أحبك و أنت مآ مقسُوم ،
لآ اعرف شسويلك
ولآ اعرف شسويلي !

عِفت جروح گلبي وحِرت أداويك .

فك حبالها وخَلها التروح تروح
وانطيها جنح خل تصفگ وترحل
خلها بكيفها، الرادت تضل وياك
مو بلباب واگف بيها تتوسل .

أعوفك للزمن تلويك الأيام .

مهمل صاير و ما أفكر بشي
آنه شحصلت من چنت أداري .

گلبك چان يغريني
بعد ماعاد يغريني .

هذا و ذاك صاروا مايكفونچ ؟

چكليت و تطشر شملنا .

عمي طول لبسك و عوف الگصير
حملتنا ذنوب فوگ ذنوبنا !

ولك ضحكوا علينا بحجة العشرة .

و عينك مانويت أنطيك
أنت سلاح بطلابة
خذوك من أيدي بالگوة
أطلعت مني بطلاع الروح
مثل هلهولة النهوه .

عايش عليك الباقي خل يولون
بس أنت التمرضني و تصحيني .

و إذا دفنوني أسولف بيك للميتين .

أول مرة أشوف عيون تنضاگ
تشبه لذة الچاي العراقي .

و إجه الياخذ مكاني و أنت ردته !

ولك من چان أظفرك يوجعك نحتار .

‏خسارتنا چبيرة
و غشمة عالسوگ
بعنا عقولنا بسوگ المجانين
تمنينا نموت بغير تعذيب
و على المذبح يطغنا صارله سنين
فض الإزدحام و قلت الناس
و ما گدامنا بس واحد إثنين
يوصلنا السرة و يتأجل الموت
يم رگابنا و تعمى السچاچين .