго дла‌нию тварь, покрыва‌ет ка‌мень Покры‌вшаго доброде‌телию Небеса‌, спит Живо‌т, и ад трепе‌щет, и Ада‌м от уз разреша‌ется. Сла‌ва Твоему‌ смотре‌нию, и‌мже соверши‌в все упокое‌ние ве‌чное, дарова‌л еси‌ нам, Бо‌же, всесвято‌е из ме‌ртвых Твое воскресе‌ние.

Стих: Хвали‌те Его‌ во гласе тру‌бнем, хвали‌те Его‌ во псалти‌ри и гуслех.

Что‌ зри‌мое виде‌ние? Ко‌е настоящее упокое‌ние? Царь веко‌в, И‌же стра‌стию соверши‌в смотре‌ние, во гро‌бе суббо‌тствует, но‌вое нам пода‌й суббо‌тство, Тому возопии‌м: воскресни‌, Бо‌же, судяй земли‌, я‌ко Ты Ца‌рствуеши во ве‌ки, неизме‌рную име‌яй ве‌лию ми‌лость.
Стих: Хвали‌те Его‌ в тимпане и ли‌це, хвали‌те Его‌ во стру‌нах и орга‌не.

Прииди‌те ви‌дим Живо‌т наш во гро‌бе лежа‌щ, да во гробе‌х лежа‌щыя оживи‌т. Прииди‌те днесь и‌же из Иу‌ды спя‌ща зря‌ще, проро‌чески Ему‌ возопии‌м: возле‌г уснул еси‌ я‌ко лев, кто воздви‌гнет Тя, Царю‌? Но воста‌ни самовла‌стно, да‌вый Себе‌ о нас во‌лею, Го‌споди, сла‌ва Тебе‌.

Глас 6:
(Болгарский распев)
Проси‌ Ио‌сиф те‌ло Иису‌сово, и положи‌ Е‌ в но‌вем свое‌м гро‌бе: подоба‌ше бо Ему‌ из гро‌ба, я‌ко из черто‌га пройти‌. Сокруши‌вый держа‌ву сме‌рти, и отве‌рзый врата райская челове‌ком, Го‌споди, сла‌ва Тебе‌.

Сла‌ва Отцу‌, и Сы‌ну, и Свято‌му Ду‌ху,

Глас 6:
(Киевский распев в излож. архим. Матфея)
Дне‌шний день та‌йно вели‌кий Моисе‌й прообразова‌ше, глаго‌ля: и благослови‌ Бог день седмы‌й: сия‌ бо есть благослове‌нная суббо‌та, сей есть упокое‌ния день, в о‌ньже почи‌ от всех дел Свои‌х Единоро‌дный Сын Бо‌жий, смотре‌нием еже на смерть, пло‌тию суббо‌тствовав: и во е‌же бе, па‌ки возвра‌щся воскресе‌нием, дарова‌ нам живо‌т ве‌чный, я‌ко Еди‌н Благ и Человеколю‌бец.
И ны‌не и при‌сно, и во ве‌ки веко‌в. Ами‌нь.

Глас 2: Преблагослове‌нна еси‌, Богоро‌дице Де‌во:

Стихира на целование Плащаницы
(Древний распев)

Прииди́те, ублажи́м Ио́сифа приснопа́мятнаго, в нощи́ к Пила́ту прише́дшаго и Живота́ всех испроси́вшаго: даждь ми Сего стра́ннаго, Иже не имеет где главы́ подклони́ти; даждь ми Сего стра́ннаго, Его́же ученик лука́вый на смерть предаде́; даждь ми Сего стра́ннаго, Его́же Ма́ти зря́щи на кресте́ ви́сяща, рыда́ющи вопия́ше и ма́терски восклица́ше: увы Мне, Ча́до Мое! Увы Мне, Све́те Мой и утро́ба Моя возлю́бленная! Симео́ном бо предрече́нное в церкви днесь собы́стся: Мое сердце оружие про́йде, но в радость Воскресения Твоего плач преложи́. Покланя́емся страсте́м Твоим, Христе, покланя́емся страсте́м Твоим, Христе, покланяемся страсте́м Твоим, Христе, и Святому Воскресению.


#Богови_воспоим

🔤🔤🔤🔤🔤🔤🔤
                            🔤🔤🔤🔤🔤

Егда‌ во гро‌бе но‌ве за всех положи‌лся еси‌, Изба‌вителю всех, ад всесмехли‌вый ви‌дев Тя ужасе‌ся, вереи сокруши‌шася, сломи‌шася врата‌, гро‌би отверзо‌шася, ме‌ртвии воста‌ша. Тогда‌ Ада‌м благода‌рственно ра‌дуяся вопия‌ше Тебе‌: сла‌ва снизхожде‌нию Твоему‌, Человеколю‌бче.

       🔤🔤🔤🔤🔤

Тебе‌ оде‌ющагося све‌том я‌ко ри‌зою, снем Ио‌сиф с дре‌ва с Никоди‌мом, и ви‌дев ме‌ртва, на‌га, непогребе‌на, благосе‌рдный плач восприим, рыда‌я глаго‌лаше: увы‌ мне, сладча‌йший Иису‌се, Его‌же вма‌ле со‌лнце на Кресте‌ ви‌сима узре‌вшее мра‌ком облага‌шеся, и зе‌мля стра‌хом колеба‌шеся, и раздира‌шеся церко‌вная заве‌са: но се ны‌не ви‌жу Тя, мене‌ ра‌ди во‌лею подъе‌мша смерть. Ка‌ко погребу‌ Тя, Бо‌же мой, или‌ како‌ю плащани‌цею обвию‌? Ко‌има ли рука‌ма прикосну‌ся нетле‌нному Твоему‌ те‌лу? Или‌ ки‌я пе‌сни воспою‌ Твоему‌ исхо‌ду, Ще‌дре? Велича‌ю стра‌сти Твоя‌, песносло‌влю и погребе‌ние Твое‌ со воскресе‌нием, зовы‌й: Го‌споди, сла‌ва Тебе‌

#СтрастнаяСедмица
#дорога_к_Пасхе

❌Страстная Седмица.
Великая Суббота        
     
       🔤🔤🔤🔤🔤🔤🔤
           🔤🔤🔤🔤🔤

Днесь ад стеня‌ вопие‌т: / поже‌рта моя‌ бысть держа‌ва, / Па‌стырь распя‌тся и Ада‌ма воскреси‌, / и‌миже ца‌рствовах, лиши‌хся, / и я‌же пожро‌х возмоги‌й, всех изблева‌х. / Истощи‌ гро‌бы Распны‌йся, / изнемога‌ет сме‌ртная держа‌ва. / Сла‌ва, Го‌споди, Кресту‌ Твоему‌ и Воскресе‌нию Твоему‌.

            🔤🔤🔤🔤🔤

Дне‌шний день та‌йно вели‌кий Моисе‌й прообразова‌ше, глаго‌ля: / и благослови‌ Бог день седьмы‌й. / Сия‌ бо есть благослове‌нная Суббо‌та, / сей есть упокое‌ния день, / во‌ньже почи‌ от всех дел Свои‌х, Единоро‌дный Сын Бо‌жий, / смотре‌нием е‌же на смерть, пло‌тию суббо‌тствовав, / и во е‌же бе, па‌ки возвра‌щься воскресе‌нием, / дарова‌ нам живо‌т ве‌чный, / я‌ко Еди‌н Благ и Человеколю‌бец.

🏢Великая Суббота — день, когда воцарилась тишина, какой не было никогда. Бог лежит во гробе, душа Его сошла в преисподнюю, а тело покоится в пещере, приваленной камнем. Это день безмолвия земли и торжества тайны.

«Да молчит всякая плоть человеча, и да стоит со страхом и трепетом, и ничтоже земное в себе да помышляет»

— эти слова, которыми заменяется Херувимская песнь, вводят нас в благоговейный ужас: Царь царствующих приносит Себя в жертву и отдаёт на погребение. Но самое удивительное происходит там, куда не проникает взгляд: Христос

«во гробе плотски, во аде же с душею яко Бог»,

и ад, ожидавший добычи, вдруг чувствует, что кто-то ломится в его вековечные врата. Поётся в каноне:

«Волною морскою скрывшаго древле гонителя мучителя, под землею спасаемых скры спасший нас»

— как некогда море сокрыло фараона, так теперь подземная бездна становится местом спасения.

🟧Богослужение этого дня — особенно проникновенно. Утром (или накануне вечером) уже отслужен чин погребения, а в саму Преблагословенную Субботу совершается Литургия святителя Василия Великого, соединённая с вечерней. Это очень древняя особенность: когда-то именно в этот день крестили оглашенных, и вечерня готовила их к Пасхе. Вместо привычных песнопений звучат 15 паремий — ветхозаветных чтений, которые, как звенья цепи, тянутся от сотворения мира до пророка Даниила, каждая — прообраз Воскресения. Особенно выделяется песнь трёх отроков в пещи вавилонской: они поют среди огня, как Христос поёт среди ада. А после чтения Апостола (Рим.6:3-11) вдруг, как гром среди тишины, возглашается:

«Воскресни, Боже, суди земли, яко Ты наследиши во всех языцех».

В этот миг священники переоблачаются из чёрных риз в белые — свет уже пробивается сквозь камень гроба.

🧥Богословская сердцевина Великой Субботы — сошествие Христа во ад. Это воинственное вторжение в царство смерти. Ад изображается в песнопениях как обманутый чудовищный кит, который проглотил наживку — человеческую плоть Бога — и подавился. Как об этом мы услышим в пасхальную ночь:

«Снизшел еси в преисподняя земли и сокрушил еси вереи вечные, содержащия связанныя, Христе»

Разрушив «засовы вечные», Христос выводит всех праведников от Адама до Иоанна Крестителя. В одной из стихир поётся:

«Днесь ад, стеня, вопиет: „Лучше бы мне не принимать Рождённого от Марии, ибо Он пришёл и разрушил мою власть“».

Именно поэтому Пасха — это торжество над самой сутью зла. Смерть перестаёт быть концом — она становится дверью, которую открыл Тот, Кто добровольно вошел в неё.

🌸Для верующего Великая Суббота — день напряжённого ожидания. Пост всё ещё продолжается, но уже дышит Пасха. В храмах после Литургии освящают куличи, яйца и пасхи — по строгому уставу их полагается вкушать только после пасхальной ночи. В этот день в Иерусалиме на Гроб Господень сходит Благодатный огонь. Но главное чудо происходит внутри каждого: мы стоим перед Плащаницей, уже не оплакивая, а лобызая саму надежду. Канон дня завершается словами:

«Не рыдай Мене, Мати, зрящи во гробе... востану бо и прославлюся»

.
Гроб оказывается сладким, смерть — сном, ад — пустым. И когда священник выносит из алтаря зажжённую свечу, а хор едва слышно запевает «Воскресение Твое, Христе Спасе», мы знаем: ещё несколько часов — и тьма рассеется навсегда.

#СтрастнаяСедмица
#дорога_к_Пасхе

🌸Предлагаем оставшееся время перед светлым торжеством проникнуться тайной Великой Субботы через чтение пяти Слов на этот день святителя Иннокентия Херсонского (+1852).

🟧У гроба Божественного Страдальца мы не смеем, подобно ветхозаветным старейшинам, свидетельствовать о своей невинности. Напротив, наши собственные грехи — корысть, легкомыслие, неправосудие, ожесточение — стали теми орудиями, которые предали, осудили и пронзили Спасителя. Он несёт наши неправды, и если мы, зная Его Божественное достоинство, вновь предаёмся беззаконию, то оказываемся ещё более виновными, нежели древние распинатели.

Вопреки ожидаемой злобе, погребение Господа совершилось в неожиданном мире и чести. Закон о субботе и Пасхе утишил ярость врагов, а тайные ученики — Иосиф и Никодим — дерзновенно явили любовь, когда это было опаснее всего. Даже римская стража и печать, поставленные по требованию первосвященников, обратились не в унижение, а в высшее прославление, засвидетельствовав грядущее Воскресение.

🤘Великая Суббота — день видимого покоя, но невидимого величайшего действия. Телом почивая во гробе, душой Спаситель сошёл во ад, чтобы возвести оттуда пленников, в раю пребыл с благоразумным разбойником, а как Бог — на престоле с Отцом и Духом. Этот день призывает нас открыть сердце: если оно — вертоград добродетелей, примем Господа; если же сделалось вместилищем страстей, да услышим Его глас, воззывающий нас из внутренней бездны.

🌸В этот день Сам Христос сошёл с проповедью во ад — к тем, кто некогда противился Ною, дабы и они, понесши наказание, ожили духом. Но эта проповедь была единственной; второго такого сошествия не будет. Посему, размышляя у Плащаницы, обратим взор и к собственному гробу. Да будет наш венец из терний скорбей, понесённых ради Христа, язвы — Господними, а печать — не Каиафы, но святой Церкви, которая сохранит нас для жизни вечной.

Стра‌стию Твое‌ю, Христе‌, / от страсте‌й свободи‌хомся, / и Воскресе‌нием Твои‌м из истле‌ния изба‌вихомся, / Го‌споди, сла‌ва Тебе‌.

Душеспасительного чтения!⚫️

#СтрастнаяСедмица
#дорога_к_Пасхе

🌸Стихиры Воскресны, глас 1:

Вече‌рняя на‌ша моли‌твы / приими‌, Святы‌й Го‌споди, / и пода‌ждь нам оставле‌ние грехо‌в, / я‌ко Еди‌н еси‌, / явле‌й в ми‌ре Воскресе‌ние.
Обыди‌те, лю‌дие, Сио‌н, / и обыми‌те его‌, / и дади‌те сла‌ву в нем Воскре‌сшему из ме‌ртвых, / я‌ко Той есть Бог наш, / избавле‌й нас от беззако‌ний на‌ших.
Прииди‌те, лю‌дие, / воспои‌м и поклони‌мся Христу‌, / сла‌вяще Его‌ из ме‌ртвых Воскресе‌ние, / я‌ко Той есть Бог наш, / от ле‌сти вра‌жия мир избавле‌й.
Стра‌стию Твое‌ю, Христе‌, / от страсте‌й свободи‌хомся, / и Воскресе‌нием Твои‌м из истле‌ния изба‌вихомся, / Го‌споди, сла‌ва Тебе‌


🧥Стихиры самогласны, Великия Субботы, глас 8:
(Напев Зосимовой пустыни)

Днесь ад стеня‌ вопие‌т: / у‌не мне бя‌ше, а‌ще бых от Мари‌и Ро‌ждшагося не прия‌л; / прише‌д бо на мя, держа‌ву мою‌ разруши‌, / врата‌ ме‌дная сокруши‌; / ду‌ши, я‌же содержа‌х пре‌жде, Бог сый воскреси‌. / Сла‌ва, Го‌споди, Кресту‌ Твоему‌ и Воскресе‌нию Твоему‌.

Днесь ад стеня‌ вопие‌т: / разруши‌ся моя‌ власть, / прия‌х Ме‌ртваго я‌ко еди‌наго от уме‌рших, / Сего‌ бо держа‌ти отню‌д не могу‌, / но погубля‌ю с Ним, и‌миже ца‌рствовах, / аз име‌х мертвецы‌ от ве‌ка, / но Сей [се] всех воздвиза‌ет. / Сла‌ва, Го‌споди, Кресту‌ Твоему‌ и Воскресе‌нию Твоему‌.

Днесь ад стеня‌ вопие‌т: / поже‌рта моя‌ бысть держа‌ва, / Па‌стырь распя‌тся и Ада‌ма воскреси‌, / и‌миже ца‌рствовах, лиши‌хся, / и я‌же пожро‌х возмоги‌й, всех изблева‌х. / Истощи‌ гро‌бы Распны‌йся, / изнемога‌ет сме‌ртная держа‌ва. / Сла‌ва, Го‌споди, Кресту‌ Твоему‌ и Воскресе‌нию Твоему‌.

Слава, глас 6: 
Дне‌шний день та‌йно вели‌кий Моисе‌й прообразова‌ше, глаго‌ля: / и благослови‌ Бог день седьмы‌й. / Сия‌ бо есть благослове‌нная Суббо‌та, / сей есть упокое‌ния день, / во‌ньже почи‌ от всех дел Свои‌х, Единоро‌дный Сын Бо‌жий, / смотре‌нием е‌же на смерть, пло‌тию суббо‌тствовав, / и во е‌же бе, па‌ки возвра‌щься воскресе‌нием, / дарова‌ нам живо‌т ве‌чный, / я‌ко Еди‌н Благ и Человеколю‌бец.

И ныне, Богородичен, глас 1: 
(Знаменный распев)
Всеми‌рную сла‌ву / от челове‌к прозя‌бшую, / и Влады‌ку ро‌ждшую, / небе‌сную дверь / воспои‌м Мари‌ю Де‌ву, / безпло‌тных песнь и ве‌рных удобре‌ние. / Сия‌ бо яви‌ся не‌бо и храм Божества‌. / Сия‌ прегражде‌ние вражды‌ разруши‌вши, / мир введе‌ и Ца‌рствие отве‌рзе. / Сию‌ у‌бо иму‌ще ве‌ры утвержде‌ние, / побо‌рника и‌мамы из Нея‌ ро‌ждшагося Го‌спода. / Дерза‌йте у‌бо, дерза‌йте, лю‌дие Бо‌жии, / и‌бо Той победи‌т враги‌ я‌ко Всеси‌лен.

🌸Вместо Трисвятого:
Обиходного и Московского напевов

Ели‌цы во Христа‌ крести‌стеся,/ во Христа‌ облеко‌стеся. Аллилу‌ия. (трижды).

Слава, и ныне
во Христа‌ облеко‌стеся.

Ели‌цы во Христа‌ крести‌стеся,/ во Христа‌ облеко‌стеся. Аллилу‌ия.

🤨Прокимен Великой Субботы, глас 5: 

Вся земля‌ да покло‌нится Тебе‌, и пое‌т Тебе‌, / да пое‌т же и‌мени Твоему‌, Вы‌шний. 

Стих: Воскли‌кните Го‌сподеви вся земля‌, по‌йте же и‌м

✝️Вместо аллилуиа, во глас 7:

Воскресни‌, Бо‌же, суди‌ земли‌, я‌ко Ты насле‌диши во всех язы‌цех.
И певцы поют тожде.

И чтец, стих: Бог ста в со‌нме бого‌в, посреде‌ же бо‌ги разсу‌дит.

И певцы: Воскресни‌, Бо‌же:

Стих: Доко‌ле су‌дите непра‌вду, и ли‌ца гре‌шников прие‌млете?

Воскресни‌, Бо‌же:

Стих: Суди‌те си‌ру и убо‌гу, смире‌нна и ни‌ща оправда‌йте.

Воскресни‌, Бо‌же:

Стих: Изми‌те ни‌ща и убо‌га, из руки‌ гре‌шничи изба‌вите его‌.

Воскресни‌, Бо‌же:

Стих: Не позна‌ша, ниже‌ уразуме‌ша, во тьме хо‌дят.

Воскресни‌, Бо‌же:

Стих: Да подви‌жатся вся основа‌ния земли‌. Аз рех: бо‌зи есте‌, и сы‌нове Вы‌шняго вси. Вы же я‌ко челове‌цы умира‌ете, и я‌ко еди‌н от князе‌й па‌даете.

И паки: Воскресни‌, Бо‌же, суди‌ земли‌, я‌ко Ты насле‌диши во всех язы‌цех.

✝️Вместо Херувимской песни:
Да молчит всякая плоть человеча

Да молчит всякая плоть человеча, и да стоит со страхом и трепетом, и ничтоже земное в себе да помышляет: Царь бо царствующих и Господь господствующих приходит заклатися и датися в снедь верным.
Предходят же Сему лицы Ангельстии со всяким Началом и Властию, многоочитии Херувими, и шестокрилатии Серафими, лица закрывающе, и вопиюще песнь: аллилуиа, аллилуиа, аллилуиа



🎨Милость мира (пропеваемая часть Евхаристической молитвы)
(Киевский распев в перелож. С. Орфеева для Литургии свт. Василия Великого

Хор: Милость мира, Жертву хваления.

Иерей: Благодать Господа нашего Иисуса Христа, и любы Бога и Отца, и причастие Святаго Духа, буди со всеми вами.

Хор: И со духом твоим.

Иерей: Горе имеим сердца.

Хор: Имамы ко Господу.

Иерей: Благодарим Господа.

Хор: Достойно и праведно есть покланятися Отцу и Сыну и Святому Духу, Троице Единосущной и Нераздельней.

Иерей: Победную песнь поюще, вопиюще, взывающе и глаголюще:

Хор: Свят, Свят, Свят Господь Саваоф, исполнь Небо и земля славы Твоея; осанна в вышних, благословен Грядый во Имя Господне, осанна в вышних.

Иерей: Приимите, ядите, Сие есть Тело Мое, еже за вы ломимое во оставление грехов.

Хор: Аминь.

Иерей: Пийте от нея вси, сия есть Кровь Моя Новаго Завета, яже за вы и за многи изливаемая во оставление грехов.

Хор: Аминь.

Иерей: Твоя от Твоих Тебе приносяще о всех и за вся.

Хор: Тебе поем. Тебе благословим, Тебе благодарим, Господи, и молим Ти ся. Боже наш.

🤩Задостойник Великой Субботы
(Муз. прот. П. Турчанинова)

Не рыда‌й Мене‌, Ма‌ти, / зря‌щи во гро‌бе, / Его‌же во чре‌ве без се‌мене зачала‌ еси‌ Сы‌на. / Воста‌ну бо и просла‌влюся, / и вознесу‌ со сла‌вою, непреста‌нно, я‌ко Бог, / ве‌рою и любо‌вию Тя велича‌ющия.

#Богови_воспоим