ودعتك النسناس ياورد الأشواق
كرامتي تحكم علي الإنصرافي.
‏⠀⠀⠀⠀

على المعاذير جعل الله يسلمني
عطيته أشياء يبطي ما حَلم فيها.
‏⠀⠀⠀⠀

تعلمت السهر بعدك وانا قبلك رفيق النوم
ولا جاب السهر طيفك ولا عود علي نومي.
‏⠀⠀⠀⠀

‏راحوا مراح الريح وأمر الله مُطاع
‏ما راح معهم الا الفؤاد ومرقدي.
‏⠀⠀⠀⠀

‏انا منهجي هو هو وشخصيتي هي هي
‏لو إن الحياة ظروفها احيان جبّاره

‏لقيت الوجيه اللي تغيّر على ادنى شي
‏هي نفس الوجيه اللي على الهون صبّاره

‏و انا يا رفيقي والله إن لي سنه و شوي
‏وانا كن على صدري مدرّج و طيّاره.
‏⠀⠀⠀⠀

على كل حاجةٍ كنت ابيها ولا الله راد
‏سلامي عليها من ضميرٍ سمح زمنها.
‏⠀⠀⠀⠀

قولو لأهل ذيك المرابع والديارّ
مانسينا الود لو حنَا بعيدين.

‏" أنا مثل الهوى مثل العُمـر مرّة
‏أنا مثل السنين الرايحه ما اعـوّد ".

‏لا حضورك علاج ولا غيابك مرض
‏عيش عمرك لنفسك وأترك الآخرين

‏لا تحبّ الحياه أكثر من المفترض
‏ولا تخاف الفراق وكلّنا راحلين.
‏⠀⠀⠀⠀‏⠀⠀⠀⠀

‏يا مناديب المحبه وياساعي البريد
‏ ماوصل لكم منه مكتوب يبري علتي؟
‏⠀⠀⠀⠀‏⠀⠀⠀⠀

ليش مدري بس حظي مع الأحباب شين
‏ما يحرك ساكنٍ فيهم اليا قلت " افا "

‏يسخرون من المحبه ولوعات الحَنين
‏يحسبون جسم الانسان من صم الصفا

‏الشجر يحتاج للماء و يحتاج اكسجين
‏والبشر تحتاج للوصل ماهو للجفا.
‏⠀⠀⠀⠀‏⠀⠀⠀⠀

‏قبل ينهدم صرح الغلا والنفوس تشين
‏فمان الكريم الي عطاياه ما تحصى

‏اتركني على كف المقادير بين إثنين
‏زمانٍ ماهو لقصى وحظٍ ماهو لقصى

‏و تطمن تراك الي بقى لي من الغالين
‏يامنصاي عن كل البشر لابغيت انصى.
‏⠀⠀⠀⠀‏⠀⠀⠀⠀

وقدني الى مريت بالشارع العام
‏لديت من ما في الضمير ودعيتك
‌‏⠀⠀⠀⠀
ادري ان صوتي ماقطع عشرة اقدام
‏وادري بي اعود الى من نصيتك
‌‏⠀⠀⠀⠀
ياشينها يامحنيٍ راس الابهام
‏ماقدر على شوفك وانا عند بيتك.
‏⠀⠀⠀⠀

‏ان " صدو " الناس لاتحزن على حالك
‏العيب ماكان في طبعك .. ولا اسلوبك
‏⠀⠀⠀⠀‏⠀⠀⠀⠀
‏اسمع كلامي وحطه زين في " بالك "
‏اللي يحبك يحبك انت و عيوبك.
‏⠀⠀⠀⠀‏⠀⠀⠀⠀