من الخاص المقابلة
بالرياض


مانقصوا طولي زي ماهو ١٦٠ وسألتني وهي تقيس كم طولي قالت ١٦٠ قالت صح اللي قاست لي ع اليمين بالميزان العادي مو الكتروني / الرجال اللي قدام ميزان الكتروني وهجيت منه

طابقوا الوثيقه والهويه سألتني عندي ستيب قلت لا

دخلت بالانتظار لين عطوني ورقه ثم وجهوني لغرفة انتظار ثانيه جات وحده واخذتني للجنه ٥ دخلت بثقه سلمت بصوت واضح ردوا مبتسمين وبشوشين سألوني كيف حالي مرتين وردين الحمدلله بصوت مسموع مارتبكت

كل الاسئله سألتني اياها وحده بس وكانو بنتين ورجال

طلبت مني اعرف عن نفسي
وسألتني من الرياض او لا ، ارتبكت شوي صغيره بنهاية تعريفي عن نفسي ثم سألتني وش تعرفين عن الامن الصحي وكم مدة البرنامج وش المهارات مسؤول الامن الصحي
وش المواقف الصعب اللي تتوقعين بتواجهينها واذكري موقف صعب سألتني كيف لغتك الانجليزيه وسألتني وش معنى خطر بالانجليزي وايش معنى مساعده بالانجليزي وبس كذا

لحد يتوتر المقابله بسيطه وكانها سوالف ومره مريحين وبشوشين والامر ابسط من انكم تتوترون ، موفقين يارب 🙏🏼

تخصصي علم اجتماع وخدمه اجتماعيه

-عرفي عن نفسك؟
-وش معك دورات؟
-وش مهام الامن الصحي؟
-فيه سؤال مدري وشو حشود ومدري ايش قال تعرفينه قلت لا مدري وش قصده
-وش الاحداث الطارئه الي ممكن تصير بالمستشفى
-وش سويتي بالفتره الي جالسه فيها بعد التخرج
-سألني اذا عندي دوره اسعافات اوليه ومتى اخذتها؟
-ليش قدمتي بغض النظر عن تخصصك؟
-وهل الامن الصحي الخط الامامي ومدري ايش

بالنسبه لطول مانقصو ولا شي

الرياض-بنت

تجربتي بالمقابلة
المدينة : الرياض
تكلمي عن نفسك؟ (بالانجليزي)
ذكرتي انك اشتغلتي وين اشتغلتي؟ (بالانجليزي)
لو المريض تعبان وفيه شلل ما عندك مشكلة بالعنايه فيه مثل الاستحمام وغيره؟ (بالانجليزي)
لو صارت مشكله بينك وبين زميلتك بالعمل كيف تتصرفين؟ (عربي)
وش تعرفين عن البرنامج؟ (بالانجليزي)
وش تعرفين عن البرنامج اكاديمياً؟ (عربي)
واخر شي سألني اذا عندك اسئلة
لا تخافون يا جماعة اهم شي الثقة بالنفس والله يسعد ويوفق كل الي استفدت منهم بالقروب من اسئلة 🤍

سالوني عرفي عن نفسك واذكري الوصف الوظيفي وعشاني قلت اني ماخذه دورة مكافحة العدوى قال لي عرفي الانفكشن وايش اكثر طريقة تنقل العدوى، سالوني لو مريض طلب منك مساعدة في تبديل الملابس او الحركة ايش تسوين، كمان لو حصلت مشكلة كبيرة داخل عملك كيف راح تكون ردة فعلك، سالني عن درجتي بالستيب وبس مره كانت سهله وكانو متعاونين ❤️❤️

تو خلصت مقابله
الاسئله
عرفي بنفسك
وش سويتي بعد التخرج
وش اللي خلاك مهتمه للبرنامج
وش مهام البرنامج
وش علاقته بتخصصك
لو حصل لك فرصه تكملين دراسه او فرصه وظيفيه اخرى بتتركيننا؟
لو جاك مراجع معصب وش موقفك ؟
كيف تتعاملين مع ضغط العمل ؟

بالتوفيق للجميع

سألتني بالانقليزي
عرفي بنفسك
اش تعرفي عن البرنامج والمهام
بالعربي
اش عندك كورسات !
عندك مشكله مع المجال والظغط والبيئه وساعات عمل طويل !!
كيف ممكن ترتبين وقتك من ناحيه بيت وعمل !

اليوم بالمقابلة سألوني :
عرفي عن نفسك
اذا واجهتي صعوبات ومشاكل كيف تتصرفين
انتي متزوجة ليش اخترتي رعايه مرضى كيف توفقين بين اسرتك والعمل

أنا سألوني اليوم:
-عرفي بنفسك بالانقلش
-أيش يميزك عن غيرك
-في المستشفى ضغوطات كثيرة ومرضى مختلفين كيف تتعاملين معاهم
-قد تطوعتي بالجامعة واشتركتي بشيء ولو فيه موقف صعب مر عليك
-أيش تعرفين عن الحاسب الآلي غير مايكروسوفت اوفس

مره المقابله سهله ومريحه كانو رجال وبنت اول شي قالو تكلمي عن نفسك بالانقليزي سألني بعدين قالت تكلمي عن فني مرضى وش تعرفين عنه البرنامج وش المهام ذي سألتني عنها بالعربي قلت اتكلم عربي قالت براحتك بس افضل انقليزي
وقال لو كنتي عند مريض فيه شلل كيف تتصرفين وقالت وش تعرفين عن برامج الحاسب وقد اشتغلتي

سألوني بالإنقلش
عرفي بنفسك ،تعرفين مهام البرنامج؟ ايش هي؟ وهل تشوفين نفسك مهتمه فيها؟ ،وش تعرفين عن هالبرنامج؟ ،لو انقبلتِ فيه وش بتقدمين؟ ،ليه اخترتِ البرنامج؟
بالعربي: وش الموقف الصعب اللي واجهك بدراستك؟
مكان التدريب صراحة ماذكرها لي انا قلت الرياض وابي مناطق حول الرياض وحط لي الخرج والمجمعة

انا اليوم سويت مقابلة في ابها

سئلني عني اسمي بالعربي

جاوبته

بعدين قالي ايش تعرف عن البرنامج بالإنجليزي

وسئلني ايش الكورسات اللي اخذتها ومن اي جامعة تخرجت بالإنجليزي

بعدها سئلني هل عملت من قبل في شركة وزي كذا بالانجليزي

بعدين سئلني كم تعطي نفسك من خمسة في برامج المايكروسوفت

اخر شيء بالعربي ايش الشيء اللي يميزك

كنت في لجنة رقم ثلاثة

مقابلتي بالشرقيه
سألوني تكلمي عن نفسك
ايش الكورسات اللي اخذتيها
ايش تعرفين عن فني رعاية مرضى
ايش مهام الوظيفه
وايش اهم الصفات اللي لازم تكون بالممرض

خلصت مقابلة ابها اليوم
سألوني
عرفي عن نفسك ب الانجلش و ذكرت مع تعريف النفس الدورات الي اخذتها و المهارات.
بعدين كل شي عربي
ثاني سؤال ايش حدودك مع المريض .
و ايش المهام
و اعطينا موقف اثر فيك و غير شخصيتك
و اخر شي لاني ذكرت دورات منها الاسعافات الاولية قال لو لقيتي حادث و في اشخاص مصابين كيف تتعاملين معهم .
وبس.

مقابلتي لجنة رقم واحد(ابها)
-عرف عن نفسك(انجلش)
-عندك دورات اذكرها(انجلش)
-وبعدين حولوا عربي السؤال كان وش تعرف عن برنامج فني رعاية مرضى؟
-إيش المهام اللي ما يعملها فني رعاية؟(عربي؟
-لو جاك شخص معصب كيف تتعامل معاه؟(عربي)
-وبعدين الرجال سألني عن دوراتي ووش استفدت منها وعن خبراتي ووش استفدت منها(عربي)
-قالولي اذا عندك سؤال اسأل
سألتهم سؤالين
الاول /متى توصل رسائل القبول النهائي؟
قالوا خلال الاسبوعين الجايه
السؤال الثاني/متى البداية الفعلية للبرنامج؟
قالوا نهاية سبتمبر بداية اكتوبر إن شاءالله

توني خلصت مقابلتي في ابها ، حتى مشروع التخرج سالوني فيه وايش الخطوات الي سويتها وقالولي تحدثي عن نفسك وسالوني لو الممرض طلب منك تعطين العلاج للمريض ايش تسوين؟ ولو ان صحباتك قالو بنجيب بحث جاهز للتخرج بتاخذونه ؟ المهم كانت اسئلتهم خايسه ودخلو بالعميق 💀

بنات الحمدالله دخلت ٢
بنتين وولد اللي في النص نظراتها تعبتني طلعت تقرا لغة الجسد
قالوا تكلمي عن نفسك انقليش بعدين قالت من متى تخرجتي وش سويتي بعد التخرج اش الدورات ليه قررتي تاخذينها المهم والوصف الوظيفي بس

من اسهل المقابلات اللي مرت عليا الحمدلله
عرفي بنفسك
ايش عندك دورات
ايش اهم الدورات اللي المفروض تكون عندك
ايش تعرفي عن البرنامج
وليش قدمتي فيه

لجنه ٣ جدة