بسم الله كورس ثاني( مرحلة رابعة)
الفصل 33👇👇👇👇

خل أوضحلكم هذا الموضوع ما دام ما نعسانة... أرق ما بعد السحور🤭من اسمه نقل الكلام الغير مباشر... يعني شخص جاي ينقل كلام على لسان شخص آخر
راح انطيكم مثال بالعامية..

مثلا دكتورة سراب بلغت ممثلتنا صفا انه الامتحان يوم الأحد
صفا اجتي للشعبة... كلنالها ها صفا بشري شنو كالت دكتورة سراب!؟
راح ترد وتكول :دكتورة سراب كالت الامتحان يوم الأحد وماكو تأجيل

هذا اسمه نقل الكلام بطريقة غير مباشرة....
بينما اذا دكتورة سراب تحاجينا بالشعبة وتكللنا امتحانكم يوم الأحد
معناها هنا انه الكلام بشكل مباشر
ف اكو فرق

من أهم الملاحظات والي لازم تنتبهولها
اذا اجاني بالجملة فعل بوحده.. شغلي راح يصير عالفعل نفسه لان اجاني بوحده (اغير مرتبته او ابقيه)
يعني تخيلو شخص اجه يتعارك وياكم بطولة ومحد وياه راح تلزموه تعجنوه لان ضعيف وبوحده 🤣🤕

ولكننننننننننننننننن
اذا اجاكم فعل وقبله ضمير(سواء ضمير تملك او ضمير مفعول به)
فالتغيير راح يصير فقط عالضمير والفعل ينزل كما هو
يعني اجه واحد يتعارك وياكم وجايب صديقه راح تلزمون صديقة تحمسوه وهو تعوفه يشرد 😏😂فهمتوا اخوان

....... الملاحظة الثانية انه ممكن يصادفكم أفعال شاذة وتحويلاتها عجيبة غريبة عادي هاي لازم تنحفظ عالغيب بعدين انزلهن

لاحظوا التغيير صار فقط عالضمير الي قبل الفعل والفعل نزل كما هووو بهاي الجملتين

لا تخافون الموضوع مييي وسهل مطلوب منكم تضبطون
الازمنة وقاعدة الموضوع
وطبعا باي زمن... اذا سالني بالمرتبة الثانية (انت) اجاوب بالمرتبة الأولى (انا)
واذا سال بالمرتبة الخامسة (انتم) اجاوب بالرابعة (نحن)
اما اذا سال بالمرتبة الثالثة والسادسة
(هو وهي وهم وهن) اجاوب بنفسسس المرتبة

وهذا كله ذكرته بالاوراق فوك
بس حبيت أوضحلكم اكثر

هسه اشلون نفرق بين الازمنة (ماضي ومضارع ومستقبل)

الزمن المستقبل دائما إضافاته تكون بيهن شارحة والفعل مال المستقبل ما نحذف منه أي شي يعني يبقى نهايته ar. er. ir

الزمن الماضي بأنواعه دائما مسبوق ب أضافات قبل الفعل

الزمن المضارع بأنواعه
لا توجد قبله اي اضافات والفعل يكون محذوف الar وer و ir

الخطوات الي لازم تسوونها حتى تحلون وانتوا مسيطرين :

1.اولا تضبطون القاعدة مال الموضوع

2.لازم تضبطون الازمنة (ماضي ومضارع ومستقبل) باعتبار احنا ماخذيهن سابقا والمفروض هسه احنا عباقرة بيهن
راح يجي شخص فولاذي ويغلس عليهن وكبل يقره الموضوع وهنا احب اكلك راح ترسب رسمي
ليش! لان مراح تعرف تحل بدون الازمنة.. خل اوضحلكم السبب طلاب

نرجع ناخذ مثال بالعامية حتى الكل يفهم...
صفا كالت : اشترينا زينة رمضان
صفا كالت:جاي نشتري هسه زينة رمضان
صفا كالت:راح نشتري زينة رمضان
يعني نقل الكلام ممكن يصير بكل الازمنة وبكل وقت سواء نقلت الكلام الي بالماضي او بالمضارع او بالمستقبل

راح يجي نفس الشخص العبقري يكول همين ما اقره الازمنة لان ما احتاجهن وهنا هم اكله راح ترسب🤣
اشاقة
ليش؟ لان بالحل لازم اعرف اني بيا زمن حتى احدد المرتبة مالتي واجاوب بنفس المرتبة او اغيرها

3.حاولوا تترجمون السؤال باللغة العربية وبعدين جاوبوا بالعربي عادي وحولوا جوابكم من العربي للاسباني هاي الطريقة تسهل الوقت والحل
وهنا لازم تعرفون معاني الأسماء والافعال الي جاية بهذا الموضوع وبعدين انزلهن ان شاء الله

الموضوع الثالث والأخير بهذا الفصل
وهذا الموضوع ميييييي🤭🌸
ما اعتبره موضوع اصلا لان تافهه
مجرد تشيلون كلمة(pero لكن
من الجملة وتحطون ببداية الجملة Aun que بالرغم من..وتنزلون الجملة كما هي بدون اي تغير)