⏳👑ووضع الميزان 👑⏳

ربنا سبحانه وتعالى وضع لنا ميزان قى الارض نزن به الامور

هذا الميزان هو افعل و لا تفعل او بمعنى آخر الحلال و الحرام

اى شئ تريد معرفه تعمله او لا
ضعها فى ميزان الله

ضع دينك و طاعتك لله فى كفه و ضع ما تريد فعله فى الكفه التانيه

ربنا وضع الميزان و امرنا اننا نزن بيه

ربنا وضع لنا القواعد و امرنا اننا نمشى بها

ربنا قال الصح و الغلط ووضع الميزان و عليكم الا تضغوا فى الميزان

صباحكم موزون بحب الله

#مستشارة_علاقات_اسريه_وتربويه

#ريهام_محمود

💕كلماتى كتبتها بكل الحب كتبتها فضلا لا تمحى اسمى عند النقل 💕

⛑قلب و مفتاحه ⛑

سيدات كتير قلبها متعلق بمفتاح باب بيتها

يبدأ الارتباط بالمفتاح مع مفتاح الأب عندما يدخل البيت

أبناء تفرح بدخله ابوهم للبيت
بابا جه ... بابا جه
جاب الأمان معاه
جاب الفرحه وياه
السند فى الدنيا جه
بابا جه

أو ياريت ما كان جه
جه الغم
جه الزعيق
جه من بيقيد الحريه
امتى ينزل
امتى السجان يخرج و نتنفس شويه

و بعدين تكبر البنت و الولد

زوجات كتير قلبها متعلق بمفتاح الباب
مفتاح بقلبهااللي حب شريك العمر
جه علشان تفرح و
يتشارك معاها العمر إللى هو أيامها
زوجى جه
زوجى جه

أو يتعلق قلبها بمفتاح الباب الل بيقفل قلبها عن متع الحياه
منع التنفس
منع الرأى
منع كل شئ لأنها عنده لاتفهم شئ
امتى يمشى
امتى يغور
امتى احس انى انسانه محترمه

دى حال كتير من القلوب مع مفتاح الباب
باب بيفتح على الحياه
و باب بيفتح على موت الحياه

فاجعل نفسك بواب الحياه لأهلك
لا دافن لحياه اهلك

#مستشارة_علاقات_زوجيه_وتربويه

#ريهام_محمود

💕كلماتى كتبتها بكل الحب فضلا لا تمحى اسمى عند النقل 💕

متجربيش حاجه انتى مش عايزاها
متجربيش حاجه انتى مش محتجاها
متجربيش علشان قالوا جربي
لكن
جربي علشان تتغيري
جربي علشان انتى عايزة
جربي لانك حتى لو فشلتى اكيد حتتعلمى

*محبتكم
#مستشاره_علاقات_زوجيه_وتربويه

💍💍ا / ريهام محمود 💍💍

💕كلماتى كتبتها فضلا لا تمحى اسمى عند النقل 💕

*

#متابعه_للحساب

قالت اانتى تهزين
عن اى دين تتحدثين
عن الاسلام تتكلمين
من ظلم المراءة
وقال انها عورة
من انتقص من عقلها
من لم يعطى لها حتى كمال دينها
من جعلها نصف الرجل
ف الميراث والشهادة
عن اى دين تتكلمين

قلت عن دين
اعطاها بعد الوئد حق الحياه
اعطاها مع الواجبات حقوق لها
اعطاها مساواة مع الرجل ف الحسنات
اعطاها ف القران دون الرجال سورة باسمها
بها يتقرب لربهم كل العباد

اتحدث عن دين اعطاها حق ميراث بعدما كانت موروثه
اتحدث عن دين اعطاها حق ف ذمه ف المال مستقله
اتحدث عن دين كرمها ام وبنت وزوجه

تقولين نصف الرجل ف الشهادة
اليست تغلب عليها العاطفة
اليست ف امور النساء لوحدها شاهدة

تقولين دينها منقوص
اليس ف نقصه رحمه بها
باسقاط الفروض من حولها
ولكن اليست هى من تفقد الرجال البابها
وليس اى رجل لكن الحازم ذو العقل
أﻻ تكونى امينة ف الحديث روايته

تقولى نصف الرجل ف ميراثه
لكنها حالات اربع
عندما يتساووا ف الدرجة
ام واخت وزوجةوبنت
وهو عنها مسئول
وهو من وجب عليه ان يعول
وهى ان انفقت فهى عليه متصدقة
ولكنها ف اربعه عشر موضعا تاخذ اكثر من الرجل
فهل من مدكر

تقولين ان المراءة عورة
اى عورة
اليست ف حجابها جوهرة لا يراها
الا من يستحقها
فالى ما تدعون حريه المراءة ام حريه الوصول لها
فالعورة ف الافكار وليست ف الخمار

#مسلمه_وافتخر

#ريهام_محمود

💕كلماتى كتبتها بكل الحب فضلا لا تمحى اسمى عند النقل 💕

#متابعه_للحساب

عندما تصمت المرأه صمت شديد
بعد عراك شديد
فاعلم أن الأمر كله أصبح لا يعنيها و لن تتمسك به من جديد

#ريهام_محمود

💕كلماتى كتبتها بكل الحب فضلا لا تمحى اسمى عند النقل 💕

#متابعه_للحساب

ايوة بحبها
مقدرش استغنى عنها
بالليل بفكر فيها
و الصبح اروح ادور عليها
ادور فى كل حته علشان اوصلها
كانوا بيخبوها منى و انا صغيره
دلوقتى انا إللى بخبيها و لو حته صغيره
عشق لا ينتهى بينى و بينها
ممكن اتخانق عليها لو لقيت حد سبقنى اليها
فى كل حالاتها بحبها
ربي ما يحرمني منها
.
.

.
.
.
.
.
.
.
.
.

متخليش عقلك يروح بيك لبعيد
...
عن الشيكولاته اتكلم

#ريهام_محمود

كلماتى دى بحبها جدا

كثير من الرجال سرعصبيته
فى أن زوجته صوتها عالى
فيحاول أن يكون صوته أعلى لإثبات وجوده كرجل

جربي تتكلمى بصوت هامس حتى مع اولادك
فانتى تستقبلى ما ترسليه فى بيتك

#مستشاره_علاقات_زوجيه_وتربويه

#ريهام_محمود

💕كلماتى كتبتها بكل الحب فضلا لا تمحى اسمى عند النقل 💕

الحياه حلوة بس نفهمها

الحياه حلوة محلى انغامها

كم شخص يعتقد انه فاهم الحياه

نحن على الارض ليس مهمتنا فهم الحياه

مهمتنا اننا نعيش الحياه

لا تشغل نفسك بما حولك كثيرا

و اشغل نفسك بنفسك هذا افيد لك

فلان عمل و فلانه جابت و بنت خاله طنط عطيات نظرت لى نظره لم تعجبنى 😎

لما تضيع عمرك على ما لاينفعك بالعكس

هذا سيضرك بكل الأشكال
سيئات و غيبه و نميمه و طاقه سلبيه ووجع لقلبك

و الأهم كمان أنك ستضيع العمر كله فى المقارنه و الكلام الذى لا يزيد الا المشاكل إللى انت ستعيش فيها

انشغل بنفسك و دع الخلق للخالق هو بيهم أعلم فأنت عليك نفسك و هم اجورهم على الله

#مستشارة_علاقات_زوجيه_وتربويه

#ريهام_محمود

💕كلماتى كتبتها بكل الحب فضلا لا تمحى اسمى عند النقل 💕

ربنا جعل الانسان الكائن الوحيد القادر على رؤيه كل الالوان غالب مخلوقات الله يروا الدنيا ابيض و اسود بس

حقيقه ظهور اللون ان الجسم يمتص كل الالوان إلا اللون إللى احنا شايفينه يعكسه

يعنى الأزرق مثلا هو ان الجسم يمتص كل الالوان و يعكس اللون الازرق علشان كده احنا نشوف الجسم ازرق

اما الأبيض هو انعكاس لكل أوان الطيف فنشوف الجسم ابيض
و الاسود هو امتصاص كل الالوان فنشوف الجسم اسود

الحقيقه
الالوان فى الحياه زى حالتنا النفسيه و امتصاصنا لكل شئ حوالينا

لو تفاعلنا و حطينا فى نفسنا كل حاجه موجوده حولينا و تاثرنا اوى بالحلو و المر نفسيتنا حترهق جدا و بعد فترة غصب عننا حيكون اللون الاسود هو السايد و الاكتئاب هو سيد الموقف

اما الناس إللى مش يتناثر باى حاجه فهو تعكس كل حاجه و تحمل الناس اى حاجه فاحنا نشوفها بيضا مافيش خبره و لا احساس و لا حياه

اما باقى الالوان من الأزرق مثلا يكون انسان هادى
و الاخضر يكون متفائل

كل لون من ألوان الحياه بيظهر فى تعاملاتنا و حياتنا اليومية

المهم انك لازم تمتص الحلو و تظهر الحلو و ده إللى اسمه التحكم فى النفس

ربنا جعلنا نشوف ألوان الدنيا علشان نستمتع بيها و من حكمته اختلافها زى اختلاف البشر علشان كل واحد له عمل و وظيفه مختلفه فى الحياه
لونوا حياتكم بألوان التفاؤل و الهنا علشان الحياه تكون جميله

#ريهام_محمود

⚘⚘بقلم ا / ريهام محمود
انت من تجعل الأمر حزينا او سعيد

يختلف الناس فى رد فعلهم ف الاشياء

فاحدهم ان سبه احد او شتمه يرد عليه و يبقي باقى اليوم حزين
و احدهم ف نفس الموضع يقول سامحك الله و لا يلقى للامر بالا و يعيش يومه دون ازعاج

حتى ف الموت
احدهم ان مات عزبز عليه ظل طول عمره حزينا

و الاخر بحتسب و يسترجع الله و يقول لنا لقاء فى الجنه باذن الله و يمضى حياته سعيد

انت المسؤل الوحيد عن سعادتك

الاحداث ف الدنيا واحده لكن تاثيرها علينا هو المختلف

لان رد فعلك هو ما يحدد سعادتك و شقاءك

فهونها تهون و صعبها تصعب عليك

و كونى دوما سعيده

ريهام محمود مستشاره اسريه