بسم الله الرحمن الرحيم
السلام عليكم ورحمة الله وبركاته
📌 Waxabajjii 6, Bara 2018
Godina Harargee Bahaa, Aanaa Dadar, Magaalaa Dadar keessatti, Itti Gaafatamaan Kaawunsilii Dargaggoota Muslimaa Aanaa Dadar, Kabajamoo Sheekh Mahadii Aliyyii Itti Gaafatamaa Mana Marii Dhimma Islaamaa Aanaa Dadar fi Kabajamoo Sheekh Bayaan Itti Aanaa Mana Marii Dhimma Islaamaa Aanaa Dadar, akkasumas Koree Ol’aanaa Dhimma Islaamaa Aanaa Dadar, Koree Ol’aanaa Kaawunsilii Dargaggoota Muslimaa Aanaa Dadar, Koree Dhimma Islaamaa Araddootaa, Imaamota Masjiidotaa fi Amiiroota Dargaggootaa waliin mariin bal’aan, bu’a qabeessaa fi hubannoo cimsu gaggeeffameera.
Mariin kun ijaarsa caasaa Kaawunsilii Dargaggoota Muslimaa sadarkaa Araddaa fi Masjiidotaa saffisaan cimsuu, hojii da’awaa babal’isuu, dargaggoota dammaqinaan hojii Islaamaaf qopheessuu, akkasumas hojii masjiidotaa fi tajaajila hawaasaa daran fooyyessu irratti xiyyeeffate.
Hirmaattonni marii kanaa yaada isaanii bal’inaan dhiyeessuun, hojii kheeyrii fi tajaajila ummataaf kennamu caalaatti guddisuuf irratti waliigaltee cimaa irra ga’aniiru. Mariin kun obbolummaa, tokkummaa, walhubannoo fi walta’iinsa cimsuun hojii Islaamaa gara fuulduraatti milkaa’inaan akka itti fufu bu’uura jabaa kaa’eera.
Rabbiin (SWT) hojii kheeyrii kana keessatti qooda isaanii bahatan hunda irraa haa qeebalu. Tokkummaa keenya haa jabeessu, hojii keenya keessatti milkii, barakaa fi ikhlaasa nuuf haa godhu.
🤲 Rabbiin hojii keenya hunda keessatti nu haa milkeessu.
والسلام عليكم ورحمة الله وبركاته.

📌 Waxabajjii 7, Bara 2018
Godina Harargee Bahaa, Aanaa Baddaannoo keessatti, Itti Gaafatamaan Kaawunsilii Dargaggoota Muslimaa Aanaa Baddaannoo fi Jilli Hoggantoota Kaawunsilii Dargaggoota Muslimaa Aanaa Baddaannoo waliin ta’uun Mana Maree Dhimma Islaamaa Aanaa Baddaannoo daawwannaa hojii gaggeessaniiru.
Daawwannaa kana keessatti hojiiwwan Islaamaa, hojii da’awaa, tokkummaa fi wal tumsuu irratti mariin bal’aan gaggeeffamee, hojii fuulduraaf hojjetamuu qaban irratti yaadni wal jijjiirameera.
Hoggantoonni jila kanaas yeroo isaanii keessatti:

“Tokkummaan keenya bu’uura milkaa’ina keenyaati. Hojii har’a jalqabne kana irratti osoo hin dhaabbatin, hojii da’awaa fi tajaajila ummataa keessatti kana caalaa ciminaan, kutannoo fi obsaan itti fufna.”

jechuun yaada isaanii ibsaniiru.
Daawwannaan kun hojii Islaamaa keessatti walitti dhufeenya cimsuu, dargaggoota gidduutti obbolummaa jabeessuu fi hojii kheeyrii irratti kutannoo haaraa uumuu keessatti gahee guddaa qabaachuun isaa ibsameera.
"Harka wal qabannee yoo deemne, hojii keenya keessatti milkaa'inni ni saffisa; tokkummaan keenya immoo humna keenya."
Rabbiin hojii kheeyrii keenya hunda nuuf haa milkeessu. Aamiin. 🤲🕌✨

🕌 ODUU GAMMACHIISAA 🕌
MUUDAMA HOGGANTOOTA KAAWUNSILII DARGAGGOOTA MUSLIMAA AANAA BAABBILEE
بسم الله الرحمن الرحيم السلام عليكم ورحمة الله وبركاته
Rabbiin haa galatoomu.
Kaawunsiliin Dargaggoota Muslimaa Aanaa Baabbilee hojii isaanii keessatti amanamummaa, dandeettii fi kutannoo isaanii irratti hundaa’uun hoggantoota haaraa muuduun hojii isaanii akka itti fufan taasiseera.
Muudamni kun hojii Islaamaa keessatti hirmaannaa dargaggootaa cimsuu, tokkummaa isaanii jabeessuu, hojii da’waa babal’isuu fi tajaajila hawaasaa keessatti gahee isaanii guddisuuf kan qophaa’edha.
Kaawunsilli Dargaggoota Muslimaa Aanaa Baabbilee hoggantoota haaraa kana baga gammaddan jechuun, Rabbiin hojii isaanii keessatti beekumsa, hikmaa, obsaa fi milkii isaanii haa dabalu jechuun ni kadhata.

"Rabbiin nama hojii gaarii hojjetu ni jaallata."

Rabbiin hojii isaanii keessatti milkii fi barakaa haa kennu.
📌 Kaawunsilii Dargaggoota Muslimaa Aanaa Baabbilee 📅 Waxabajjii, 8, 2018
© OFFICIALS KDMAB 🕌✨