⚡️Ўқитувчидан иш режани қоғоз кўринишида талаб қилиш ноқонуний ҳисобланади

❓Савол: менинг саволим қуйидагича: Бизнинг директоримиз тақвим-мавзу иш режани қоғоз вариантини талаб қиляпти. Ваҳоланки, тақвим-мавзу иш режани eMaktab.uz платформасига юклаб қўйганман. Шу ҳолатда директорнинг талаби ўринлими? Жавоб учун олдиндан раҳмат эътиборсиз қолдирманг илтимос.

✅ Жавоб: "Умумий ўрта таълим муассасаларининг педагогик мутахассисликлари бўйича намунавий йиллик иш режасини шакллантириш тартиби тўғрисида"ги йўриқноманинг 15-бандига кўра умумий ўрта таълим мактаби ўқитувчиларининг дарс ва тўгарак машғулотларини ташкил этиш ҳамда синф журналини юритишдан ташқари бошқа педагогик юкламалар бўйича ҳисоботлар ва қўшимча маълумотларни талаб қилиш қатъиян тақиқланади.

15-банднинг 2-хатбошига кўра умумий ўрта таълим муассасалари педагог ходимлари томонидан фақатгина синф журнали (босма ёки электрон) юритилади.

Ўқитувчи томонидан йиллик тақвим-мавзу режа eMaktab.uz платформасига юкланган бўлса, унда ушбу режани қоғоз кўринишдаги шаклини юритишга эҳтиёж йўқ деб ҳисоблаймиз.

Демак, ўқитувчидан қоғоз кўринишдаги йиллик тақвим-мавзу режа талаб қилиш ноқонуний хатти-ҳаракат ҳисобланади.

@Huquqshunos_yordami

Савол юбориш учун 🔽🔽

@Online_maslaxatchii

❓Ота-она фарзандини мактабга юборишни истамаса, қандай чора кўриш мумкин?

✅Ўзбекистон Республикасининг Маъмурий жавобгарлик тўғрисидаги кодекси 47-модда. Болаларни тарбиялаш ва уларга таълим бериш борасидаги мажбуриятларни бажармаслик.

➡️ Ота-оналар ёки уларнинг ўрнини босувчи шахслар томонидан вояга етмаган болаларни тарбиялаш ва уларга таълим бериш борасидаги мажбуриятларни бажармаслик, шу жумладан вояга етмаган болаларнинг маъмурий ҳуқуқбузарлик содир этишига олиб келиши — базавий ҳисоблаш миқдорининг 1 бараваридан 5 бараваригача миқдорда жарима солишга сабаб бўлади.

➡️ Худди шундай ҳуқуқбузарликлар маъмурий жазо чораси қўлланилганидан кейин 1 йил давомида такрор содир этилган бўлса, — базавий ҳисоблаш миқдорининг 5 бараваридан 10 бараваригача миқдорда жарима солишга сабаб бўлади.

➡️ Болаларнинг мажбурий умумий ўрта таълим, ўрта махсус, касб-ҳунар таълими олишига ота-оналар ёки уларнинг ўрнини босувчи шахслар томонидан тўсқинлик қилиш  — базавий ҳисоблаш миқдорининг 10 бараваридан 15 бараваригача миқдорда жарима солишга сабаб бўлади.

➡️ Ушбу модданинг 3-қисмида назарда тутилган ҳуқуқбузарлик маъмурий жазо чораси қўлланилганидан кейин 1 йил давомида такрор содир этилган бўлса, — базавий ҳисоблаш миқдорининг 15 бараваридан 25 бараваригача миқдорда жарима солишга ёки 15 суткагача муддатга маъмурий қамоққа олишга сабаб бўлади.

@Huquqshunos_yordami

Савол юбориш учун 🔽🔽

@Online_maslaxatchii

😎🥳🤦

➡️ Kredit tarixi nima❓

➡️Kredit tarixi – bu kredit byurosi tomonidan kredit axboroti subyektiga (jismoniy va yuridik shaxs) nisbatan shakllantirilgan kredit axboroti majmuidir.
Kredit tarixi qarz oluvchining olgan barcha kreditlari va ularning qaytarilishi to‘g‘risidagi ma’lumotlarni o‘z ichiga oladi va birinchi kredit olingan paytdan boshlab shakllana boshlaydi.
😎Kredit tarixi ma’lumotlari asosida qarz oluvchilarning moliyaviy ahvoli, ularning qarz majburiyatlarini to‘lash qobiliyati baholanadi, shuningdek, qarz oluvchilarning bahosi (skoringi) shakllantiriladi.

➡️Kredit tarixi nima sababdan yomonlashishi mumkin❔

➡️Barcha tijorat banklari kredit riskini baholashda o‘z mezonlariga ega. Asosiy mezonlardan biri bu, kreditlar bo‘yicha asosiy qarz va foizlarni to‘lashda surunkali kechikishlarning mavjudligidir.
⏺Xususan, muddati 30, 60 va 90 kun hamda undan ortiq muddatga kechiktirilgan qarzlarning soni va miqdori mijozning to‘lov intizomi yaxshi emasligini va ishonchsiz to‘lovchi ekanligini anglatishi mumkin.

➡️Kredit tarixi hisobotini qaysi manbadan bilib olsa boʼladi❔
🔵 Kredit byurosi veb-saytining shaxsiy kabinet bo’limidan.
📞 Call-markaz: (+998) 712034747

🔵 Yagona interaktiv davlat xizmatlari portali orqali my.gov.uz ning
“Kredit tarixi” to‘g‘risida ma’lumotnoma berish sahifasidan.

@Bank_yangiliklari1

O'qituvchi ish tajribasini maktab miqyosida ommalashtirish qay tartibda amalga oshiriladi?

Joriy yil 7-fevral kuni Maktabgacha va maktab taʼlimi vazirining "O'qituvchilarning ilg'or tajribasini ommalashtirish tartibi" to'g'risidagi buyrug'i imzolandi.

Yangi tartibga ko'ra o'qituvchi ish tajribasini maktab miqyosida ommalashtirish quyidagi tartibda amalga oshiriladi:

Umumtaʼlim muassasasining fan o'qituvchisi tomonidan ilg'or tajribalar asosida ishlab chiqilgan metodik ish yo'nalishlar bo'yicha maktabning Metodbirlashmasi tomonidan muhokama qilinadi.

Metodik ish ilg'or ish tajribaga ega deb topilgan taqdirda maktab miqyosida ommalashtirish uchun maktabning Pedagogik kengashiga tavsiya etiladi.

Metodbirlashma tavsiyasi asosida Pedagogik kengashda talabgorning metodik ishi mazkur buyruq bilan tasdiqlangan metodik ishga qo‘yilgan talablar hamda baholash mezoniga muvofiq ishlab chiqilganligi o'rganib chiqiladi.

Shundan so'ng maktab miqyosida ommalashtirish yoki ommalashtirmaslik bo'yicha Pedagogik kengash qaror qabul qiladi.

Agar talabgorning metodik ishiga ijobiy xulosa berilib, ommalashtirishga loyiq deb hisoblansa, Pedagogik kengash qarori bilan maktab miqyosida ommalashtiriladi va ommalashtirish.uz platformasiga joylashtirilib keyingi bosqichlarga yuboriladi.

❕Bunda, quyidagi hujjatlar talabgor tomonidan ommalashtirsh.uz platformasiga joylashtiriladi:

➖ metodik ishiga ijobiy xulosa berilib, taʼlim muassasasi miqyosida ommalashtirilganligi to'g'risida Pedagogik kengash qarorining elektron (pdf) nusxasi;

➖ ommalashtirish uchun tavsiya etiladigan metodik ishi (metodik qoʻllanma yoki metodik tavsiya)ning elektron (pdf) nusxasi;

➖ o'zi to'g'risida maʼlumotnoma (obyektivka) va mutaxassisligi boʻyicha diplom nusxasi.

@Huquqshunos_yordami

Savol yuborish uchun 🔽🔽

@Online_maslaxatchii

❓ 2023-yilda magistraturani tugatib maktabda o‘qituvchi lavozimida ishlayapman. Menga malaka toifasi qay tartibda belgilanadi?

⚠️ Vazirlar Mahkamasining 2021-yil 17-sentabrdagi 572-son qarori bilan tasdiqlangan Nizomda ilgari attestatsiyadan o‘tmagan ishga yangi qabul qilingan pedagog kadrlarga yoki oliy ta’lim tashkilotlarini bitirib birinchi bor ishga kirgan pedagog kadrlarga attestatsiyaga jalb etilgunga qadar quyidagi tartibda malaka toifasi (lavozim) berilishi aytib o‘tilgan:

➖bakalavr darajasiga ega pedagog kadrlarga — mutaxassis (oliy ma’lumotli o‘qituvchi) lavozimi;

➖magistr darajasiga ega mutaxassislarga, shuningdek, oliy ma’lumot darajasi bo‘yicha akademik darajalar joriy etilgunga qadar olingan oliy ma’lumotli pedagog kadrlarga — ikkinchi malaka toifasi (katta o‘qituvchi lavozimi);

➖fan nomzodi, falsafa doktori (Doctor of Philosophy (PhD) yoki fan doktori (Doctor of Science (DSc) ilmiy darajasiga hamda Oliy attestatsiya komissiyasi tomonidan berilgan katta ilmiy xodim, dotsent va professor ilmiy unvoniga ega bo‘lgan pedagog kadrlarga — oliy malaka toifasi (bosh o‘qituvchi lavozimi).

⚠️ Eslatma: mazkur toifadagi pedagoglar 2024-yil 15-yanvardan boshlab Vazirlikning “pedkadr.uzedu.uz” platformasiga to‘g‘ridan to‘g‘ri malaka toifasi olish uchun ariza bilan murojaat qilishlari hamda tegishli malaka toifasi sertifikatlarini yuklab olishlari mumkin.

@Huquqshunos_yordami

Savol yuborish uchun 🔽🔽

@Online_maslaxatchii

✈️ Кредит олган шахс хорижга чиқиши мумкинми?

Банкда кредити бор ёки кредит олмоқчи бўлган кўпчиликда шундай савол туғилиши мумкин. «Ўзбекистон Республикаси фуқароларининг хорижга чиқиш тартиби тўғрисида»ги низомда фуқароларга қачон чет элга чиқишни чеклаш ҳолатлари келтириб ўтилган. 

☑️Банкдан кредит олган шахс кредит шартномаси шартларига мувофиқ тўловларни ўз вақтида амалга ошириб келаётган бўлса хорижга чиқишига ҳеч қандай чеклов бўлмайди. 

❌ Кредити бор шахс фақат битта ҳолатда хорижга чиқа олмайди. Қарздорлик судга оширилиб суднинг ҳал қилув қарори чиқарилганда ва кредит қарздорлиги ижрога (МИБ) қаратилганда чет давлатга чиқишга тақиқ қўйилади.

@Bank_yangiliklari1

#Сўраган_эдингиз
#ommalashtirish

❓Men oʻz metodik ishlarimni ommalashtirish maqsadida maktab Pedagogik kengashiga topshirdim. Agar metodik ishlarim maktab miqyosida ommalashtirishga tavsiya etilsa, ommalashtirish.uz platformasiga oʻz ishlarimni qanday joylashtiraman?

❗️Maktabgacha va maktab taʼlimi vazirining 2024-yil 7-fevraldagi tegishli buyrugʻi bilan tasdiqlangan “Oʻqituvchilarning ilgʻor tajribasini ommalashtirish tartibi”da bu haqida batafsil aytib oʻtilgan.

✅ Unga koʻra, agar sizning metodik ishingiz Pedagogik kengash qarori bilan maktab miqyosida ommalashtirishga loyiq deb topilsa, ommalashtirish.uz platformasiga joylashtirilib keyingi bosqichlarga yuboriladi.

🔹Bunda quyidagi hujjatlar ommalashtirish.uz platformasiga joylashtirilishi zarur:

➖ metodik ishingizga taʼlim muassasasi miqyosida ommalashtirilganligi toʻgʻrisida Pedagogik kengash qarorining elektron (pdf) nusxasi;

➖ ommalashtirish uchun tavsiya etiladigan metodik ishingiz (metodik qoʻllanma yoki metodik tavsiya)ning elektron (pdf) nusxasi;

➖ oʻzingiz toʻgʻringizda maʼlumotnoma (obyektivka) va mutaxassisligingiz boʻyicha diplom nusxasi.

👉 Shundan soʻng sizning metodik ishlaringiz vazirlikning hududiy boʻlinmalarida tegishli fanlar boʻyicha tashkil etilgan Oʻquv metodik kengashi tomonidan oʻrganib chiqiladi.

@Huquqshunos_yordami

Savol yuborish uchun 🔽🔽

@Online_maslaxatchii

⚡️ Bugun hamma xodimlar 1 soat vaqtli ketishi kerak!

Mehnat kodeksining 187-moddasiga ko‘ra, bayram kunlari arafasida har kunlik ishning (smenaning) davomiyligi barcha xodimlar uchun kamida 1 soatga qisqartiriladi.

Ertaga 8-mart — Xalqaro xotin-qizlar kuni, yaʼni ishlanmaydigan bayram.

Demak, bugun ishga chiqqan xodimlar 1 soat vaqtliroq uyiga ketishga haqli.

Eslatib o’taman, bayramdan oldingi kuni ishning (smenaning) davomiyligini qisqartirish imkoni bo‘lmagan uzluksiz ishlaydigan tashkilotlarda va ayrim turdagi ishlarda ortiqcha ishlaganlik xodimga qo‘shimcha dam olish vaqti berish yoki xodimning roziligi bilan ish vaqtidan tashqari ish uchun belgilangan normalar bo‘yicha haq to‘lash orqali kompensatsiya qilinadi.

@Huquqshunos_yordami

Savol yuborish uchun 🔽🔽

@Online_maslaxatchii

#Биласизми
⚡️Педагог кадрлар аттестацияда узрли ёки узрсиз сабабга кўра иштирок этмаса нима бўлади?

✅Вазирлар Маҳкамаси 572-сон қарори билан тасдиқланган Низомнинг 45-бандига кўра:

➡️ Педагог кадрлар аттестацияда узрли сабабга (вақтинча меҳнатга қобилиятсизлиги, давлат ёки жамоат вазифаларини бажарганлиги, республика ва халқаро мусобақаларда иштирок этганлиги, вақтинча хорижий мамлакатда сафарда бўлганлиги, яқин қариндошининг вафоти, ваколатли давлат органи ёки таълим ташкилотлари раҳбарларининг маълумотномасида кўрсатилган бошқа асосларга) кўра келмаган бўлса, уларнинг аттестацияси бошқа муддатга кўчирилади.

➡️ Педагог кадрлар узрли сабабларга кўра аттестацияга келмаганлиги туфайли уларнинг аттестацияси бошқа муддатга кўчирилган тақдирда, йиғим такроран ундирилмайди.

✅Вазирлар Маҳкамаси 572-сон қарори билан тасдиқланган Низомнинг 46-бандига кўра:

➡️ Педагог кадр узрсиз сабабга кўра аттестацияда иштирок этмаган бўлса, у аттестациядан ўтмаган ҳисобланади ҳамда унинг тегишли малака тоифаси (лавозими) бир поғона туширилади.

➡️ Узрсиз сабабга кўра аттестацияда иштирок этмаган мутахассис (олий маълумотли ўқитувчи) лавозимидаги педагог кадр аттестациядан ўтмаган ҳисобланади ҳамда иш берувчи ходимнинг малакаси етарли бўлмаганлиги сабабли у билан тузилган меҳнат шартномасини меҳнат тўғрисидаги қонунчилик ҳужжатларида белгиланган тартибда бекор қилиш ҳуқуқига эга.

☝️Эслатиб ўтамиз, навбатдан ташқари аттестацияда иштирок этган педагогларга аттестация натижалари бўйича салбий қарор қабул қилинмайди.

@Huquqshunos_yordami

Савол юбориш учун 🔽🔽

@Online_maslaxatchii

❓Baholovchi toifasini olishga talabgor qanday majburiy talablarga javob berishi lozim?

— Talabgor baholovchi toifasini olish uchun quyidagi majburiy talablarga javob berishi lozim:
▫️ikkinchi toifa — toifa berilish vaqtda baholash tashkilotida baholovchi sifatida kamida bir yillik ish tajribasining mavjudligi, shuningdek, baholash bo‘yicha kamida mustaqil 15 ta ish bajarilgani, shu jumladan baholashning turli obyektlarini baholash to‘g‘risidagi hisobotlar va qonunchilikka muvofiq ishonchsiz deb topilgan hisobotlar mavjudligi;
▫️birinchi toifa — toifa berililish vaqtida baholash tashkilotida baholovchi sifatida kamida uch yillik ish tajribasining mavjudligi, shuningdek, baholash bo‘yicha kamida mustaqil 25 ta ish bajarilgani, shu jumladan baholashning turli obyektlarini, xususan, biznesni baholash to‘g‘risidagi hisobotlar va qonun hujjatlariga muvofiq ishonchsiz deb topilgan hisobotlar soni ko‘rsatilgan holda, baholash to‘g‘risidagi hisobotlar bo‘yicha ekspert xulosalarining mavjudligi;
▫️oliy toifa — toifa berilish vaqtida baholash tashkilotida baholovchi sifatida kamida besh yillik ish tajribasining mavjudligi, shuningdek, baholash bo‘yicha kamida mustaqil 35 ta ish bajarilgani, shu jumladan baholashning turli obyektlarini, xususan, biznesni baholash to‘g‘risidagi hisobotlar va qonunchilikka muvofiq ishonchsiz deb topilgan hisobotlar soni ko‘rsatilgan holda, baholash to‘g‘risidagi hisobotlar bo‘yicha ekspert xulosalarining mavjudligi.

Asos: Vazirlar Mahkamasining 2019-yil 24 sentyabrdagi 799-son qarori.

@Huquqshunos_yordami

Savol yuborish uchun 🔽🔽

@Online_maslaxatchii

#савол_жавоб

❔ Мен давлат ташкилотида ишлайман. Турмуш ўртоғим ҳеч қаерда ишламайди. Турмуш ўртоғим учун ижтимоий солиқ тўласам иш стажига инобатга олинадими?

🫥 Жисмоний шахс томонидан меҳнатга ҳақ тўлаш тарзидаги ўз даромадларидан 2021 йил 1 июндан кейинги даврда ишламайдиган эри (хотини) учун ихтиёрий асосда Ўзбекистон Республикаси Солиқ кодексида белгиланган тартибда ижтимоий солиқ тўланган давр пенсия ҳисоблашда иш стажи ҳисобида инобатга олинади.

💠 Жисмоний шахс мавжуд имкониятлардан келиб чиқиб турмуш ўртоғи учун Пенсия жамғармасига ижтимоий солиқ миқдорини мустақил равишда тўлаш ҳуқуқига эга.

📄 Жисмоний шахс томонидан тўланган тўлов ҳужжатида унинг ишламайдиган эри (хотини)нинг фамилияси, исми, отасининг исми, ЖШШИР ва тўлов амалга оширилаётган давр албатта кўрсатилиши шарт.

➡️ Батафсил

📞 12-71     🌐 pfru.uz

@Huquqshunos_yordami

Савол юбориш учун 🔽🔽

@Online_maslaxatchii

📖 ТАРОВЕҲ НАМОЗЛАРИДА ЎҚИЛАДИГАН ХАТМИ ҚУРЪОН САҲИФАЛАРИНИНГ КУНЛИК ТАҚСИМОТИ

Ўзбекистон мусулмонлари идораси Матбуот хизмати
#taroveh #sahifalar #taqsimot
MUSLIM.UZ

@Huquqshunos_yordami

#Adliyadan_javob

❓Davlat umumiy o‘rta ta’lim tashkilotlari pedagog kadrlarini kasbiy sertifikatlash bo‘yicha davlat xizmatlarini ko‘rsatishning ma’muriy reglamenti qoidalari qanday ta’lim tashkilotlari pedagog kadrlariga nisbatan tatbiq etilmaydi?

— Ushbu Reglament qoidalari O‘zbekiston Respublikasi Madaniyat vazirligi va Badiiy akademiya tizimidagi ixtisoslashtirilgan san’at va madaniyat maktablari, maktab-internatlar, Ixtisoslashtirilgan ta’lim muassasalari agentligi tizimidagi Prezident, ijod va ixtisoslashtirilgan maktablar hamda nodavlat ta’lim tashkilotlari pedagog kadrlariga nisbatan tatbiq etilmaydi.

Asos: Vazirlar Mahkamasining 2024-yil 12 fevraldagi 87-sonli ” Davlat umumiy o‘rta ta’lim tashkilotlari pedagog kadrlarini kasbiy sertifikatlash bo‘yicha davlat xizmatlarini ko‘rsatishning ma’muriy reglamentini tasdiqlash to‘g‘risida”gi qarori.

@Huquqshunos_yordami

Savol yuborish uchun 🔽🔽

@Online_maslaxatchii

#Adliyadan_javob

❓"IT talents" dasturi doirasida nodavlat ta’lim tashkilotlariga bir martalik subsidiya ajratish bo‘yicha davlat xizmatlari ko‘rsatilishida talabgorga subsidiya ajratish qanday asoslarga ko‘ra rad etiladi?

— Talabgorga subsidiya ajratish quyidagi asoslarga ko‘ra rad etiladi:
▫️talabgor bitiruvchisi O‘zbekiston Respublikasi Raqamli texnologiyalar vazirligi tomonidan tasdiqlanadigan o‘quv yo‘nalishlari bo‘yicha ta’lim olmagan bo‘lsa;
▫️talabgor bitiruvchisi kompaniyaga xizmat ko‘rsatuvchi yoki texnik xodim sifatida ishga joylashgan bo‘lsa;
▫️soliq organining axborot tizimida bitiruvchining oylik ish haqi to‘g‘risida ma’lumot aniqlanmaganda;
▫️talabgor bitiruvchisi kompaniyada olti oydan kam faoliyat yuritgan bo‘lsa;
▫️bitiruvchi o‘qishni bitirganidan keyin uch oy muddatda kompaniyaga ishga joylashmagan bo‘lsa;
▫️talabgor bitiruvchisi ishga joylashganidan so‘ng bir yildan ko‘proq muddat o‘tib, subsidiya olish bo‘yicha so‘rovnoma yuborsa;
▫️ta’lim oluvchi va talabgor o‘rtasida shartnoma imzolangan vaqtdan boshlab ta’lim oluvchi kompaniyada ishlab turgan bo‘lsa;
▫️bitiruvchi talabgorda ta’lim olishidan oldin kompaniyada ishlagan bo‘lsa;
▫️kompaniya tomonidan bitiruvchiga oylik ish haqi miqdorlarini belgilashda qalbaki hujjatlardan foydalanishga yoki noto‘g‘ri va yolg‘on ma’lumotlar shakllantirilishiga yo‘l qo‘yilgan bo‘lsa;
▫️talabgor ilgari subsidiya olgan bitiruvchi uchun takroriy murojaat qilsa;
▫️talabgorning ta’lim faoliyati bilan shug‘ullanish huquqini beruvchi litsenziya yoki xabardor qilish tartibida faoliyat yuritishi uchun berilgan tasdiqnomasi tugatilgan bo‘lsa;
▫️bir nodavlat ta’lim tashkiloti boshqa nodavlat ta’lim tashkiloti tomonidan bitiruvchi uchun olingan subsidiya yuzasidan murojaat qilsa.

Asos: Vazirlar Mahkamasining 2024-yil 12 fevraldagi 86-sonli ”IT-xizmatlar eksporti yo‘nalishi bo‘yicha malakali mutaxassislarni tayyorlash faoliyatini qo‘llab-quvvatlash chora-tadbirlari to‘g‘risida”gi qarori.

@Huquqshunos_yordami

Savol yuborish uchun 🔽🔽

@Online_maslaxatchii