لكل أخت منفصله اما بالطلاق او بفسخ خطبه

ان كان فيه امل للرجوع فلا تضيعى عمرك فى انتظار المبادرة منه و حاولى من جهتك

و ان كان لا امل فى الرجوع فلا تضيعى عمرك فى البكاء على اللبن المسكوب و ابدئى حياتك من جديد

#مستشاره_علاقات_زوجيه_وتربويه

#ريهام_محمود

(غَافِرِ الذَّنبِ وَقَابِلِ التَّوْبِ شَدِيدِ الْعِقَابِ ذِي الطَّوْلِ ۖ لَا إِلَٰهَ إِلَّا هُوَ ۖ إِلَيْهِ الْمَصِيرُ)

كل واحد عنده ايه لما يسمعها
يحس انها ليه
يحس انها الهدايه و العنايه من ربنا فيها
يحس ان جسمه بينتفض او قلبه بيفرح
يحس انها نجاته أو يخاف انها تكون فيها هلاكه

فى اول سورة غافر بحس بكل ده مع بعض

غَافِرِ الذَّنبِ وَقَابِلِ التَّوْبِ شَدِيدِ الْعِقَابِ ذِي الطَّوْلِ ۖ لَا إِلَٰهَ إِلَّا هُوَ ۖ إِلَيْهِ الْمَصِيرُ

فيها رد على كل إللى بيقول هو ربنا حينفع يغفر لى
يلاقى الرد غافر الذنب وقابل التوب

فيها رد على كل إللى بيقول خلاص ربنا غفور حيغفر مش لازم اتوب
يلاقى الرد شديد العقاب

فيها رد على كل إللى بيقول يا سيدى لما نموت نبقي نتحاسب
يلاقى رد ذا الطول يعنى يطولك و يوصلك فى اى وقت حر او ميت

فيها رد على كل إللى بيقول بكره اتوب
يلاقى الرد صحيح ان ربنا غفور رحيم لكن انت مش عارف امتى حتموت بكره و لا كمان شويه وإليه المصير

ديما بربط بين الآيات و اسم السورة حتى مع قول الله تعالى

غَافِرِ الذَّنبِ وَقَابِلِ التَّوْبِ شَدِيدِ الْعِقَابِ ذِي الطَّوْلِ ۖ لَا إِلَٰهَ إِلَّا هُوَ ۖ إِلَيْهِ الْمَصِيرُ

هو الغالب له ان يكون غافر الذنب وقابل التوب و الغالب هو اسم السورة غافر

لسه مستنى بكره علشان تتوب
لسه بتقول ذنبي كبير

مهما كان ذنبك كبير فالله أكبر
مهما كان عمرك صغير فأنت لا تعلم متى النهايه له

استغفر و توب و قابل ربك قابل التوب

#ريهام_محمود

الفراغ العاطفى ليس فقط ف عدم وجود زوج او حبيب الفراغ العاطفى هو عدم الإحساس بحب اى شئ ف الحياه و عدم ملئ الفراغ باى شئ مفيد
و كتير من الناس تملئ هذا الفراغ العاطفى بأشياء سيئه و يحس بالذنب و بعد شوى يتحول إلى تبرير للذنب

لكن الإنسان لازم يملى حياته بالأشياء التى يحبها و يغير تفكيره
ان كان طموحه فى شئ يحاول الحصول عليه
من عمل او مركز علمى او حتى مساعده الناس فى حياتهم و فى دور الأيتام

الحب ليس فقط حب رجل و امرأه و لكن الحب حاجات كتير حب الأب و الأم و الاخوات و الاهل و حتى حب أنفسنا

احنا بس إللى مش فاهمين و لو فهمنا حنكون مرتاحين

#مستشاره_علاقات_زوجية_وتربويه
*ريهام محمود*

مهما كنت فاكر ان كل الأبواب اتقفلت فى وشك
مهما كنت متخيل ان مافيش مخرج لازمتك

لازم تكون متاكد وعارف ان فيه ولو باب واحد مفتوح
باب ربنا مخليه علشان تدخل منه و تفرج أزمتك

باب الثقه فى الله و الرجوع إليه
باب يتفتح بس للمضطر للجوء لله

يعنى ايه يعنى اللى دور على كل الحلول و خبط على كل الأبواب
و ملقاش حد غير ربنا يروح ليه

كأن ربنا بيقولك انت رحت لكل خلقى و عملت جهدك و الناس خذلوك
و جيت لى و انا بقدرتي حعطيك

هو إللى قال سبحانه (أَمَّن يُجِيبُ الْمُضْطَرَّ إِذَا دَعَاهُ وَيَكْشِفُ السُّوءَ وَيَجْعَلُكُمْ خُلَفَاءَ الْأَرْضِ ۗ أَإِلَٰهٌ مَّعَ اللَّهِ ۚ قَلِيلًا مَّا تَذَكَّرُونَ)

اتاكد حتى لو كل الأبواب اتقفلت ممكن باب مكنتش فاكر اساسا انه موجود او باب كنت مهمله فى حياتك يكون هو المخرج الوحيد من ازمتك

مفتاح الباب هو كلمه يارب بيقين

توفيق ربنا هو أفضل شئ
و ادعى ديما و ما توفيقى الا بالله

و اعرف طول ما ربنا موجود مافيش حد حيوقفك فى الوجود

#صباحكم فل وياسمين
#ريهام_محمود

لما تتبع قصص الناجحين فى مجال المال و الأعمال
حتلاقى فيهم قاسم مشترك
انهم مهما فشلوا او خسروا اموال او مشاريع
لا بيقضوا وقت كتير فى هذا الفشل
يقفوا و يكملوا مشوارهم

الفرق بينهم و بين ناس كتير محلك سر
هو انهم عندهم عزيمه و الوقت مهم جدا عندهم

و الوقوع او الفشل مش بياخد وقت منهم
لانهم عندهم هدف أكبر بيحاولوا يحققوه

الفرق بينهم و بين الناس العاديه
انه عارف هدفه و بيحاول يوصله من طريق معين منفعش الطريق يحاول من طريق تانى
هدفه هو إللى بيحركه
و المعيقات والتحديات مجرد استراحه و بيكمل بعدها

الناس دى الشغل عندها متعه
و التحديات شغف
و الإخفاقات دروس
و الأهم من كل ده الثقه في انهم ع الطريق الصح

غير تفكيرك و اتاكد ان الوقت إللى بتضيعه في الأحلام
ناس كتير بنشتغل فيه علشان توصل لاحلامها

و الوقت إللى قاعد تندم فيه على إللى ضاع
ناس تانيه قاعد تتعلم من اللى ضاع

الحياه قصيره و لازم تحاول توصل لحلمك فيها

مسائكم فل وياسمين

*محبتكم
#مستشاره_علاقات_زوجيه_وتربويه
💍💍ا / ريهام محمود 💍💍

مرة سمعت دكتور بيقول
إللى بيجرى ورا عياله احسن من اللى بيجري بيهم

فيه ناس بتزعل و تتعب من شقاوة ولادهم

و تسمع الام تقول انا مش بقعد الواد مجننى

واب تانى بيقول انا بخرج خدمه لاولادى الف حواليهم

بس دول
شايفين ولادهم بيلعبوا حواليهم
شايفين ضحكه ولادهم فى عنيهم

صحيح بيتعبوا لكن ايه ده قدام اب بيشيل ابنه فى عز البرد علشان ياخد جلسه الكيماوى

او ام بتقف فى الدور علشان تغسل لابنها الكلى

او اسره فيها طفل من ذوى الاحتياجات الخاصة كلهم بيخدموه علشان بس يفضل يعيش

تعبك ده كتير بيتمنوه لانهم اساسا ربنا مرزقهمش بالذريه

احساسك بالتعب مع ولادك نعمه ممكن كتير يحسدوك عليها
تعبك و شقاك فى مذاكرتهم أو خروجهم او حتى تكسير البيت حد تانى يتمنى أنه يفقد كل شئ علشان بس ابنه يفهمه او يكون عنده طفل اصلا

نعم ربنا كتير و جميله حتى لو انت شايف انها تعب و شقا

ربنا ما يحرمك من تعبك مع ولادك
قول آمين


#ريهام_محمود
#مستشاره_علاقات_زوجيه_وتربويه

بين الفاصله و النقطه فرق كبير 😊

هناك ناس تجرحك وتأذيك بالكلام او التصرفات

و تغفر و تسامح و كتيرا لا تعبر عن غضبك

و تقول سيفهموا . سيعرفوا دون كلامى

و بالمعامله الجيده سيتغيرون معى

و انت تفعل ذلك بدافع الحب او الود او حتى الاحراج انك تجرحهم

المشكله ان هؤلاء البشر يزيدوا فى الأذى

و بالوقت يقتنعوا ان هذا حق مكتسب لهم

و الفاصلات النى بين موقف و موقف تزيد

فلابد تقف و نقطه و من اول السطر

تقول ان لا احب هذا الامر

انا لا استحق هذه المعامله

انا اريد ان تتعامل معايا كذا و كذا

حتى و انت تقول اجعل كلامك
انا اريد


حتى لا يكون الكلام انتقادى و هجوم عليه

لأنك لما تقول انت تفعل سيرد و انت ايضا تفعل

لانك هنا بتوضح وجهه نظرك و الطريقه التى انت تريدها فى التعامل معك

لا تقبل ان اى شخص يؤذيك بمواقف و مواقف و اذى لنفسك و حياتك

لابد تعمل وقفه و توقف من يؤذيك

يمكن فهمه انك تحب هذه الطريقه فى المعامله

فلابد من التوضيح له

لان الجهل عنده نقمه عليك و اذى ليك

صباحكم ورد ⚘

#أبنى_شخصيتى
#ريهام_محمود
#مستشاره_علاقات_زوجيه_وتربويه

الصبر ليس القدرة على الانتظار إنما هو القدرة على التعامل وقت الانتظار

*محبتكم
#مستشاره_علاقات_زوجيه_وتربويه
💍💍ا / ريهام محمود 💍💍

🎁💎قرار🎁💎

كتير بنقرر اننا نبدا من جديد لكن الخوف من المجهول و اننا داخلين على حاجه مش عارفينها بيكون السبب الاساسى اننا مش نكمل مشروع التغيير و نلف و نرجع تانى لنقطه انا عايش و خلاص قرار التغيير مش سهل و ساعات بنكون ف وضع اننا لازم ناخد القرار ده

طيب نعمل ايه

التغيير مشروع خلينا متفقين على كده
و المشروع الناجح لازم يكون له دراسه جدوى زى ما علمونا فى المدارس
يعنى ايه دراسة جدوى
يعنى حتجدى ايه من المشروع ببساطه

ايه العائد
و ايه التكاليف
و ازاى اعمل المشروع

ايه التكاليف يعنى عايزة اخس مثلا
يبقى مش حاكل🫣
مش حشرب مانجه 😭
حعمل تمارين

ازاى اخس
انى فعلا مش حاكل و احسن حاجه انى اصلا مش اشترى الاكل ما هو مش تعذيب يعنى
اروح الجيم و اقبل الكوتش القمر اللى نفسي اكون رشيقه و حيويه زيها و اعنل التمارين مش اخد ميعاد و اقول لما اجيب الترنج بتاع برشلونه

انى اصبر ع نفسي ماهو مش معقول اتخن ف سنه و اخس ف يوم و نص ساعه

انى اتابع و اجيب ميزان و اوزن مش لازم 17 مرة فى اليوم لكن 3 كفايه

علشان اوصل للجدوى

انى يكون عندى صحه و ركبي تشيلنى و ظهرى يتفرد و وجع العضم يقل حبه

ياله من انجاز

لو عايز اى حاجه تعملها لازم تحط خطه

خطه حربيه
خطه خمسيه

انت و ذوقك

بس تعمل و تنفذ

#ريهاموتوبيا
بقلمى
#ريهام_محمود

#مستشاره_علاقات_زوجيه_وتربويه

💕كلماتى بكل الحب كتبتها فضلا لا تمحى اسمى عند النقل 💕

كل الضربات التى تاتيكى
لازم تقويكى

#ريهام_محمود

💌سلسله يارب تموت(١)💌

كلمه يا رب تموت نسمعها فى كلام ناس كتير سواء صرحوا او كانت فى ملامحهم من شخص معين

نسمعها
من زوج لزوجته
من زوجه لزوجها
من ام لابنها
من ابن لامه

السبب فى قول الكلمه دى ان الشخص بيكون فاكر ان من يدعى عليه هذا هو العقبه فى طريق حريته انه بيمنعه من الاستمتاع بحياته و علشان مش يخسر كتير فهو يري ان موته هو الحل الأمثل علشان يحصل على حريته

حريته اللى حابسها الطرف الاخر ده و اللى خانقه و اللى لو اختفى من الحياه حتكون الحياه احلى و زى العسل

حريته اللى بعدها ممكن يختار ناس جديده و المرة دى حيكون اختياره صح و يعيش بقى

يتبع ...

#ريهام_محمود
#مستشاره_علاقات_زوجيه_وتربويه