JURNALNING YANGI SONI CHOP ETILDI

   “Vatan” jurnalining 2-soni nashrdan chiqdi. Unda xilma-xil mavzudagi suhbat va maqolalar eʼlon qilindi. Uni Cho‘lponning “Go‘zal Turkiston”i ochib beradi. Shayx Muhammad Sodiq Muhammad Yusufning kechmishlari eslanadi. “Oriyentalizm”: Sharq va G‘arb masalasiga yangicha qarash, “Millat: biz uni qanday tushunamiz yoki tushunmog‘imiz kerak?”, “Joys poetikalari”, “O‘zbek etnonimi: millatimiz nomi qanday paydo bo‘lgan?”, “Abdullaxon – Turonning so‘nggi buyuk hukmdori” va boshqa materiallar sizlarga muntazir.
   – Jurnalning o‘z nomiga munosib bo‘lishi birinchi shart, – deydi bosh muharrir Husan Ermatov. – Ijodiy jamoa buni yurakdan his qilishga intilmoqda. Shu aziz yurtni o‘z Vatanim, deya ulug‘laydigan ziyolilar, o‘qirmanlar, o‘ylaymanki, tahririyatning samimiy intilishlarini baholay biladi.
   Tahririyat faoliyatiga rivoj tilaymiz. Jurnalxonlarga yangi nashr muborak bo‘lsin, deymiz. Haqiqiy bahoni esa albatta o‘quvchi beradi.

O‘zbekiston Yozuvchilar uyushmasi Axborot xizmati