.    ==❀❀❀===❀❀❀==      
              የዕለቱ ጥቅስ 
     ==❀❀❀===❀❀❀==
“እኔም በልቤ፦ በዚያ ለነገር ሁሉና ለሥራ ሁሉ ጊዜ አለውና በጻድቅና በኃጢአተኛ ላይ እግዚአብሔር ይፈርዳል አልሁ።”
መክብብ 3፥17



ወደ ቻናሉ ለመ🀄️ላ🀄️ል፦ @Holy_scriptures

#የእግዚአብሔር_ቃል_ምን_ይላል?


2ኛ ነገሥት 8
¯¯¯¯¯¯¯¯¯¯
⁷ ኤልሳዕም ወደ ደማስቆ መጣ፤ የሶርያም ንጉሥ ወልደ አዴር ታምሞ ነበር፤ ወሬኞችም፦ የእግዚአብሔር ሰው ወደዚህ መጥቶአል ብለው ነገሩት።
⁸ ንጉሡም አዛሄልን፦ ገጸ በረከት በእጅህ ወስደህ የእግዚአብሔርን ሰው ልትገናኝ ሂድ፤ በእርሱም አፍ፦ ከዚህ በሽታ እድናለሁን? ብለህ እግዚአብሔርን ጠይቅ አለው።
⁹ አዛሄልም ሊገናኘው ሄደ፥ ከእርሱም ጋር ከደማስቆ መልካሙን ነገር ሁሉ የአርባ ግመል ጭነት ገጸ በረከት ወሰደ፤ መጥቶም በፊቱ ቆመና፦ ልጅህ የሶርያ ንጉሥ ወልደ አዴር፦ ከዚህ በሽታ እድናለሁን? ሲል ወደ አንተ ልኮኛል አለ።
¹⁰ ኤልሳዕም፦ ሂድ፥ መዳንስ ትድናለህ በለው፤ ነገር ግን እንዲሞት እግዚአብሔር አሳይቶኛል አለው።
¹¹ እስኪያፍርም ድረስ ትኵር ብሎ ተመለከተው፤ የእግዚአብሔርም ሰው አነባ።
¹² አዛሄልም፦ ጌታዬ ለምን ያነባል? አለ። እርሱም፦ በእስራኤል ልጆች ላይ የምታደርገውን ክፋት ስለማውቅ ነው፤ ምሽጎቻቸውን በእሳት ታቃጥላለህ፥ ጕልማሶቻቸውንም በሰይፍ ትገድላለህ፥ ሕፃናቶቻቸውንም ትፈጠፍጣለህ፥ እርጉዞቻቸውንም ትቀድዳለህ አለው።
¹³ አዛሄልም፦ ይህን ታላቅ ነገር አደርግ ዘንድ እኔ ውሻ ባሪያህ ምንድር ነኝ? አለ። ኤልሳዕም፦ አንተ በሶርያ ላይ ንጉሥ እንድትሆን እግዚአብሔር አሳይቶኛል አለው።
¹⁴ ከኤልሳዕም ርቆ ወደ ጌታው መጣ፤ እርሱም፦ ኤልሳዕ ምን አለህ? አለው።
¹⁵ እርሱም፦ እንድትፈወስ ነገረኝ አለው። በነጋውም ለሐፍ ወስዶ በውኃ ነከረው በፊቱም ላይ ሸፈነው፥ ሞተም። አዛሄልም በፋንታው ነገሠ።




ወደ ቻናሉ ለመ🀄️ላ🀄️ል፦ @Holy_scriptures

.    ==❀❀❀===❀❀❀==      
              የዕለቱ ጥቅስ 
     ==❀❀❀===❀❀❀==
“የእስራኤል ልጆች ማኅበር ሁሉ በሴሎ ተሰበሰቡ፥ በዚያም የመገናኛውን ድንኳን ተከሉ፤ ምድሩም ጸጥ ብሎ ተገዛላቸው።”
ኢያሱ 18፥1



ወደ ቻናሉ ለመ🀄️ላ🀄️ል፦ @Holy_scriptures

#ጥምቀት


                    ክፍል-፱
           (የመጨረሻ ክፍል)


በመጽሐፍ ቅዱስ ውስጥ “ጥምቀት ያድናል” ሲባል ምን ማለት ነው?

“ጥምቀት ያድናል” የሚለው ሐረግ በዋነኝነት የተወሰደው ከ1ኛ ጴጥሮስ 3፡21 ሲሆን እሱም እንዲህ ይላል።

“ይህም ውኃ ደግሞ ማለት ጥምቀት ምሳሌው ሆኖ አሁን ያድነናል፥ የሰውነትን እድፍ ማስወገድ አይደለም፥ ለእግዚአብሔር የበጎ ሕሊና ልመና ነው እንጂ፥ ይህም በኢየሱስ ክርስቶስ ትንሣኤ ነው፤”
      1ኛ ጴጥሮስ 3፥21

ይህ ቁጥር የሚያመለክተው ጥምቀት አካላዊ ብቻ ሳይሆን ከደህንነት ጋር በተያያዘ መንፈሳዊ ጠቀሜታ እንዳለው ነው። ሆኖም፣ የተለያዩ ክርስቲያናዊ ወጎች ይህንን ጽንሰ ሐሳብ በተለያየ መንገድ ይተረጉማሉ።

የ"ጥምቀት ያድናል" የቤተክርስቲያን የተለያዩ ትርጓሜዎች

1. የሮማ ካቶሊክ ቤተ ክርስቲያን

የካቶሊክ ቤተ ክርስቲያን ጥምቀት ለመዳን አስፈላጊ እንደሆነ ታስተምራለች ምክንያቱም የመጀመሪያውን ኃጢአት አስወግዶ ሰውን ወደ ቤተክርስቲያን ስለሚያመጣ። ይህ እምነት በዮሐንስ 3፥5 ላይ የተመሰረተ ሲሆን ኢየሱስ “... እውነት እውነት እልሃለሁ፥ ሰው ከውኃና ከመንፈስ ካልተወለደ በቀር ወደ እግዚአብሔር መንግሥት ሊገባ አይችልም።”

2. የምስራቅ ኦርቶዶክስ ቤተ ክርስቲያን

ከካቶሊክ እምነት ጋር በሚመሳሰል መልኩ የኦርቶዶክስ ቤተ ክርስቲያን ጥምቀትን ለድነት አስፈላጊ እንደሆነ አድርገው ይመለከታሉ። ይህም ሂደት ሰውን ወደ ክርስቶስ አካል ይጨምራል።

3. የሉተራን ቤተ ክርስቲያን

ሉተራውያን በጥምቀት እንደገና መወለድን ያምናሉ። ማለትም ጥምቀት የእግዚአብሔርን ጸጋ እና ይቅርታ ያስተላልፋል። የሐዋርያት ሥራ 2፥38ን በመጥቀስ ጴጥሮስ “...ንስሐ ግቡ፥ ኃጢአታችሁም ይሰረይ ዘንድ እያንዳንዳችሁ በኢየሱስ ክርስቶስ ስም ተጠመቁ፤ የመንፈስ ቅዱስንም ስጦታ ትቀበላላችሁ።” ሲል ተናግሯል። ነገር ግን፣ እምነት ለመዳን አስፈላጊ መሆኑንም አፅንዖት ይሰጣሉ።

4. የተሐድሶ እና የፕሪስባይቴሪያን አብያተ ክርስቲያናት

የተሐድሶ ወጎች ጥምቀትን እንደ እግዚአብሔር ቃል ኪዳን ምልክት እና ማኅተም ይመለከቱታል፣ ልክ እንደ ብሉይ ኪዳን መገረዝ። ጥምቀት እራሱ እንደሚያድን አያምኑም ይልቁንም አስቀድሞ በእምነት የተቀበለውን የድነት ውስጣዊ ጸጋ ያሳያል።

5. ባፕቲስት እና ወንጌላውያን አብያተ ክርስቲያናት

ባፕቲስት እና ብዙ ወንጌላውያን አብያተ ክርስቲያናት ጥምቀት እራሱ ያድናል የሚለውን ሃሳብ አይቀበሉም። መዳን በእምነት ብቻ እንደሆነ ያምናሉ (ኤፌሶን 2፥8-9) እና ጥምቀት የውስጣዊ እምነት ውጫዊ መግለጫ እንደሆነ ያምናሉ። የመታዘዝ ተግባር ነው ነገር ግን ለመዳን አስፈላጊ አይደለም (ሮሜ 10፥9)።



ምንጭ፦ Catechism of the Catholic Church. (1994). Libreria Editrice Vaticana.
Calvin, J. (1559). Institutes of the Christian religion.
Holy Bible, New International Version. (2011). Zondervan.
Luther, M. (1529). Luther’s Small Catechism.
Ware, T. (1993). The Orthodox Church. Penguin Books.



ወደ ቻናሉ ለመ🀄️ላ🀄️ል፦ @Holy_scriptures

#እንወያይ

ጥምቀት በእናንተ አባል በሆናችሁበት አጥቢያ ወይንም ቤተ እምነት እንዴት ይታያል? እናንተስ እንዴት ታያላችሁ? የተለያዩ አብያተ ክርስቲያናት ዘንድ ያለው የጥምቀት አስተምህሮ ልዩነት ወደ አንድ ሊመጣ ይችላል ብላችሁ ታምናላችሁ? ወደ አንድ ለመምጣት የማይችል ከሆነ ለምን?


ወደ ቻናሉ ለመ🀄️ላ🀄️ል፦ @Holy_scriptures

.    ==❀❀❀===❀❀❀==      
              የዕለቱ ጥቅስ 
     ==❀❀❀===❀❀❀==
“በነጻነት ሕግ ፍርድን ይቀበሉ ዘንድ እንዳላቸው ሰዎች እንዲህ ተናገሩ፥ እንዲህም አድርጉ።”
ያዕቆብ 2፥12



ወደ ቻናሉ ለመ🀄️ላ🀄️ል፦ @Holy_scriptures

ወደ ቻናሉ ለመ🀄️ላ🀄️ል፦ @Holy_scriptures

#መጻሕፍትን_በድምጽ

👉ርዕስ፦ ዓላማ መር ሕይወት
✍️ጸሐፊ፦ ሪክ ዋረን
🗣ትርጉም፦ ኢቫንጀሊካል ቴዎሎጂካል ኮሌጅ
🚪 መግቢያ


ወደ ቻናሉ ለመ🀄️ላ🀄️ል፦ @Holy_scriptures

ጌታችን ኢየሱስ ክርስቶስ በሕይወት ቅድሚያ ሊያገኙና ሊከተሉ ስለሚያስፈልጉ ነገሮች ምን አለ?


ጌታችን እና መድኃኒታችን ኢየሱስ ክርስቶስ በዚህ ምድር ስንኖር "life priority order" ወይንም በሕይወት ቅድሚያ ስለሚያስፈልጉ እና ስለሚከተሉ ነገሮች በማቴዎስ 6፥25-34 አብራርቶልናል።

1. እግዚአብሔር ወይንም የእግዚአብሔር መንግሥት (ቁ. 33)
2. ነፍስ (ቁ. 25)
3. ምግብ (ቁ. 25)
4. ሰውነት (ቁ. 25)
5. ልብስ (ቁ. 25)

ከላይ በቅደም ተከተል የተጠቀሱት ቦታቸው የሚዛነፍ ከሆነ ሕይወት ሚዛኗን ስታ አማኝን ለጭንቀት ይዳርጉታል። ይባስ ካለ ደግሞ ዓለሙን አትርፎ ነፍሱን ወደ ማጉደል አዘቅት ይከተዋል።

“ስለዚህ እላችኋለሁ፥ ስለ ነፍሳችሁ በምትበሉትና በምትጠጡት፥ ወይም ስለ ሰውነታችሁ በምትለብሱት አትጨነቁ፤ ነፍስ ከመብል ሰውነትም ከልብስ አይበልጥምን?”
ማቴዎስ 6፥25


“ነገር ግን አስቀድማችሁ የእግዚአብሔርን መንግሥት ጽድቁንም ፈልጉ፥ ይህም ሁሉ ይጨመርላችኋል።”
ማቴዎስ 6፥33



ወደ ቻናሉ ለመ🀄️ላ🀄️ል፦ @Holy_scriptures

.    ==❀❀❀===❀❀❀==      
              የዕለቱ ጥቅስ 
     ==❀❀❀===❀❀❀==
“ወደ ዘላለም ሕይወት የሚወስደውን የጌታችንን የኢየሱስ ክርስቶስን ምሕረት ስትጠባበቁ በእግዚአብሔር ፍቅር ራሳችሁን ጠብቁ።”
ይሁዳ 1፥21




ወደ ቻናሉ ለመ🀄️ላ🀄️ል፦ @Holy_scriptures

#መጻሕፍትን_በድምጽ

👉ርዕስ፦ ዓላማ መር ሕይወት
✍️ጸሐፊ፦ ሪክ ዋረን
🗣ትርጉም፦ ኢቫንጀሊካል ቴዎሎጂካል ኮሌጅ
🗒ክፍል፦ 1


ይቀጥላል...


ወደ ቻናሉ ለመ🀄️ላ🀄️ል፦ @Holy_scriptures

#የሮሜ_መልእክት_ጥናት


ሮሜ 10
¯¯¯¯¯¯¯¯¯¯
⁵ ሙሴ ከሕግ የሆነውን ጽድቅ የሚያደርገው ሰው በእርሱ በሕይወት እንዲኖር ጽፎአልና።
⁶ ከእምነት የሆነ ጽድቅ ግን እንዲህ ይላል፦ በልብህ፦ ማን ወደ ሰማይ ይወጣል? አትበል፤ ይህ ክርስቶስን ለማውረድ ነው፤
⁷ ወይም፦ በልብህ፦ ወደ ጥልቁ ማን ይወርዳል? አትበል፤ ይህ ክርስቶስን ከሙታን ለማውጣት ነው።
⁸ ነገር ግን ምን ይላል? በአፍህ በልብህም ሆኖ ቃሉ ቀርቦልሃል፤ ይህም የምንሰብከው የእምነት ቃል ነው።
⁹ ኢየሱስ ጌታ እንደ ሆነ በአፍህ ብትመሰክር እግዚአብሔርም ከሙታን እንዳስነሣው በልብህ ብታምን ትድናለህና፤
¹⁰ ሰው በልቡ አምኖ ይጸድቃልና በአፉም መስክሮ ይድናልና።
¹¹ መጽሐፍ፦ በእርሱ የሚያምን ሁሉ አያፍርም ይላልና።
¹² በአይሁዳዊና በግሪክ ሰው መካከል ልዩነት የለምና፤ አንዱ ጌታ የሁሉ ጌታ ነውና፥ ለሚጠሩትም ሁሉ ባለ ጠጋ ነው፤
¹³ የጌታን ስም የሚጠራ ሁሉ ይድናልና።


ሮሜ 10 (አዲሱ መ.ት)
¯¯¯¯¯¯¯¯¯¯
⁵ ሙሴ በሕግ በኩል የሆነውን ጽድቅ ሲገልጽ፣ “እነዚህን የሚፈጽም ሰው በእነርሱ ይኖራል” ይላል።
⁶ ከእምነት የሆነው ጽድቅ ግን እንዲህ ይላል፤ “ ‘በልብህ ማን ወደ ሰማይ ይወጣል?’ አትበል”፤ ይህ ክርስቶስን ለማውረድ ነው፤
⁷ “ወይም ‘ወደ ጥልቁስ ማን ይወርዳል?’ አትበል”፤ ይህም ክርስቶስን ከሙታን ለማውጣት ነው።
⁸ ነገር ግን ምን ይላል? “ቃሉ በአጠገብህ ነው፤ በአፍህና በልብህም ውስጥ ነው፤” የምንሰብከውም የእምነት ቃል ይህ ነው፤
⁹ “ኢየሱስ ጌታ ነው” ብለህ በአፍህ ብትመሰክር፣ እግዚአብሔርም ከሙታን እንዳስነሣው በልብህ ብታምን፣ ትድናለህ።
¹⁰ የምትጸድቀው በልብህ አምነህ ነው፤ የምትድነውም በአፍህ መስክረህ ነውና።
¹¹ መጽሐፍ እንደሚለው፣ “በእርሱ የሚያምን ሁሉ አያፍርም።”
¹² በአይሁድና በአሕዛብ መካከል ልዩነት የለም፤ አንዱ ጌታ የሁሉ ጌታ ነውና፤ የሚለምኑትንም አብዝቶ ይባርካል፤
¹³ “የጌታን ስም የሚጠራ ሁሉ ይድናልና።”


ሮሜ 10 (ሕያው ቃል)
¯¯¯¯¯¯¯¯¯¯
⁵ ሕግን በመጠበቅ ስለ መጽደቅ ሙሴ፥ «አንድ ሰው ሕግ የሚያዘውን ሁሉ መጠበቅ ከቻለ ፥ ሕግ ራሱ ሕይወት ይሰጠዋል» ሲል ጽፎአል።
⁶ በእምነት የሚገኘው ጽድቅ ግን፥ «ክርስቶስን ወደ ምድር ለማውረድ ወደ ሰማይ መውጣት አያስፈልግህም።
⁷ ወይም ወደ ሲኦል ወርደህ ክርስቶስን ከሙታን መካከል ማስነሣት የለብህም» ይላል።
⁸ ነገር ግን መጽደቅ ስለሚቻልበት መንገድ እንዲህ ይላል። «የእግዚአብሔር ቃል በአጠገብህ ይገኛል ፤ በአፍህና በልብህም ውስጥ ነው።» ይህም የእግዚአብሔር ቃል እኛ የምናስተምራችሁ የእምነት ቃል ነው።
⁹ ኢየሱስ ጌታ እንደሆነ በአፋችሁ ብትመሰክሩ፥ እግዚአብሔርም ከሞት እንዳስነሣው በልባችሁ ብታምኑ ትድናላችሁ።
¹⁰ ምክንያቱም ሰው በልቡ አምኖ ይጸድቃል። ስለ እምነቱም በመመስከሩ ይድናል።
¹¹ ይህ እውነት መሆኑን ለማረጋገጥ እንዲህ የሚል ቃል በመጽሐፍ ተጽፎ ይገኛል ፤ «በእርሱ የሚያምን ሁሉ አያፍርም።»
¹² ይህ ቃል የተጻፈው በአይሁድና በአሕዛብ መካከል ምንም ልዩነት ሳይደረግ ለሁሉ ነው። የሁሉም ጌታ የሆነው ኢየሱስ፥ ለሚለምኑት ሁሉ በረከቱን የሚሰጥ ባለጸጋ አምላክ ነው።
¹³ በቅዱሳት መጻሕፍት ፥ «የጌታን ስም የሚጠራ ሁሉ ይድናል» ተብሏል።



ወደ ቻናሉ ለመ🀄️ላ🀄️ል፦ @Holy_scriptures

.    ==❀❀❀===❀❀❀==      
              የዕለቱ ጥቅስ 
     ==❀❀❀===❀❀❀==
“መድኃኒታችንም ከዓመፅ ሁሉ እንዲቤዠን፥ መልካሙንም ለማድረግ የሚቀናውን ገንዘቡም የሚሆነውን ሕዝብ ለራሱ እንዲያነጻ፥ ስለ እኛ ነፍሱን ሰጥቶአል።”
ቲቶ 2፥14



ወደ ቻናሉ ለመ🀄️ላ🀄️ል፦ @Holy_scriptures

#መጻሕፍትን_በድምጽ

👉ርዕስ፦ ዓላማ መር ሕይወት
✍️ጸሐፊ፦ ሪክ ዋረን
🗣ትርጉም፦ ኢቫንጀሊካል ቴዎሎጂካል ኮሌጅ
🗒ክፍል፦ 2 (አጋጣሚ አይደለህም)


ይቀጥላል...


ወደ ቻናሉ ለመ🀄️ላ🀄️ል፦ @Holy_scriptures

ወደ ቻናሉ ለመ🀄️ላ🀄️ል፦ @Holy_scriptures

👉ርዕስ፦ ዓላማ መር ሕይወት
✍ጸሐፊ፦ ሪክ ዋረን
🗣ትርጉም፦ ኢቫንጄሊካል ቲዎሎጂካል ኮሌጅ


ወደ ቻናሉ ለመ🀄️ላ🀄️ል፦ @Holy_scriptures

.    ==❀❀❀===❀❀❀==      
              የዕለቱ ጥቅስ 
     ==❀❀❀===❀❀❀==
“የመንፈስ ፍሬ ግን ፍቅር፥ ደስታ፥ ሰላም፥ ትዕግሥት፥ ቸርነት፥ በጎነት፥ እምነት፥ የውሃት፥ ራስን መግዛት ነው።”
ገላትያ 5፥22



ወደ ቻናሉ ለመ🀄️ላ🀄️ል፦ @Holy_scriptures

#መጻሕፍትን_በድምጽ

👉ርዕስ፦ ዓላማ መር ሕይወት
✍️ጸሐፊ፦ ሪክ ዋረን
🗣ትርጉም፦ ኢቫንጀሊካል ቴዎሎጂካል ኮሌጅ
🗒ክፍል፦ 3 (ሕይወትህ የሚመራው በምንድነው?)


ይቀጥላል...


ወደ ቻናሉ ለመ🀄️ላ🀄️ል፦ @Holy_scriptures

⏱ቢዚ - ቢዚ፤ ለሁሉ ጊዜ አለው ወይስ አለን?



በጋሽ ንጉሤ ቡልቻ


ጓዙን ጠቅልሎ ወደ ውጪ አገር የሚሄድ ጓደኛውን ለመሸኘት ከተሰበሰቡት መካከል የሽኝት ፕሮግራሙን ማጠቃለያ ጸሎት የሚጸልየው ሰው እንዲህ ብሎ ጸልዮአል አሉ፡፡
 
“ጌታ ሆይ ይህ ወንድማችን በሚሄድበት አገር ቢዚ ከሚባል ጋኔን እንድትጠብቀው እንለምንሃለሁ፡፡”
 
“ቢዚ” የሚባል ጋኔን መኖር አለመኖሩን መመራመራችንን ትተን ባተሌነት “ቢዚነት” የውጪ አገር አበሳ መሆኑ ቀርቶ ውስጥ አገርም የሚያስጨንቀን ጉዳይ እንደ ሆነ እንቀበል፡፡
 
በቀጠሮ ብዛት፣ በእንቅስቃሴ ብዛት፣ በጉዳይ ብዛት፣ በሥራ ብዛት፣ በሥራ ውጣ ውረድ፣ በማኅበራዊ ግንኙነት ብዛት፣ በሽቅብ ቁልቁል ብዛት፣ የአካላችን አውታር እስኪነዝሩ ተወጣጥረናል፤ ነፍሳችን ብን ትን እስክትል እንማስናለን፡፡ ትንፋሽ አጥሮን ስናለከልክ የሚያየን የሌላ ዓለም ፍጡር ቢኖር “ምን ሥራሥር በጥብጠው ቢጠጡ ነው እንዲህ የሚያዛብታቸው፣ የሚያሽከረክራቸው” ብሎ በጠየቀ፡፡ ለመሆኑ ምን እንዲህ ያባትለናል?
 
የየዕለቱ ውጣ ውረድ ነዋ! የጉረሮ መድፈን ጥሪ፣ የማኅበረ ሰብ ቦታችንን የማስጠበቅ ጥሪ፣ የነገ ምን ይሆናል ጭንቀት፣ ሌሎችም ይህን የመሳሰሉ ሁሉ፡፡ የሰው ልጅ የሚሠራውንና የሚውልበትን ሁነኛ ጉዳይ አግኝቶ በሥራ መጠመዱ በረከት እንጂ ርግማን አይደለም፡፡ ጊዜ እንደ ጅረት በሚንፎለፎልበት ልማዱ ቢነጉድ የሥራ ቦይ እየቀደዱ ጥቅም ላይ የሚያውሉት የታደሉ ናቸው “ዘመኑን ዋጁ” በሚለው ምክር አብነት፡፡ እንዲህ የሚያደርጉ በሥራው ከሚገኘው ጥቃሞት በላይ ስብእናቸው ይለማል፣ ርካታና ደስታም ያገኛሉ፡፡
 
አሁን ያነሣነው “ጋኔኑ ቢዚነት” ግን ከሚያለማው የሚያጠፋው የበለጠ፣ ከሚያረካው የሚያቅበዘብዘው የበዛ፣ ደስታችንን ቦጥቡጦ የሚበላ መልቲ ነው፡፡
 
ሮጠን ሮጠን ልባችን ሊፈነዳ ሲል ስንቆም የትም እንዳልደረስን ስንረዳ፣ ከበሬታ ፍለጋ ብዙ የአንቱታ ካባ ደርበን ድንገት ካባው የወደቀ ቀን የነፍሳችን ክሳት ሲጋለጥ የዚህ ዐይነት ቢዚነት ፍሬ ይታወቅ ይሆናል፡፡
 
መድኃኒታችን ጌታ ኢየሱስ ክርስቶስ “በአጭር ቁመት በጠባብ ደረት ተወስኖ ወደዚህ ምድር ስለመጣ ልክ እንደ እኛ በቀን ውስጥ 24 ሰዓት ብቻ ነበረው፡፡ ያደረገውን ሁሉ ያደረገው በዚሁ በባለ 24 ሰዓት ቀን ነበር፡፡ የምድር እድሜው ጥቂት ነበረ፤ የይፋ አገልግሎቱ ደግሞ ከሦስት ዓመታት እጅግም ያልዘለለ አጭር ነበር፡፡ ይህ ሁሉ ሆኖ ወደ አባቱ መሄጃው ጊዜ ሲደርስ የጸለየው ጸሎት የተዋከበ፣ የተጨነቀ አልነበረም፤ “ምነው አንድ ዐሥር ዓመት ብትጨምርልኝና የጀመርሁትን በጨረስሁ” የሚል የጊዜ ልመና አልነበረበትም፡፡ “የሰጠኸኝን ሥራ በምድር ላይ ፈጽሜ አከበርሁህ” የሚል ደልዳላ ዘገባ ነበር፡፡
 
እንዴት እንደዚህ ስክን ያለ ሕይወትና አገልግሎት አገኘ? እጅግ ብዙ የእርሱን ርዳታ የሚሹ ፍጡራን ባሉበት ዓለም ውስጥ በቀኝና በግራ ሊያዋክቡት የሚችሉ አስባታሊ ተግባራት በነበሩበት ሁኔታ እንደምን ርጋታ አገኘ? መጽሐፉ ላይ እንደ ተጠቆምን ከሆነ መልሱ ውስብስብ አይደለም፡፡ ጌታችን ዋናውን ጉዳይ ከአስቸኳዩ የለየ፣ የሕይወት ጥሪውን አሳምሮ ያወቀ፣ ቆፍጣና የዓላማ ሰው ስለነበረ ነው፡፡ “የሰጠኸኝን ሥራ” አለ እንጂ በሜዳ ያለውን ተግባር ሁሉ አላለም፤ ወይም ዘመድ ወዳጅ የጠየቀኝን ኀላፊነት ሁሉ ወይም የተገኘውን ሥራ ሁሉ ፈጸምሁ አላለም፡፡ የአባቱ ፈቃድ የሕይወት ጥሪው ነበረና ያንኑ ፈቃድ በመንፈስ ቅዱስ ኀይል ፈጸመው፡፡ በጸሎቱ ዘገባ በዝርዝር እንዳሰፈረው እያንዳንዱን ቅንጣት ተግባር ከነውጤቱ እንደተከናወነ ርግጠኛ ነበር፡፡ በምድር አገልግሎቱ የነካቸው ሰዎች ሁሉ ሕይወታቸው በጥልቅ ተነክቷል፤ የይድረስ ይድረስ በሽታ ሳይጠናወተው የሚሠራውን ሁሉ ወደ ተገቢው ፍጻሜ አደረሰ፡፡ በዓላማ ጽናት፣ በርግጠኛ ርምጃ፣ በታላቅ ማስተዋል ተራመደ፡፡ ስለዚህ ሞቱ የጸጸት አልነበረም የድልና የስኬት እንጂ፡፡ ሕይወቱ አልተጨናገፈም፤ ውጥኑ ባጭር አልቀረም፤ የሰማይ አባቱን ያስከበረ ወርቃማ ፍጻሜ አገኘ፡፡ የሕይወትን ዋና ጥሪ ለመፈጸም ጊዜን በጥበቡ የመጠቀም ጉልህ አርኣያ ሆነ፡፡ ስሙ ይክበር፡፡ ቻርልስ ሁሜል የተባለ አስተዋይ ጸሐፊ “The Tyranny of the Urgent” ብሎ የጻፈውና ቁምላቸው ፈንታሁን የተረጎመው አንድ ጽሑፍ እንዲህ ይላል፦
 
/ወደ ኋላ መለስ ብለን ስንመለከት፣ያልተጠናቀቁ ሥራዎች፣ ምላሽ ያልተሰጣቸው ደብዳቤዎች፣ ያልተጎበኙ ወዳጆች ያልተጻፉ መጣጥፎችና ያልተነበቡ መጻሕፍት ይታዩናል፡፡ በሥራ እየባተልን ቢሆንም የምናገኝበት ደስታ እያደር የመነመነ ነው፡፡ ሆኖም ችግር የሚፈጥርብን ተግቶ መሥራት ሳይሆን ጥርጣሬና መወላወል ናቸው፡፡ ትልቁ አደጋ ለአስቸኳዩ ጉዳይ መላ ለመፈለግ ስንጣደፍ ዋነኛውን ጉዳይ መዘንጋቱ ነው፡፡ ችግሩ ደግሞ ዋነናው ጉዳይ ዛሬ ወይም በዚህ ሳምንት ይሠራ የሚያሰኝ አጣዳፊነት የሌለው መሆኑ ነው፡፡ ፈጣን ርምጃ የሚጠይቁን አጣዳፊ ጉዳዮች ናቸው፡፡ በጊዜው በጣም አስፈላጊና ወደ ጎን የማይባሉ ስለሚመስሉን ጉልበታችንን ይመጡታል፡፡ ክርስቲያን ፋታ ወስዶ መንፈሳዊ ሁኔታውን በመፈተሸ፣ የሥራ ኀላፊነት ለመቀበል እንዳይችል ሆኖ በሥራ ከተጠመደ፣ ለአስቸኳዩ ጉዳይ ምላሽ ለመስጠት ሎሌ ያድራል፡፡ በራሱና በሌሎች ዐይን ዋጋ የሚሰጠው የሚመስል ነገር፣ ሌት ተቀን ሠርቶ ማከናወን ቢችልም፣ እግዚአብሔር ያቀደለትን ሥራ ግን ሳያጠናቅቅ ይቀራል/
 
እንግዲያው በባርነት ቀፍድዶ የያዘን “አስቸኳይ” የሚባል አምባ ገነን የፍዳችን አንዱ ዋና ምክንያት መሆኑ ነው፡፡ አስቸኳዩን ከዋናው ጉዳይ እንዴት እንለያለን? የሚለው ጥያቄ ብርቱ ጥያቄ ነው፡፡ ለዚህ መልስ ካገኘን የፍልሚያው እምብርት ታወቀ ማለት ነው፡፡

 
ይቀጥላል ...


ምንጭ :- semayawithought.com



ወደ ቻናሉ ለመ🀄️ላ🀄️ል፦ @Holy_scriptures