‏إنها خيرة الله وحاشى الله أن يضرّنا .🌻

‏الأسلوب يا جماعة رزق أقسم بالله .. رحم الله من رُزق بحسن الكلام ولين القلب..

كل فترة
أقعد مع نفسك راجعها كويس ، رتبها و شوف البيها و العليها ، عندك شويه حزن او ضغوطات ادعي ربنا او ابكي المهم تطلع من مودك و الحاجات الكاتمها جواك !
حاسي انك تمام و امورك ماشه كويسه أحمد ربنا و أشكرو و خليك متفائل للجاي ، الترتيب الغرض منو انك تبدأ من جديد سوا كنت مكبوت ولا مرتاح ، أبدا تاني علشانك و علشان الجاي محتاجة طاقة أكبر و انت قدرها بأذن الله 💛

#Roaa_Alhakim

كيف الصباح بكون صباح
لو ما شرَق حِسّك عليّ
ونور ضلام الأمكنة...💛

‏"الجزء الأجمل في إجابة الله لدعائك هو تلاشي شعور الوحدة الذي كان يستحوذ عليك، شيء يشبه تلك اليد التي تمسك أعمى في منتصف الطريق وتعبر به".

نكون واقعين شوية..
انت ع قدر ما تتمسك بالناس شدييد للدرجة التعلق، بتلقى المقابل انك تجني ع نفسك بعدييين خصوصاً لمن يبدو يبعدو بالتدريج، بتلقى انك بقيت براك، انت بس ما تدي زول اكبر من حجمو اتعامل معاهم ع انهم ورقة بيضا قدامك، حسي مبسوطين معاك،لانه يمكن مزاجهم رايق؟، بعدين لمن تبدا تتغير ظروفهم بتبدا إنت تنتكس بسببهم؟؟
فهنا المعادلة بسيطه اتعامل بالوسط ما تتمسك شديد لدرجة بعدين تتألم، الناس في النهاية ظروف والحياة قابلة للتغير، لكن الوحيد الما بتغير معاك هي نفسك، فاحسن تكسبها هي، بدل تستنزفها ويكون همك ناس كتار يطبطبو عليك
دا كلو بس عشان ما تنصدم، فما ترفع سقف التوقعات
شدييييد💛

انتهاز الفرص و الفلاحة ...

انا اكتر حاجة بحبها في الدنيا دي الناس الفالحين ، ديل ناس ايجابين و قادرين يعملو من الفسيخ شربات

ما هو واحد من اتنين يا داير يا ما داير ، مافي داير ولكن !

مافيش لكن في القصة دي ..

اللي خلاني اقول الكلام دة ناس كتار قدامي عندهم فرص كويسة شديد و بيفرطو فيها

و ناس نصيبم كان شوية خالص بي ايدهم و شديدهم خلقو الفرص

لما زول يسألني ، اللي اتوسط ليك منو عشان تشتغلي بتبسط شديد ما بزعل

اتوسط لي حبيبي ايدي و شديدي و راسي دة و تعب أهلي

ديل كانو واسطتي !

لما جاتني الفرصة ما اترطشت و قعدت اتلفت ، لما سقطت ما قعدت اتلفت ..!

ضربت قبل شوية لي صالون عايزة احجز موعد ،، قلت ليها عايزة كذا كذا بكرة

قالت لي

Why not today madam !

قربت اصفق ليها دة فن التسويق و التشويق و الاثارة

زولة حماسية عايزة تمشي شغلها

و ما اكتفت بي كدة ، مدام u don’t want other things

الحياة قايمة على البيع و الشرا

حتى نحن كبشر بنقدم نفسنا فيها و نطرحا بي طريقة معينة ..!

بيبقى انت طارح نفسك كيف دة هو السؤال و شايف نفسك وين و عايز شنو فعلا

عايز تكون ناجح مافي نجاح بيجيك مع صحن العشا قدام التلفزيون ..!

كل اللي نجحو كانو ناس فالحين عافرو و اندعكو و اتخبط بيهم الواطة دي الف مرة ..و قامو في المرة اللي الف و مية !

اول خطوة في طريق الانهزام هو اجترار خيبات الماضي و التذرع بذريعة الوقت و الظروف و الامكانيات !

الطموح و الانهزام ما بتلاقو ما بتلاقو ما بتلاقو

اقول قولي هذا ، و استغفر الله لي و لكم !

#سلمى_المصباح

‏أنا ما عندي مُشكلة مع النهايات ولا الخساره، لكن عندي مُشكلة مع الحاجات البتكون مُدة طويله حلوة، وبتنتهي بشكل باهت وما عندها ملامِح ولا أسباب منطقيه .. هو صاح كلو بعدي، بس بشيل معاهو قدّر شنو طاقة وهو ماشي؟

كل شيء يصبح جميلاً عندما نريد أن نراه جميلاً "نحن أسياد أفكارنا".. 💛

‏"الحمدلله إنو ما ربنا إستجاب"
مافي زول فينا كان بتخيّل إنو ممكن يقول كدا، خصوصاً بعد فترة طويلة وإلحاح شديد في الدعاء بعد فترة ربنا بكشف قدامك كل الورق وبقول ليك شُفت أنا لي شنو ما إستجبتَ، وقتها حساباتك بتتغير وتدخل إرادة ربنا تقلب ليك كل الموازيين وتحس بي لُطف ربنا محاوطك من كل إتجاه

إحنا م بندي عشان ناخد، ولا عشان منتظرين حتى
إحنا بندي وبنسند عشان إحنا م بنبقى إلا كدا
عشان إحنا اتخلقنا لدا عشان شعور إنك سند دا براه بدينا دافع للحياه عشان نحنا على يقين انو ربنا م بنسى المعروف عشان نحنا جزو من البنقدمو دا عشان بنلاقي نفسنا هنا 💛

أنا عمري م ندمت إنو سندت زول ف يوم حتى لو م لقيتو حتى لو طلع م بستاهل حتى لو ف يوم نفس الزول دا غدر بي لانو كفايه جدا بالنسبه لي إحساس إني سندت بني آدم بعيدا عن إنت شنو أو بتستاهل او لا كفايه جدا إني أثبت لنفسي إني عظيمه وقادره أقدم حتي وأنا فاقده 💛

لماذا أراك على كل شيءٍ
كأنكِ في الأرضِ كل البشر

كأنك دربٌ بغير انتهاءٍ
وأني خلقت لهذا السفر..

إذا كنت أهرب منكِ إليكِ،
فقولي بربكِ.. أين المفر؟!✨

- فاروق جويده.

‏صباح الخير💛

‏" وليسَ الخوف أن يُصيبنا الضُّر؛ إنما الخوف أن يؤذي أحبابًا لنا فيؤذينا.. فاللَّهم لُطفكَ الذي لا يقوى عليهِ بأسٌ ولا ضُر."

وقيل في الصَبر: "هُو القبوُل الهادِئ بأن الأمور يُمكِن أن تتحقَق بترتيب يختلِف عن الّذي تظُنه في عقلك، بتدبيرٍ عظيمٍ مِن الله."

كلنا عشنا و لو نوع واحد من انواع الخذلان ، و عشنا قصص و علاقات سيئه بتكون جوانا حتى لو عشنا بعدها ميه علاقه تاني ..
بعرف ناس اتجاوزت و ناس نفسها تتجاوز و ناس بين ده و داك ، بعرف و واثقه انو كلنا ف حياتنا نقطه سوده ، انسان كنا مفتكرين انو ح يزهرا بس بدل الزهور اهدانا شوك ..
انسان ختينا ليهو كل الحب و قدمنا ليهو كل الطاقه و بنفس الطاقه دي " هد حيلنا ."
سقف أمنياتنا كان عالى شديد ، م اتوقعنا انو قصتنا ح تنتهى بالطريقه دي بس انتهت .

تحديدا مع الانسان ده احنا ختينا نقطه يفترض بعدها نبده صفحه جديده م سطر جديد !...
كيف انتهت ، ليه انتهت ؟!..
المهم احنا اتمسكنا و المهم اننا حاربنا " عشان م تنتهى "

بقولو انو كل العلاقات الانتهت تمهيد ل علاقه بدايته غير متوقعه و نهايته حلوه شديد و انا بقول انو كل العلاقات السيئه درس بتعلمنا كيف نعيش علاقتنا الجديده ..

صح دي فتره صعبه و صح احنا حاسين انو حياتنا وقفت بس بالعكس يادوب حياتنا بدت يادوب ح نقدر ننجز ف حياتنا و يادوب ح نعيش صح و يادوب ح نعرف نختار و يادوب ح نتقبل نفسنا بعيوبنا و بمحاسنا احنا حلوين شديد و كل الحب الفينا يستاهلو انسان م بتخلى ، م ببعد ، م بتعبنا ، م بقارنا بغيرنا ..
انسان مميز كل م نشوفو نقول " هو الاختيار الصح " ..

أحنا يستاهلنا زول كل م يشوفنا يضحك و يعرف انو هو محظوظ بوجودنا معاهو ..

دي م نهايه العالم ، انت مجرد انسان مرت عليهو علاقه فاشله زي بلايين البشر المرو بنفس التجربه دي ..
صح وجع النهايات قاسي بس عوض ربنا حلو ..
كفايه شديد نكسب نفسنا و كفايه شديد نقتنع انو عملنا العلينا .

ح تقابل واحد بشبهك من جوه ، واحد شايل ملامح روحك و بهجتك ، واحد مهما ملتا مال معاك و مستعد يمشي القاع عشانك ..
مستعد يكون معاك تحت سابع ارض و مستعد يرفعك ل سابع سما ..
انت حلو و عوضك ح يكون حلو شديد زيك.💛

و ف النهايه و اهم وصيه :

" حب ذاتك و قدسها ، انت تستحق ."💛

بتمر عليكك لحظات نفسك ما بتفهما،بتحس بالتشتت من كل ناحية وانك عايز تنجز بس ما عارف تعمل شنو تجتهد وين وتضيع طاقتك في شنو وكلو مترادم، ويرجع ليك گ ردة فعل سلبيه تأثر علي نفسيتك اكتر،ممكن تظهر علي عصبيه،حتى في ملامح وشك الضيق بظهر،ودمعتك واقفه ع الهبشة،تحس كل الحوليك ما فاهمك، لا قادر تتكلم ولا تعبر عن المكنون جواك ومع الاسف تلقى الردود صادمه في حقك، انك اتغيرت وبقيت ما بتهتم ولا تسأل، وهم ما عارفين الجواتك فات الكلام،لكل زول بتمر علي الفتره دي هي اصلاً ح تعدي لو قلت يااارب بتعدي،بس ح تفضل آثاره جواك،ح تتفتح ليك حاجات كتيره معمي عنها، ح تطلع ناس، وتدخل ناس،حقيقة الفترات الصعبه هي البتوريك حقيقة نفسك،ح تطلع منها بإضافات جديدة انت نفسك ما كنت ح تعملها،فالحمدلله انو في النهاية كلو بترتب ولو جاطت💛

إتعود تخلي الناس على راحتها..المهتم مهتم..المهمل مهمل..الناسي ناسي..البحبك بحبك وكده يعني..م تضغط عليهم وعلى نفسك وتعيش مشاكل نفسية وحرب داخلية تهدم ذاتك ..

وباكر تقول ﻛﺎﻧﺖ ﻣﻌﺎﻱ ﻭﺳﻂ ﺍﻟﺰﺣﺎﻡ ﺿﻴﻌﺘﻬﺎ .. ﺭﺍﺣﺖ ﺧﻼﺹ ، ﻻ ﻟﻘﻴﺘﻬﺎ ﻻ ﻭﺩﻋﺘﻬﺎ 💛

بحول الله وقوته كل شيء سيتحول لصالحك.. 🌻

ربنا داسي ليك البشبهك عشان كد اوعا تقبل تكون ف المكان الغلط بس عشان ترضي نفسك وتقفل على أوجاع والسلام لان انت كد بتخدر الوجع وبس، ما بتتخلص منو ومصير الوجعه ترجع بس ح ترجع اكعب واصعب من اول عشان كدا من الاول إختار ترمي اوجاعك وكل شي ممكن يفتح عليك باب مؤذي وأصبر أصبر أصبر لحد ما ربنا يفتح ليك الباب الح يناسبك لطريق اتخلق ليك انت بس؛ عشان ترسمو وتلونو وتفرح بي وتكملو 💛
المسأله كلها هي اختبار من ربنا وامتحان لقوتك ومدى صبرك دا ربنا بعزة جلاله قال
(وبشر الصابرين) 💛
صدق الله العظيم