📍دورة استقبال و تخدير:

الأسبوع في دورة استقبال و تخدير بيتقسم كالتالي:

🔵 يوم رعاية مركزة:

- كانو بيشددو على الحضور في الأول، بعد كده مش أوي ..

- هتستفيدو لو حضرتو المرور، و تشوفو الدكاترة و هما بيتناقشو في الحالات .. و يُفضل تروح بدري تقرا ملف الحالة عشان تبقى فاهم هما بيتناقشو في ايه في المرور ..

- النواب ممكن يطلبو منكم تفحصو العيانين أو تكتبو شيت و تسلموه، بس الموضوع روتيني مش أكتر و كده كده كل حاجة بتبقى موجودة في ملف الحالة جنب السرير ..

🔵 يوم عناية الطوارئ:

- مبيركزوش في الحضور أوي، و بيعملو محاضرة أو محاضرتين في الأول بيفهموكم الدنيا ..

🔵 يوم العمليات:

- المفروض بنحضر تبع التخدير، و النواب بيشرحولنا أنواع الأدوية اللي بنستخدمها في التخدير و ازاي نعمل intubation ..

- ممكن نحضر مع التخدير، أو نقف مع الجراحين و نركز في العملية عادي ..

🔵 يوم النبطشية (و دي أهمهم):

- الدورة دي هي و الباطنة أتقل دورتين في الامتياز كله ..

- النبطشية هنا بتتقسم ل٣ أقسام (أريست، تروما، ستيتش)

- بنقسم الجروب عليهم، بحيث إن جروبنا كان ٨ أفراد  كنا بنقسمه subgroups كالتالي:
٢ أريست، ٣ تروما، ٣ ستيتش مثلًا ..
و نشفت كل ٤ ساعات .. بحيث على مدار النبطشية يكون كل الجروب عدى على كل الأوض و اشتغل فيها ..

- هنتكلم أكتر عن كل حاجة فيهم

👈 ١) الأريست:

* بيبقو أوضتين قصاد بعض، أوضة فيها ٦ سراير و أوضة فيها ٤ سراير ..

* الحالات اللي موجودة بيبقى معظمها مترفر (يعني مستني مكان يفضى في العناية فوق عشان يطلع يتحجز) و بنتابع الvitals بتاعتهم بشكل دوري، و لو حصل حاجة بنكلم النايب ..

* لو جت حالة جديدة بنشتغلها عادي كأنها حالة باطنة، ناخد history و vitals و exam و نكلم النايب ..

* يُفضل يبقى فيه سرير على الأقل فاضي في كل أوضة أريست، تحسبًا عشان لو جت حالة arrested .. و الباطنة ممكن يحاولو يسلموكم حالات مش critical عشان يخفو الضغط من عليهم، فمسؤولية عليك متستلمش حالة في الأريست مش critical و حافظ على الأريست للحالات اللي محتاجاه فعلًا ..

* لما حالة تدخل في أريست، ابدأ CPR فورًا بدون تأخير و ابعت حد يجيب زمايلك من باقي الأوض عشان يشتغلو معاك .. و نعمل كول على نايب الكارديو و العناية

👈 ٢) التروما (أو أوضة الحوادث):

* أي Road traffic accident (RTA) أو Fall from height أو polytrauma أو trauma عمومًا، الحالة بتيجي الأوضة دي ..

* بنعمل للحالة الABCDE Approach الأول خصوصًا لو حادثة أو polytrauma، عشان نتطمن إنهم stable ..

* لو single trauma بنفيتلهم و ناخد هيستوري بس ..

* بعد كده بنبعتهم يعملو أشعة على جسمهم حسب المكان المخبوط .. لكن لو polytrauma بنعمل full survey، يعني أشعة كاملة على الجسم تقريبًا ..

* بنبعت الحالة على التروللي لأوضة العظام أو نايب العظام بيجيلنا التروما يكشف على الحالة و يحدد نوع الأشعة اللي عايزها و مكانها ..

* لما الأشعة بتيجي بنعرضها على النايب المختص و يرد علينا ..

* لو جايلك حالة بstab wound أو gun shot ابعت حد يقول لمشرف الاستقبال، و كلم نايب الجراحة فورًا ..

* الأوضة فيها ٦ سراير تقريبًا، عشان لو فيه حالات مترفرة بيفضلو عليهم على ما دورهم ييجي .. مهم نتابع الvitals بتاعتهم برضه ..

👈 ٣) أوضة الستيتش أو الخياطة:

* أقلهم من حيث الخطورة، إلا لو الجرح خطير زي artery بينزف النايب اللي بييجي يتعامل ..

* بناخد هيستوري من العيان، و بنبعته للعظام لو شاكين إن ممكن يكون tendon اتقطع أو لو فيه عضم مكسور ..

* بعد كده، بننضف الجرح و نخيطه و التمريض بيقفل ع الجرح على ما نكتب الروشتة ..

* و لو عيان جي بabscess برضه بنفتحه ..

* أي جرح حاسه صعب عليك خياطته، أو في مكان ظاهر و الغرز هتبان لو متخيطش كويس كلم النايب يخيطه لو سمحت ..

* الأوضة دي بتبقى زحمة جدًا و الأهالي و طلبة الدفعات الأصغر بيبقو ماليينها و ده بيأثر على شغلك و بيخلي التمريض يرفض يشتغل لحد ما الزحمة تخف، ف كلم الأهالي بالراحة و زمايلك الأصغر منهم عشان نخف الضغط شوية .. و لو الدنيا مبتخفش بعد ما اتكلمت و الوضع زايد أوي، كلم الأمن يفضيلك الأوضة ..

✅️ هتعلم إيه في الدورة دي؟

الدورة مليانة skills مهمة زي الخياطة، و ازاي تقرا الأشعة، ازاي تسحب ABG، ازاي تشتغل CPR، ازاي تسلم و تستلم الحالات الCritical من زميلك كويس و تبقى مرتبهم حسب الأولوية .. و ازاي تتعامل مع الحالات الacute بشكل عام ..

د. دينا عصام الدين
د. هشام ياسر
---------------------------------------------------

📍دورة الباطنة:

الأسبوع في دورة الباطنة بيتقسم كالتالي:

🔵 يوم عيادة:

- من ٩ ص ل ١ أو ٢ الضهر، حالات باطنة عادية .. بتحضر و تشوف الدكتور بياخد هيستوري و يشخص أو يتابع إزاي و يكتب علاج إيه.. و بتتناقش مع الدكتور في الحالة لو الوقت يسمح ..

🔵 يوم مناظير:

- هتحضر مرتين تلاتة بالكتير و بعد كده مش هتحس بفايدة أوي أو اختلاف إلا لو فيه حالات مميزة

🔵 يوم رعاية متوسطة:

- هتستفيدو لو حضرتو المرور، و تشوفو الدكاترة و هما بيتناقشو في الحالات .. و يُفضل تروح بدري تقرا ملف الحالة عشان تبقى فاهم هما بيتناقشو في ايه في المرور ..

🔵 يوم النبطشية:

- من أتقل النبطشيات في الامتياز، بسبب الrate العالي جدًا .. و بنضطر نقعد ٣ حالات على السرير الواحد و ساعات أكتر

- بس اللي مخليها أتقل، الريلاتيف اللي مبيلاقوش مكان للحالة و ييجو يتخانقو معاك ..

- عوّد نفسك يكون بالك طويل شوية و تفهم الناس بالراحة، بس لو حد تطاول عليك متسكتش و هاتله الأمن و المشرف ..

- الحالات مش كلها severe و acute .. الأغلب gastritis و gastroenteritis و حالات التعامل معاها سهل، بس المشكلة في الrate زي ما قولنا ..

- يُفضل إن كل جروب امتياز يجمع و يجيب جهاز pulse oximeter و جهاز سكر، و اللي معاه جهاز ضغط في بيته يجيبه معاه النبطشية بالتبادل، بحيث كل نبطشية اتنين مختلفين يجيبو أجهزتهم عشان الأجهزة ميتمش استهلاكها.. لأن معظم أجهزة الضغط في الاستقبال بايظة، و أجهزة السكر اللي مع التمريض بتعلق و مش بنلاحق من الحالات ..

✅️ هتعلم إيه في الدورة دي؟

بالنسبالي، الدورة دي علمتني إزاي أتعامل مع المرضى و الريلاتيف و أهندل الضغط كويس، من غير ما أستنفذ طاقتي في خناقات مع ده و مع ده .. ده بجانب طبعًا الحالات المختلفة اللي قابلتها و روحت قريت عنها و عرفت ازاي اتعامل معاها .. هي دورة مفيدة، بس متعبة و مستهلكة .. حاول اليوم اللي قبل النبطشية تكون نايم كويس، و كله بيعدي بكرم ربنا ..

د. إنجي خضر
د. هشام ياسر
---------------------------------------------------

📍دورة الأطفال:

الأسبوع في دورة الأطفال بيتقسم كالتالي:

🔵 يوم العيادة:

- فى أكتر من عيادة بس ليهم جدول مش فاتحين كل يوم، أهم عيادة فيها أكبر استفادة العيادة العامة للأطفال، في بعدها عيادة التغذية.

- العيادة العامة في العيادات الخارجية بس التغذية والكبد والدم في القسم فوق وفي عيادات تانية شوفوا مواعيدها في الجدول.

🔵 الworkshop/ المرور:

- الworkshop:
دي المفروض موضوعات محددة في الخطة بتاعتهم، وكل أسبوع بيبقى في دكتور من القسم بيشرح الموضوع ده، فالاستفادة منها حسب الدكتور محضر الموضوع كويس ولا هيقوله في ٥ دقايق وخلاص.
أحسن حاجة علشان تستفيدوا فيها تكونوا قارين الموضوع ومجهزين الأسئلة اللي عندكم بحيث تسألوا وتعرفوا اللي عاوزينه.
غير كده ممكن تبقى ١٠ دقايق وإمضاء في الآخر وبس.

- المرور: المفروض بيكون في نفس يوم الووركشوب، بس محضرناهوش غير أول مرة بس، بعد كده الدكاترة ماكنتش بتبقى عاملة حسابها نمر معاهم، فلو عاوزين تمروا على الحالات في القسم رتبوا مع الدكتور من قبلها كويس.

🔵 يوم الحضانات و الرعاية:

- نفس الكلام اول يوم بس مرينا معاهم و شرحوا و بيجاوبوا، الباقي اجتهادات مننا بتدخل تسال عالحالة ايه و الفايل بتاعها ده لو مهتم او عايز تملي case..

-الدخول لازم ببالطو، و قسموا نفسكم لو هتدخلوا أقصى عدد ٤

- أغلب دكاترة القسم شايفين إننا مش هنستفيد أوي أو هنتعلم حاجة في الحضانات والرعاية فمن أول أسبوعين حددوا عاوزين منهم إيه علشان متشغلوش بالكم بيهم طول الدورة.

🔵 يوم النبطشية:

- الدكتور في النباطشية هو اللي بيشيل الحالات ممكن نساعدهم عادي بس لازم ترجعلهم في كل حاجة أغلب الأوقات.

- فى دكاترة بتسيبك تشتغل عادى و تشيل معاه.

- الاستقبال ما يستحملش اكتر من ٤ مننا.

✅️ هتعلم إيه في الدورة دي؟

- بتتعلم في الاستقبال ازاي تاخد هيستوري كويس لحالات طوارئ الأطفال، والتعامل مع معظم حالات الطوارئ وأشهر الأدوية والتحاليل وال Investigations اللي بتطلب، وكمان التعامل مع الأطفال اللي لسه مولودة، لو الدكتور رايح يشوف حالة ولادة روحوا معاه وشوفوا ال assessment لطفل لسة مولود وبنهتم نشوف إيه ونبص على إيه والأطفال اللي بينزلوا preterm أو distressed إيه ال management بتاعهم.

- هتشوفوا تركيب الكانيولا واستخدام المونيتور والڤيتلة للأطفال.

- في العيادة هتقابلوا أشهر حالات الأطفال اللي ممكن تقابل أي دكتور في أي مركز أو وحدة صحية، وهتعرفوا أشهر الأدوية ، وجرعاتها وازاي السن بيفرق في نوع الدواء والجرعة وهتكملوا تعليم هيستوري وبسأل على إيه وبركز مع إيه حسب الشكوى والأعراض.

- الحالات اللى بتتكرر
الحضانات »
jaundice
RDS
العيادات »
Gastroenteritis
Bronchitis
Bronchial asthma
Post nasal discharge
Pharyngitis
Anemia
UTI

الاستقبال
نفس العيادات +
Convulsions
Bronchiolitis
و حالات refer من أقسام تانيه زي الجراحة والعظام عشان تكتب جرعات الأدوية بناءا على وزن الطفل و هي بتتكرر بردو هتحفظوها مع الوقت.

- أهم الحالات اللي مفروض نكون عارفينها مع نهاية الروتيشن حسب كلام الدكاترة .
Jaundice
Gastroenteritis
Convulsions
Dka
Bronchiolitis

مصدر لقراية أساسيات أطفال الدكاترة رشحوا easy pedia
ما جربناهوش ..بس ممكن تجربوه أو تقروا من دكتور جايد عادى..

د. هاجر حمدي
---------------------------------------------------

📍دورة التخصص:

- المفروض قبل الدورة دي ما تبدأ، بنطلع لشئون الأطباء في المبنى الإداري الدور الرابع في يوم معين بيحددوه، و نسجل  أسامينا في التخصصات الموجودة بأسبقية الحضور ..

- حاولو تروحو اليوم ده بدري عشان تسجلو بدري، و ابعدو عن التخصصات دي قدر الإمكان عشان بيركزو مع الحضور (كلينيكال باثولوجي، نيورو سيكاتري، قلب و صدر، و صدرية)

- بيبقى فيه ٣ أيام حضور، و معظم الأقسام مبتركزش مع الحضور .. بس دي حسب كل قسم

- و النبطشيات داي بس، مفيش نايت

د. هشام ياسر
---------------------------------------------------

📌 سلسلة نظام الامتياز في بنها👇

📍نظام الامتياز و الحضور:
https://t.me/HeshamNotes/473

📍دورة الجراحة:
https://t.me/HeshamNotes/474

📍دورة النسا:
https://t.me/HeshamNotes/475

📍دورة استقبال و تخدير:
https://t.me/HeshamNotes/476

📍دورة الباطنة:
https://t.me/HeshamNotes/477

📍دورة الأطفال:
https://t.me/HeshamNotes/478

📍دورة التخصص:
https://t.me/HeshamNotes/479

بالتوفيق ❤️

كل سنة و انتم طيبين و بخير و رمضان كريم عليكم ♥️

📍How to deal with Cardiac arrest👇

⚠️⚠️ مبدئيًا، ده أخطر موقف هيقابلك في الاستقبال .. ف خلي المسدج دي معاك على طول، و اقرأها قبل كل نبطشية ..

"كريديت معظم الكلام ل د. أحمد إبراهيم م. م قلب و أوعية دموية، ربنا يجازيه خير ❤️"

يعني إيه arrest؟
يعني عيان قاطع نفس، صدره مبيتحركش، مفيش صوت نفس ولا ضربات قلب مسموعة بالسماعة، و أجي أحس نبضه سواء radial أو carotid ألاقيهم مش محسوسين..

العيان ده ممكن يكون كان عندك في الاستقبال من الأول و دخل في arrest، و وقتها بتبقى عارف هو arrested بقاله قد ايه ..

و ممكن يكون جايلك arrested من برا، فمبتبقاش عارف بالظبط بقاله قد ايه، بيبقى بالتقريب يعني حسب المسافة و بنسأل الأهالي بقاله قد إيه ..

👈 طيب ده هيفرق في إيه؟

في الprognosis، كل ما اتأخرنا في بداية الCPR كل ما زادت فرصة إن يحصل brain damage بسبب إن مفيش دم ولا أكسجين واصلين للمخ .. و لو فضل نص ساعة متعملوش CPR، بيدخل في Irreversible brain damage due to hypoxia .. و ملهاش لازمة نشتغل عليه (كده كده هنشتغل بس بنبقى عارفين إنه بنسبة كبيرة مش راجع)

👈 طب بنعرف منين العيان ده hopeless case ولا لأ؟

بنعمل corneal reflex و light reflex tests ..
لو لقينا absent corneal reflex, bilateral dilated fixed pupil .. غالبًا العيان حصله brainstem death و مش هيرجع

👈 تمام، طب دلوقتي عندنا عيان arrested نتصرف إزاي؟
Protocol of CPR:

call for help
مش هتقول code blue وكدا بس يعني قول الحقوني أريست، زمايلك هيجولك من الأوض التانية، و بتعمل call على دكتور القلب و دكتور العناية

طب على ما النواب ييجو، إزاي هنقسم نفسنا كفريق ونشتغل صح؟

كل ده هيتم في نفس الوقت:

👈 طبيب امتياز 1️⃣

يتواصل مع الأهل وياخد هستوري كويس قدام الأوضة
ويعرفهم إنه حصل توقف لعضلة القلب وبنعمل إنعاش قلبي رئوي
خد بالك الـ communication and counseling مهم جدًا
---------------------------------------------------

👈 طبيب امتياز 2️⃣

شغال chest compressions
فيه قواعد له تفرق في حياة العيان
Rate: 100-120 per minute
depth: 5 cm in adult
Site: Lower half of sternum

خطوات الchest compressions:
١- بقف على حاجة بحيث إن مستوى صدر العيان بيكون عند مستوى ركبتي

٢- بشتغل على bare chest، يعني لو العيان لابس حاجة بقطع الهدوم بمشرط

٣- بحط الnon-dominant hand فوق الdominant hand .. يعني لو أنا أشول، هحط اليمين فوق الشمال.. و أفرد دراعي و كوعي، بحيث إن كتفي يبقى مستواه directly فوق صدر العيان

٤- بنزل chest compressions و أنا محافظ على دراعي مفرود، و الحركة تيجي من الhip..
محركش كوعي ولا كتفي، لأ الupper body كله طالع نازل معايا على صدر العيان عشان أعمل effective chest compressions

المفروض بفضل مكمل كده cycle كاملة يعني 2 mins .. بس لو تعبت أشفت مع زميلي عشان أحافظ على كفاءة الcompressions..

Go hard, go fast زي ما شرحنا.
وخلينا فاكرين المعلومة الخطيرة دي:
“Chest compressions only have equal survival rate as standard CPR in initial resuscitation period”

يعني محدش يجري على التيوب ويوقف ال chest compressions
---------------------------------------------------

👈 طبيب امتياز 3️⃣

لو العيان intubated معاك الambu bag
بدي نفس كل ٦ ثواني
ومش أكتر من كدا عشان بيضر الحالة، و لو مش intubated بتقول للميس تجيب mask و ambu و تدي نفس كل ٦ ثواني برضه ..
مش هتفضل واقف كتير تنفخ هوا..

زميلك رقم 2️⃣ دا طالع عينه والمفروض تبدل معاه بعد سايكل واحدة أو لما يتعب عشان نحافظ على كفاءة الـ CPR ..
---------------------------------------------------

👈 طبيب امتياز 4️⃣

خليك هيد التيم لحد ما يجيبوا هيد 🧐:
- ركبي لاين يا ميس.

-قيسي الراندوم يا ميس.

-ركبي العيان على monitor

- الهستوري فيه إيه يا رقم 1️⃣

- بتبقى ماسك الtimer من أول الشغل، و بعد كل سايكل (دقيقتين يعني): assess patient
شوف المونيتور أو استخدم ال DC عشان تشوف الECG،
اسمع القلب وحس ال pulse

-بتقول للميس تدي أمبول أدرينالين كل ٣-٥ دقايق:
دي ممكن نسهلها شوية، كنا قولنا إن كل سايكل compressions بتبقى دقيقتين، ف ممكن نخلي الأدرينالين كل ٤ دقايق .. بحيث إني أدي أدرينالين سايكل أه، و سايكل لأ ..

- و منساش و أنا شغال في الحالة أدور على سبب الarrest كالتالي:
🔵 In a cardiac arrest situation, while doing CPR, Rule out the causes:
*4Hs, 4Ts*

*4Hs*:
-Hypoxia > O2 mask, ABG
-Hypoglycemia > RBS
-Hypo/Hyperkalemia > K+
-Hypothermia > Temp.

*4Ts*
-Tamponade > Focused Cardiac U.S
-Tension pneumothx > Auscultate chest
-Toxins > History
-Thrombosis > History of cardiovascular ds.

بيوصل دكتور الكارديو تسلمه كل دا
الهستوري، اشتغلنا كذا سايكل، وهكذا
هيحبك قوي ❤️

العيان اللي بيرجع بيكون رسم القلب حاجة من تلاتة:

1-ventricular rhythm: V tach or VF(ودي منها نوع اسمه torsade de pointes)
دا النوع الوحيد الي بياخد DC shock

اشحن
قول clear
كل الناس تبعد بما فيهم اللي على الأمبو لازم يفصله
ادي Shock
Everybody clear
Oxygen clear
I am clear
لسعنا؟
كمل CPR

2-brady/asystole : دا ملوش shock
كمل

3-pulseless electrical activity: دا فيه حاجة مرسومة بس مش سامع heart beats
كمل(فكر في Temponade, pneumothorax, pulmonary embolism, MI)


أخيرًا سؤال مهم؟
اشتغل في وجود أهل الحالة؟
خلينا نحاول نجاوب بشكل منطقي
في وجود عدد كبير في مساحة صغيرة مش هنقدر نتحرك بكفاءة وقرارك هيكون متأثر بوجودهم.
طيب هل نطلعهم كلهم برة؟
لو متاح ومفيش رفض يكون أفضل
مع وجود شخص للتواصل معاهم برة بيشرح.

طيب لو واحد موجود وبيشوف؟
دي طلعت حاجة مش وحشة عشان مهم يشوفك بتشتغل وبتبذل مجهود فلو حصل وفاة ميحصلش تصادم معاه او مع المرافقين التانيين.

ونقدر مشاعر الناس يا جماعة
ونحاول نفضل هاديين

الكلام بصوت واضح مسموع سواء بتبلغ هستوري أو بتقول خلصنا سايكل أو كلير أو اشتغل تاني أو RBS و هكذا

و دي فيديوهات لل chest compressions و تطبيق الteam work اللي اتكلمنا عليه في الCPR 👇

- How to do chest compressions:
https://youtu.be/rs3GOoBusOQ?si=LfexwseSzMxEEp1Y

- Advanced Life Support (CPR)
explained in Arabic:
https://youtu.be/C6wlJ6dtJUA

- Application of CPR in a real case scenario:
https://youtu.be/jQYHQr3ebLo?si=3JEt-L-FDC_d_zCj

بالتوفيق ❤️

----------------------------------------------------

📌 How to deal with a "psychic"
patient👇

مبدئيًا، مصطلح "psychic" ده بيتقال على الحالة اللي جاية تتدعي المرض لأي سبب كان، سواء زعلانة من أهلها أو خطيبها و خلافه .. و هو مصطلح غير طبي، بيُستخدم استخدام دارج للحالات اللي بتمثل انها حالات ..

اللي بيحصل إن الحالة دي معظم الدكاترة بتشخصها من و هي داخلة عليهم من باب الاستقبال من غير ما يفيتلوها كويس و بيتعاملو معاها بدونية و ده مينفعش خالص ..

مش معنى إن الحالة بتدعي المرض إننا نعاملها وحش، أو نحط كحول تحت الجلد أو في مناخيرها، أو نسحبلها ABG عشان نوجعها و نربيها!!

الكلام ده لا يمت للآدمية ولا الethics بصلة ..

حالة الدنيا ضاقت بيها و جايالك تقوم انت كمان جي عليها؟

مبدئيًا حاول تفوقها بالكلام، و بعد كده بالpainful stimulation (بغرض إني أفوقها و أشوف وعيها مش أعذبها)، و أفيتلها كويس، و أخد هيستوري منها و من اللي معاها ..

👈 عندي هنا سيناريوهين:

1️⃣ لو الحالة فاقت و مستقرة، تعالى على جنب و اسألها حد مزعلها أو حاجة، لو لقيتها عيطت و قالتلك أه .. اتكلم معاها و هديها و ابعد الشخص اللي مضايقها عنها دلوقتي، هي حلها reassurance مع مهدئ زي avil ..

و طبعًا متعرفش أهلها إن هي بتستهبل أو بتدعي المرض عشان بعد كده لما تتعب بجد ممكن ميجبوهاش ..

2️⃣ بالفرض الحالة جيت أفوقها مبتفوقش، أو الفيتلة مش كويسة، أو اديتها avil و لسه مش كويسة؟

أكلم نايب النفسية و العصبية ييجي يشوفها عشان ممكن تكون psychogenic.. ايه الفرق؟

الحالة الpsychogenic بيبقى عندها psycho-somatic effect يعني المرض النفسي عامل تأثير جسدي حقيقي عليها .. مش بتدعي المرض ولا حاجة ..

فرجاءً، مراعاة التعامل الآدمي و التصرف الصحيح مع جميع الحالات، لو بتدعي المرض خليك رؤوف بيها، و لو مريضة بالفعل كلم النايب عشان يعملها اللازم ..

----------------------------------------------------

📌 Videos for ECG, X-rays, and
CT interpretation👇

📍How to interpret ECG:

👉 in 30 mins:
https://youtu.be/XNXVGAneSyk?si=VJbS_06CZZ0uYMSj

الفيديو القصير ده فضلت معتمد عليه فترة في قراءة الECG، بيعرفك تبص على إيه في الطوارئ على طول ..

👉 in 3 hours in Arabic, more detailed and simple illustration:
https://youtu.be/d73vTYoNkhM?si=2dJhEp6B6RZ4zXsc

و ده فيديو ثقة، مفصل أكتر و شارح كهربة القلب من الأول ف حلو جدًا للناس اللي حاسة إنها مش ملمة بالECG و عايزة تأكد على أساسياته ..
---------------------------------------------------

📍How to interpret Chest x-ray:

👉 Dr. Swilam in 1:20 hrs:
https://youtu.be/52MSRBZSHio?si=Kh59KjL8PaUQf3E1
---------------------------------------------------

📍How to interpret Abdomen x-ray:

👉 Dr. Allam in 15 mins:
https://youtu.be/f10UQMsfwUw?si=ucx3K-8ieFk_lZ2t
---------------------------------------------------

📍How to interpret CT Brain:

👉 Dr. Swilam in 1 hour:
https://youtu.be/ulgkjsiUc7s?si=paIL1W95XPAf5IK8
---------------------------------------------------

📍How to interpret CT Chest:

👉 Dr. Mohamed Abdelghaffar:

https://youtube.com/playlist?list=PLqP0T4-LxmFzhBGca7icirMHCuiLfaFb-&si=0tK82-Ao66iqTMMr

https://youtu.be/TCTQmv4tQug?si=K1zKM73BOlJ32nTq

و ده فيديو للpulmonary edema عشان مش في الplaylist فوق
---------------------------------------------------

📌 Videos for Hand Skills👇

📍How to insert a cannula (in    
     Arabic):

https://youtu.be/_XhDMtTQruI?si=mnBNQ6SNjPgaFG98
---------------------------------------------------

📍How to insert a urinary
catheter:

👉 Male (in Arabic):
https://youtu.be/YnjAXc7B2mA?si=3wHW1AdfAh1s-SMH

👉 Female (in Arabic):
https://youtu.be/VAwKWqJSXjw?si=oxb0H_Sx4K66TYtk
---------------------------------------------------

📍How to take ABG (in Arabic):

https://youtu.be/MhCrMhQFNIo?si=2SuU5ASrCMnLuIg3

https://youtu.be/narqCoAlSWk?si=Cn9x3fHA52Wl2OCI
---------------------------------------------------

📍How to insert a Ryle or NGT
(in Arabic):

https://youtu.be/SfiuYrFySUA?si=KEFQB-lm2AV4E3md

https://youtu.be/CQjTE72rOxk?si=W3Jnv2tDkKSsQUjH
---------------------------------------------------

📍How to insert an
Endotracheal tube:

https://youtu.be/pXjyeHMYqUI?si=5NqNl18agzkW9U33
----------------------------------------------------

----------------------------------------------------

📍Your Ultimate Guide to be a
good medical intern (part 1)👇

❇️ Intro:

سنة الامتياز عندنا بتتقسم ل6 دورات، بنقضي في كل دورة شهرين (مش عارف نظام السنتين هيمشوه ازاي، بس هي نفس الدورات يعني)

الدورات بتتقسم ل 3 دورات فيهم شغل و هما: باطنة و جراحة و"استقبال و تخدير أو طوارئ في بعض الجامعات"
و 3 دورات خفاف نسبيًا و هما: نسا و أطفال و تخصص

كل دورة فيهم بيبقى فيها نبطشيات و أيام حضور عادية (سواء في القسم أو العمليات أو العيادات و كنت اتكلمت قبل كده عن نظام الحضور في بنها و إزاي تستفيد من كل دورة في المسدج دي: https://t.me/HeshamNotes/480 ) ..

إلزام الحضور بيبقى على حسب القسم مشدد و لا لأ، و في العموم الحضور مفيهوش skills معينة لازم تكتسبها .. انت بتحضر و تتعلم بالdiffusion يعني في الأغلب، بس القراءة هتخليك فاهم أكتر و ملم باللي بتحضرله أكيد ..

الحضور مهم عشان تاخد فكرة عن التخصصات المختلفة، و تحكم على التخصص بعد ما تجربه و تشوف شغله و تسأل الدكاترة اللي فيه..

اللي محتاج skills و مذاكرة منك و مسئولية عليك هي النباطشيات و دي اللي هركز عليها في كلامي في ال3 دورات اللي فيهم شغل: باطنة، جراحة، استقبال و تخدير أو طوارئ ..

📍Your Ultimate Guide to be a
good medical intern (part 2)👇

● نبطشيات الجراحة و الباطنة:

نفس الشغل يعتبر، مع اختلاف الrate: بيبقى أعلى كتير في الباطنة و بيضطرو في بنها يحولو الحالات اللي ملهاش مكان على الجراحة .. عشان كده استقبال الجراحة في بنها أغلب حالاته باطنة..

👈 طب أنا دوري إيه كطبيب امتياز؟
هل دوري إني أشخص و أكتب روشتات و أقرر المريض يمشي و لا يتحجز؟
لأ خالص، دي مسئولية النايب ..

انا دوري كطبيب امتياز إني أبقى good informer للنايب، عن طريق إني أخد history كويس و أقيس vitals كويس و أعمل examination كويس (لو عارف) .. و أبلغ ده للنايب، و النايب يعرفني الفحوصات اللي تتطلب للحالة و أبقى حلقة وصل بينه و بين الحالة .. ماخدش أي إجراء غير لما أعرف النايب .. و ممشيش حالة من غير ما أعرفه برضه ..

👈طب إزاي أعمل الحاجات دي؟

1️⃣ History taking:
https://t.me/HeshamNotes/466
https://t.me/HeshamNotes/448

دي سكيمة و ملاحظات في الhistory taking، هتخليك تاخد history كويس في العموم ..
بس بيبقى فيه أسألة معينة بنسألها في كل مرض، بنسميها target questions زي مثلًا حد جي بepigastric pain فأسأله عن history of NSAIDS intake باعتبار انها ممكن تعمل gastritis ..

من الحاجات المفيدة في الtarget questions دي كتاب Doctor's Guide .. بس متاخدش منه أكتر من الhistory، لأن كلامه في الmanagment مش موثوق ..

2️⃣ Vitals & Examination:
https://t.me/HeshamNotes/310
https://t.me/HeshamNotes/312

الvitals اتسمت vitals for a reason .. مهم إني أخد vitals كاملة من العيان مش مجرد ضغط و pulse بس ..
و ساعات الvitals بتتقاس قبل الhistory حتى، و ده لو عيان جايلك حالته severe ..
و فيه نقطة مهمة، قيس الpulse بإيدك متاخدوش من قراية الpulse oximeter عشان مبيبقاش دقيق أوي في الpulse و كمان مش هيعرفك الrhythm منتظم و لا لأ.. لكن بإيدك هتعرف، و لو مش منتظم اعمل ECG عشان نستبعد AF ..

و الexamination بشوفله فيديوهات و أشوف النايب و هو بيعمله كام مرة، و أتعلم منه و أعمله بعد كده .. و لو مش متأكد من أي حاجة سواء history, vitals, exam بقول للنايب عادي عشان ممكن ييجي يعيده و يتأكد ..

3️⃣ Informing the resident > investigations, TTT > Plan of patient (Discharge, admission, or refer)

بكده إحنا بقى معانا case scenario نقدر نبلغ بيه النايب ..

بعد ما النايب يطلب الفحوصات و يكتب العلاج للحالة، بيحدد الplan of pt. هل الحالة تمشي، ولا تتحجز، ولا محتاجة حجز بس ملهاش مكان فتتحول .. لو هتتحول، بيكتبلها جواب refer و الحالة بيبقى ليها دور، لما ييجي دورها بتطلع تتحجز فوق .. أو ممكن الحالة تاخد جواب الrefer و تروح مستشفى تانية زي الأميري مثلًا لو فيه مكان هناك ..
بس معظم الحالات بتقعد معانا في الاستقبال تستنى دورها على ما ييجي، و طول ما الحالة قاعدة معايا بتابعها ..


👈 طب هل أنا دوري هيقتصر على ده طول فترة الامتياز؟
مش هتعلم الmanagement بتاع الحالات إيه؟

أكيد هتعلم، و التعليم هنا بيبقى خليط بين القراءة و نزول الاستقبال ..

👈 طب أقرأ منين؟

1- KA Medical Notes:
https://t.me/+Tod1h9Jlcog5MWU0

الchannel دي عاملها د. خالد عبد الصادق نايب باطنة عامة، لازم تكون عند أي دكتور بجد خصوصًا الامتياز و الGP
شارح المعلومة بطريقة كويسة جدًا، و بيقول ازاي تتعامل مع الحالة في الاستقبال، و من مصادر موثوقة زي Uptodate و Medscape و Oxford و غيرهم .. متنساش تبص على الرسالة المثبتة، هي فهرس القناة .. و هتلاقو فيها الbasics زي ازاي تتعامل مع حالات الاستقبال الcommon و في نفس الوقت الRandom Medical Notes فيها مليانة جواهر و تفاصيل جميلة بجد، خلوها جزء من يومكم هتفيدكم كتير .. ابدأو الموضوع واحدة واحدة بس و متتخضوش من حجم القناة، ممكن اقرأ موضوع صغير كل يوم، مش هياخد نص ساعة ..

2- Hesham’s Notes:
https://t.me/HeshamNotes

دي الchannel بتاعتي، عملتها من أول سنة الامتياز .. بشرح فيها إزاي تتعامل مع الحالات في الاستقبال، و المواضيع الطبية اللي محتاجها في الامتياز بطريقة منظمة نوعًا ما و من مصادر موثوقة زي Uptodate, Oxford Emergency, NCBI و غيرهم ..

و بسجل الحالات اللي قابلتني و اتعاملت معاها ازاي من أول الhistory لحد الmanagement ..
متنساش تبص على الرسالة المثبتة، هي فهرس القناة ..

الchannels دي هتلاقي فيها معظم اللي هتحتاجه في الأول، و لو عايز تبحث عن حاجة ابحث عليهم الأول عشان هيسهلو عليك كتير .. و لو ملقتش اللي عايزه عليهم هقولك تبحث فين دلوقتي ..

3- Other resources for medical information:
ده في حالة إنك دورت على معلومة في القنوات فوق و ملقيتهاش، أو عايز تدور في العموم و تعلي الresearch skills عندك فالمسدج دي هتفيدك جدًا:
https://t.me/HeshamNotes/460

📍Your Ultimate Guide to be a
     good medical intern (part 3)👇

● نبطشيات الجراحة و الباطنة: continued

🔵 Common Surgery Cases:
Renal Colic
Acute Appendicitis
Acute Pancreatitis
Acute Cholecystitis
I.O
دول من أشهر حالات الجراحة و تلخيصهم موجود في الرسايل دي:
https://t.me/HeshamNotes/50
https://t.me/HeshamNotes/321


🔴 Common Medical Cases:
Abdominal pain
Vomiting
Diarrhea
Gastroenteritis
M.I
DKA
AKI
Dizziness

و دول من أشهر حالات الباطنة و هتلاقي شرحهم و تطبيقه على الحالات في الرسالة المثبتة عند د. خالد و عندي:
https://t.me/KA_MEDICAL_NOTES/3
https://t.me/HeshamNotes/347

🟢 ECG, X-rays, CT interpretation:
https://t.me/HeshamNotes/488

فيديوهات بسيطة عشان تعرف تقرا الECG و الأشعة

🟠 Hand skills videos:
https://t.me/HeshamNotes/489

فيديوهات بسيطة عشان تتعلم الhand skills زي تركيب الكانيولا و القسطرة و غيرهم ..

📍Your Ultimate Guide to be a
good medical intern (part 4)👇

● نبطشيات استقبال و تخدير/ طوارئ:

الدورة دي بتتقسم عندنا في بنها ل 3 أقسام وهما الstitches, trauma, arrest .. هنتكلم عن كل واحدة فيهم ..

1️⃣ الarrest:

دول بيبقو أوضتين عندنا واحدة فيها 6 سراير و التانية فيها 4 .. الحالات زي حالات الباطنة بس acute زي الDKA و الsevere hypotension ..

لو حالة لسه جايالك جديد بتشتغلها نفس شغل الباطنة العادي اللي قولناه فوق و تبلغ النايب بيها ..

لكن معظم الحالات بيبقو موجودين في الأوضة أوريدي و انت بتستلمهم من زميلك، و هنا أهم نقطة .. تسليم و استلام الحالات كويس ..

⚠️ حالات اوض الarrest حالات vital ليهم أدوية و فحوصات في وقت معين، و لو متعملتش ممكن العيان يدخل مني في arrest بسهولة .. عشان كده لازم يبقى فيه system بستلم و بسلم بيه الحالات .. بحيث ابقى عارف العيان ده عنده ايه و ايه اللي اتعمله و ايه اللي المفروض يتعمله و أرتب العيانين من الأكثر للأقل خطورة عشان أحدد هتابع مين فيهم بشكل مكثف أكتر ..

و ده template كنت عامله لاستلام حالات الarrest بحيث إن الحالات تبقى في ورقة واحدة أو ورقتين بالكتير قدام عينك بالفيتلة بتاعتها:
https://t.me/HeshamNotes/468

تاني نقطة مهمة هي متابعة الvitals بتاعت العيان، بتعرف من زميلك الحالة severe و محتاجة متابعة كل شوية ولا ممكن كل ساعة أو ساعتين لو الدنيا مستقرة .. الأسهل إنك توصل العيانين على الmonitor مرة واحدة، و هي هتقيسلك ضغط و pulse و O2 sat ..

هتقيس انت السكر بس و تشوف الurine output لو العيان مركب قسطرة .. بس خلي بالك لو العيان hypotensive و متابعة الضغط شيئ أساسي فيه، الأحسن إنك تقيس الضغط manually عشان الأجهزة مش دقيقة أوي ..
و بتفضل تتابع الحالات لحد ما تسلمها.

⚠️ طب لو لا قدر الله حالة دخلت في arrest أعمل إيه؟

هتلاقي شرح إزاي تتعامل مع حالة الarrest في الرسالة دي:
https://t.me/HeshamNotes/482


2️⃣ الTrauma:

من اسمها دي أوضة الحوادث، أي حد عمل حادثة RTA (Road Traffic Accident) أو fall from height بسمي العيان ده عيان polytrauma و بعمله أشعة على جسمه كله فيما يُعرف بالsurvey .. بس أي isolated trauma زي head trauma أو F.B ingestion بيجيلنا الأوضة برضه ..

طيب، فيه حاجة اسمها Trauma Survey المفروض إننا بنطبقها على المريض، بتتقسم لprimary, secondary survey .. معظم الدكاترة بيعملو الsecondary survey بس اللي هي الأشعة اللي محتاجها العيان و ينسو الprimary مع انه الاهم و ليها الاولوية ..

⚠️ الprimary survey هي الABCDE Approach .. و ده approach بstabilize بيه الحاجات اللي ممكن تموت العيان بترتيب خطورتهم من أول الA: Airway لحد الE: Exposure .. و ده غاية في الأهمية و life-saving للعيان ..

و بعد ما أخلصه بعمل الsecondary survey و أطلب الأشعة اللي محتاجها للعيان

و هتلاقو شرح الTrauma Survey بشكل تفصيلي بمثال هنا:
https://t.me/HeshamNotes/367
https://t.me/HeshamNotes/384


و لو عيان دخل مني في arrest أو جايلي من برا arrested هتعامل معاه زي ما قولنا في الarrest

فيه ملحوظة مهمة في الأوضة دي، بيبقى فيها حوالي 6 سراير .. و معظمهم بيبقى عليهم حالات مترفرة عمليات و مش محتاجة متابعة .. بس ممكن الحالات دي تكون diabetic or hypertensive أو عندها أي co-morbidities محتاجة متابعة ..

و لأن الtrauma فيها monitors، ف لو مفيش سرير فاضي في أوضة الarrest .. العيانين بيروحو أوضة الtrauma و يتوصلو بالmonitors على ما يتحجزو ..

طب ليه بنقول الكلام ده؟

لأن معظم الناس بتتعامل مع حالات التروما على إنها حالات مستقرة و مش محتاجة متابعة و ده مش صحيح، طول ما انت موجود في الأوضة انت مسئول عن الحالات اللي فيها .. عدي على كل سرير و اعرف محجوز بإيه و بيتعالج من حاجة ولا لأ .. أغلبهم هيطلعو مستقرين و هتفيتلهم كل ساعتين مرة مثلًا .. بس ممكن حالة أو اتنين يطلعو vital و محتاجين متابعة بشكل دوري .. عشان متبقاش قصرت في شغلك، أي حالة في الأوضة اللي انت فيها مسؤولية عليك ..

3️⃣ الStitches:

تعتبر أقل أوضة كطوارئ في التلاتة، بس مشكلتها تزاحم الأهالي و الطلبة اللي بالنسبالهم الخياطة skill مش محتاجة مذاكرة أو معرفة سابقة فبيلاقو نفسهم فيها ..

لو الدنيا مش زحمة أوي، خلي الناس تقف تتعلم عادي و يوزعو نفسهم .. بس لو الأوضة اتزحمت أوي مبيبقاش فيه مكان نشتغل و التمريض بيمتنع عن الشغل ف نفهم زمايلنا يفضو الأوضة عشان نعرف نشتغل و يبقو يرجعو في وقت تاني .. و الأهالي نفهمهم بالراحة يستنو برا و مرافق واحد مع كل حالة، و لو الدنيا مبتهداش نجيب الأمن ينظم الدنيا شوية ..

📍Your Ultimate Guide to be a
good medical intern (part 5)👇

● نبطشيات استقبال و تخدير/ طوارئ: continued

زي ما قولنا الخياطة مش طوارئ أوي، إلا لو artery بينزف أو حاجة بكلم نايب الجراحة ييجي يتصرف .. احنا بنخيط simple sutures و ممكن mattress و نفتح abscess .. أي حاجة زيادة متدوسش فيها إلا و انت متعلمها كويس .. أي جرح شايفه صعب عليك خصوصًا لو في حتة ظاهرة متغامرش لو سمحت و كلم نايب أو حد skilled عنك ييجي يخيطه هو ..

و هتلاقي شرح إزاي تتعامل مع العيان في أوضة الخياطة و إزاي تخيط عمومًا في الرسالة دي:
https://t.me/HeshamNotes/356

📍Your Ultimate Guide to be a
good medical intern (part 6)👇

● شوية Ground Rules كده نتعامل بيهم في الاستقبال:

👈 في النبطشية، بنيجي قبل معاد البصمة بحوالي (ربع - نص ساعة) عشان نلحق البصمة من ناحية، و عشان نقسم السراير و نستلم الحالات كويس من اللي قبلنا و منأخرهمش.

👈 نراعي في التقسيم حالات الحجز، و دي الحالات اللي بتبقى خلصت كل حاجة و مستنية سرير يفضى في القسم عشان تطلع تتحجز، ف نقسم الحالات دي على بعض عشان ميبقاش حد سرايره كلها حجز فميشتغلش و التاني سرايره كلها حالات فيبقى مضغوط.

👈 لما نستلم حالة، نخلي زميلنا اللي سلمهالنا ييجي قدام الحالة يعرفهم إن الشيفت بتاعه خلص، و إن زميله الدكتور فلان هيتابع معاها، دي حاجة بروفشنال و هتكبرك انت و زميلك في نظر العيان.

👈 لما أدخل على حالة، أسلم عليها و أعرفها بنفسي .. أنا دكتور فلان و هتابع حالتك .. عشان بعد كده لو احتاجك يسأل عليك باسمك، ميقولش لزمايلك الدكتور أبو نضارة اللي كان لابس اسود و خلافه ..

👈 مينفعش بأي حال من الأحوال، أدخل مع زميلي و هو بياخد هيستوري أو بيفيتل أو بيعمل exam للحالة و أتكلم و أعدل عليه قدام الحالة .. دي قلة تقدير لزميلك و بيخليه يسقط من نظر الحالة .. لو عندي تعديل، بسكت خالص لحد ما نخرج أنا و هو بعيد عن الحالة و أكلمه فيه ..

👈 مينفعش برضه أحضر نبطشية مش نبطشيتي من غير ما استأذن ليدر الجروب أو شخص أعرفه في الجروب، و أخد permission منه إني أحضر معاهم سواء كobserver أو أشتغل و أشيل سرير، و يُستحسن نسيب الناس في أول كل سايكل يشتغلو لوحدهم على ما يتعودو على الشغل و بعد كده نستأذنهم و نحضر معاهم ..

👈 اتصل بالنايب مرة و اتنين، لو مردش و الحالة طوارئ متستناش، روح للمشرف خليه يتصلك عليه.. لو مردش على المشرف هو تلقائي هيعمل call عليه.

👈 لو هتسيب الاستقبال و تروح تصلي أو تعمل حاجة، حاول تختار وقت مناسب و سلم الحالة لزميلك و عرفه عملت ايه و مستني إيه، بحيث لو الحالة احتاجتك هو يتصرف على ما انت ما تيجي. لو معملتش كده، أول ما الحالة ما تسأله عليك هيتصل بيك عشان تجيلها.

👈 الحالة السايكك يا شباب نتعامل معاها كويس و هتلاقو شرح إزاي نتعامل معاها في الرسالة دي:
https://t.me/HeshamNotes/486

👈 لو في حالة دخلت في Arrest، طالما حالتك مش خطيرة لدرجة إنها تدخل في arrest، سيب اللي في إيدك و روح اشتغل على الحالة.. لو لقيت عدد كافي هناك ابقى ارجع لحالتك.

👈 أكبر مشكلة هتقابلك في الاستقبال هي عدم وجود سراير فاضية للحالات، و الحالات هتيجي تشتكيلك و يتخانقو معاك. كلمهم بالذوق و اشرحلهم الوضع، و لو حالة كبيرة قعدها على كرسي، و لو مستجابوش قولهم يروحو للمشرف.

👈 لو حالة ملهاش سرير، ممكن تاخد history و vitals لو الاستقبال فيه مجال لده على ما سرير يفضى، و لو حالة تعبانة أوي و serious ممكن تستأذن حالة انك تكشف على سريرها و ترجعها تاني (لو هتعملها ECG مثلًا)

👈 الريلاتيف بيبقى جي مشحون عشان شاكك في الخدمة الطبية اللي بتتقدم و ملهوف على الحالة اللي معاه، قدر ده و لو لقيت ريلاتيف بيزعق روح شوف الحالة اللي معاه قاعدة على أنهي سرير و خليه يجيب تذكرة استقبال و على ما ييجي شوف السرير ده مع مين من الدكاترة و عرفه إن عليه حالة، أو لو انت فاضي نسبيًا اشتغل الحالة خصوصًا لو خطيرة.. و معظم الريلاتيفز مجرد ما تشتغل حالتهم بيهدو و يعتذرو على عصبيتهم ..

👈 تحملك لعصبية الريلاتيف بحدود برضه، أي تطاول عليك متسكتش عليه، و عرف الريلاتيف يتكلم كويس و لو الكلام مجابش نتيجة، روح قول للمشرف و هو هيتصرف معاهم أو خلي الأمن يجيلهم.

👈 الحالات نبلعلها مرة و اتنين و تلاتة لو كانو عصبيين، نستحملهم أكتر من الريلاتيف .. و لو حالة اتعصبت عليك كلمها بالراحة و عرفها إيه اللي في إيدك تعمله و إيه اللي في إيد الإدارة (زي إجراءات الحجز و خلافه)، لكن لو تطاولو عليك و الموضوع جه على كرامتك خد موقف ..

👈 نفس الكلام مع النواب، بنقدر إن النايب تحت ضغط شغل و ممكن يصدر منه كلام بعصبية أو نرفزة لكن لو تطاول عليك هو أو زميل ليك، كلمهم بعيد عن الحالة في إن ده مينفعش و أغلب النواب كويسين و مش قصدهم ..

👈 متشيلش شغل النايب، لو نايب قالك أنا طالع أنام و لو جت حالة اتصرف انت و متكلمنيش و خلافه متعملش كده و متتصرفش من دماغك .. الحالات مسؤوليته هو مش انت، ولو حالة missed منك و مشيتها و حصلها حاجة ذنبها في رقبتك ..

👈 متبصش بدونية لزميلك الأصغر منك، خصوصًا دفعتين الامتياز اللي مع بعض دلوقتي .. دفعة 6+1 مش أحسن من دفعة 5+2 في حاجة، انتو الاتنين امتياز .. ولو شايلين شغل مع بعض في النبطشية فكلكو سواسية و بتتعلمو مع بعض .. و زمايلكو الأصغر لما يقفو معاكم يتعلمو، طولو بالكم معاهم و اشرحولهم بتعملو ايه .. كلنا بنساعد بعض، و اللي بتعملو مع غيرك هيتردلك ..