良心生活圈聯盟

Forwarded from meMall - 並肩同行·撐同路人

【千里之行始於足下】

「黃色經濟圈」嘅出現改變咗好多香港人嘅消費習慣：不論衣食住行，都要停一停，諗一諗，究竟想幫襯嘅品牌係唔係中資，係「黃」定⁣係「藍」。然而，追本溯源，唔難發現原來好多品牌都只係嚟自某幾個大集團，部分行業甚至比大型中資企業壟斷，有得揀等如無得揀。

⁣「製作一盅有質素嘅燉品閒閒地都講緊要廿個鐘以上，但付出咁多心機同時間，最終喺出貨嘅時候都係要將利潤被中資速遞公司分一杯羹。」以往喺香港要寄貨，基本上無本地速遞公司可以選擇，令Bee姐萌生想要開設物流公司嘅念頭，誓要打破中資壟斷嘅局面。

【不只最黃，更要最好】

雖然單從品牌名，好多人都已經聯想到翼蜂係要抗衡另一間中資速遞公司，但對一間啱啱起步嘅物流公司而言，想要長遠立足香港物流業，並非單單打住「黃色經濟圈」嘅旗號就能夠做到。「大型物流公司單量多，喺資源分配上一定係比較有效率，例如一個送貨師傅只需要負責一區甚或係一幢大廈，可以慳返唔少交通時間。」

為咗提升營運效率同用户體驗，翼蜂喺成立初期就已經同科技界好友合作編寫自己嘅網上落單同管理系統，等客人可以自助落單同查詢貨件狀態。另一方面，唔少大型物流公司只求於短時間內處理大量運單，因而忽視貨件狀態。相較之下，翼蜂成立至今超過半年，貨件出現破損嘅情況可以話係屈指可數。「對我嚟講，客人係信任我哋先會將佢哋嘅財物交托比我哋，所以一定要將份件平平安安咁送到對方手上。」

Bee姐深信，雖然翼蜂喺短時間內未必有能力可以發展到好似其他中資物流公司咁大規模，但只要願意踏出第一步，提供最高質素嘅服務，就可以令香港人真正擺脱壟斷，而非只能「含淚」幫襯本地品牌。

【保持希望，絕處可逢生】

回想翼蜂成立初期，由收貨、出車、派貨、倉務、宣傳、客服......所有嘢都由Bee姐獨力處理。壓力之大，令Bee姐曾無數次諗過派曬手頭上嘅貨件之後就結束業務。但每當諗到香港人從此被逼繼續依賴中資物流公司、好不容易熟習咗物流工作嘅手足又要再次面臨失業，呢一切都驅使Bee姐咬緊牙關，繼續堅持落去。

「只要對自己而家做緊嘅嘢有一絲動搖，就足以令人放棄，但若果你有一個認為值得堅守嘅信念，就算幾辛苦都會撐到落去。」每日睇新聞，望住香港嘅局勢發展，唔多唔少都會令到香港人感到無力同泄氣，但黑白對錯從來唔係聲大夾惡就能夠改變。Bee姐寄語港人，縱然爭取公義嘅過程係荊棘滿途，但有同路人互相支持相隨，再苦都可以撐得住。

而家喺meMall買滿$420即可免除運費，等翼蜂手足們親手將貨品送到你手上！

立即購物：
https://memall.hk/

#翼蜂速運_與港人同行
#memall港故事
#本土物流
#撐同路人
------------------------------
FB：https://facebook.com/memallhk2
IG：https://instagram.com/memallhk
TG：https://t.me/memallhk

memall.hk

網上優質生活百貨平台

170 views08:43