كنت بحضر في Neonatal ICU، و كان فيه طفل preterm و داخل في respiratory distress و محتاجين نركبله endotracheal tube .. النايب جه يسمع صدر الطفل بعد ما الtube دخلت، سمع صوت عياط الطفل.. فقال إن الtube دي مقاسها صغير، ليه؟

لأن المفروض إن الtube بتعدي بين الvocal cords، و بتمنع تلامسهم .. فمعنى إني سامع صوت عياط الطفل، إن الtube دي صغيرة و الvocal cords لامسين بعض و مقاس الtube صغير ف فيه هوا معدي حوالين الtube أثناء الexpiration و رايح على الvocal cords يعملهم vibration و مطلعين صوت العياط ..
فبدلها بtube مقاسها أكبر، و صوت العياط اختفي فعلًا ..

الطفل ده كان داخل في RD .. عشان معندوش surfactant اللي بيحافظ على الalveoli مفتوحة، فبالتالي بيحصلها collapse .. الحل اننا بنركبله tube و نحقن فيها surfactant و عن طريق الambu bag بنضخ الsurfactant ده عشان يوصل الalveoli و يحافظ عليها مفتوحة .. و فعلًا بعدها الO2 sat ظبط ..

----------------------------------------------------

📍Random Medical Notes #6:
"Where to search for medical info?" 👇

بالنسبة للvaccines باخد معلوماتي من الWHO و لو ملقتش اللي بدور عليه بشوف الCDC:
(Centers for Disease Control and Prevention)

لكن في العموم، باخد معلوماتي من المصادر دي:

1️⃣ UptoDate:

👈 ده موقع بيجمع خلاصة الأبحاث اللي اتعملت في موضوع معين و من اسمه بيبقى updated باستمرار، هو ساعات بيبقى مستفيض اوي فبقرأ صفحة الsummary اللي في الاخر أعرف الخلاصة.. ليه subscription (بس مفتوح free للدول النامية، مش عارف إزاي مصر مش معتبرها منهم يعني) بس فيه طريقة كده عشان نستخدمه free (لحد ما ربنا يرزقنا و نقدر نشترك):

👈 هندخل على اللينك ده:
https://tdirectory.me/bot/searchbox_sciencebot.dhtml
و ندوس start، هيفتلحنا telegram bot، ندوس على الmenu و نختار search .. و نبحث عن الموضوع اللي عايزينه، هينزلهولنا pdf .. لينا limit كل يوم حوالي ٥ pdfs بس .. و فيه طرق تانية بس دي اللي بستخدمها يعني
---------------------------------------------------

2️⃣ Medscape:

(free content and very reliable)
---------------------------------------------------

3️⃣ Statpearls - NCBI Bookshelf:

(free content)
بحب فيه انه بيعرض الموضوع بشكل vertical زي ما بندرسه، من اول الintro لحد الtreatment، و reliable برضه
---------------------------------------------------

4️⃣ Text books:

زي Oxford Emergency, Clinical handbooks، و بتعرض المعلومات بشكل مختصر و reliable برضه ..
---------------------------------------------------

5️⃣ Other sources:

لو مش لاقي إجابة للسؤال اللي عندي في المصادر دي، ببحث على google أو ممكن pubmed لحد ما أوصل لpaper في journal كويس و reliable و أخد منها المعلومة ..
ممكن نبقى نتكلم في مرة تانية عن إزاي نعرف هل الpaper كويسة و reliable ولا لأ ..
---------------------------------------------------

بس كده ..

⚠️ أهم حاجة، منكبرش الموضوع على نفسنا، مش لازم أجيب جدر المعلومة في كل حاجة تقابلني، و من كل المصادر دي .. أنا مبستخدمهمش كلهم كل مرة..

لو انا انترستد او الموضوع يستاهل أدور عادي .. و البحث بشكل عام مهارة مكتسبة، و لازم تبقى عندنا .. عشان نتعود ننتقد المعلومة و ندور على أصلها و نجيبها من مصدر evidence-based .. مش كل حاجة ناخدها انها مسلم بها ..

و بالتوفيق ❤️

----------------------------------------------------

📍Random Medical Notes #7:
"سكة سفر" 👇

مساء الخير يا جماعة،
هتكلم النهاردة عن بعض طرق السفر المشهورة للدكاترة:
(PLAB, MRCS, MRCP, USMLE)

1️⃣ PLAB:

📍امتحان المعادلة البريطانية لممارسة الطب

📍معمول للطلبة اللي درسوا برا انجلترا و سويسرا و دول الاتحاد الأوروبي، عشان يعادلو مستواهم بمستوى الدكتور اللي داخل تاني سنة امتياز في انجلترا (الامتياز عندهم سنتين FY1, 2) ..

📍 الامتحان عبارة عن 2 parts:
Part 1: MCQ بنمتحنه في مصر
Part 2: OSCE بنمتحنه في انجلترا

📍 ‏بعد ما تعدي PLAB، بتسجل في الGMC: General Medical Counsil، و يبقى معاك تصريح مزاولة الطب في انجلترا، مبروك ..

📍بعد كده بتقدم على وظايف في انجلترا، فيه منها service job يعني وظيفة بدون training مبتترقاش فيها، و فيه training job زي النيابة كده بتترقي فيها لحد ما توصل استشاري ..

📍 بتقدم على الservice job عشان يبقى عندك experience في النظام الصحي هناك NHS و تتقبل في الtraining job .. أو ممكن تتقبل في الtraining من الأول، بس ده صعب و الموضوع تنافسي جدًا

🟢 مزايا الPLAB:
هتخلصها و تسافر بدري، و تقدر تقدم على أي تخصص براحتك

🔴 عيوب الPLAB:
غالية عشان PLAB 2 بتسافر تمتحنه في انجلترا، و ممكن متعديش فيه من أول مرة ف التكلفة بتزيد أكتر.
---------------------------------------------------

2️⃣ MRCS:

📍زمالة الكلية الملكية للجراحين في انجلترا

📍 لما بتنجح في امتحاناتها بتبقى عضو للكلية الملكية للجراحين و مؤهل تدخل speciality training خاص بالجراحة في انجلترا

📍الMRCS بيبقى 2 parts:
Part 1: MCQ, Part 2: OSCE
و الاتنين بتمتحنهم في مصر ..

📍و لما بتنجح، بتسجل في الGMC، و تقدر تقدم على أى وظيفة مش شرط جراحة!!

👈 و ده بيخلي ناس تلجأ للMRCS بدل PLAB، ليه؟
لأن الMRCS بتمتحنه كله في مصر، بعكس PLAB 2 اللي بتمتحنه في انجلترا.. فهو حل مناسب للناس اللي عندها جيش و مش هتعرف تسافر و تكلفته أقل

📍طب ازاي يبقى معايا MRCS و أقدم على تخصص مش جراحي؟
هي الفكرة كلها في الGMC registeration .. مجرد ما تسجل، انت كده معاك رخصة المزاولة، تقدر تقدم على الوظايف براحتك بغض النظر عن الطريقة اللي خدت بيها الGMC ..

⚠️بس بتبقى نقطة سلبية بعد كده لما تيجي تحضر زمالة مختلفة في تخصص و انت معاك MRCS .. لأن كده بالنسبالهم انت معاك زمالتين في تخصصين مختلفين

🟢 مزايا الMRCS:
أرخص من PLAB و تقدر تخلصها كلها و تعمل GMC Registeration و انت في مصر، و بترقيك أخصائي جراحة في الصحة ..
و لو عايز تخصص جراحي في انجلترا (مع انه تنافسي)، ف الMRCS هتختصرلك أول سنتين في النيابة هناك و تبدأ من تالت سنة على طول

🔴 عيوب الMRCS:
أصعب من PLAB، و لو هتاخدها مجرد خطوة لدخول انجلترا و من هناك تحضر زمالة في تخصص تاني، بتبقى نقطة سلبية في الCV زي ما قولنا
---------------------------------------------------

3️⃣ MRCP:

📍 زمالة الكلية الملكية للphysicians أو دكاترة الباطنة يعني

📍لما بتنجح في امتحاناتها بتبقى عضو للكلية الملكية للphysicians و مؤهل تدخل speciality training خاص بالباطنة و تخصصاتها في انجلترا

📍الMRCP امتحانها عبارة عن 3 Parts:
Part 1,2: MCQ في مصر
Part 3: OSCE "Paces"
ده في أماكن معينة في كذا دولة، بس مصر مش منهم

📍و لما بتنجح في ال٣ أجزاء، بتقدم على الGMC Registeration و يبقى معاك الرخصة ..

📍صعب حد يحضر MRCP و ميشتغلش في تخصصات باطنية، لأنها صعبة و مكلفة، ف دي مش من السكك المختصرة لانجلترا ..

🟢 مزايا الMRCP:
لما بتخلصها بترقيك أخصائي باطنة في الصحة (و لو هتاخد تخصص باطني في مصر، ممكن تذاكرها مع الماستر)، و بتختصرلك أول سنتين من نيابة التخصصات الباطنية في انجلترا و تبدأ من تالت سنة على طول.

🔴 عيوب الMRCP:
مشكلة الMRCP إن Part 3 أو الPaces ده ليه أماكن محدودة على مستوى العالم، لدرجة إن فيه ناس خلصو Part 1, 2 من فترة و مش عارفين يمتحنو Paces ..
مش عارف حلو المشكلة دي ولا لأ ..
و هي أصعب من الMRCS و الPLAB، و مكلفة عن الMRCS
--------------------------------------------------

4️⃣ USMLE:

📍اختبار مزاولة المهنة في أمريكا، و ده الكل بيمتحنه عشان يشتغل دكتور في أمريكا حتى الأمريكان

📍ده بابا المجال ..أصعب، أغلى، و لكن أكتر pathway يستاهل فيهم ..

📍 عبارة عن 3 steps:
Step 1: MCQ on Basic science knowledge (Pass or fail)

Step 2 CK: MCQ on Clinical Knowledge (score)
الجزأين ينفع تمتحنهم في مصر
"هتكلم على step 3 تحت"

📍بعد كده بتمتحن OET (امتحان لغة English)، و بتقدم على الmatch (انك يجيلك وظيفة في أمريكا)..

📍 الفكرة إن الموضوع تنافسي فبتحتاج في الCV حاجات تعلي من فرصك، زي ال الUS clinical experience اللي من ضمنها ال elective (انك تدخل برنامج تدريبي في امريكا و انت طالب او امتياز تشتغل بإيدك hands-on)، و الelective ده قوي جدًا في الCV..

📍 فيه حاجات تانية بتعلي الCV، زي الobservership بتبقى hands-off بتشوف بس ..
و الresearch برضه مهم ..

📍 بعد كده بيجيلك الmatch، و تاخد التخصص..

📍 ينفع تمتحن step 3 بقى بعد الmatch، و انت في النيابة،
معظم الولايات بتشترط انك تعدي step 3 قبل تالت سنة نيابة..

🟢 مميزات USMLE:
أحسن pathway في كل طرق السفر الموجودة من حيث الاستفادة العلمية و المادية، وبيديك أقوى شهادة طبية في العالم، و طبعًا جودة معيشة عالية جدًا

🔴 عيوب USMLE:
الطريق طويل و صعب في المذاكرة و غالي، و تنافسي جدًا .. يستاهل أو لأ، دي حاجة تختلف من واحد للتاني
---------------------------------------------------

ابحث أكتر و اختار الطريق الأنسب لظروفك و مقدرتك، و استخير ربنا و ربنا يوفقنا جميعًا ❤️

----------------------------------------------------

📌 How to take History in the ER 👇

أول skill لازم تتعلمها في الامتياز، و كتير مبيديهاش أهمية و مجهود كافي هي الhistory taking، مع إنها بتمثل جزء كبير من التشخيص ..

من الحاجات اللي سهلت عليا إني أخد history شامل هي الsystematic approach كالتالي:

📍Complaint:
أكتر شكوى تاعبة العيان (بلفظ العيان) و جايباه المستشفى + مدتها
e.g. Chest pain for 1 hour

📍History:

عبارة عن ٦ بنود رئيسيين:

1️⃣ Male or Female

2️⃣ Age

3️⃣ D.M/ HTN

بما إنهم أشهر Comorbidities في الطب، و بيأثرو على كذا system، فمهمين .. و بسأل عليهم في الأول عشان منساهمش

لو طلع الشخص مريض سكر أو ضغط، بسأله بقاله قد إيه، و بياخد دوا إيه، و منتظم على العلاج ولا لأ

4️⃣ History of present illnes (HPI):

Analysis of complaint:

👉 OCD (Onset, Course, Duration)
الموضوع بدأ مرة واحدة ولا بالتدريج، بيزيد ولا بيقل ولا ثابت، بقاله قد إيه؟

👉 A⬆️⬇️ (Association, what increases it, what decreases it)
معاه أي أعراض تانية سواء من نفس الsystem زي cough, dyspnea مع الchest؟ أو من system تاني زي N.V؟
إيه بيزود الcomplaint و إيه بيقلله؟

👉 Effect of TTT, date of last attack
خدتله علاج؟ و ارتحت مع العلاج؟
آخر مرة جالك كان امتا؟

⚠️+ for pain; SCR (Site, Character, Radiation)
الوجع مكانه فين أو إيه أكتر حتة واجعاك؟، اوصفلي الوجع (حرقان، شكشكة، مغص، حاجة ضاغطة عليا، حاجة بتعصر؟)، الوجع مسمع في حتة معينة؟

⚠️+ for execreta (vomitus, stool); (amount, color, content)

كمية الترجيع قد إيه؟كوباية ولا لتر مثلًا؟ لون الترجيع كان إيه؟ أصفر أو أبيض كده ولا بني أو أخضر أو أحمر؟ كان فيه أكل أو دم متجلط؟

e.g. Male pt, 50 y.o, D.M (for 5 years, on Metformin), No HTN,
Presents with Chest pain (Sudden onset, progressive course, for 1 hour, pain is diffuse retrosternal, compressing, radiating to left shoulder, associated with sweating & vomiting, increased by effort, decreased by rest, relieved by dinitra, last attack was 1 month ago)

ده مثال للي قولناه في الهيستوري لحد دلوقتي، نفس سكيمة الanalysis of complaint اللي قولنا عليها، و زودنا الSCR بما إن الcomplaint هنا pain ..

5️⃣ Past History:
بقسمه ل ٣ حاجات:
👉 Diseases:
١- عنده أمراض قبل كده related للcomplaint اللي جي بيه ولا لأ ..

يعني عيان الchest pain أسأله جاله ذبحة صدرية قبل كده و مركب دعامات ولا لأ مثلًا ..
و لو عنده، بسأله عمل فحوصات وخد علاج إيه .. و اتحجز في المستشفى ولا لأ ..

٢- عنده أمراض قبل كده عمومًا ولا لأ، بمشيها systematic كالتالي:

الbrain: جالك لا قدر الله جلطة على المخ قبل كده أو حصلك تقل في لسانك، أو ضعف في إيدك أو رجلك؟

الheart: عندك مشاكل في القلب؟ جالك لا قدر الله ذبحة صدرية قبل كده؟ ركبت دعامات؟

الkidney, liver: عندك مشاكل في الكبد أو الكلى


👉 Drugs:
كان بياخد أدوية related للcomplaint اللي جي بيه ولا لأ ..

فمثلًا، عيان جايلي بepigastric pain و شاكك في gastritis .. أسأله كان بياخد NSAIDS ولا لأ، لأنها من أسباب الgastritis ..

👉 Operations:
عمل عمليات قبل كده ولا لأ ..
لو عمل بعرف تاريخ العملية، و نتيجتها هل كانت ناجحة ولا لأ، و اتنقله دم ولا لأ ..

طب لو الpast history بتاعه مفيهوش أي حاجة من الحاجات دي، بكتب FMH:
Free Medical History ..

6️⃣ Family History:

بشوف مثلًا فيه حد في العيلة عنده المرض ده، ف فيه positive family history و لا لأ ..
لو لأ، بكتب irrelevant family history


و آخر حاجة هي الMesntrual History في الyoung females:

بسأل عن آخر دورة شهرية جاتلها كانت امتا، و بتجيلها كل قد إيه .. لونها، و كميتها إيه، و بتقعد كام يوم ..

و بسألها متجوزة ولا لأ، مخلفة ولا لأ؟ لو مخلفة، كام عيل و أصغرهم عنده كام سنة، طبيعي ولا قيصري .. و ماشية على مانع حمل ولا لأ و إيه نوعه ..

🟢 Full example of history:

📍Complaint:
Chest pain for 1 hour

📍History:
Male pt, 50 y.o, D.M (for 5 years, on Metformin), No HTN,

Presents with Chest pain (Sudden onset, progressive course, for 1 hour, pain is diffuse retrosternal, compressing, radiating to left shoulder, associated with sweating & vomiting, increased by effort, decreased by rest, relieved by dinitra, last attack was 1 month ago).

Patient has IHD and 2 stents since 2 years, on concor 5mg and aspocid 75 mg tab.

Family History is irrelevant.

بكده، بقى معايا history شامل أقدر أبلغ بيه النايب إلى جانب الvitals اللي قيستها و الexamination اللي عملته ..

بالتوفيق ❤️

----------------------------------------------------

📌 Template for handing over cases in the Resuscitation room 👇:

⚠️ استلام الحالات كويس في أوض الarrest مهم جدًا، ومهم أبقى عارف الحالات بترتيب خطورتها و مين فيهم محتاج متابعة أكتر من التاني حسب حالة كل عيان ..

خصوصًا إن حالات الarrest معظمها acute عن باقي الحالات، و بتحتاج أدوية و فحوصات و عروض بشكل دوري .. فلازم أعرف أستلم و أسلم الحالات كويس من غير ما أmiss حاجة أو أبقى متلغبط و مشتت ..

📍 و اللي هيساعدني في ده إني يبقى عندي system في استلام الحالات .. و ده اللي موجود في الtemplate هنا ..

الtemplate الصفحة فيه متقسمة لحالتين، بملى الhistory بتاعهم من زميلي بإيه الفحوصات و العلاج اللي الحالة خدته ..

و باجي عند أهم حتة و هي "what to do" .. المفروض أعمل إيه للحالة دي؟
بقسمها ل 3 حاجات:

1️⃣ Plan of Patient:
المريض ده محتاج يتحجز فين؟ عناية مركزة ولا متوسطة و لا وحدة الجلطات ولا فين بالظبط

2️⃣ Inv:
الفحوصات اللي محتاج أعملها للمريض و امتا

3️⃣ TTT:
العلاج اللي المفروض أديه للمريض و امتا

و آخر حاجة، بعرف من زميلي محتاج أتابع vitals العيان كل قد إيه، و لو فيه vital sign معينة محتاج أركز عليها .. زي الضغط و الU.O في عيان الshock مثلُا ..

و بتابع الvitals بتاعت العيان و أسجلها في الفترة اللي موجود فيها في أوضة الarrest و أسلم زميلي بعدي ..

هتلاقو صورة الtemplate و تطبيق لاستلام الحالات عليه في الصور تحت 👇

و الtemplate نفسه موجود PDF تحت عشان تطبعوه .. ممكن تطبعوه وش و ضهر بحيث تستلمو الحالات كلها في نفس الورقة و تبقو مسستمين الدنيا أكتر .. كنت بعمل كده

بالتوفيق ♥️

----------------------------------------------------

📌 نظام الإمتياز و الحضور في بنها👇

📍نظام الامتياز:

الامتياز بيتقسم عندنا ل٦ دورات كل دورة شهرين ..

الدورات هي: جراحة، نسا، استقبال و تخدير، باطنة، أطفال، تخصص .. بنفس الترتيب اللي قولته ..

بمعنى إنك لو بدأت امتيازك بدورة باطنة، يبقى اللي بعدها أطفال، تخصص، جراحة، و هكذا، بتكمل السايكل يعني ..

الحضور في الدورة بيتقسم لأيام حضور عادية و نبطشيات، الحضور العادي بيبقى من ٩ ل ٢ الضهر و النبطشيات ١٢ ساعة من ٨ ل ٨، مرة داي و مرة نايت (ماعدا دورة التخصص: كل نبطشياتها داي)

هتكلم الأول عن نظام الحضور في العموم، بعد كده هتكلم أكتر عن نظام كل دورة لوحدها (من خبرتي و خبرة زمايلي)
---------------------------------------------------

📍نظام الحضور:

الحضور في بنها بالبصمة، كان في النص الأول من الامتياز عندنا ٣ أيام حضور في الأسبوع + يوم نبطشية .. و يومين أجازة بعد النبطشية + الجمعة أجازة (إلا لو الجمعة عندك نبطشية) ..

في النص التاني من الامتياز، الحضور اتخفف ليومين بس + نبطشية.. و ٣ أيام أجازة بعد النبطشية + الجمعة أجازة (إلا لو نبطشية)

👈 ملحوظة: لو كان عندك يوم الجمعة النبطشية، بتاخد يوم أجازة زيادة بعد النبطشية تعويضًا عن يوم الجمعة ..

بنبصم عند أجهزة البصمة اللي عند باب العاملين، جنب مكتب أستاذ محمد إسماعيل .. و الأفضل تبصم على أكتر من جهاز، عشان ساعات الأجهزة بتعلق ..

بصمة اليوم العادي بتبقى من ٧-٩ ص حضور، و من ٢-٤ العصر انصراف ..

بصمة يوم النبطشية الداي: من ٦-٨ ص حضور و من ٨ ل ١٠ م انصراف، و النايت نفس الكلام بس الحضور بالليل و الانصراف بالنهار ..

لو في يوم الحضور اتأخرت عن ٩ في بصمة الحضور لحد ٩ و ربع، بيتحسب يوم تأخير .. و كل ٥ أو ٦ أيام تأخير بيتحسبو يوم غياب ..

لو اتأخرت عن ٩ و ربع، المفروض إن ده كده يوم غياب .. بس بتقدم إذن تأخير و بيتحسبلك تأخير بدل الغياب ..

و نفس الكلام في التأخير على بصمة الحضور في النبطشية ..

ليك كام إذن في الشهر؟
اتنين في الشهر (مش في الدورة)
نوع الإذن:
١- إذن تأخير زي اللي لسه شارحينه
٢- إذن انصراف مبكر، إنك تبصم ١٢ الضهر انصراف بدل ٢ ..

ممكن تاخد الإذنين تأخير أو الإذنين انصراف مبكر زي ما تحب .. بس يُفضل متخلصش الإذنين بدري في الشهر، عشان لو اتأخرت في يوم نبطشية ولا حاجة ميتحسبش غياب ..

طب ينفع أغيب كام يوم في الدورة؟
لحد ٥ أيام في الدورة عادي، أكتر من كده المفروض بتعيد الدورة ..

لو غبت يوم عادي بيتحسب يوم غياب زي ما هو، و لو يوم نبطشية بيتحسب بيومين غياب المفروض، بس ساعات بيتحسب يوم واحد ..

و يوم الغياب لو مقدمتلوش أجازة بيتخصم حوالي ٩٠ جنيه من المرتب لكل يوم ..

طب ليا كام يوم أجازة في السنة؟
١٥ يوم أجازة، متقسمين عارضة و اعتيادي .. بس عمومًا مبتفرقش، انت بتقدم على أجازة و خلاص و هما بيخصمولك من رصيد اجازاتك ..
---------------------------------------------------

📍دورة الجراحة:

الأسبوع في دورة الجراحة بيتقسم كالآتي:

🔵 يوم عيادة: "الحضور بالبالطو"

- (مرة في الجراحة العامة، و مرة في جراحة الثدي اللي في الكلية تبع المبادرة و المفروض العيادة من ٩ ل ١ بس بيخلصو بدري عن كده)

- في الجراحة العامة، بنتقسم كل ٣ بيقعدو ساعتين.

- في جراحة الثدي، كل ٢ بيدخلو سوا يشوفو حالة مع الدكتور بالhistory و الexamination، بعد مرة أو
اتنين بتلاقي نفس الكلام ..

🔵 يوم تحضير عمليات: "الحضور بالبالطو"
( التحضير عبارة عن عرض تخدير)

- بننزل عيادة التخدير جنب الأشعة في العيادات الخارجية، الموضوع مبيكملش ساعة، بنقعد مع الدكتور و هو بياخد history من الحالة و يشوف لو اتخدرت قبل كده و يطلبلها أكياس دم/ أشعة، و إحنا بنروح مع الحالة أو بنبعتها تعمل اللي قاله، مش مفيدة أوي ..

🔵 يوم عمليات: "الحضور بالسكراب"

- (بنطلع العمليات في الدور الأول، فيه مكان للمتعلقات الشخصية، بناخد كروكس من اللي موجودين "حتى لو معانا كروكس بنسيبه برا"، و نكتب اسمنا و ندخل)

- بنتقسم مع دورة التخدير، بحيث ١٠ أفراد من الدورتين سوا يقعدو ساعتين و هكذا، العمليات مفيدة، و الدكاترة في منهم بيشرح و في لأ.

🔵 يوم نبطشية: "الحضور بسكراب"
(مرة day و مرة night)

- بنيجي قبل المعاد بحوالي (ربع - نص ساعة) عشان البصمة
من ناحية، و عشان نقسم السراير و نستلم الحالات كويس من اللي قبلنا و منأخرهمش.

- عدد السراير ١٢ سرير، و عددنا ٨، جروبي كان مقسمها إن كل ٢ يشيلو ٣ سراير، بحيث كل واحد يشيل سرير، و يبقى فيه سرير مشترك ..

- بناخد history من الحالة و نقيس الvitals و نعمل examination و نبلغ النايب بالحالة عشان يشوفها و يكتبلها فحوصاتها و علاجها

✅️ هتعلم إيه في الدورة دي؟

- الدورة في العموم مفيدة، ضغط الشغل فيها average أو above average شوية، و بتعرف تهندل طوارئ الجراحة كويس من renal colic, appendicitis و غيرهم .. و كمان بسبب ضغط الشغل و عدم وجود أماكن في استقبال الباطنة، بيحولو الحالات الزيادة على استقبال الجراحة .. ف بتتعلم طوارئ الجراحة و الباطنة ..

- و بتتعلم في العيادات ازاي تكشف على حالات الanal fissure, hernia, piles و غيرهم..

د. هشام ياسر
---------------------------------------------------

📍 دورة النسا:

الأسبوع في دورة النسا بيتقسم كالآتي:

🔵 يوم عيادة:

- من ٩ ص لحد ١ أو ٢ الضهر، و مفيدة في تعليم السونار و الحالات بشكل عام..

🔵 يوم تحضير عمليات:

- (زي ما شرحناها في الجراحة)

🔵 يوم عمليات:

- العمليات بتتقسم لelective أو ليستة عمليات و emergency زي الCS المستعجل ..

- الelective بتبقى موجودة يوم الحد من كل أسبوع، لكن الemergency شغالة طول الأسبوع بس ملهاش وقت معين ..

- ف لو يوم العمليات في جدولك كان يوم حد، هتطلع تلاقي ليستة النسا شغالة عادي .. أي يوم تاني، ممكن تلاقي emergency و ممكن لأ .. انت و حظك ..

🔵 يوم نبطشية:

- استقبال طوارئ النسا منفصل عن باقي الاستقبال، بيبقى عبارة عن ٥ اوض متقسمين كالآتي:
٣ اوض لحجز الحالات: (أوضة للpre operative و أوضتين للpost operative) + أوضة السونار للكشف واستقبال الحالات + أوضة عمليات صغيرة مجهزة للولادة الطبيعي و الكحت (D&C)

✅️ بنتعلم ايه فى الدورة دي؟

- ازاى تاخد هيستورى نسا ومهم تسأل عن ايه فى كل الحالات

- بنعرف الاساسيات بتاعت ال obstetric ultrasound ،ازاى بعمل سونار لحامل ويهمنى اشوف ايه فى السونار والمقاسات اللى باخدها عشان اطمن ان الحمل ماشى طبيعى مفهوش مشاكل ..

- بنعرف ازاى نعمل رسم قلب للجنين CTG وازاى نقراه..

- بنتعلم ازاى نفحص الست قبل الولادة وازاى نعرف اذا كانت فعلاً فى ولادة ولا دى تفاسيح الولادة وان قدامها حبة لسا على ما تولد..

- بالنسبة لحضور النباطشية مش لازم الكل يحضر ممكن اتنين او تلاته من الجروب بس يغنو عن الباقى، بس اللى هيحضر هيستفاد يعنى ان شاء الله ..

د. عمر عزت
---------------------------------------------------

📍دورة استقبال و تخدير:

الأسبوع في دورة استقبال و تخدير بيتقسم كالتالي:

🔵 يوم رعاية مركزة:

- كانو بيشددو على الحضور في الأول، بعد كده مش أوي ..

- هتستفيدو لو حضرتو المرور، و تشوفو الدكاترة و هما بيتناقشو في الحالات .. و يُفضل تروح بدري تقرا ملف الحالة عشان تبقى فاهم هما بيتناقشو في ايه في المرور ..

- النواب ممكن يطلبو منكم تفحصو العيانين أو تكتبو شيت و تسلموه، بس الموضوع روتيني مش أكتر و كده كده كل حاجة بتبقى موجودة في ملف الحالة جنب السرير ..

🔵 يوم عناية الطوارئ:

- مبيركزوش في الحضور أوي، و بيعملو محاضرة أو محاضرتين في الأول بيفهموكم الدنيا ..

🔵 يوم العمليات:

- المفروض بنحضر تبع التخدير، و النواب بيشرحولنا أنواع الأدوية اللي بنستخدمها في التخدير و ازاي نعمل intubation ..

- ممكن نحضر مع التخدير، أو نقف مع الجراحين و نركز في العملية عادي ..

🔵 يوم النبطشية (و دي أهمهم):

- الدورة دي هي و الباطنة أتقل دورتين في الامتياز كله ..

- النبطشية هنا بتتقسم ل٣ أقسام (أريست، تروما، ستيتش)

- بنقسم الجروب عليهم، بحيث إن جروبنا كان ٨ أفراد  كنا بنقسمه subgroups كالتالي:
٢ أريست، ٣ تروما، ٣ ستيتش مثلًا ..
و نشفت كل ٤ ساعات .. بحيث على مدار النبطشية يكون كل الجروب عدى على كل الأوض و اشتغل فيها ..

- هنتكلم أكتر عن كل حاجة فيهم

👈 ١) الأريست:

* بيبقو أوضتين قصاد بعض، أوضة فيها ٦ سراير و أوضة فيها ٤ سراير ..

* الحالات اللي موجودة بيبقى معظمها مترفر (يعني مستني مكان يفضى في العناية فوق عشان يطلع يتحجز) و بنتابع الvitals بتاعتهم بشكل دوري، و لو حصل حاجة بنكلم النايب ..

* لو جت حالة جديدة بنشتغلها عادي كأنها حالة باطنة، ناخد history و vitals و exam و نكلم النايب ..

* يُفضل يبقى فيه سرير على الأقل فاضي في كل أوضة أريست، تحسبًا عشان لو جت حالة arrested .. و الباطنة ممكن يحاولو يسلموكم حالات مش critical عشان يخفو الضغط من عليهم، فمسؤولية عليك متستلمش حالة في الأريست مش critical و حافظ على الأريست للحالات اللي محتاجاه فعلًا ..

* لما حالة تدخل في أريست، ابدأ CPR فورًا بدون تأخير و ابعت حد يجيب زمايلك من باقي الأوض عشان يشتغلو معاك .. و نعمل كول على نايب الكارديو و العناية

👈 ٢) التروما (أو أوضة الحوادث):

* أي Road traffic accident (RTA) أو Fall from height أو polytrauma أو trauma عمومًا، الحالة بتيجي الأوضة دي ..

* بنعمل للحالة الABCDE Approach الأول خصوصًا لو حادثة أو polytrauma، عشان نتطمن إنهم stable ..

* لو single trauma بنفيتلهم و ناخد هيستوري بس ..

* بعد كده بنبعتهم يعملو أشعة على جسمهم حسب المكان المخبوط .. لكن لو polytrauma بنعمل full survey، يعني أشعة كاملة على الجسم تقريبًا ..

* بنبعت الحالة على التروللي لأوضة العظام أو نايب العظام بيجيلنا التروما يكشف على الحالة و يحدد نوع الأشعة اللي عايزها و مكانها ..

* لما الأشعة بتيجي بنعرضها على النايب المختص و يرد علينا ..

* لو جايلك حالة بstab wound أو gun shot ابعت حد يقول لمشرف الاستقبال، و كلم نايب الجراحة فورًا ..

* الأوضة فيها ٦ سراير تقريبًا، عشان لو فيه حالات مترفرة بيفضلو عليهم على ما دورهم ييجي .. مهم نتابع الvitals بتاعتهم برضه ..

👈 ٣) أوضة الستيتش أو الخياطة:

* أقلهم من حيث الخطورة، إلا لو الجرح خطير زي artery بينزف النايب اللي بييجي يتعامل ..

* بناخد هيستوري من العيان، و بنبعته للعظام لو شاكين إن ممكن يكون tendon اتقطع أو لو فيه عضم مكسور ..

* بعد كده، بننضف الجرح و نخيطه و التمريض بيقفل ع الجرح على ما نكتب الروشتة ..

* و لو عيان جي بabscess برضه بنفتحه ..

* أي جرح حاسه صعب عليك خياطته، أو في مكان ظاهر و الغرز هتبان لو متخيطش كويس كلم النايب يخيطه لو سمحت ..

* الأوضة دي بتبقى زحمة جدًا و الأهالي و طلبة الدفعات الأصغر بيبقو ماليينها و ده بيأثر على شغلك و بيخلي التمريض يرفض يشتغل لحد ما الزحمة تخف، ف كلم الأهالي بالراحة و زمايلك الأصغر منهم عشان نخف الضغط شوية .. و لو الدنيا مبتخفش بعد ما اتكلمت و الوضع زايد أوي، كلم الأمن يفضيلك الأوضة ..

✅️ هتعلم إيه في الدورة دي؟

الدورة مليانة skills مهمة زي الخياطة، و ازاي تقرا الأشعة، ازاي تسحب ABG، ازاي تشتغل CPR، ازاي تسلم و تستلم الحالات الCritical من زميلك كويس و تبقى مرتبهم حسب الأولوية .. و ازاي تتعامل مع الحالات الacute بشكل عام ..

د. دينا عصام الدين
د. هشام ياسر
---------------------------------------------------

📍دورة الباطنة:

الأسبوع في دورة الباطنة بيتقسم كالتالي:

🔵 يوم عيادة:

- من ٩ ص ل ١ أو ٢ الضهر، حالات باطنة عادية .. بتحضر و تشوف الدكتور بياخد هيستوري و يشخص أو يتابع إزاي و يكتب علاج إيه.. و بتتناقش مع الدكتور في الحالة لو الوقت يسمح ..

🔵 يوم مناظير:

- هتحضر مرتين تلاتة بالكتير و بعد كده مش هتحس بفايدة أوي أو اختلاف إلا لو فيه حالات مميزة

🔵 يوم رعاية متوسطة:

- هتستفيدو لو حضرتو المرور، و تشوفو الدكاترة و هما بيتناقشو في الحالات .. و يُفضل تروح بدري تقرا ملف الحالة عشان تبقى فاهم هما بيتناقشو في ايه في المرور ..

🔵 يوم النبطشية:

- من أتقل النبطشيات في الامتياز، بسبب الrate العالي جدًا .. و بنضطر نقعد ٣ حالات على السرير الواحد و ساعات أكتر

- بس اللي مخليها أتقل، الريلاتيف اللي مبيلاقوش مكان للحالة و ييجو يتخانقو معاك ..

- عوّد نفسك يكون بالك طويل شوية و تفهم الناس بالراحة، بس لو حد تطاول عليك متسكتش و هاتله الأمن و المشرف ..

- الحالات مش كلها severe و acute .. الأغلب gastritis و gastroenteritis و حالات التعامل معاها سهل، بس المشكلة في الrate زي ما قولنا ..

- يُفضل إن كل جروب امتياز يجمع و يجيب جهاز pulse oximeter و جهاز سكر، و اللي معاه جهاز ضغط في بيته يجيبه معاه النبطشية بالتبادل، بحيث كل نبطشية اتنين مختلفين يجيبو أجهزتهم عشان الأجهزة ميتمش استهلاكها.. لأن معظم أجهزة الضغط في الاستقبال بايظة، و أجهزة السكر اللي مع التمريض بتعلق و مش بنلاحق من الحالات ..

✅️ هتعلم إيه في الدورة دي؟

بالنسبالي، الدورة دي علمتني إزاي أتعامل مع المرضى و الريلاتيف و أهندل الضغط كويس، من غير ما أستنفذ طاقتي في خناقات مع ده و مع ده .. ده بجانب طبعًا الحالات المختلفة اللي قابلتها و روحت قريت عنها و عرفت ازاي اتعامل معاها .. هي دورة مفيدة، بس متعبة و مستهلكة .. حاول اليوم اللي قبل النبطشية تكون نايم كويس، و كله بيعدي بكرم ربنا ..

د. إنجي خضر
د. هشام ياسر
---------------------------------------------------

📍دورة الأطفال:

الأسبوع في دورة الأطفال بيتقسم كالتالي:

🔵 يوم العيادة:

- فى أكتر من عيادة بس ليهم جدول مش فاتحين كل يوم، أهم عيادة فيها أكبر استفادة العيادة العامة للأطفال، في بعدها عيادة التغذية.

- العيادة العامة في العيادات الخارجية بس التغذية والكبد والدم في القسم فوق وفي عيادات تانية شوفوا مواعيدها في الجدول.

🔵 الworkshop/ المرور:

- الworkshop:
دي المفروض موضوعات محددة في الخطة بتاعتهم، وكل أسبوع بيبقى في دكتور من القسم بيشرح الموضوع ده، فالاستفادة منها حسب الدكتور محضر الموضوع كويس ولا هيقوله في ٥ دقايق وخلاص.
أحسن حاجة علشان تستفيدوا فيها تكونوا قارين الموضوع ومجهزين الأسئلة اللي عندكم بحيث تسألوا وتعرفوا اللي عاوزينه.
غير كده ممكن تبقى ١٠ دقايق وإمضاء في الآخر وبس.

- المرور: المفروض بيكون في نفس يوم الووركشوب، بس محضرناهوش غير أول مرة بس، بعد كده الدكاترة ماكنتش بتبقى عاملة حسابها نمر معاهم، فلو عاوزين تمروا على الحالات في القسم رتبوا مع الدكتور من قبلها كويس.

🔵 يوم الحضانات و الرعاية:

- نفس الكلام اول يوم بس مرينا معاهم و شرحوا و بيجاوبوا، الباقي اجتهادات مننا بتدخل تسال عالحالة ايه و الفايل بتاعها ده لو مهتم او عايز تملي case..

-الدخول لازم ببالطو، و قسموا نفسكم لو هتدخلوا أقصى عدد ٤

- أغلب دكاترة القسم شايفين إننا مش هنستفيد أوي أو هنتعلم حاجة في الحضانات والرعاية فمن أول أسبوعين حددوا عاوزين منهم إيه علشان متشغلوش بالكم بيهم طول الدورة.

🔵 يوم النبطشية:

- الدكتور في النباطشية هو اللي بيشيل الحالات ممكن نساعدهم عادي بس لازم ترجعلهم في كل حاجة أغلب الأوقات.

- فى دكاترة بتسيبك تشتغل عادى و تشيل معاه.

- الاستقبال ما يستحملش اكتر من ٤ مننا.

✅️ هتعلم إيه في الدورة دي؟

- بتتعلم في الاستقبال ازاي تاخد هيستوري كويس لحالات طوارئ الأطفال، والتعامل مع معظم حالات الطوارئ وأشهر الأدوية والتحاليل وال Investigations اللي بتطلب، وكمان التعامل مع الأطفال اللي لسه مولودة، لو الدكتور رايح يشوف حالة ولادة روحوا معاه وشوفوا ال assessment لطفل لسة مولود وبنهتم نشوف إيه ونبص على إيه والأطفال اللي بينزلوا preterm أو distressed إيه ال management بتاعهم.

- هتشوفوا تركيب الكانيولا واستخدام المونيتور والڤيتلة للأطفال.

- في العيادة هتقابلوا أشهر حالات الأطفال اللي ممكن تقابل أي دكتور في أي مركز أو وحدة صحية، وهتعرفوا أشهر الأدوية ، وجرعاتها وازاي السن بيفرق في نوع الدواء والجرعة وهتكملوا تعليم هيستوري وبسأل على إيه وبركز مع إيه حسب الشكوى والأعراض.

- الحالات اللى بتتكرر
الحضانات »
jaundice
RDS
العيادات »
Gastroenteritis
Bronchitis
Bronchial asthma
Post nasal discharge
Pharyngitis
Anemia
UTI

الاستقبال
نفس العيادات +
Convulsions
Bronchiolitis
و حالات refer من أقسام تانيه زي الجراحة والعظام عشان تكتب جرعات الأدوية بناءا على وزن الطفل و هي بتتكرر بردو هتحفظوها مع الوقت.

- أهم الحالات اللي مفروض نكون عارفينها مع نهاية الروتيشن حسب كلام الدكاترة .
Jaundice
Gastroenteritis
Convulsions
Dka
Bronchiolitis

مصدر لقراية أساسيات أطفال الدكاترة رشحوا easy pedia
ما جربناهوش ..بس ممكن تجربوه أو تقروا من دكتور جايد عادى..

د. هاجر حمدي
---------------------------------------------------