بسم الُلُه الُرٍحٍمن الُرٍحٍيَم

هذا اول مشروع يتم نشره

كود بلوتوث ماوس الخاص بGyroscope
رقم المشروع:- A00

كيفيه أستعماله والأمور المطلوبه

1.عندك esp32 وتعرف اشلون تضبط اعداداته بحيث تستطيع ان تستعمله مع Arduino IDE
2.سنسر MPU6050
3.تربطه السنسر مع esp32 مثل ما موضح بالصوره تحت
4.تنزل المكتبات المطلوبه :-
BleMouse.h
Adafruit_MPU6050.h
تكدر تنزلهن من Arduino IDE او من قوقل
5. ترفع الكود
6.وتربطه باي جهاز بلوتوث وراح يشتغل

بعض الملاحظات

بالكود اكو 4 مفاتيح متعرفه (pins) وهي عباره عن ازرار الموس فاذا تربط push buttons لهاي الpins راح تكدر تستعملهن:
Right click > pin 4
Left click > pin 2
middle click > pin 16
slow push button > pin 5
المفتاح الاخير من تضغطه راح يبطئ حركه الماوس لان راح تواجه مشكله وهي ان من تميل السنسر بشكل كبير ومؤشر الموس يروح لجهة معينه وترجع السنسر الموس راح يرجع للنص يعني مراح يتحرك بشكل كامل مع السنسر (من تستعمل الكود راح تعرف عن شنو كاعد احجي) فهذا الزر راح يساعدك نوعا ما ان تحل المشكله بحيث تضل ضاغطه لحد مترجع السنسر لوضعه الطبيعي وراها تعوفه راح يرجع مثل ما شغلته

// apply different mappings based on the mode switch (mode) {
case 0: // fast mode x = map(g.gyro.x, -100, 100, -127, 127);
y = map(g.gyro.y, -100, 100, -127, 127); break;

هذا الجزء من الكود تكدر من خلاله ان تغير سرعه حركه مؤشر الموس عن طريق تغير الرقم 127 الى رقم ثاني بحيث اذا كبرت الرقم راح تزداد السرعه واذا صغرته راح تقل السرعه(طبعا تغير كل 127 الموجودات بهذا الجزء)

الربط

كود لعبه starwars بواسطه Arduino
رقم المشروع:- A01

كيفيه أستعماله والأمور المطلوبه

1.عندك Arduino
2.شاشه "White Oled 0.98
3.Ball switch او Tilt switch أو تكدر تستعمل سوتجات عاديه ام الضغظ
4.تنزل المكتبات المطلوبه :-
SPI.h
Wire.h
Adafruit_GFX.h
Adafruit_SSD1306.h
Fonts/FreeSans9pt7b.h
تكدر تنزلهن من Arduino IDE او من قوقل
5. تربط الشاشه مثل ما موضح بالصوره
وبالنسبه للسويتج تربط اثنين واحد ويه Pin 10 وهذا لجهه الاسفل والثاني ويه Pin 11 وهذا لجهة الاعلى
طبعا ما يحتاج تستعمل Ball switch تكدر تستعمل سوتجات عاديه وتسعتعملهن طبيعي

بعض الملاحظات

اذا تريد تحصل موسيقى تكدر تربط Buzzer ويه Pin A0 وراح تشتغل موسيقى ويه الكود

الربط

كود لعبهFlappy Bird بواسطه IR Sensor
رقم المشروع:- A02

كيفيه أستعماله والأمور المطلوبه

1.عندك Arduino
2.شاشه "White Oled 0.98
3. IR sensor
أو تكدر تستعمل سوتجات عاديه ام الضغظ
4.تنزل المكتبات المطلوبه :-
SPI.h
Wire.h
Adafruit_GFX.h
Adafruit_SSD1306.h

تكدر تنزلهن من Arduino IDE او من قوقل
5. تربط الشاشه و سنسر مثل ما موضح بالصوره
تكدر تستعمل سوتجات عاديه وتستعملهن طبيعي

بعض الملاحظات

تكدر تزيد من سرعه اللعبه عن طريق تغيير الارقام التاليه

// Game variables
#define GAME_SPEED 25
هذا الرقم اذا تزيده تبطىء اللعبه واذا تقلله تسرعه

// move the wall left 4 pixels
wall_x[i] -= 6;

وهذا بالعكس اذا تقلله تبطئ واذا تزيده تسرع
انت لازم تغيريهن اثنينهن حسب رغبتك

الي يحب يجربه اون لاين عن طريق موقع للمحاكاه هذا الرابط :-

https://wokwi.com/projects/406121782350895105

كود كنترولر مكعب روبيك
رقم المشروع:- A03

كيفيه أستعماله والأمور المطلوبه

طبعا لازم تنزل المكتبه والملحقات مالت المشروع اسمها Xinput
وهذا شخص اجنبي شارح الامور الي لازم تنزلها
https://www.youtube.com/watch?v=61U-S7_XTDw
واني ان شاء الله اذا كدرت راح اسوي فيديو اشرح المشروع كامل

بعض الملاحظات

ملاحظه جدا مهمه من ترفع الكود وتطلع كلمه uploading لازم تضغط زر الReset مرتين والا احتمال يعطل الاردوينو
واذا ما عندك هذا الزر اكو pin اسمه RST هو هذا لازم تشده لسوتيج ويه الكرواند حتى يصير عندك زر الReset